#Bugun_bayram

🤔 2023-yil kitobxon sifatida nimaga erishishni xohlaysiz? Eng katta tilagingiz nima?

@Factorbooks

#Yangi_kitob🤩
#Qaynoqqina_tuhfamiz🥳

📖 Hayotdagi hamma jang-u jadallar bizga biror narsani oʻrgatmoq uchun zarur. Hatto biz boy beradigan jang-u jadallar ham!

Bu janglardagi g‘alaba va mag‘lubiyatlar tufayli katta boʻlganingda qanday soxta gʻoyalarni himoya qilganingni, oʻzingni oʻzing aldaganingni yoki arzimas narsalar uchun iztirob chekkaningni anglab olasan.

Agar sen yaxshi sarboz boʻlib yetishsang, bunday xatolar uchun oʻzingni aybdor hisoblamaysan, lekin ularning takrorlanishiga ham yoʻl qoʻymaysan!

👉 Chegirma narxda (dastlabki 50 ta kitob 33 ooo so‘m) xarid qilish 👈

Shoshiling, hozir yangi asarni o‘qib chiqishning ayni vaqti!

@Factor_books — eng yaxshilari! ❤️

#izoh 😌

"Ko‘rinmas ayollar" kitobi haqida

"Factor focus" loyihasining ilk kitobi – Kriado Kerolayn Peresning "Ko‘rinmas ayollar" nasib bo‘lsa, yil boshida kitobxonlarga tuhfa etiladi.

Buni butun jamoamiz, kitob ijodkorlari (tarjimon, taqrizchilar) hamda kitobxonlar intiqlik bilan kutmoqdamiz. Kitob hammaga manzur bo‘lishi, haqiqiy holatga yuz tutishi shubhasiz.

Mazkur kitob umumiy 432 sahifadan iborat, uch nafar taqrizchi, tarjimon, muharrir hamda mening ham kitobga berilgan bahoyimiz, fikrimiz ham aks etgan.

Kitob ustida qariyb bir yildan ortiqroq vaqt mehnat qilindi. Mualliflik huquqini olgach, nashrga tayyorlashda kitob mualliflari bilan bamaslahat ish olib borildi.

Qattiq muqovada, eng yaxshi bosmaxonada chop etilayotgan kitobning tannarxi ham tabiiyki, nashriyotning boshqa kitoblariga nisbatan qimmatroq bo‘lishi kutilmoqda.

Muhimi, loyiha uchun chiroyli boshlanish, nafaqat kitobxonlarga foydali adabiyot ulashish, balki bu bilan qator muammolarimizga yechim topish asosiy maqsadlarimizdan biri.

​​​​#Mutolaa

— Men shunchalar telbaman, Alixon! Sening keng koʻchalar va yashil oʻtloqlarni sevishingni, muhabbatni mendan-da chuqurroq anglashingni, Osiyo shaharlarining devorlarida oʻralashmasligingni istayman. Oʻn yildan keyin mutlaqo oʻzgarib, loʻttiboz, ikkiyuzlamachi boʻlishingdan qoʻrqaman, bir kun tongda uygʻonib: “Nino, sen shunchaki soyasan!”, deyishingdan doimo xavotir olaman. Javob ber: nima sababdan meni sevasan?

— Seni nima uchun sevardim, Nino? Qanday boʻlsang, shundayliging uchun, ovozingni, iforingni, taftingni sevaman. Yana qanday ishontiray? Boringni sevaman. Sevgi — bir xil boʻladi: xoh Gruziyada, xoh Eronda, xohi boshqa yerda boʻlsin...

©Qurbon Said,
“Ali va Nino” asaridan

@Factorbooks — yaxshi kitob hamisha hamrohingiz bo‘lsin!❤️

#sarhisob
#yil_etirofi

Kattalar uchun yozilgan eng yaxshi bolalar adabiyoti!

📚 Nashriyotimiz faoliyatini boshlaganiga endi 1 yildan oshdi. Qisqa fursat ichida 30 xildan ziyod, turli mavzu hamda yo‘nalishlardagi adabiyotlarni kitobxonlarga taqdim etdik.

