Bag‘dod tumani Favqulodda vaziyatlar bo‘limi xodimlari tomonidan aholi xonadonlarida kuz-qish mavsumini xavfsiz o‘tkazish hamda is gazidan zaharlanishning oldini olish maqsadida profilaktik tadbirlar olib borilmoqda.
Tadbirlar davomida fuqarolarga isitish pechlaridan xavfsiz foydalanish, gaz va elektr jihozlarining sozligini nazorat qilish, mo‘ri va tutun yo‘llarini o‘z vaqtida tozalash hamda xonalarni muntazam shamollatish yuzasidan tushuntirishlar berilmoqda.
Shuningdek, gaz sizib chiqishi va is gazidan zaharlanish xavfining oldini olish, isitish moslamalarini nazoratsiz qoldirmaslik hamda yong‘in xavfsizligi qoidalariga qat’iy rioya qilish zarurligi alohida ta’kidlanmoqda.

🔰 Farg'ona viloyati Favqulodda vaziyatlar boshqarmasi Axborot xizmati

Marg‘ilon shahar Favqulodda vaziyatlar bo‘limi xodimlari tomonidan umumta’lim maktablari hamda harbiy qismlarda “Aholini zilzilaga tayyorlash haftaligi” doirasida seminarlar tashkil etildi.

Seminarlar davomida ishtirokchilarga zilzila vaqtida va undan keyin to‘g‘ri harakat qilish, xavfsiz joylarni tanlash, jabrlanganlarga birinchi yordam ko‘rsatish hamda favqulodda vaziyatlarda sarosimaga tushmaslik bo‘yicha zaruriy tushuncha va tavsiyalar berildi.

🔰 Farg'ona viloyati Favqulodda vaziyatlar boshqarmasi Axborot xizmati

Farg'ona shahar FVB xodimlari tomonidan aholi xonadonlarida kuz-qish mavsumini xavfsiz o‘tkazishga qaratilgan profilaktik tadbirlar amalga oshirilmoqda.
Tadbirlar davomida fuqarolarga isitish moslamalaridan xavfsiz foydalanish, nosoz va qo‘lbola qurilmalardan foydalanmaslik, yong‘inlar, gaz va havo aralashmasining chaqnashi hamda is gazidan zaharlanishning oldini olish yuzasidan tushuntirishlar berilmoqda.
Xonadonlarning yong‘in xavfsizligi holati ko‘zdan kechirilib, aniqlangan kamchiliklarni bartaraf etish bo‘yicha tegishli ko‘rsatmalar berilmoqda.

🔰 Farg'ona viloyati Favqulodda vaziyatlar boshqarmasi Axborot xizmati

Farg‘ona viloyati Favqulodda vaziyatlar boshqarmasi boshlig‘i polkovnik G‘.Alaviddinov Beshariq tumanidagi "Beshariq dehqon bozori" hamda “Farg‘ona Nematlari” MCHJga qarashli bozorda o'rganishlar olib bordi. O'rganish davomida mazkur obyektlarda yong‘in xavfsizligini ta’minlash borasida amalga oshirilgan ishlar, mavjud sharoitlar va xavfsizlik talablariga rioya etilishi bilan tanishildi. Shuningdek, yong‘inlarning oldini olish hamda favqulodda vaziyatlarda xavfsizlikni ta’minlash yuzasidan mas’ullarga tegishli ko‘rsatmalar berildi.

🔰 Farg'ona viloyati Favqulodda vaziyatlar boshqarmasi Axborot xizmati