Ғазо шаҳрининг Ат-Тож маҳалласидаги қатлиомга 3 йил тўлди.

Исроилнинг 20 та оғир бомбали ҳужуми оқибатида 7 та турар жой биноси вайрон бўлиб, бутун бошли оилалар харобалар остида қолган эди.

Ҳужум натижасида юзлаб фаластинлик шаҳид бўлди ва жароҳатланди, ўнлаб инсонлар бедарак йўқолди.

Орадан уч йил ўтган бўлса-да, бу фожианинг оғриғи ҳамон тингани йўқ. Вайроналар остидан қурбонларнинг қолдиқларини топиш ва олиб чиқиш ишлари ҳануз давом этмоқда.

https://t.me/FaIastin

Истанбулда Исроилни қўллаб-қувватлагани сабабли Максим Галкиннинг концерти бекор қилинди.

Россиялик шоумен Максим Галкиннинг 25 октябрь куни Istanbul Congress Center марказида ўтказилиши режалаштирилган концерти шаҳар маъмурияти томонидан тадбирга бир кун қолганда расман бекор қилингани хабар қилинмоқда.
Бу қарор Туркия фуқаролари ва жамоат ташкилотларининг оммавий норозилиги ортидан қабул қилинган. Фаоллар мамлакат Ички ишлар вазирлиги, Маданият вазирлиги ва Истанбул волийлигидан концертни тақиқлаш ҳамда артистнинг Туркияга киришига рухсат бермасликни талаб қилган.

Бойкотга Галкиннинг Исроилнинг Ғазо секторидаги ҳарбий ҳаракатларини очиқ қўллаб-қувватлагани сабаб бўлган.
Фаоллар унинг 2023 йил кузида «Исроил ғалаба қозонади!» деган шиорларини, 2024 йил июнь ойида Нусайрат қочқинлар лагерида ўтказилган ҳарбий амалиётдан сўнг «Исроил, мен сен билан фахрланаман!» деган сўзларини эслатган.

Шунингдек, Галкиннинг Ғазодаги гуманитар фожиа ва очарчилик кўламини шубҳа остига олган баёнотлари ҳам норозиликларга сабаб бўлгани айтилмоқда.

https://t.me/FaIastin

«Машшоқчи ва масхарабозларнинг қарашларини сиёсийлаштирманг!» дейдиганлар, аввало, зулмга кўз юмиш билан бетарафлик ўртасидаги фарқни англаб олишсин!

Қуллик ва хорлик эвазига сотиб олинган (тинч ҳаёт) сохта осойишталикка кўникиб қолганлар сиёсат деганда фақат давлат, ҳокимият ва унинг бошқарувини тушунишади.

Улар учун халқларнинг ҳақ-ҳуқуқи поймол қилиниши, бегуноҳ инсонларнинг азоб-уқубатлари ва бутун бошли миллатларнинг эркинликдан маҳрум этилиши гўё сиёсатга алоқаси бўлмаган воқеалардир.

Аммо бир санъаткор зулмни оқлаб, уни очиқ қўллаб-қувватласа, буни «шахсий қараш» деб ҳимоя қилиш — иккиюзламачилик эмасми?!

Сиёсат фақат давлатни бошқариш эмас. У халқларнинг тақдири, адолат ва зулм ўртасидаги танловга ҳам дахлдор.

Зулмни оқлашга «фикр эркинлиги», унга қарши норозиликка эса «сиёсийлаштириш» деб ном қўйиш — икки хил стандартнинг энг яққол кўринишидир!

Энг ачинарлиси, айримлар учун адолат эмас, ўзларининг осойишта ҳаёти бузилмаслиги муҳимроқ бўлиб қолган!

https://t.me/FaIastin

Исроил аскари фаластинликларни ўз ватанидан ҳайдаб, араб мамлакатларига кўчиришга чақирди.

Ҳарбий назорат-ўтказиш пунктларидан бирида Исроил босқинчи кучлари аскари ва Швеция радиоси мухбири ўртасидаги суҳбатда аскар фаластинликларни араб давлатларига мажбуран кўчириш кераклигини билдирди.
У ўз даъвосини диний қарашлар билан оқлашга уриниб, «Аллоҳ Исроил ерини яҳудийларга берган», дея таъкидлади.

Исроил аскари мазкур даъвони Фаластин ерлари устидан назорат ўрнатиш ва фаластинликларни ўз юртидан ҳайдаб чиқаришни оқлаш учун асос сифатида келтирди.

https://t.me/FaIastin

Исроил аёл аскари Ғарбий Соҳилдаги Халил шаҳрида журналистлар ва аҳолини қамал қилинган ҳудуддан узоқлашишга мажбурлади.