😇 Quvonarlisi, o‘tayotgan yilda kamtarona mehnatlarimiz hukumat va yuqori doira vakillari nazariga tushib, munosib rag‘batlantirildi.

🥹 Jumladan, “Bolalar va yoshlar uchun eng yaxshi kitob” tanlovida braziliyalik yozuvchi Joze Mauro de Vaskonselosning “Azizim, po‘rtaxol” asari “Eng yaxshi tarjima” nominatsiyasiga loyiq deb topildi.

❗️ Bu kimlargadir arzimas bo‘lib tuyular, ammo biz uchun mukofotlarni qo‘ya turing, Siz kitobxonlarning ham har bir fikri muhim, e’tiborimiz markazida. Hech biringizga befarq emasmiz!

@Factor_books — kitobxonlar tomondamiz! ❤️

Yaxshi yil bo‘lib kelgin, yangi yil!

Mana umrimizning yana bir yili poyoniga yetmoqda. Bu kunlarga yetmoqlik kimlargadir nasib qildi, kimlargadir yoʻq...

Shu bir yil ichida koʻngil koshonamizga qanchadan-qancha aziz-u muhtaram hazrati insonlar qadam ranjida qildi. Zehniyatimiz ne-ne adabiyotlar bilan boyidi, ilmimizga ilm qo‘shildi. Endi hammasi — tarix!

Yangi yilda o‘tgan yildagidan ham ziyoda omad va zafarlar yor bo‘lishini tilaymiz. Hech qachon harakatdan, mutolaadan to‘xtamang!

Baxt, sogʻlik, boylik, tinchlik-xotirjamlik, quvonch va muvaffaqiyat yil davomida hamrohingiz bo‘lsin. Yangi yilingiz bilan!

Hurmat ila,

@Factor_books — kitobxonlar tomondamiz! ❤️

#mutolaa_uchun_tavsiya №:1

Mikoil Ahmad Smit: “Qalb va idrok uygʻunligi (Paygʻambar alayhissalomning axloqiy va hissiy idroki)”

Shayx Mikoil Ahmad Smitning ushbu kitobida idrok, hissiyotlar boshqaruvi va axloq mavzulariga noodatiy yondashuv asosida ularning zamonaviy shaxs hayotidagi ahamiyati toʻgʻrisida mulohaza yuritiladi.

Kitobda Paygʻambarimiz Muhammad (s.a.v)ning ibratli siyratlari misolida idrokning mukammal modeli – ilohiy xabardan suv ichgan aqlning hissiyotlarni boshqarishi, sobit axloqni hosil qilish, oʻzgalarni toʻgʻri yoʻlga solish boʻyicha sodda va tushunarli tavsiyalar keltiriladi.

@katarsis_kundalik

#Fikringiz_muhim

❓ Sergey Yeseninning “Bezorining ko‘ngil izhori” she’riy to‘plamini O‘zbekiston xalq shoiri, O‘zbekiston Qahramoni, suyukli shoirimiz Erkin Vohidov tarjimasida chop etsak, o‘qirmidingiz?

@Factorbooks

#balki_sizni_izlayapmiz ☺️👌

Kitobni,
Nashriyotni,
SMMni yaxshi ko‘rasizmi?

Hozir hammaning xayolida, ko‘nglida katta-katta maqsadlar, rejalar bo‘lsa kerak. Chunki yilni avvalgilaridan foydali, natijalarga boy o‘tkazish judayam muhim.

Nashriyot SMM mutaxassisi, o‘z ishining – Abdulaziz Ahmedovni hozirgidan-da katta marralar kutib turibdi, tabriklaymiz🥳

Shu sabab, endi nashriyotdagi mazkur vazifa uchun munosib nomzod izlayapmiz.

Professional bo‘lishi shart emas, kreativ, savodxonligi yuqori, kitobni, nashriyotni sevadigan, offlayn tarzda jamoa bilan ishlashga vaqti (to‘liq shtatda) va ishtiyoqi bor yoshlardan birini sinab, safimizga qo‘shmoqchimiz.

