Farg‘ona viloyati Favqulodda vaziyatlar boshqarmasi boshlig‘i o‘rinbosari podpolkovnik A.Yunusov tomonidan Marg‘ilon shahridagi ko‘p qavatli uylarda o‘tkaziladigan profilaktik tadbirlar oldidan shaxsiy tarkib ishtirokida yo‘riqnoma o‘tkazildi.

Tadbirlarga hamkor tashkilotlar xodimlari ham jalb etildi. Yo‘riqnoma davomida xodimlarga fuqarolarga gaz va elektr jihozlaridan xavfsiz foydalanish, isitish pechlari dudburonlarini o‘z vaqtida tozalash hamda yong‘inlar, gaz havo aralashmasining chaqnashi va is gazidan zaharlanishning oldini olish bo‘yicha tushuntirish ishlarini olib borish vazifalari belgilanib, xonadonbay profilaktik tadbirlar o'tkazildi.

Shuningdek, qurilish obyekti va ishlab chiqarish korxonasida ishchi xodimlar bilan yong‘inlarni oldini olish, zilzila vaqtida to'g'ri harakatlanish tartibi yuzasidan yo'riqnoma o‘tkazildi.

🔰 Farg'ona viloyati Favqulodda vaziyatlar boshqarmasi Axborot xizmati

Qo‘shtepa tumani FVB xodimlari tomonidan “Sohibkor” MFY hududidagi ko‘p qavatli uylar va aholi xonadonlarida kuz-qish mavsumini xavfsiz o‘tkazishga qaratilgan profilaktik tadbirlar amalga oshirilmoqda.
Tadbirlar davomida fuqarolarga isitish moslamalaridan xavfsiz foydalanish, nosoz va qo‘lbola qurilmalardan foydalanmaslik, yong‘inlar, gaz va havo aralashmasining chaqnashi hamda is gazidan zaharlanishning oldini olish yuzasidan tushuntirishlar berilmoqda.
Xonadonlarning yong‘in xavfsizligi holati ko‘zdan kechirilib, aniqlangan kamchiliklarni bartaraf etish bo‘yicha tegishli ko‘rsatmalar berilmoqda.

🔰 Farg'ona viloyati Favqulodda vaziyatlar boshqarmasi Axborot xizmati