🔴 TEZKOR XABAR

Ta’mirlash ishlari belgilangan muddatdan biroz uzaymoqda

Ayni vaqtda yuqori kuchlanishli “L-RK” elektr uzatish tarmog‘ida olib borilayotgan ta’mirlash ishlari texnik jarayonlarning kutilganidan biroz ko‘proq vaqt talab qilayotgani sababli yana 1–2 soatga uzaytirilmoqda.

Ta’mirlash ishlarini sifatli va xavfsiz yakunlash, shuningdek, tarmoqning keyingi faoliyatini barqaror ta’minlash maqsadida ishlar davom ettirilmoqda.

Ma’lumot uchun: mazkur elektr uzatish tarmog‘i Buvayda, Bag‘dod, Oltiariq hamda Rishton tumanlarining ayrim hududlarini elektr energiyasi bilan ta’minlaydi.

Noqulayliklar uchun uzr so‘raymiz. Ta’mirlash ishlari yakunlangach, elektr ta’minoti imkon qadar qisqa muddatda qayta tiklanadi.

⚡️ t.me/farhetk_admin

#tezkor
#12_08_2026

HUDUDLARDA TA'MIRLASH ISHLARI OLIB BORILADI

📌 FARG‘ONA HAMDA QUVASOY SHAHARLARI

Bugun, soat 08:00dan 10:00ga qadar Farg‘ona hamda Quvasoy shaharlarining ayrim hududlarini elektr energiyasi bilan ta'minlovchi "Uysoz" podstansiyasida qisqa muddatli taʼmirlash ishlari bajariladi;

📌 RISHTON TUMANI

Bugun, 09:00dan 17:00ga qadar Rishton tumanining ayrim hududlarini elektr energiyasi bilan ta'minlovchi "Uyrat" podstansiyasida joriy taʼmirlash ishlari bajariladi;

📌 QUVA HAMDA TOSHLOQ TUMANLARI

Bugun, 09:00dan 17:00ga qadar Quva hamda Toshloq tumanlarining ayrim hududlarini elektr energiyasi bilan ta'minlovchi "Tinchlik" podstansiyasida hamda yuqori kuchlanishli "L-Zarkent" va "L-Toshloq" elektr uzatish tarmoqlarida joriy taʼmirlash ishlari bajariladi;

📌 O‘ZBEKISTON TUMANI

Bugun, 09:00dan 17:00ga qadar O‘zbekiston tumanining ayrim hududlarini elektr energiyasi bilan ta'minlovchi "Yaypan" podstansiyasida joriy taʼmirlash ishlari bajariladi;

Hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.

#rasmiy_munosabat

Ijtimoiy tarmoqlar orqali Dang‘ara tumani, “Pishkaron” mahalla fuqarolar yig’ini, Ziynat ko‘chasi, 39-uyda yashovchi fuqaro Tadjibayeva Ziyodaxonning uy-joyiga yaqin hududda joylashgan transformator punkti xavfsizligi yuzasidan yo’llagan murojaati “Farg‘ona hududiy elektr tarmoqlari korxonasi” AJ tomonidan nazoratga olinganligini, hamda murojaatda ko‘rsatilgan holatni aniqlashtirish maqsadida tegishli mutaxassislar tomonidan joyiga chiqqan holda transformator punkti hamda elektr tarmoqlarining texnik va xavfsizlik holatini to’liq o‘rganishligini ma’lum qilamiz.

O‘rganish davomida transformator punktining texnik holati, yerga ulash qurilmalari, muhofaza zonasi hamda aholi xonadonlariga nisbatan joylashuvi amaldagi xavfsizlik talablari asosida ko‘rib chiqiladi.

Aniqlangan kamchiliklar mavjud bo‘lgan taqdirda, ularni bartaraf etish va elektr qurilmasidan xavfsiz foydalanishni ta’minlash yuzasidan tegishli amaliy choralar ko‘riladi.

Iste’molchilardan, inson hayoti va sog‘lig‘ini muhofaza qilish maqsadida elektr qurilmalariga yaqin hududlarda xavfsizlik qoidalariga qat’iy rioya etish, transformator punkti va boshqa elektr qurilmalariga ruxsatsiz yaqinlashmaslik zarurligi so’rab qolamiz.
 
⚡️ t.me/farhetk_admin

❗️ QO‘QON SHAHRIDA BIR KUNDA 5 TA NOQONUNIY ELEKTR ENERGIYASI ISTE’MOLI HOLATI ANIQLANDI

Qo‘qon shahrida elektr energiyasidan oqilona va qonuniy foydalanishni ta’minlash, shuningdek, elektr energiyasi yo‘qotishlarining oldini olish maqsadida nazorat tadbirlari izchil davom ettirilmoqda.

Navbatdagi o‘rganishlar davomida shaharning turli hududlarida joylashgan iste’molchilar xonadonlari ko‘zdan kechirilib, bir kunning o‘zida 5 ta noqonuniy elektr energiyasi iste’moli holati aniqlandi.

