“FARĞONA HETK” AJ
4.95K subscribers
33.7K photos
5.04K videos
4 files
13.8K links
⚡️ Farg‘ona hududiy elektr tarmoqlari korxonasi AJ rasmiy kanali

🔧 Elektr ta’minoti
🛠 Ta’mirlash ishlari
📢 Rejalashtirilgan uzilishlar
📰 Yangiliklar

📷 Instagram: @fargona_hetk_aj
Download Telegram
🇨🇳🤝🇺🇿 SOHALAR UYG‘UNLIGI: DUJIANGYAN IRRIGATSIYA TIZIMI FAOLIYATIDA

Xitoyning Sichuan viloyatida joylashgan, ikki ming yildan ortiq tarixga ega bo‘lgan va UNESCO Jahon merosi ro‘yxatiga kiritilgan Dujiangyan irrigatsiya tizimi mamlakatimiz delegatsiyasi tomonidan o‘rganildi. Tashrif davomida delegatsiya ushbu noyob muhandislik inshootining qadimiy an’analar va zamonaviy texnologiyalar uyg‘unligidagi faoliyati bilan yaqindan tanishdi.

Dujiangyan irrigatsiya tizimi Xitoyda suv resurslarini boshqarish, toza energiya ishlab chiqarish, ekologiyani muhofaza qilish va transport infratuzilmasini rivojlantirishda katta ahamiyat kasb etadi. Hozirda tizim Jiangxi provinsiyasidagi Li Zikou Suv Resurslari Loyihasi bilan integratsiyalashgan holda modernizatsiya qilinmoqda.

Tizim orqali 11 000 kvadrat kilometr maydon sug‘orilmoqda. Suvni tejash darajasi 29,51 foizni tashkil qiladi. Bu ko‘rsatkich nafaqat samaradorlik, balki ekologik muvozanatni saqlashda ham muhim rol o‘ynaydi. Tizim atrof-muhitga zarar yetkazmagan holda, barqaror suv aylanishini ta’minlaydi.

Loyiha doirasida 4 ta asosiy gidroelektr stansiya faoliyat yuritmoqda. Ularning umumiy quvvati 1240 megavattni, yiliga ishlab chiqarilayotgan elektr energiyasi esa 4200 Gvt/soatni tashkil etadi. Bu gidroenergiya karbon chiqindilarini kamaytirish va yashil energiya yetkazib berishdagi muhim manba hisoblanadi.
Bundan tashqari, tizim orqali shahar va qishloqlarga barqaror ichimlik suvi va qishloq xo‘jaligi uchun sug‘orish suvlari yetkazib beriladi.

Shu bilan birga, zamonaviy transport infratuzilmasi ishga tushirilgan. Tizim suv orqali yuk va yo‘lovchi tashishni ta’minlaydigan portlar va kemalar yo‘llarini ham o‘z ichiga olgan. Bu esa mintaqaning iqtisodiy salohiyatini oshiruvchi muhim omillardan biri bo‘lib xizmat qilmoqda.

Dujiangyan tizimi qadimiy Xitoy muhandisligining eng ilg‘or na’munasidir. Tabiiy suv oqimlaridan foydalangan holda, u qurg‘oqchilik va toshqinlarni bartaraf etish, suvni samarali taqsimlash va ekologik muvozanatni ta’minlash vazifalarini muvaffaqiyatli bajarmoqda.

Delegatsiyamiz ushbu tashrif orqali Dujiangyan tizimining texnik, ekologik va ijtimoiy jihatlariga oid tajribalar bilan yaqindan tanishib, o‘zaro tajriba almashish va ilg‘or yondashuvlar orqali bilimlarini mustahkamlab oldilar.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍6👏1
🇨🇳🤝🇺🇿 RAQAMLI TRANSFORMATSIYADA "TGOOD" TAJRIBASI

O‘zbekiston delegatsiyasi Xitoyning raqamli energetika sohasida yetakchi hisoblangan TGOOD — Chuan Kai Electric Co., Ltd. kompaniyasi faoliyati bilan tanishdi. Ushbu tashrif doirasida delegatsiya a’zolari kompaniyaning ilg‘or texnologiyalari, innovatsion yechimlari va energiya samaradorligini oshirishga qaratilgan amaliy loyihalari bilan yaqindan tanishdilar.

