➡️ QARZDOR ULGURJI ISTE’MOLCHILARGA QAT’IY CHORA KO‘RILMOQDA

Oltiariq tumanida elektr energiyasi uchun to‘lov intizomini mustahkamlash, debitor qarzdorlikni kamaytirish hamda elektr ta’minoti tizimining barqarorligini ta’minlashga qaratilgan ishlar izchil davom ettirilmoqda.

Hududda elektr energiyasidan foydalanayotgan ulgurji iste’molchilarning hisob-kitoblari o‘rganilib, to‘lovlarni o‘z vaqtida amalga oshirmagan hamda mavjud qarzdorligini bartaraf etmagan iste’molchilarga nisbatan belgilangan tartibda choralar ko‘rilmoqda.

Jumladan, qarzdorligi mavjud bo‘lgan ayrim ulgurji iste’molchilarning elektr tarmog‘iga ulanishi vaqtincha cheklanib, qarzdorlik to‘liq qoplangunga qadar elektr ta’minotidan ajratish ishlari amalga oshirilmoqda.

“Farg‘ona hududiy elektr tarmoqlari korxonasi” AJ tomonidan qarzdorliklarni undirish va to‘lov intizomini ta’minlash borasidagi nazorat tadbirlari davom ettirilmoqda.

⚡️ t.me/farhetk_admin

TOSHLOQ TUMANIDA BELGILANGAN VAZIFALAR IJROSINI TA’MINLASH BO‘YICHA ISHLAR JADALLASHTIRILDI

“Farg‘ona hududiy elektr tarmoqlari korxonasi” AJ tomonidan Toshloq tuman elektr ta’minoti korxonasida mas’ul rahbar va mutaxassislar ishtirokida kunlik vazifalar ijrosiga bag‘ishlangan yig‘ilish o‘tkazildi.

Unda yoqilg‘i-energetika sohasida belgilangan ustuvor vazifalar ijrosini ta’minlash, elektr energiyasi yo‘qotishlarini izchil kamaytirish, energiya balansini to‘g‘ri shakllantirish, iste’molchilarni barqaror, uzluksiz va sifatli elektr energiyasi bilan ta’minlash hamda kuz-qish mavsumiga puxta tayyorgarlik ko‘rish masalalari atroflicha muhokama qilindi.

Yig‘ilish davomida Toshloq tumanidagi elektr tarmoqlari va transformator punktlarining texnik holatini doimiy nazoratda saqlash, aniqlangan kamchiliklarni o‘z vaqtida bartaraf etish, tarmoqlardagi yuklamalarni me’yorlashtirish hamda elektr energiyasi ta’minotining ishonchliligini oshirish bo‘yicha aniq vazifalar belgilab berildi.

Shuningdek, har bir yo‘nalish bo‘yicha mas’ullarga ijro intizomini kuchaytirish, hududlarda amaliy ishlarni jadallashtirish va belgilangan topshiriqlarning o‘z vaqtida hamda sifatli bajarilishini ta’minlash yuzasidan tegishli ko‘rsatmalar berildi.

Alohida ta’kidlanganidek, elektr energetikasi sohasida xavfsizlik — eng ustuvor masalalardan biridir. Shu bois xodimlarga mehnat muhofazasi va texnika xavfsizligi qoidalariga qat’iy rioya qilish, ishlarni faqat belgilangan tartib va xavfsizlik talablariga muvofiq bajarish zarurligi yana bir bor eslatildi.

Belgilangan vazifalarning samarali ijrosini ta’minlash orqali Toshloq tumanida elektr ta’minoti barqarorligini yanada oshirish, iste’molchilarga ko‘rsatilayotgan xizmatlar sifatini yaxshilash va kuz-qish mavsumini betalafot o‘tkazish bo‘yicha ishlar izchil davom ettirilmoqda.

⚡️ t.me/farhetk_admin

Prezident Shavkat Mirziyoyev chiqindilarni termik qayta ishlash orqali elektr energiyasi ishlab chiqarish boʻyicha investitsiya loyihalari taqdimoti bilan tanishdi.

⚡️ t.me/farhetk_admin

O‘ZBEKISTON TUMANIDA ELEKTR TARMOQLARIDA MAVSUM OLDI TA’MIRLASH ISHLARI OLIB BORILMOQDA

O‘zbekiston tumanida elektr ta’minoti barqarorligini ta’minlash va kuz-qish mavsumiga tarmoqlarni puxta tayyorlash maqsadida amaliy ishlar izchil davom ettirilmoqda.

Ayni paytda 10 kVli “Qashqar” elektr uzatish tarmog‘ida joriy ta’mirlash ishlari olib borilmoqda.

Ta’mirlash jarayonida salqi simlarning tarangligi rostlanmoqda, nosoz izolyatorlar yangilanmoqda, shuningdek, elektr uzatish tarmog‘ining texnik holatini yaxshilashga qaratilgan boshqa zarur ishlar ham bajarilmoqda.

Mazkur tadbirlar elektr tarmog‘ining ishonchliligini oshirish, avariyaviy holatlarning oldini olish hamda iste’molchilarni sifatli va barqaror elektr energiyasi bilan ta’minlashga xizmat qiladi.

⚡️ t.me/farhetk_admin