على كثر الوجيه الغايبة ٫ عن راسي المزحوم
‏حضر " وجهك " نيابه عن عموم وجيه غيّابي
‏ٰ
‏يعسّ بـ قاع بالي فيضة جروح . . ومناقع لوم
‏وينصب له خيام من السهر . . ويطيّر أسرابي
‏ٰ
‏خذاك الحلم من نوم العوافي لين صح النوم
‏وخذاني ليلٍ لا جيت أرقده وقف على أهدابي !

كِل وقت يمّر في جنبك . . ثواني
‏و أكثر أيامي معك كانت . . قليله
‏ٰ
‏تستحق احزن على شانك وأعاني
‏و أتعنى .. لو "مسافاتك" طويله
‏ٰ
‏و الحياة اللي أمتلت بعدك أماني
‏لو أحققها بلا . . وصلك بخيييله
‏ٰ
‏وإن خذاك العمر بـ أيامه عطاني
‏"مرحله جداً معك كانت جميله "

لو يعيد الليل شوقي ما يعيد اتعابي
‏والله اني قد سمحت من الحنين وعدّا

‏لو يداهمني توجد ذكريات مصابي
‏ما قدر يجرح شعوري من عقب ما ندّا

‏ايه انا اللي مّ يتسكر للمخاوف بابي
‏افتح ابوابي لها وارحب واتحدّا

‏ما احب اكثر هروجي واطيل اسهابي
‏الفعل قبل الهروج الفارغه يتبدّا

امر ربي من سعه وانا حسبت حسابي
‏اشتري راحه مزاجي في زمن يتردّا

‏اعشق اني هادي ومريحٍ اعصابي
‏ولا افكر في جميع الخلق فردا فردّا

‏عشت يا قلبي حديدي فاطن ومتغابي
‏اشهد ان هذا المكان اللي يناسب جدّا

لا على عيني غشاوة !.. ولا وجهي ، قناع
‏مقتنع في حجم علمي وفي حجم جهلي

‏البشر فيهم هوامش ومن سقط المتاع
‏ما لهم تأثير .. ( واضح ) على مستقبلي

‏والحياة .. ومجريات ، التلاقي والوداع
‏خضت لي فيها تجارب و جيت بْما يلي :

‏يوم فضّلت انعزالي .. على كل اجتماع
‏أسترحت .. وصارت الراحة ألزم ما علي

راضي إن الشوق يبقى والحنين يواصل
‏بعد ( حبل الله تعالى ) ما لي ألا حبلك

‏رغم معرفتي بـ شكل المرتحل والواصل
‏والظروف اللي تمسّك بك وتقطع سبلك

‏كنت اقول ان التعب مخلوف مير الحاصل
‏مالقيت اللي يشابهك .. بـ حلاك ونبلك

‏أنت في قصة حياتي كنت .. مثل الفاصل
‏صرت آعاني من بعدك وكنت آعاني قبلك

انا الجالس على حطت يدين الذاكره هاقي
يمر الوقت والعالم وانا انطرهم متى يمرون
ㅤ
انا عايش مع الماضي وانا العاشق وانا الباقي
عسى احبابي بعد ما راحوا يمرهم وله ويجون

من حقدهم في كل شيء ابتلوني
‏لو اذنبوا في ذنب صار الإثم لي

‏انا حديث افواههم لا طروني
‏كابوسهم لا اظلم الليل والضي

‏عودتهم لا من نصوني احذروني
‏هيّبتهم لين عرفوا قيمتي حي

عاد القديم من إندفاعي لك جديد
‏لو ما تعودّتك؟ .. تمنّيتك كذا

‏طوّل معاي، (إذا) مشاويرك بعيد
‏ما أقول لك طوّل غصب، أقول (إذا)

‏قلبي محطة والعمر سكة حديد
‏عطا الكثير مْن الصدف ولا خذا

‏بتروح في يوم، ويجي غيرك أكيد
‏وغيرك، يجي يوم ويروح، وهكذا

وتهبّ مـن ذكراك . . حلو الهبايب
‏ويرجع شعوري اللي معك صار مفقود
‏ٰ
‏أوجـع من إني أفقدك وأنت غايب
‏لا صار قلـبي يفقدك . . وأنت موجود !

ما جاد به دربٍ خطاويه من تِيه
‏كنّي على ساير جروحه - مفوّض

‏مَ اعتضت باللي مستحيل العوض فيه
‏حتى لوّ - إن [ المستحيل ] يْتعوّض.

على هامة الدنيا مصير الدّروب تْزِلّ
‏وأنا خطوتي متعلقة فيك وْشفوفك

‏تخافك معاليقي وأنا ما لحقني ذِلّ
‏إذا خاف قلبي؟ ما توقّيت من خوفك

‏تهادت عيونك بين دق الحكي والجِل
‏مثل ما تهادى عن عيون الشِّتاء صوفك

‏على غصنٍ تْهبّه، رياح الصِّبا؟ ما أملّ
‏أنا كيف أملّ ظلالك، ووجه معروفك؟

خبرتك رحوم ولا خبرتك عديم أحساس
‏و أثاري ما كل حاجة .. بتبقى على خبري

‏زرعت الأمل في قلبك الممتلي .. بالياس
‏و يجزعني إنك زرعت الشوك من حدري
‏
‏ماهي مشكلة الجفا وعن ما حصل لا باس
‏لكن ليه حطيت السكاكين .. في صدري

لو ان النوايا في وجيه البشر تنشاف
‏عما نور وجهي كل من شااااف نياتي

‏ولو مهل الله ماهمل قلبي الشفاف
‏يجي يوم والدنيا .. تعدّ إنتصاراتي !

‏تخافون دورات الليالي وانا ماخاف
‏تبي ترد لي معروفي و بيض وقفاتي .

عسى الله يعطيني من الواجده ثنتين
‏تغيض العدا والصاحب الصادق تسره

‏حياةٍ على عز وذكرٍ طيب مع الحيّين
‏ومماتٍ على تاريخ الأمجاد له جره .

أجيك و شايل بكفي رجاوي و أمنيه و فْواد
‏وشوقً من هويتك صار مثل الظل بدروبي

‏إذا حسيت بودادك كأني طفل بـ الاعياد
‏و إذا صار الحكي رسمي أضيق و أحسب ذنوبي

‏أنا اللي من جزيلات القصايد هايم بكل واد
‏تنادي ضيعه احساسي تجاهك رجفه أسلوبي

‏ غريبه ميلتي لك ما تعودت انحني لـ وْداد
‏ تمر عيونهم عااادي وتمر القلب محبوبي

‏عسى عينك تشوف بعيني اللي يقهر الحساد
‏و قلبك يهجر ديار القلوب و يلتفت صوبي

الصباح اللي يدفّ الليل ضوح شروقه
‏جعل شمسه ما تقفّي لين تشرح صدري

يحتاج لـ الزين هذا موكب أميري ،
‏يراقب خطاه ، ويداريه ، ويحنه
‏
‏كل الوجيه إبتسامتها عمل خيري
‏وانت إبتسامة ثغرْك تدخّل الجنه

مستوى الدلال اللي استاهله :
‏تمنّي ما تبين و لك علي اللي تبينه يصير
‏أدوّر رضاك و مالك إلاّ السَمع و الطاعة ❤️

اذا عندك أمل مثمر وعزم وباس
‏يهون الصعب قدامك ويتسخّر

‏ولا تخاف أو تزعل من كلام الناس
‏كلام الناس .. " لا يقدّم ولا يأخر "

يذكر العاشق أحبابه من أبسط سبب
‏ وأنت حتى المطر مرّك ولا ذكرك .