“Улар тўхтамаяпти”: Соловьёвдан кейин Дугин. Москва сукутда, Тошкент эса жим турмоқчи эмас

Россия ахборот майдонида Марказий Осиё давлатлари суверенитетига қарши қаратилган тажовузкор риторика тўхташ ўрнига, янги ва янада хавфли тус олмоқда. Ҳали Владимир Соловьёвнинг минтақа давлатларига қарши “махсус ҳарбий операция” ўтказиш ҳақидаги таҳдидлари жамоатчилик хотирасидан ўчмасдан туриб, саҳнага “рус дунёси”нинг асосий мафкурачиларидан бири ҳисобланган Александр Дугин чиқди. Унинг сўнгги чиқишлари шунчаки ҳиссиётли журналистнинг гапи эмас, балки мустақил давлатчилик асосларини инкор этувчи мафкуравий ҳужум сифатида баҳоланмоқда.

Z-пропаганданинг “отаси” саналган файласуф Дугин яқинда берган интервьюсида постсовет ҳудудидаги мустақил давлатларнинг келажагини очиқчасига рад этди. Унинг “уч қутбли дунё” назариясига кўра, миллий давлатлар даври тугаган ва эндиликда суверен Ўзбекистон, Қозоғистон, Арманистон ёки Грузия каби тушунчалар мавжуд бўлиши мумкин эмас. Дугиннинг фикрича, Россия назоратида бўлмаган ҳар қандай ҳудуд автоматик равишда Ғарб ёки Хитойнинг «плацдарми»га айланади, шу боис “нейтрал ва тинч Швейцария” бўлиб қолиш имконияти энди йўқ. Унинг мустақил давлатларни “ўтмиш қолдиғи” деб аташи нафақат дипломатик одобга, балки халқаро ҳуқуқнинг барча нормаларига тупуриш билан баробардир.

Вазиятнинг хавотирли жиҳати шундаки, бу якка ҳолат эмас, балки тизимли тенденцияга ўхшаб бормоқда. Бундан аввалроқ Россия давлат телевидениесининг юзи бўлган Владимир Соловьёв ҳам халқаро ҳуқуқни четга суриб, Марказий Осиёда куч ишлатиш зарурлигини таъкидлаган эди. Бундай чақириқлар минтақа экспертлари томонидан Россия ташқи сиёсатидаги “нео-империалистик” кайфиятнинг юзага қалқиб чиқиши сифатида кўрилмоқда. Foreign Policy томонидан дунёнинг энг нуфузли мутафаккирлари қаторига киритилган, аммо радикал қарашлари учун Қозоғистонда “персона нон-грата” деб эълон қилинган Дугиннинг сўзлари оддий провокациядан кўра, Кремлдаги айрим кучларнинг яширин орзулари ифодаси бўлиши мумкин деган шубҳаларни уйғотади.

Аммо энг таассуфланарлиси – расмий Москванинг реакциясидир. Россия Ташқи ишлар вазирлиги бу каби оғриқли чиқишларга нисбатан нафақат узр сўрамади, балки вазиятни юмшатиш ўрнига, айбни жамоатчиликка юклаш йўлини танлади. Мария Захарова Соловьёвнинг сўзларини “шахсий фикр” деб атаб, буни муҳокама қилганларни “диван таҳлилчилари” деб камситди. Ваҳоланки, давлат бюджетидан молиялаштирилувчи асосий телеканалларда ва мафкуравий платформаларда чиқиш қиладиган бундай шахсларнинг таҳдидлари шунчаки “шахсий фикр” бўлиши мумкин эмас. Расмий Москванинг сукути ёки мавҳум жавоблари, афсуски, бундай қарашларни билвосита маъқуллаш ёки камида “ҳароратни ўлчаб кўриш” сифатида қабул қилинмоқда.