TGOOD – Chuan Kai Electric Co., Ltd. – bu Xitoydagi eng innovatsion va texnologik faol kompaniyalardan biri bo‘lib, 2004 yilda tashkil etilgan. U Shenzhen fond birjasidagi “Chiqish aksiyalar bozori” (创业板) da birinchi ro‘yxatdan o‘tgan kompaniya hisoblanadi.

Kompaniya asosan elektromobillar uchun intellektual zaryadlash infratuzilmasini yaratish, raqamli energiya taqsimoti va monitoringni olib boorish, barqaror uglerodsiz energetika yechimlarini joriy etish hamda aql¬li energiya tarmoqlari (Smart Grid) ni rivojlantirish yo‘nalishlarida faoliyat olib boradi.

Tashrif davomida tomonlar ikki tomonlama hamkorlik imkoniyatlari, yuqori samarali zaryadlash infratuzilmasini tashkil etish, sanoat obyektlarini raqamlash va "yashil energiya" bo‘yicha qo‘shma loyihalarni muhokama qildilar.

Bu tashrif nafaqat texnik tajriba almashish, balki energetika sohasidagi ilg‘or xalqaro tendensiyalardan xabardor bo‘lish va istiqbolli hamkorlik uchun mustahkam poydevor yaratishi bilan ahamiyatlidir.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍7👏2
🇨🇳🤝🇺🇿 TGOOD KOMPANIYASINING TRANSFORMATORLAR ISHLAB CHIQARISHDAGI YANGICHA YONDASHUVI

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍5
🇨🇳🤝🇺🇿 TGOOD KOMPANIYASINING TRANSFORMATORLAR ISHLAB CHIQARISHDAGI YANGICHA YONDASHUVI

Xitoyning energetika sohasida yetakchi kompaniyalaridan biri — TGOOD — Chuan Kai Electric Co., Ltd. mamlakatimiz delegatsiyasi tomonidan yaqindan o‘rganildi. Delegatsiya tashrifi davomida kompaniyaning zamonaviy texnologiyalarga asoslangan transformatorlar ishlab chiqarish faoliyati alohida e’tibor markazida bo‘ldi.

TGOOD kompaniyasi nafaqat elektromobillar uchun zaryadlash stansiyalarini, balki yuqori sifatli va energiya tejamkor transformatorlarni ham ishlab chiqaradi.

TGOOD kompaniyasi tomonidan shahar va sanoat elektr taqsimot tarmoqlari, quyosh va shamol elektr stansiyalari, elektromobil zaryadlash infratuzilmalari hamda yirik sanoat zonalari va transport infratuzilmalari transformatorlar va elektr qurilmalar ishlab chiqarishni joriy etgan.

Transformatorlar turlicha texnologik echimlarga ega bo‘lib, ularga quruq turdagi, yog‘li, hamda raqamli monitoringga ega aqlli transformatorlar kiradi. Bu mahsulotlar zamonaviy energiya tizimlarida xavfsizlik, energiya samaradorligi va uzoq xizmat muddatini ta’minlab beradi.

TGOOD transformatorlari yashil energiya siyosatiga mos tarzda ishlab chiqilgan. Ularda issiqlik, yuklama va kuchlanish monitoringi real vaqt rejimida amalga oshiriladi, bu esa ularni aqlli boshqaruv tizimlari bilan integratsiya qilish imkonini beradi. Transformatorlar ekologik toza materiallardan tayyorlanib, karbon izini kamaytirishga xizmat qilmoqda.

Kompaniyaning texnologik yondashuvi barqaror rivojlanish, iqtisodiy samaradorlik tamoyillariga asoslangan.

Delegatsiya a’zolari TGOOD kompaniyasining transformatorlar ishlab chiqarishdagi ilg‘or yondashuvlari bilan tanishar ekan, mamlakatimizda sanoat infratuzilmasini raqamlashtirish, elektr taqsimot tizimlarini modernizatsiyalash va yashil energiya yechimlarini joriy etish bo‘yicha hamkorlik imkoniyatlari muhokama qildilar.

👉 t.me/farhetk_admin
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍11