⚡️ XAVFSIZLIK VA KASBIY MAHORAT SINOVI DAVOM ETMOQDA

"Farg‘ona hududiy elektr tarmoqlari korxonasi" AJ tomonidan "Xavfsizlik texnikasi ko‘rik oyligi" doirasida navbatdagi "Kasb mahorati" musobaqasi Qo‘shtepa tuman elektr ta’minoti korxonasida yuqori saviyada tashkil etildi.

Musobaqada Farg‘ona, Marg‘ilon, Quvasoy shaharlari, shuningdek, Qo‘shtepa, Toshloq, Yozyovon, So‘x, Farg‘ona, Quva tumanlari hamda Qirguli elektr ta’minoti korxonasi elektromontyorlaridan iborat jamoalar o‘zaro bellashdilar.

Bellashuv davomida ishtirokchilar texnik tayyorgarlik, jarohatlangan xodimga birinchi tibbiy yordam ko‘rsatish hamda elektr qurilmalarida yuzaga kelgan yong‘inlarni tezkor va to‘g‘ri bartaraf etish shartlari bo‘yicha o‘z bilim va amaliy ko‘nikmalarini namoyon etdilar. Har bir bosqichda jamoalarning kasbiy tayyorgarligi, xavfsizlik texnikasi qoidalariga rioya etishi, tezkorligi va jamoaviy hamkorligi hakamlar hay’ati tomonidan belgilangan mezonlar asosida baholandi.

Musobaqa yakunlariga ko‘ra, Yozyovon tuman elektr ta’minoti korxonasi jamoasi faxrli 1-o‘rinni qo‘lga kiritdi. Qo‘shtepa tuman elektr ta’minoti korxonasi jamoasi 2-o‘rinni egallagan bo‘lsa, Farg‘ona shahar hamda Toshloq tuman elektr ta’minoti korxonalari jamoalari 3-o‘ringa sazovor bo‘ldi.
G‘olib va sovrindor jamoalar musobaqaning keyingi bosqichida ishtirok etish huquqini qo‘lga kiritdilar.

Mazkur musobaqa elektromontyorlarning kasbiy mahoratini yuksaltirish, xavfsiz mehnat madaniyatini mustahkamlash hamda elektr ta’minoti tizimida faoliyat yuritayotgan mutaxassislarning bilim va tajribasini yanada boyitishga xizmat qilmoqda.

⚡️ t.me/farhetk_admin

KASBIY BILIM VA AMALIY KO‘NIKMALAR SINOVDAN O‘TKAZILDI

"Farg‘ona hududiy elektr tarmoqlari korxonasi" AJ tomonidan "Xavfsizlik texnikasi ko‘rik oyligi" doirasida korxona bo‘lim va xizmatlari xodimlari ishtirokida "Kasb mahorati" musobaqasi tashkil etildi.

Musobaqada ishtirokchilar dastlab elektr energetikasi sohasi, mehnat muhofazasi hamda xavfsizlik texnikasi qoidalariga oid bilimlar sinovida o‘z bilimlarini namoyish etdilar. Shundan so‘ng har bir bo‘lim va xizmatning faoliyat yo‘nalishidan kelib chiqib ishlab chiqilgan maxsus amaliy mashg‘ulotlarni bajarish orqali kasbiy tayyorgarlik darajalari baholandi.

Bellashuv davomida ishtirokchilarning nazariy bilimlari, amaliy ko‘nikmalari, tezkor qaror qabul qilish qobiliyati, jamoada ishlash madaniyati hamda xizmat vazifalarini sifatli bajarish mahorati hakamlar hay’ati tomonidan belgilangan mezonlar asosida xolisona baholandi.

Mazkur musobaqadan ko‘zlangan asosiy maqsad xodimlarning kasbiy salohiyatini yanada oshirish, xavfsizlik texnikasi talablariga rioya etish madaniyatini mustahkamlash, bo‘lim va xizmatlar o‘rtasida sog‘lom raqobat muhitini yaratish hamda amaliy tajribalarni yanada boyitishdan iborat bo‘ldi.

⚡️ t.me/farhetk_admin

MUSOBAQA BILIMLAR SINOVI BILAN BOSHLANDI

"Farg‘ona hududiy elektr tarmoqlari korxonasi" AJda "Xavfsizlik texnikasi ko‘rik oyligi" doirasida o‘tkazilayotgan "Kasb mahorati" musobaqasining ilk bosqichi test sinovlari bilan boshlandi.

Ishtirokchilar elektr energetikasi sohasi, mehnat muhofazasi hamda xavfsizlik texnikasi qoidalariga oid nazariy bilimlarini sinovdan o‘tkazib, keyingi amaliy bosqichlarga yo‘llanma olish uchun o‘zaro bellashdilar.

⚡️ t.me/farhetk_admin

PODSTANSIYALAR XIZMATI XODIMLARI AMALIY MASHG‘ULOTLARDA O‘Z MAHORATLARINI NAMOYISH ETISHDI

"Farg‘ona hududiy elektr tarmoqlari korxonasi" AJda "Xavfsizlik texnikasi ko‘rik oyligi" doirasida o‘tkazilayotgan "Kasb mahorati" musobaqasida Podstansiyalar xizmati xodimlari xizmat faoliyatiga oid amaliy mashg‘ulotlarni bajarib, kasbiy mahoratlarini sinovdan o‘tkazdilar.

⚡️ t.me/farhetk_admin