Ўзбекистон ва қўшни давлатлар жамоатчилиги бу сигналларни тўғри ўқий олди. Фаолларнинг “бундай провокациялар қўшниларни душманга айлантириши” ва Ўзбекистоннинг ўз суверенитетини ҳимоя қилиш учун “иродаси ҳам, ресурси ҳам етарли” экани ҳақидаги кескин жавоби Тошкентнинг позициясини аниқ ифодалайди. Дугин ва Соловьёв каби фигураларнинг чиқишлари Марказий Осиё давлатларини Россиядан янада узоқлашишга ва ташқи сиёсатни жадал диверсификация қилишга ундамоқда, холос.

Хулоса қилиб айтганда, шимолдан келаётган бундай “совуқ шамоллар” бир ҳақиқатни яна бир бор эслатмоқда: Мустақиллик – бу “совға” эмас, балки ҳар куни, ҳар соатда ҳимоя қилиниши керак бўлган олий қадриятдир. Россия пропаганда машинасининг бугунги ҳужумлари эртанги реал хавфга айланмаслиги учун минтақа давлатлари нафақат огоҳ бўлиши, балки ўз суверенитети масаласида қатъий ва якдил позицияда туриши шарт. Зеро, ўзлигини ҳимоя қила олмаган давлатлар, Дугин айтмоқчи бўлганидек, тарих архивига улоқтирилиш хавфи остида қолади – аммо Ўзбекистон бу сценарийни аллақачон рад этган.

📱 Каналга обуна бўлинг: @gayratkhodjasaydaliev

⁉️⁉️⁉️⁉️⁉️
Mavzu: Moskva sukutda, Toshkent esa jim turmoqchi emas

Ekspertlarimiz: siyosiy sharhlovchi, siyosatshunos Abduvali Soyibnazarov

Tomosha qiling ➡️https://youtube.com/live/M21IA8EhLqM?feature=share

Rasmiy sahifalarimizga obuna bo'ling
telegram |instagram | facebook | youtube | fikratonline

⁉️⁉️⁉️⁉️⁉️
Mavzu: Qora tuynuk qo‘rqinchlimi?

Ekspertimiz: Ulugʼbek Yaxshiev, fizika-matematika fanlari doktori

Tomosha qiling ➡️https://youtube.com/live/M21IA8EhLqM?feature=share

Rasmiy sahifalarimizga obuna bo'ling
telegram |instagram | facebook | youtube | fikratonline

⁉️⁉️⁉️⁉️⁉️
Mavzu: Tramp BMTga muqobil tuzilma yaratyaptimi?

Ekspertlarimiz: siyosiy fanlar doktori,siyosatshunos Bektosh Berdiyev

Tomosha qiling ➡️https://youtube.com/live/L295Hh_ZmXU?feature=share

Rasmiy sahifalarimizga obuna bo'ling
telegram |instagram | facebook | youtube | fikratonline

⁉️⁉️⁉️⁉️⁉️
Mavzu: Milliy armiyaga yangi vazifalar qo‘yildi

Ekspertimiz: professor Olimjon Oʻsarov, Mudofaa vazirining maslahatchisi va Alisher Shirinov, polkovnik

Tomosha qiling ➡️https://youtube.com/live/L295Hh_ZmXU?feature=share

Rasmiy sahifalarimizga obuna bo'ling
telegram |instagram | facebook | youtube | fikratonline

⁉️⁉️⁉️⁉️⁉️
Mavzu: Yangi “oltin vasvasasi”: bozorlarni nima kutyapti?