Ғарбий Соҳилдаги Халил шаҳрининг қамал остидаги Ал-Жалда ҳудудида Исроил босқинчи кучларига мансуб аёл аскар журналистлар ва маҳаллий аҳолидан ҳудудни тарк этишни талаб қилгани видеога олинди.

Айни пайтда Исроил босқинчи кучларининг ҳудудга бостириб кириш амалиёти давом этмоқда ва қўшимча ҳарбий кучлар ҳамда техникалар олиб келинмоқда.

https://t.me/FaIastin

Ғарбий Соҳилдаги Исроил ҳарбий назорат пунктида турган аскарлардан бири АҚШнинг Мичиган штатидан келганини маълум қилди.

Ғарбий Соҳилда Исроил босқинчи кучларининг хатти-ҳаракатларини ҳужжатлаштириб келаётган хорижлик фаол Жейми Бландито ҳарбий назорат пунктларидан бирида аскарлар билан бўлган суҳбатини видеога олди.

Суҳбат давомида аскарлардан бири ўзининг АҚШнинг Мичиган штатидан келганини очиқ айтади.

Фаол эса ушбу лавҳа орқали фаластинликлар Исроил ҳарбий назорат пунктларида ҳар куни дуч келаётган қаттиқ чекловлар, тазйиқлар ва камситувчи муносабатларга эътибор қаратди.

https://t.me/FaIastin

Америкалик яҳудий кўчманчи аёл фаластинликларни Ғазодан қувиб чиқаришга чақириб, уларни ўлдириш билан таҳдид қилди.

Ўта ўнгчи сиёсатчи 🐶эмар Бен-Гвир тарафдорларининг митинги олдида америкалик-исроиллик ёш яҳудий кўчманчи аёл билан ўтказилган суҳбатда у фаластинликларни Ғазо секторидан мажбуран кўчириш кераклигини очиқ билдирди.

Ундан фаластинликлар қаерга кетиши кераклиги сўралганда, «Иордания, Ливан ва Суриядан ташқари исталган араб давлатига кетишсин, чунки бу ерлар бизники», дея жавоб берди.

Суҳбат охирида эса у «Ёки биз уларни ўлдирамиз», деб очиқдан-очиқ таҳдид қилди.

https://t.me/FaIastin

Исроил босқинчи кучларининг Ғарбий Соҳилдаги фаластинликлар уйига бостириб кириши видеога олинди.

Ғарбий Соҳил жанубидаги Халил шаҳрига қарашли Дура ҳудудининг Дайр Сомит қишлоғида Исроил босқинчи кучлари фаластинликлар хонадонига бостириб кирди.

Уй эгалари босқин давомида юз берган воқеаларни ўз телефонларига тасвирга олишди.

https://t.me/FaIastin

Исроил босқинчи кучлари Ғарбий Соҳилда фаластинлик йигитни қўлга олиб, унга нисбатан зўравонлик ишлатди.

Ғарбий Соҳилдаги Рамаллоҳ шаҳри шимолида жойлашган Синжил шаҳарчасида Исроил босқинчи кучлари фаластинлик йигитни ушлаб, унга нисбатан қўпол муомала ва зўравонлик қилгани тасвирга олинди.

Ҳудуддан келаётган хабарларда Исроил босқинчи кучлари Ғарбий Соҳилнинг турли қишлоқ ва шаҳарчаларида фаластинлик аҳолига нисбатан ҳар куни ҳужумлар, тазйиқлар ва чекловларни давом эттираётгани қайд этилмоқда.

https://t.me/FaIastin

Ғазодаги очарчиликни сукут сақлаб кузатаётганлар!

Эй, Ғазо аҳолисининг очликдан азоб чекаётганини жим кузатиб турганлар!

Мазлумларга ёрдам беришга қодир бўла туриб, уларни ёлғиз ташлаб қўйганингиз учун бир кун келиб сўроққа тутилишдан қўрқмайсизми?!

Шундай кун келадики, унда сукутингизни оқлаш учун келтирган ҳеч бир баҳонангиз наф бермайди.

Унутиш ҳам аччиқ ҳақиқатни ўчира олмайди:
Ғазо аҳли оч қолди. Бутун дунё буни кўриб турди. Аммо кўпчилик уларни ёрдамсиз қолдирди!

https://t.me/FaIastin