Nashriyotning barcha xodimlari unga imkoni qadar tavsiyalari, yordamini ayamaydi. Biz bilan o‘sish, rivojlanish oson.

Shu paytgacha yil davomida Abdulaziz yaratgan chiroyli kontent, faol va haqiqiy kitobxonlarni yig‘a olgan auditoriyamiz bunga yaqqol misol bo‘la oladi.

🤗🎈 Sizni ushbu taklifimiz qiziqtirgan bo‘lsa va har bir kutilayotgan talabga mosman, deb o‘ylasangiz @Factorbooks_tanlov da murojaatingizni kutamiz!

📚❤️ @noshirqizdaftari – Kitob bilan yaxshiliklar ulashamiz!

Kitob o‘qimayapmizmi, orqaga ketyapmiz!

O‘tkan yilgi kitobini bu yil yangilaganlar, qo‘l ko‘tarsin. Eski telefoningiz ustiga necha so‘m qo‘shdingiz, 200-300-400-500$... eskisidan yaxshirog‘ini xarid qildingiz a? O‘sha 500$ ning 100$ dollariga kitob olganlar, qo‘l ko‘tarib qo‘yinglarchi endi...

P.s. 2022-yil ham ko‘ch-ko‘ronini yig‘ishtirmoqda. IKAR olganlar, izohlarda bir qo‘l ko‘tarib qo‘ysin-chi? Siz-chi, yangi yilga yangi kitob bilan o‘tmaysizmi? Atigi 259 ming so‘m, nahotki eng sara o‘zbek adabiyoti bu pulga arzimasa?...

Telegram | Facebook | Instagram

​​#Parcha

BONUNING MAKTUBI

Shoshmang, kulmang, hukm chiqarmay turing! Koʻnglingizga ogʻir botmasin-u, Sizdan koʻra mashhurroq va isteʼdodliroq adiblar koʻp, ular orasida hamsuhbat boʻlganlarim, dastxat olganlarim, birga suratga tushganlarim ham bor. Feysbukda kunda-shunda qalamkashlar bilan doʻstlik rishtalarini bogʻlab, oʻzimni millat oydinlari safida yurgandek sanagan paytlarim ham boʻlgan...

Ayniqsa, muhit taqozosiga koʻra yurtdan ayro tushib, dilimni sogʻinch iztirobi ezgan vaqtlarda bu tezkor vosita jonimga ora kirgani ham rost. Ammo keyinchalik, baʼzi sabablarga koʻra, “havoyi” munosabatlarni uzil-kesil uzib-kesishga ahd qildim. Buning sababini keyincha aytarman.

Sizni “tanlaganim”ga kelsak, dastlabki kitobchangiz bizning yangilikka oʻch sinfdoshlar “chigʻirigʻi”dan oʻtgani, bizga oshno ayrim qoʻshiqlarning muallifi Siz boʻlib chiqqaningizdir, ehtimol. Yana, dilyaqinlik uygʻonishiga sabab, qon-qonimizga singib ketgan yurtdoshlik tuygʻusi boʻlishi ham mumkin. “Har kim oʻz koʻmochiga qoʻr tortadi”, deymiz-ku.

Menga suhbatdosh kerak. Yanayam toʻgʻrirogʻi, meni tinglay oladigan, dardlarimni his qiladigan, uni baholab biladigan... va nihoyat, maslahat beradigan Inson zarur, xolos. Nazarimda, Siz shunday odamsiz!

Bilaman, bosh ogʻrigʻiga sabab boʻladigan masalalarni qalashtirib tashlaydigan tanish-u notanishlaringiz keragidan koʻp. Vaqtingiz ham juda tigʻiz boʻlsa kerak – mening qoʻngʻiroqlarimga javob qilmadingiz. Mana, telegram orqali xat yozishga majbur boʻldim.

