‏ودي أحبه زياده ولا أدري كيف أقول
‏عقب حب صادق ، وكذّبوه وصدقوه

‏أكثر إنسانه تحبه .. ومن باب الأصول
‏أعتبر نفسي من الحب بعد أمه وأبوه

‏أتركوه لـ قلبي اللي من الحب ، معلول
‏رووحوا بـ اللي ودكم وأتركوني واتركوه .
‏ ⠀⠀⠀‌⠀⠀

تمادى بالخطا و الظلم و البهتان و أهديته
‏خروجً ما يجي عقبه رجوعٍ ولا تجماعي

بعد ما تفارقنا هذاك الفراق امنت
‏ماعاد الفرح يوقف دقيقه على بابي

‏خذتها مقادير الليالي وانا اللي كنت
‏اخاف القدر ياخذ من ايديني احبابي

‏يصبرني على ثقل الليال إنْ الأمل ما زال
‏ينسيني شقى النفس ويضوي لي متاهاتي

‏أغيب بلا سبب ! وبلا سبب يربكني الترحال
‏واعود للمكان إللي يضم أربع .. تجاهاتي

‏مع إني هادية وجه وحكي لو ضاقت الاحوال
‏يجي هذا الحزن صخب ويلازم فكرة أبياتي

‏ورغم إني لزمت الصمت منْ رهبة ليال ثقال
‏يبان البوح في رجفة يدي ويبعثر .. سكاتي

‏نهبّ هذا التعب حلمي كسر بي قيمة الآمال
‏سرق لذة تفاصيلي ، سلب حلو إبتسامتي

‏شديدة طبع لكن مرهفة قلب وطويلة بال
‏وبي صبر يتحمل حزن هالدنيا .. بـ خيباتي

ليلة البارح . . حزنها وسط صدري طال
‏وقساها مثل قسوة دمعي الجارح وغصاتي

‏بقت بالذاكرة ليلة حزينة منْ سنين طوال
‏تجي في بالي السارح ترجعني . . لعثراتي

‏فقدت أحلام عمري ليّن غصني للهبايب مال
‏وانا ماني مشتاقه " لأحد" مشتاقه لـ ذاتي

أنت من وجهة نظر قلبي و طيب ظنوني
‏غالي يستاهل أحفظ عشرته .. وأحبه🤍

تنتهي الاعوام وانته مثل ما انته
من عرفتك وانت وجهٍ ما تغيّر

وقلبي الي تمتلك كله وسكنته
في رضاتك يا بعد روحي مسيّر

والله ان العمر بسنينه ضمنته
وغير حبك فالخلايق ما تخيّر

جعل السنين الي مضت دفعه بلا
وعسى السنين المقبلة كلها خيير

سنة جديده . . من سلّم العمر
‏"يا ربَّ سخر لي سنين الرضا و أمنياتي"

أحب الماضي من عمري وأحب الجاي به أكثر
‏لأن اللي مضى يصنع .. سنينٍ مقبلة تغنّي

‏عن اللي راح من عندي على كل بابٍ أتسكّر
‏أشوف الخيرة من ربي على ما بعّده عني

‏أودع عامي وأفرح .. لأني كل ما أكبر
‏أحب اللي مضى منه وأحب الجاي به منّي

ما حسدت المطر على مكان النزول
‏لين بلّل جدايلها وهي ضاحكه

‏كانت كفوفنا ملامح من الذهول
‏مدري كفوف والا ارواح متشابكه

‏جعل غيمٍ يفرّح خاطرك ما يزول
‏وجعل كل الليالي فيك متباركه

ان لا تختفي ضحكات هذه العائلة
‏ ، آمين 🤍

أشكر أيامي على كبر الهدية
‏اثرها لا من بغت تعرف تنقى

‏جابتك من نور برقٍ شع ضيّه
‏صب غيثه بين الأضلاع و ترقى

من عطاني قدري أعطيه احترامي
‏و من تجاهلني تجاهلته و طفته

‏و من يدور قربي أعطيه اهتمامي
‏و من يقفي عني أهملته و عفته

‏و المكان اللي ينزّل من مقامي
‏تنكسر رجلي ليا جيته و حفته

تموت جروحنا ما درى عن نزفها مخلوق
‏مقابرها الصدور و عزّة النَّفس تدفنها

شي ما جا بالرضى ، ما يجي بلوي الذراع
‏لو قعدت العمر كله . . بلا أصحاب وليف

‏الهزيمة في عيـوني ، وأنا أدري إني شجـاع
‏أفضل من الفوز عندي ، وأنا أدري إني ضعيف

لا تقول الصمت ما يعكس شعور
‏البحر هادي وكم بالناس هاج

أعيش معه الحُب .. من يوم انولد :
‏طفلٍ عطاني حضنه الدافي حيـاه !

‏كنت ( ارتجيها بنت ) و الا انه ولد :
‏سيلٍ من الحنيّه .. ( اغرقني مداه ) !

‏يمر ( ريق ضلوعي العوج ) .. و ترِد :
‏من سلسبيله ( لين تروى من غلاه ) !

‏لا غاب عني لو دقيقه رحت .. الدّ :
‏من قِدمه عيون الشعور و من وراه !

‏و لا شفته بـ قلبي ( احس انـه بلد ) :
‏او قطعه مْن الجنه .. اهدتني يداه !

‏ضحكته زادتني على الدنيا .. جلد :
‏لا ضاقت .. البسها عن الضيقه عباه !

‏و لا قال ( ماما ) ما كأن غيري ولد :
‏لو في يدي وقّفت الارض وقلت ( هاه ) !

‏لبيه .. يا صوتٍ ( وسط سمعي خلد ) :
‏هشيت كل اصوات خلق الله .. سواااااااااه !

والشوق طيفٍ كل ليله .. باب قلبي طارقه

لا جاتك الزله من اللي توده
‏فكر بحفظ الود و اعرض عن الرد

‏و اذا اعتذر عن زلته لا ترده
‏بحر العلاقه دايم الجزر والمد

‏حبل المواصل بين الاقراب مده
‏ارخه ليا شدوه واليا ارتخى شد

‏و إنس الخطا حتى تدوم الموده
‏من يذكر الهفوات ما يحفظ الود .

الفقد لو مرّ الجمل خلّا الجمل مفتور حيل
‏وش عاد في قلب آدميٍ خيّب الواقع رجاه .