‏عليك أخاف من جرح الكلام و لوعة التدقيق
‏و أحنّك من قساي ومن قسى الايام و آوي لك 

‏لك الله ماقدرت أسلا بعدك ولا قدرت أطيق
‏تفاصيل الحياه اللي مافيها من تفاصيلك

‏طابت لك دروب العمر والمقادير
‏من حقنا لله عليك نـتشكر 🤍

من حبها كنّ ماخلق غيري على الدنيا شجاع
‏لو دربها جمرة وطتها الرجل ماحسّيتها

‏اسوق عمري في رجاها لو تعشّاني السباع
‏اهم شيء اشوف شارعها ولفّة بيتها

‏أنا لولا القصِيد اللي يسندني قبل لا أزلّ
‏تعثّر باقي العمر القصير وطحت من طولي

أبي أغفى على صوتك وأسارق وجهك المملوح
‏يا وجهٍ كل ما شفت القمر .. تطري تفاصيله

ودك ما يدخل حياتك إلا الضحوك الونيس
‏ اللي لا شفته انشرح صدرك واسفهل خاطرك

اتفيّا في ذرى منهو على الطيب متذري
‏ واتفاخر لاذكرته محزمي وانّه ذرايه

‏والله انك
‏عزيز ، وغالي ً، ومحشوم
‏إن قطعت الـوصل ولا قطعت السلام

‏لـو يموت
‏التواصل بين ليله ويوم
‏ماتموت الضماير في صدور الكرام

‏إن راح أغسطس وأنتهى حر الأجواء
‏صيف الفراق شلون . . بيروح حره؟

‏على دربك لو ان العمر يوقف تمشي الأقدام
‏الين أموت " أبيك" وغيرك من الناس ما أبيها

‏يا مرساي الأخير وذكرياتي في مدى الأعوام
‏يا ضحكة وجهي اللي تذبح أحزاني وتحيّيها

‏أشوفك ذنب يتمرجح على غصن الهوى ويميل
وأجيك التّايب المقفي عن أهل الطّيش .. وأرتكبك

‏ولا أساوم على حسن الخلق والذوق والتهذيب
‏ولو تجمح بي أفكاري بغير الخير ما أسرجهّا

‏عسى نفسي إذا لاقت من الدنيا كثير الريب
‏ما توقن غير بالمعروف والإحسان يوهجها🤍

بلغتُ من السلام مرحلةً ،
‏لا أجاري فيها شيئاً لا يشبهني

‏كل حلم فاتني بالأمس وصّل له سلامي
‏"ما على الفايت حسايف والندم قصة قديمة"

‏أدري أن الحلم لا منّي عطيته إهتمامي
‏صار حلم للجميع وصار له معنى وقيمة

‏الخساير في حياتي ما تنزّل من مقامي
‏انخلقت بقلب طير وروح ما ترضى الهزيمة.

‏سلام الله على صدري من الضيقات والاحزان
‏وضحكهٍ كنها غيمه و وجهٍ ما عليه قصور

‏قليل حظ لكني أبد ماني قليل شان
‏على كفي منابت ورد وبصدري شجر وطيور

‏ياربي ما معي الا أنت وانت القادر السلطان
‏وطبع ما يعرف الكيد والظلم وعهود الزور

‏عفى الله عن كلامٍ في حنايا الصدر ماينقال
‏تركته لـ الزمن لو هو ثقيل و جمرته حيّه

‏وعفى الله عن همومٍ ما تخلي مستريح البال
‏يعيش أيام عمره في صفا ذهن و صفا نيّه

‏وعفى الله عن هواجيسٍ توقف بي على الاطلال
‏تعيد الذكريات اللي مع الأيام منسيّه

‏عساني لابكيتك من غلا ما ابكيك من فقدان
‏ولا اعيش الحياة اللي بدونك ما اتخيّلها

‏أمانة.. لا تموت وينفتح لي للحزن بيبان
‏وانا بيبان حزني ماحدٍ غيرك يقفّلها

‏ولا غيرك يداريني ويعرف راضي او زعلان
‏ويمسح دمعتي ويلعن ثوى من هو ينزّلها.

أسج مع زحمة الناس الكثيرين
وانا وحيدٍ ما معي غير فكري

‏القهوه أنواع ماخوذه من أوصافك
‏و أنا مع كل نوعٍ . . ودي أغني

‏قهوه خفيفه خفيفه كنها دمّك
‏يا اللي لاسولفت تجلّي ضيقتي عني

‏وقهوة حلاوة عيونك من حلاوتها
‏إفضح لها كل سر فالحشا كنّي

‏وقهوة مرارة ضحى بُعدك مرارتها
‏تحمس عليك المشاعر حمسة البنّي