Bir hisobda shunisi yaxshi: yozayotgan odam maqbul soʻz qidiradi, fikrini chiroyliroq ifodalashga urinadi, kechmishini tahlil qiladi, qolaversa, suhbatda ayta olmaydiganlarini xatda bemalol ifodalash imkoni yaraladi – bu juda soz!

Agar hamsuhbat boʻlishga rozilik bersangiz, koʻrgan-kechirganlarimni bir doʻstdek, bir singildek toʻkib solmoqchiman. Muddaoni suhbatimiz poyonida aytaman...

©Iqbol Mirzo,
“Bonu” romanidan

@Factorbooks — yaxshi kitob hamisha hamrohingiz bo‘lsin!❤️

#Yangi_kitob
#Tez_kunda

“Zirapcha qiz”

Ukraina mumtoz adabiyotining atoqli vakili Grigoriy Fyodorovich Kvitka-Osnovyanenko ijodi oʻzbek kitobxoniga koʻp ham tanish emas.

Yaqin kunlarda nashr etilayotgan “Zirapcha qiz” qissasi esa aynan ukrain xalqiga aloqador ustoz ijodkor, mahoratli tarjimon Qodir Mirmuhammedov tomonidan oʻzbekchalashtirilgan.

Kuting, hademay asar haqida taqriz ham e’lon qilamiz. Ukrain adabiyoti sizga qiziqmi?

@Factorbooks – eng yangilari!❤️

#Mutolaa_uchun_tavsiya №: 2

Квитка-Основяненко украинларнинг машҳур ёзувчиларидан. Муаллифнинг «Зирапча қиз» асарини украинлар орасида бир муддат яшаб, турмуш тарзини яхши ўрганган устоз таржимон Қодир Мирмуҳаммедов таржима қилган.

Парчани ўқиб кўринг. Ниманидир эслатяптими? Демак, катта иллатлардан бири бизнинг жамиятга ҳам бегона эмас.

***
– Ижозатингиз билан, муҳтарам афандим, сизга ўз арзимни айтсам, – деди Ивга.
– Қандай арз? – деб сўради судья юришдан тўхтаб.
– Отамнинг, – деди Ивга, – асранди ўғли бор эди, Левко деган. Отам ҳам, акам ҳам уни ўлгудай ёмон кўришарди, бора-бора уни шу кўйга солишдики, у ўз бошига бало орттириб, отамнинг сандиғидан пул ўғирлабди. Ўтиниб сўрайман сиздан, буюринг, уни сўроқ қилишсин, кейин, майли, билганингизни қилинг...
– Отанг қаерда? – деб сўради судья виқор билан.
– Отам ўз уйида, қишлоқда.
– Қандай сўроқ қиламиз уни, уйда бўлса?
– Йўқ, отамнимас, Левкони сўроқ қилинг.
– Ўзи, сенинг отанг Левкоми?
– Ҳа, йўқ. Левко асранди ўғил, отам – бу отам.
– Ахир Левконинг пули ўғирланган-ку, нима қиламиз уни сўроққа тутиб?
– Ҳа, йўқ. Отамнинг пулини Левко ё ўғирлаган, ё бегуноҳ ўтирибди қамоқхонада. Мен уни кўрдим, менга айтдики, ҳали уни сўроқ қилишмаганмиш.
– Нима, энди сени қамоқдан чиқариб юборишдими?
– Вой, йўқ. Мен қамоқда ўтирганим йўқ, Левко ўтирибди. Сиз ундан сўраб кўринг, нега олганикин отамнинг пулини?
– Бу қанақаси? Қамоқхонада пули ўғирланган отанг ўтирибдими?
– Йў-ўқ. Қамоқда ўтирган отаммас, Левко.
– Шунақа дегин, энди тушундим. Отасининг ўрнига ўғли қамоққа тушибди – ўз ихтиёри биланми?
– Ҳа, йўқ – вой, нега тушунмайсиз? Ўғлимас, асранди ўғли.
– Боядан бери жаврайсан, бундоқ тушунтириброқ гапирмайсан. Демак, отанг билан унинг асранди ўғли сенинг пулингни ўғирлашган, шундайми?
– Йўқ. Рухсат этинг, сизга бир бошдан сўзлаб берай, – деб Ивга ҳамма бўлган гапни аниқ ва батафсил ҳикоя қилди – худди қоғозга ёзилгандай. Судья бўлса, нуқул бош ирғаганча: “Яхши, яхши, тушундим, билдим”, – дерди. Кейин бирдан алмойи-алжойи гап бошлади:
– Мана бу бошқа масала. Гапларингга энди тушундим. Мендан нима сўраётганингни биласанми? Мумкин бўлмаган нарсани. Сен акангни қамоқдан озод қилиб, ўрнига Левкони қамашимизни сўраяпсан. Йўқ, йўқ, тасаддуқ, бундай қилиб бўлмайди. Ким айб қилган бўлса, ўзи жазосини тортсин. Мен ноҳақ ишга қўл уролмайман.
– Вой, йўқ ахир! – гап тушунтираверишдан силласи қуриган Ивга бақириб юбораёзди. – Сиз Левкони сўроқ қилинг. Айбдор Левко...
– Яна Левкони айбдор деяпсан. Каллам ўнта бўлгандаям гапингга тушунишим қийин. Бор, кет уйингга. Қулоғимнинг тагида жаврайвериб бошимни қотириб юбординг. Гапларингнинг ҳаммаси телба-тескари. Мени ёлғон гапингга ишонтиролмайсан. Ҳаммасини кўриб турибман. Бор, бор уйингга. Нима қилишни ўзим биламан.
– Вой, бу қандоқ кўргилик – судья ҳам шунақа ғалча бўладими? – дерди Ивга йиғлаб уйга қайтаркан. – Биттагина гапимгаям тушунмаса-я! Шўрим қурсин менинг!

