Mashg'ulotlarda qiyin bo'lsa yong’inlarni bartaraf etishda oson bo'ladi.

Bugungi kunda shaxsiy tarkibning jangovar shayligini oshirish maqsadida, viloyatimizning barcha qutqaruv qismlarida nafas olishga yaroqsiz va murakkab sharoitlarda jangovar vazifalarni bajarish va
jabrlanganlarga yordam ko'rsatish bo'yicha mashg'ulotlar o'tkazib kelinmoqda.

Farg'ona viloyati FVB "FNQIZ" MChJ OFVB 25-qutqaruv qismi xodimlari tomonidan garnizondagi nafas olish a'zolarini himoya qilish apparatlariga biriktirilgan shaxsiy tarkib bilan shu kabi amaliy mashg‘ulotlar muntazam ravishda o'tkazilib kelinmoqda.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram

Quva tumanida kuz-qish mavsumiga tayyorgarlik ishlari olib borilmoqda

Quva tumani Favqulodda vaziyatlar bo‘limi xodimlari tomonidan kuz-qish mavsumini betalafot o‘tkazish, aholi xonadonlari va ijtimoiy soha obyektlarida yong‘in hamda boshqa favqulodda vaziyatlarning oldini olishga qaratilgan profilaktik tadbirlar olib borilmoqda.

Tadbirlar davomida fuqarolarga isitish moslamalaridan to‘g‘ri foydalanish, gaz va elektr jihozlarining sozligiga e’tibor qaratish, mo‘ri va tutun yo‘llarini o‘z vaqtida tozalash, shuningdek, is gazidan zaharlanish hamda yong‘in xavfining oldini olish yuzasidan tushuntirishlar berilmoqda.

Shuningdek, aholi o‘rtasida xavfsizlik qoidalariga qat’iy rioya qilish va yuzaga kelishi mumkin bo‘lgan favqulodda vaziyatlarning oldini olish bo‘yicha targ‘ibot ishlari davom ettirilmoqda.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram

Farg‘ona shahrida “Zilzila haftaligi” doirasida profilaktik tadbir o‘tkazildi

Farg‘ona shahar Favqulodda vaziyatlar bo‘limi xodimlari tomonidan shahar hududida joylashgan Qurilish nazorat inspeksiyasi boshqarmasida “Zilzila haftaligi” munosabati bilan profilaktik tadbir tashkil etildi.

Tadbir davomida xodimlarga zilzila sodir bo‘lganda to‘g‘ri harakatlanish, vahimaga berilmaslik, xavfsiz joylarni aniqlash hamda favqulodda vaziyatlarda belgilangan xavfsizlik qoidalariga rioya etish yuzasidan tushuntirishlar berildi.

Shuningdek, zilzila oqibatida yuzaga kelishi mumkin bo‘lgan xavf-xatarlarning oldini olish va favqulodda vaziyatlarda to‘g‘ri harakat qilish ko‘nikmalarini shakllantirishga alohida e’tibor qaratildi.

🔰 Farg'ona viloyati Favqulodda vaziyatlar boshqarmasi Axborot xizmati

🌐Veb-sayt 📹Facebook 📹Youtube 📹 Instagram