✅ KO‘P QAVATLI UYLARDA ELEKTR TA’MINOTI YANADA ISHONCHLI BO‘LADI
 
Farg‘ona shahrining A. Navoiy ko‘chasidagi 23-sonli ko‘p qavatli uyda elektr ta’minoti ishonchliligini oshirish va mavjud tarmoqlarning texnik holatini yaxshilashga qaratilgan ta’mirlash ishlari olib borilmoqda.

Xususan, ko‘p qavatli uyni elektr energiyasi bilan ta’minlovchi elektr qutisi — shitda tegishli ta’mirlash va texnik sozlash ishlari bajarilmoqda. Mutaxassislar tomonidan elektr jihozlarining holati ko‘zdan kechirilib, aniqlangan kamchiliklarni bartaraf etish hamda elektr ta’minotining xavfsiz va barqaror ishlashini ta’minlash choralari ko‘rilmoqda.

Shuningdek, xonadonlardagi elektr energiyasi hisoblagichlarini kirish yo‘lagiga, mansublik chegarasiga olib chiqish ishlari ham amalga oshirilmoqda. Bu orqali elektr energiyasini hisobga olish jarayonining shaffofligini ta’minlash, hisoblagichlarga erkin kirish imkoniyatini yaratish hamda elektr tarmog‘iga hisoblagichdan tashqari o‘zboshimchalik bilan noqonuniy ulanishlarning oldini olish ko‘zda tutilgan.

Mazkur amaliy ishlar iste’mol qilingan elektr energiyasini aniq hisobga olish, noqonuniy foydalanish holatlariga barham berish, elektr tarmoqlarida xavfsizlikni ta’minlash hamda ko‘p qavatli uylar aholisi uchun yanada ishonchli va barqaror elektr ta’minotini yaratishga xizmat qiladi.

⚡️ t.me/farhetk_admin

TOSHLOQ TUMANIDA AMALGA OSHIRILAYOTGAN ISHLAR TAHLIL QILINMOQDA

“Farg‘ona hududiy elektr tarmoqlari korxonasi” AJ tomonidan Toshloq tuman elektr ta’minoti korxonasida amalga oshirilayotgan ishlar har bir yo‘nalish kesimida tahlil qilinib, mavjud kamchiliklarni bartaraf etish bo‘yicha aniq vazifalar belgilanmoqda.

Xususan, elektr tarmoqlarida joriy va mukammal ta’mirlash ishlarini sifatli tashkil etish, ASKUE tizimining to‘liq va uzluksiz ishlashini ta’minlash, mavjud elektr energiyasi qarzdorligini undirish, shuningdek, noqonuniy foydalanish holatlarini aniqlash va ularning oldini olish masalalariga alohida e’tibor qaratilmoqda.

Belgilangan vazifalar ijrosi qat’iy nazoratga olinib, hududda elektr ta’minoti barqarorligini oshirishga qaratilgan amaliy ishlar davom ettirilmoqda.

⚡️ t.me/farhetk_admin

OLTIARIQDA MAVSUM OLDI TAYYORGARLIK ISHLARI DAVOM ETMOQDA

“Farg‘ona hududiy elektr tarmoqlari korxonasi” AJ tomonidan kuz-qish mavsumida iste’molchilarni barqaror elektr energiyasi bilan ta’minlash maqsadida amaliy ishlar izchil olib borilmoqda.

Xususan, Oltiariq tuman elektr ta’minoti korxonasi tomonidan “Qahramon” MFY hududidagi 212-sonli transformator punktida mavsum oldi joriy ta’mirlash va texnik xizmat ko‘rsatish ishlari bajarildi.

Ta’mirlash davomida transformator va elektr jihozlarining texnik holati ko‘zdan kechirilib, kontakt birikmalari, himoya hamda kommutatsiya qurilmalari tekshirildi. Aniqlangan kamchiliklar bartaraf etilib, elektr qurilmalarining ishonchli va xavfsiz ishlashi ta’minlandi.

Mazkur ishlar hududdagi iste’molchilarni kuz-qish mavsumida sifatli va uzluksiz elektr energiyasi bilan ta’minlash hamda avariya holatlarining oldini olishga xizmat qiladi.

⚡️ t.me/farhetk_admin

✅ O‘ZBEKISTON TUMANIDA “DEHQONOBOD” TARMOQINING NOSOZ QISMI TO‘LIQ YANGILANMOQDA

Elektr ta’minoti barqarorligi, tarmoqlarning texnik ishonchliligi va iste’molchilarga sifatli elektr energiyasi yetkazib berish — soha mutaxassislari oldidagi muhim vazifalardan biridir.

Ayni paytda O‘zbekiston tumanidagi 10 kVli “Dehqonobod” elektr uzatish tarmog‘ida mukammal ta’mirlash ishlari jadal olib borilmoqda. Ishlar doirasida tarmoqning texnik jihatdan nosoz va foydalanish samaradorligi pasaygan qismi to‘liq yangilanmoqda.

Ta’mirlash jarayonida elektr uzatish liniyasining tegishli qismlarida yangi sim va zarur konstruksiyalar o‘rnatilib, tayanchlardagi elektr jihozlarining texnik holati yaxshilanmoqda. Mutaxassislar tomonidan simlarning me’yoriy holati, izolyatorlar va boshqa elementlarning mustahkamligi ta’minlanmoqda.

Nosoz qismning to‘liq yangilanishi tarmoqning o‘tkazuvchanlik va ekspluatatsion imkoniyatlarini yaxshilash, avariyaviy holatlar ehtimolini kamaytirish hamda iste’molchilar elektr ta’minoti ishonchliligini oshirishga xizmat qiladi.

Muhimi, bu kabi mukammal ta’mirlash ishlari nafaqat bugungi ehtiyoj, balki kelgusida elektr yuklamalarining barqaror ishlashini ta’minlashga qaratilgan muhim amaliy qadamdir.

“Dehqonobod” 10 kVli elektr uzatish tarmog‘idagi yangilash ishlari bosqichma-bosqich davom ettirilmoqda.

⚡️ t.me/farhetk_admin