@katarsis_kundalik

Anomal sovuq kirib kelishi, qishki ta’til uzaytirilishi...

😇 Kitob o‘qish va taqriz yozish uchun eng qulay vaqt, bizningcha. Tanlovda qatnashyapsizmi?

@Factorbooks

🙃 Baribir bekor o‘tiribsizlar...

👨‍💻 “Factor books” nashriyotining ijtimoiy tarmoqlardagi sahifalariga a’zo bo‘lsangiz, bizni yaqinlaringizga tavsiya qilsangiz, zarar qilmaydi! 🙂

🔹Telegramda
1. “Factor books” nashriyoti rasmiy kanali
2. “Factor books” kitob do‘koni
3. “Ikar” loyihasining rasmiy kanali

🔹 Feysbukda
1. “Factor books” nashriyoti sahifasi
2. “Kitob va biz” guruhi
3. “Factor books” profili
4. “Ikar” loyihasi sahifasi

🔹 Instagramda
1. “Factor books” nashriyoti sahifasi
2. “Ikar” loyihasi sahifasi

🔹 YouTube’da
1. “Factor books” rasmiy kanali

🔹 Twitter’da
1. “Factor books” sahifasi
2. “Ikar” loyihasi sahifasi

🔹 Umumiy havolalar
1. Nashriyot ijtimoiy tarmoqlariga
2. “Ikar” loyihasi sahifalariga

🙃 Doʻstlaringizga ham yuborishni unutmang!

😉 Yangiliklardan birinchilar qatorida bahramand bo‘lish uchun barcha ijtimoiy tarmoqlarimizga ulanib qoʻying!

P.s. Bizni qaysi ijtimoiy tarmoqlar orqali kuzatasiz?

@Factor_books – har doim birgamiz! ❤️

#Mutolaa

🤲 Duolar faqat bizni qamrab oladigan darajada kichik ta’sirga ega, deb o‘ylash eng katta xatodir. Eng go‘zal duo boshqalarni ham o‘z ichiga olgan duodir. Bunday duolar tezroq qabul bo‘ladi. Alloh taolo bunday duolarni qabul qiladi...

©Bilol Jivalek,
“Dard etma, sabr et” kitobidan

@Factorbooks – eng yaxshilari! ❤️