مثل ماهو يدري إني ما أذخر المذخور دونه
‏أدري إنه في الشدايد ما يخليني لحالي

‏معك أيقنت ان عمري نزيه و دنيتي أجمل
‏وحظوظ العمر من فرط السعه تستقبل آبوابي

‏ياوجهٍ في تفاصيله ليال العمـر ما تنمل
‏يا قلبٍ يجلي عماس الحزن ويبعـد أتعابي

‏أنا اللي يا حبيبي كل ما وجهك علي يطل
‏يعيد الصدفه الأولى وفزة دهشة اعجابي ♥️

‏متاهات الحياه اللي مداها ساري المفعول
‏تغير طبع ناس .. وناس ما تقدر .. تغيرهم

‏تحك المعدن الخافي محكٍ ماهو بمعقول
‏وتخفيهم وتظهرهم .. وتنهيهم وتامرهم

‏وانا اللي لو يغيبون الاوادم عن عيوني حول
‏ليا جوني .. لقوني كني البارح مسامرهم!

‏عَفى الله عن كلامٍ في حنايا الصدر ماينقال
‏تركته لـ الزمن لو هو ثقيل و جمرته حيّه

‏وعَفى الله عن همومٍ ما تخلي مستريح البال
‏يعيش أيام عمره في صفا ذهن وصفا نيّه

‏وعَفى الله هواجيسٍ توقف بي على الإطلال
‏تعيد الذكريات اللي مع الأيام منسيه

‏على دربك لو ان العمر يوقف تمشي الأقدام
‏الين أموت “أبيك” وغيرك من الناس ما أبيها

‏يا مرساي الأخير، وذكرياتي في مدى الأعوام
‏يا ضحكة وجهي اللي تذبح أحزاني وتحيّيها

‏يوم أنا عايفٍ فيك العوض والبدايل
‏بعتني بيعة إللي سامحٍ من حلاله

من رد بابه دونه الباب مردود
وانا على الشدات ضلعي متين .

‏انتهت ولا ابتدت معك مرحلة الحنين
‏الأكيد : إن لوعة الفقد ماجربتها

‏كثر ما فـ ادراج الأيام .. غيرك غايبين
‏ماذكرت إلا أنت من سبتها لـ سبتها

‏يوم أشوفك بين حد الشكوك من اليقين
‏فيك لا صدقت عيني ، ولا كذبتها

‏بس مدري من كلامك وش اخر كلمتين
‏عدتها مليون مره .. ولا استوعبتها

‏ما تحملْه المشاعر في الخفا تشعر به الأرواح
‏وانا احساسي ماهوب يخونني لا قال صدّقته

‏تغانمني ترى ما عاد باقي لي كثر ما راح
‏ذبل غصنٍ رطيب وجف ماه وحتّت اورقته

‏على كيفك تبي تشقى معي والا تبي ترتاح
‏أنا حلمٍ لغيرك ما تحقق في ملاحَقته

‏ترى وجيه الليالي وانت داري شاحبه وشحاح
‏كم اغتالت لها ضحكه ويا كم شمل فرّقته

‏ولا أكبر من ضياع الهقوه وقدر الكبير ان طاح
‏سوى اللي ما هقيت آفارقه يا لين فارقته

‏من يقفّي لا يرجي من وراي استعطفه بـ إلحاح
‏من يقفّي ، "يقفّي والسلامه في مرافقته"

‏على ذكرىً تزايفها الهبوب وسافية الارياح
‏سلام السامح اللي معتق جروحه ومعتقته

‏ما عاد يشوقني ضوح المزون وبرقها اللوّاح
‏لو انه باقيٍ في خاطري حلمٍ ما حققته

‏حبيبي كيف مني تستضيق وتضحك لغيري
‏وانا دموعي عليك من الحنين بكل يوم تهل

‏عسفت الصعايب لين راحت وجيه عداي
‏من الغبن يسفي فوق هاماتها السافي

‏نجاحي مكفّي عن تعب رمحي وشلفاي
‏كشف لي من الكذاب والصاحب الوافي

‏تراكيت يوم ، الناس بانت على مركاي
‏"ولا عاد به شيٍ ، مغطّى ولا عاد خافي"

‏هل الطيب والمعروف شفهم على يمناي
‏و هل الخبث و علوم الردى شفهم خلافي

‏اللي بقى من فصول الذاكره فصل اخير
‏مع خالص الود .. لأيام الغلا الاولي

‏ماودي اصارحك ، لكن خسرت الكثير
‏حتى أنت ماعاد فيك أشوف مستقبلي

‏ماني بمثلك حزين من الفراق وكسير
‏نفسي تناست هوى الماضي وقلبي خلي

‏لا تحسب اني عقب فرقاك ماني بخير
‏بخير ابشرك .. والله لا يغيّر علي

‏جابتك فرصه وحظٍ ساقه الله … للسنين
‏وفزت بك ياللي وجودك غاية القلب ومناه ❣️

‏لو حلمي بالأول مع الأيام راح
‏يقربه رب العباد . . ويجعله

‏عسى السنين اللي مضت جهد وكفاح
‏يجي عوضها . . بالليالي المقبله

توضى الحزن من دمعي واخذ له ركعتين طوال
‏ وانا الليلة توضيت المطر وأستغفر ذنوبي

‏ انا اللي كل ما طاح المطر جيته بدون الشال
‏ أبللّ فيه ناصيتي قبل « يبتلّ به » ثوبي

‏تراك الشمس لا عمّ الظلام وشانت ظروفي
‏وظل الدرب لا مال الجدار وطاحت ركونه

‏وتراك الجنب الأيمن والحليف ومزبن سيوفي
‏ وسند روحي ليا خان الزمان ودارت غبونه

‏وتراك أغلى مساييري وطيفك أكرم ضيوفي
‏ وصدري مجلسك والناس ماعادو يمرّونه

‏من شفت الأشياء تصغر يوم أهمشها
‏عرفت بـ إني هذاك اللي نضج — واجد

لو دروب مواصلك عكس الدروب المستقيمه
‏ ما تصاعبت الوصول . . ولا تكاثرت المسافة

تنويه تم إلغاء..
‏ ً "أعدي الزلّة ولا كأني أشوف"

‏ وتم تفعيل ..
‏"ما عاد الخطأ وارد ولا فيه احد مسموح
‏ تراني على ادنى شيء .. بزعل واخرّبها"

‏ «انتهت صلاحية الأعذار»