Ekspertimiz: O'zbekiston Iqtisodiyot Assambleyasi raisi Muxtor Umarov

Tomosha qiling ➡️https://youtube.com/live/L295Hh_ZmXU?feature=share

Rasmiy sahifalarimizga obuna bo'ling
telegram |instagram | facebook | youtube | fikratonline

“Сурия яна нотинч”. АҚШ: “Энди Сурия курдларига эҳтиёжимиз йўқ”

2026 йил 21 январь ҳолатига кўра, Суриядаги ҳарбий-сиёсий вазиятнинг марказий нуқтаси мамлакатнинг шимоли-шарқий ҳудудлари бўлиб турибди. Бу ҳудудда муваққат президент Аҳмад аш-Шараъ бошчилигидаги ўтиш даври ҳукумати кучлари ва курдларнинг Сурия Демократик Кучлари (SDF) ўртасида ҳарбий тўқнашувлар кузатилди. Вазият 13 январдан бошлаб, Сурия армияси SDF назоратидаги ҳудудларга, хусусан, Ҳалаб, Раққа ва Дайр аз-Зур вилоятларининг араб аҳолиси истиқомат қилувчи қисмига юриш бошлаганидан сўнг ўзгарди. Ҳарбий ҳаракатлар натижасида ҳукумат қўшинлари Ал-Умар нефть кони, Табқа тўғони каби стратегик инфратузилма объектларини ва бир қатор аҳоли пунктларини ўз назоратига олди. Юзага келган ҳарбий вазият сабабли SDF кучлари позицияларни тарк этиб, марказий ҳукумат билан музокараларга киришишга қарор қилди.

Томонлар ўртасида 18 январда АҚШ воситачилигида эришилган дастлабки келишув беқарор бўлиб чиқди ва ҳарбий ҳаракатлар қисқа муддатга қайта тикланди. Шунга қарамай, 20 январь тунидан бошлаб янги тўрт кунлик оташкесим тартиби жорий этилди. Келишув шартларига мувофиқ, ҳукумат армияси курдлар зич яшайдиган Ҳасака ва Қамишли шаҳарларига кирмаслиги, ўз навбатида SDF тузилмалари белгиланган муддат ичида Сурия қуролли кучлари таркибига интеграция жараёнини бошлаши кўзда тутилган. Кузатувчиларнинг фикрича, ушбу жараёнлар шимоли-шарқдаги мухтор мақомнинг тугатилиши ва ҳудудларнинг тўлиқ Дамашқ назоратига ўтиши билан якунланиши мумкин.

Айни пайтда минтақадаги вазият мураккаблигича қолмоқда. Тўқнашувлар фонида қамоқхоналардан ИШИД аъзоларининг қочиш ҳолатлари қайд этилган бўлиб, турли манбалар қочоқлар сонини 120 дан 1500 нафаргача деб баҳоламоқда. Шу билан бирга, АҚШ томони SDF’нинг ИШИДга қарши курашдаги асосий миссияси якунланганини ва бу вазифа энди Дамашққа ўтишини маълум қилиб, курд тузилмаларини марказий ҳукумат билан интеграциялашувга чақирди. 2024 йил охирида Башар Асад ҳокимияти якунланганидан сўнг мамлакатнинг бошқа қисмларида иқтисодий тикланиш жараёнлари кечаётган бир пайтда, шимоли-шарқдаги вазият беқарор ва ўзгарувчанлигича қолмоқда.

📱 Каналга обуна бўлинг: @gayratkhodjasaydaliev

⁉️⁉️⁉️⁉️⁉️
Mavzu: Kimlarda yadro quroli bor va qanchalik qudratli?

Ekspertimiz: Ekspert Ravshan Bo'ronov

Tomosha qiling ➡️https://youtube.com/live/BdoF5sb0LmQ?feature=share

Rasmiy sahifalarimizga obuna bo'ling
telegram |instagram | facebook | youtube | fikratonline

⁉️⁉️⁉️⁉️⁉️
Mavzu: Xitoy tarixini o‘zgartirgan turk — Keyong

Ekspertimiz: TMC instituti o'qituvchisi Nurbek Allabergenov

Tomosha qiling ➡️https://youtube.com/live/fu8EqVl4LNQ?feature=share

Rasmiy sahifalarimizga obuna bo'ling
telegram |instagram | facebook | youtube | fikratonline