تخيرتك و لو غيرك وجوده عندي اجباري
‏اعرف ان الحياة بدون وصلك ما هي بـ حـلوة !

حكيتي ولا أدري لين مَدّ الصباح إيديه
‏وأنا من العشاء ماقلت كلمة من لساني

‏وش بخاطرك؟
‏واللي مهو بخاطرك: قوليه
‏مايبقى بنفسك شيء كان الله أحياني

‏فدى رأسك اللي يوم عفته ونفسي فيه
‏طريقٍ مهو لرضاك.. ما أجيه لو جاني

‏(قبل تطلبيني) بعت عمري وأنا شاريه
‏أجل وش بسوّي يوم قلتي (على شاني)

اللي خذته الظروف بـ قوّه وغادر
‏يشوف بـ إن الجفا هيّن ، وهو بلوه
‏َ
‏قولوا له إن عادني في حبه النادر
‏ولـ الحين لطيوفه أصنع لحظه وخلوه
‏َ
‏أخاف أبادر وهو ما وده أبادر
‏وأخاف لا يحسب إني عقبه بسلوه
‏َ
‏ولاني بقادر أجيه ، ولاني بقادر
‏أشاركه في بعض أوقاته الحلوه .

‏" انا طموحي للثقال من النوادر يالخَفيف
‏مانيب أدور عملةٍ . . ماينعرف صّرافها 🌿 "

على ماتشتهي خذني ولا تشاورني وتنقاد
‏قِدم رجليك لو مهما تودّيني ؟ أنا راضي

‏توسّدني وطن لو .. ما وسع صدرك فضاء وبلاد
‏أنا كل الدروب اللي تخلّت عنك في الماضي

حاول تخلّي جلستك عند العرب ركعة وتر
‏خفيفةٍ تقضي لزومك كل ماصليتها..

‏وحاول تخلّي كلمتك عند العرب ليلة قدر
‏كلٍ يدورها ولا يدرى متى توقيتها..

‏وحاول تخلّي كلمتك وقت العتب رشّة عطر
‏يفطن لها المخطي ولاتندم إذا رشيتها..

أحب أشيائي الصغرى محبّـة بار
‏ولا أقبل فيها لا تبديل ولا التخيير

‏وأحب السّمـا والطيـر والأزهـار
‏وصبحٍ مقتفيه الغيـم دايـم غير

‏أنيقـة فكر .. ما أتعمد الإبهـار
‏طموحي أخلّي اللي مايصير، يصير

‏عسى ربّي يحقق لي بعض الأفكار
‏وأشوف أحلامي بكفّة من التيسير

يا السعادة إشري الليلة معاي و بيعي
‏قد خذيت اللي فؤادي يفرح بـ طاريه

‏والله أنِي يوم أحط بـ عقدنا توقيعي
‏كني بـ كبد العواذل غارز ٍ شبريه

وين أنت ياوجهٍ وقفت آتحراك
‏بين الوجيه الراحلة والمقيمة

‏كن الليالي واعدتني بلقياك
‏بين البشر والا على متن غيمة

‏القلب حطك في سويداه واخفاك
‏عن عالم النسيان ضمك صميمه

‏واستبدل الدنيا الوسيعه بشباك
‏يفتح على جنة هواك وجحيمه

‏وكل المدى: لاماك /فرقاك / ذكراك
‏ويستعرض سنينه هزيمه هزيمه

كل ما أقلب في شريط الذكريات
‏تمرني " وجيه " ما ترجع أبد ؟

‏اللي خذاهّ الموت عدّاني وفات
‏واللي خذاه الوقت خلّاني و صد

‏ما عاد باقي في حياتي مغريات
‏لا غربتي توجع ولا فاقد بلد

‏بلا أمان ، ولا شعور ، ولا أمنيات
‏وحيد لكن ؟ ما انتظر رجعة أحد

كل يوم اكتشف حاجه بوجهك جديده
ظني الحسن يتزايد معك .. فالثواني

ضعت فساحه عيونك وصرت الفقيده
ودوروني أهلي بعدك ولا احدٍ لقاني

أنت سر الحياه و كل حاجه سعيده
وأنت كل الرسايل والجُمل والاغاني

يا غناة الحبيب الي يعدك رصيده
والله انك عطيه من عطايا زماني

مدري دعاء أمي أو الحظ جابك
أو خير سوّيته لشخص ونسيته

لك منزلٍ بين الرجا والتمني
ولك دعوةٍ مافارقت قلب ولسان

ادعي عساك تكون فيني ومني
عل وعسى مايملكك غيري انسان

لا ياخذك وجه الجفى غصب عني
ولايردك عن دفى صدري ازمان

انت الاماني والمنى والتمني
وانت الكمال ومايخالطك نقصان

منتي من الارض يمكن : من بقايا قمر
‏نصفك مكابر قسى ونصفك ليانة حنين

‏منتي من اللي يمر الناس وعادي يمر
‏من بين خطوه وخطوه : بينهم وردتين

‏وصرتي كبيره عمر .. ياحظ هذا العمر
‏كل ما كبرتي سنه : غارت عليك السنين

أنا حافظك لهموم الزمان وخابرك مذخور
‏وأنا لولاك - ما عدّيت لا عمري ولا أيّامي.

علموه اني له احن من أمه وابيه
‏ان درى باللي له اكن ولا مادرى

‏ان عمدني بالجفيّا وطوّل ماعليه
‏داري اني من صواديف بقعا له ذرى

‏واحدٍ يطري في صلاتي ثم اتيه
‏وابتدي به كل مطلوب في أم القرى

لا تزعّلني و تحكم عليّ إني زِعول
‏و أنت تدري . . مستحيل أزعل إلّا من بلا

‏و العذر في بعض الأحيان ما يَلقى قبول
‏في وِسع صدرِِ تحمَّل زعل لين إمتلا

‏مشكله غلطتك ما تِقبل أنصاف الحلول
‏و المصيبه لك معزّه و تقدير و غلا

شعوري معك يحتار يبدا معك من وين
‏تلوم السكوت ومن يشوفك معه عذره
‏ٰ
‏لا عمّ الشعور الصمت ناظر عيوني زين
‏كلام العيون اصدق من الصوت والنبره ..

عرضي صدرك ذعاذيع الهبايب
‏لا تخلّين الزعل يجتاح سدّه

‏حطّي لهمّك على صدري نصايب
‏ادفنيه و لا تجافين المخدّه

‏كلّ همٍ يودع ضلوعك شبايب
‏احذفي به لا لقيتي صدر قدّه

‏و ابشري بمعربٍ ماهوب غايب
‏مزبنٍ هوج العواصف ما تهدّه

ثلاثة وعشرين عام كلها كانت خريف
ما مرها فصل الربيع الا بعد دكه خطاك