Jumladan, shaharining "A.T. Xuqandiy" ko‘chasida yashovchi S.R., "Rais" ko‘chasida yashovchi A.S., "Bobobek" ko‘chasida yashovchi M.G., "Shiroq" ko‘chasida yashovchi D.P. hamda "Amir Umarxona" ko‘chasida yashovchi J.M.larning xonadonlari o‘rganilganda elektr energiyasidan belgilangan tartib va qoidalarga xilof ravishda foydalanib kelinayotgani ma’lum bo‘ldi.

Aniqlangan har bir holat yuzasidan mutaxassislar tomonidan belgilangan tartibda dalolatnomalar rasmiylashtirilib, noqonuniy foydalanilgan elektr energiyasi hajmini aniqlash hamda tegishli hisob-kitoblarni amalga oshirish bo‘yicha ishlar olib borilmoqda.

Ta’kidlash joizki, elektr energiyasidan noqonuniy foydalanish nafaqat korxona va tizimga iqtisodiy zarar yetkazadi, balki elektr tarmoqlariga ortiqcha yuklama tushishiga, texnik nosozliklar va ta’minotdagi uzilishlarga sabab bo‘lishi mumkin.

“Farg‘ona hududiy elektr tarmoqlari korxonasi” AJ iste’molchilarni elektr energiyasidan foydalanishda amaldagi qonunchilik talablariga qat’iy rioya qilishga chaqiradi.

⚡️ t.me/farhetk_admin

ENERGETIKA SAMARADORLIGINI OSHIRISH CHORALARI

Viloyatimizning Farg’ona, Qo‘shtepa hamda Toshloq tumanlarida elektr energiyasi yo‘qotishlarini kamaytirish bo‘yicha amaliy ishlar davom etmoqda.

Tafsilotlar bilan “О‘zbekiston 24” telekanalining “Axborot24” dasturida efirga uzatilgan videolavha orqali tanishing.

⚡️ t.me/farhetk_admin

✅ MAVSUMGA HOZIRLIK

Uchko’prik tumanida elektr energiyasi yo‘qotishlarini kamaytirish hamda kuz-qish mavsumiga tayyorgarlik ko’rish bo‘yicha amaliy ishlar davom etmoqda.

Tafsilotlar “Sevimli” telekanalining “Zamon” informatsion dasturi lavhasida.

⚡️ t.me/farhetk_admin

➡️ HAR SOHADA MIRISHKOR ENERGETIK!

Energetika sohasida uzoq yillar fidoyilik bilan mehnat qilgan, kasbiga sadoqatli va hayotiy tajribasi bilan ko‘pchilikka o‘rnak bo‘lib kelayotgan Ibrohim aka Turdiqulov bugun ham izlanishda.

U kishi uzoq yillar Farg‘ona tuman elektr ta’minoti korxonasida samarali mehnat qilib, energetika sohasida o‘zining munosib izini qoldirgan. Ammo mirishkorlik va mehnatsevarlik faqat kasb bilan cheklanmaydi.

Bo‘sh vaqtlarida tomorqasidan unumli foydalanib, malina yetishtirish bilan shug‘ullanayotgan Ibrohim aka oilasiga qo‘shimcha daromad manbaini ham yaratgan.

Mehnatni qadrlagan inson uchun har bir qarich yer — imkoniyat, har bir nihol esa kelajak hosilidir.

Energetik kasbida — mas’uliyatli mutaxassis, tomorqada esa — mohir dehqon!

Mehnat bor joyda baraka, intilish bor joyda albatta natija bo'ladi!

⚡️ t.me/farhetk_admin

#rasmiy_munosabat

Ijtimoiy tarmoqlar orqali Dang‘ara tumani “Istiqlol” mahallasi, Xo‘ja qishlog‘idan elektr ta’minotiga oid kelib tushgan murojaatga asosan quyidagilarni ma’lum qilamiz.

Bugun, 12-avgust kuni Dang‘ara tumani “Istiqlol” mahallasi, Xo‘ja qishlog‘i hududini elektr energiyasi bilan ta’minlovchi 10 kVli “Pillaxona” elektr uzatmasiga ulangan 1106-sonli transformator punktida belgilangan reja asosida ta’mirlash ishlari davom etmoqda.

Ta’mirlash ishlari hududdagi elektr ta’minoti barqarorligini ta’minlash maqsadida amalga oshirilayotgan bo‘lib, bunday ishlar haqida mahalla raislari oldindan xabardor qilinadi hamda ijtimoiy tarmoqlardagi rasmiy sahifalar orqali aholiga ma’lumot berib boriladi.

Shu bilan birga, mazkur holat yuzasidan mas’ul xodimlarga kelgusida ta’mirlash ishlari boshlanishidan avval hududidan kelib chiqib mahalla raislarini o‘z vaqtida xabardor qilish bo‘yicha tegishli ko‘rsatmalar berildi.

Tez orada ta’mirlash ishlari yakunadi va elektr ta’minoti belgilangan tartibda tiklanadi.

Ta’mirlash vaqtida keltirilgan noqulayliklar uchun uzr so’raymiz.
 
⚡️ t.me/farhetk_admin