ELEKTR TARMOQLARINI MODERNIZATSIYA QILISH BO‘YICHA XALQARO HAMKORLIK ISTIQBOLLARI MUHOKAMA QILINDI

“Farg‘ona hududiy elektr tarmoqlari korxonasi” AJda Xitoyning “Jianyi Group” kompaniyasi vakillari bilan uchrashuv bo‘lib o‘tdi.

Muloqot davomida viloyatimizning elektr ta'mioti jarayoniga zamonaviy texnologiyalarni joriy etish, elektr tarmoqlarini modernizatsiya qilish hamda zamonaviy elektr qurilmalarini ishlab chiqarish masalalari muhokama qilindi.

Xitoylik hamkorlar tomonidan elektr energetika tizimi uchun zarur bo‘lgan zamonaviy podstansiyalar, elektr taqsimlash qurilmalari, elektrotexnik uskunalar hamda elektr tarmoqlarini yangilashda qo‘llaniladigan ilg‘or texnologiyalarni ishlab chiqarish va yetkazib berish bo‘yicha takliflar bildirildi.

Shuningdek, elektr tarmoqlarining ishonchliligi va barqarorligini oshirish, mavjud infratuzilmani bosqichma-bosqich yangilash, zamonaviy texnologiyalar asosida yangi energetika obyektlarini barpo etish hamda istiqboldagi investitsiyaviy loyihalarni amalga oshirish imkoniyatlari yuzasidan fikr almashildi.

Uchrashuv yakunida tomonlar elektr energetikasi sohasida o‘zaro manfaatli hamkorlikni rivojlantirish, ilg‘or texnologiyalarni o‘rganish va istiqbolli loyihalarni birgalikda amalga oshirish muhimligini ta’kidladilar.

Bu kabi xalqaro hamkorliklar Farg‘ona viloyati elektr tarmoqlarini zamonaviy texnologiyalar asosida rivojlantirish, ta’minot ishonchliligini oshirish va iste’molchilarga yanada sifatli elektr energiyasi yetkazib berishga xizmat qiladi.
 
⚡️ t.me/farhetk_admin

➡️ ELEKTR TA’MINOTIDA YANGI TALAB: TAHLIL, TANQID VA ANIQ VAZIFALAR

Bugun “Farg‘ona hududiy elektr tarmoqlari korxonasi” AJda “Hududiy elektr tarmoqlari” AJ Boshqaruvi raisining birinchi o‘rinbosari B. Islomov boshchiligida Farg‘ona viloyatining elektr ta’minoti tizimidagi barcha yo‘nalishlarni qamrab olgan kengaytirilgan tahliliy-tanqidiy yig‘ilish bo‘lib o‘tdi.

Yig‘ilish kun tartibi hududlar elektr ta’minotining bugungi holati, mavjud muammolar, yo‘l qo‘yilayotgan kamchiliklar, iste’molchilar murojaatlari, elektr tarmoqlarining texnik holati, yo‘qotishlar, hisob-kitoblar, kuz-qish mavsumiga tayyorgarlik, avariyaviy holatlarning oldini olish hamda xizmat ko‘rsatish sifatiga oid masalalar raqamlar va aniq ko‘rsatkichlar asosida atroflicha tahlil qilindi.

Yig‘ilish davomida har bir yo‘nalish bo‘yicha mavjud holatga tanqidiy baho berilib, aniqlangan kamchiliklarni shunchaki qayd etish emas, balki ularning sabablarini chuqur o‘rganish va aniq yechimlar asosida bartaraf etish zarurligi alohida ta’kidlandi.

Eng avvalo, elektr ta’minotida barqarorlikni ta’minlash, tarmoqlarning texnik holatini yaxshilash, iste’molchilarga ko‘rsatilayotgan xizmatlar sifatini oshirish, avariyaviy uzilishlarga yo‘l qo‘ymaslik va yuzaga kelayotgan muammolarga tezkor munosabat bildirish masalalariga e’tibor qaratildi.

“Muammoni bilish — yetarli emas. Uni bartaraf etish uchun mas’ul, muddat va aniq natija bo‘lishi kerak”, degan yondashuv yig‘ilishning asosiy mezonlaridan biri bo‘ldi.

Hududiy bo‘linmalar faoliyati ham alohida ko‘rib chiqilib, har bir rahbar oldiga mavjud kamchiliklarni qisqa muddatlarda bartaraf etish, ijro intizomini kuchaytirish va ish samaradorligini oshirish bo‘yicha aniq topshiriqlar qo‘yildi.

Har bir yo‘nalishda natija uchun ishlash, mavjud muammolarga befarq bo‘lmaslik va iste’molchi oldidagi mas’uliyatni yanada oshirish asosiy vazifa etib belgilandi.

Yig‘ilish yakunida barcha topshiriqlar ijrosini qat’iy nazoratga olish, belgilangan vazifalarni o‘z vaqtida va sifatli bajarish hamda Farg‘ona viloyatida ishonchli, barqaror va sifatli elektr ta’minotini ta’minlash bo‘yicha mas’ullarga tegishli ko‘rsatmalar berildi.

⚡️ t.me/farhetk_admin