Ушбу вазиятни янада чигаллаштирган омил шундаки, ўтган ҳафта Ўмон Султонлиги ва БМТнинг Халқаро денгиз ташкилоти фақат Ўмоннинг ҳудудий сувлари орқали ўтадиган янги муқобил денгиз йўналишини белгилаб берди. Бу қадам Эрон қуролли кучларининг бўғоз устидан мутлақ назорат ўрнатиш ва тижорат кемаларини тартибга солишга қаратилган бутун бошли узоқ муддатли стратегиясини жиддий хавф остига қўйиши мумкин эди. Халқаро инқироз гуруҳининг Эрон бўйича катта таҳлилчиси Али Воизнинг таъкидлашича, хоҳ яхши, хоҳ ёмон бўлсин, Эрон раҳбарияти “сиёсий омон қолиш” учун айни дамда ушбу стратегик дастакка ниҳоятда муҳтождир.

Мақолани тўлиқ ўқиш: https://fikratonline.uz/eron-hormuz-bogozi-ustidan-tasirini-saqlab-qolish-uchun-aqsh-bilan-tinchlik-muzokaralarini-havf-ostiga-qoymoqda-nyt/

@fikrat

Малайзия жанубида, Сингапур яқинидаги сунъий оролларда барпо этилган Forest City (“Ўрмон шаҳри”) бир пайтлар келажакнинг экологик мегаполиси сифатида тақдим этилган эди. Лойиҳа 700 минг нафаргача аҳолини яшил боғлар, гольф майдонлари, аквапарклар ва юқори технологияли инфратузилма билан ўралган замонавий осмонўпар биноларда яшашини назарда тутган.

Бироқ қарийб ўн йил ўтиб, бу улкан қурилиш пучга чиққан орзулар рамзига айланди. Бир вақтлар “келажак шаҳри” деб таърифланган мажмуа бугун кўпроқ “арвоҳ шаҳар” сифатида тилга олинади. Хўш, нима учун муваффақиятли бўлиши аниқдек кўринган лойиҳа бундай тақдирга дуч келди?

Мақолани тўлиқ ўқиш: https://fikratonline.uz/forest-city-malayziyadagi-100-milliard-dollarlik-orzu-shahar-qanday-qilib-arvoh-shaharga-aylandi/

@fikrat

🇺🇿 Жаҳон чемпионати Ўзбекистонга қандай натижалар берди?

– Google Trends маълумотларига кўра, Ўзбекистон ҳақидаги интернет қидирувлари 450 фоизга ошди.

– Халқаро ахборот маконида Ўзбекистон ва миллий терма жамоа иштироки ҳақида 3 миллиондан ортиқ материал эълон қилинди.

– Хорижий ОАВ, YouTube ва ижтимоий тармоқларда Ўзбекистонга оид 3,4 миллиондан ортиқ пост ва видеоматериал жойлаштирилди.

– “Uzbekistan” сўзи бўйича қидирувлар 40 фоизга, “Tourism to Uzbekistan” мавзусидаги қидирувлар 10 фоизга ошди.

– “Travel Uzbekistan” сўрови Google Trends шкаласида максимал — 100 балл кўрсаткичига эришди.

– Ўзбекистон ҳақидаги материаллар дунёнинг етакчи оммавий ахборот воситаларида кенг ёритилди.

@fikrat

Ўзбекистонда ўтказилган аҳоли рўйхатга олишнинг дастлабки натижаларига кўра, мамлакат аҳолиси 39 047 321 нафарни ташкил этди. Бу ҳақда Миллий статистика қўмитаси раиси Беҳзод Ҳамроев маълум қилди. Мазкур кўрсаткич Миллий статистика қўмитаси томонидан юритиб келинган жорий демографик ҳисоб-китоблардаги аҳоли сонидан 810,6 минг нафарга кўп бўлди. Бу эса аҳоли рўйхатга олиш жараёни мамлакатнинг ҳақиқий демографик ҳолатини янада аниқроқ акс эттиришини кўрсатади.

1897 йил билан таққослаганда Ўзбекистон аҳолиси қарийб ўн баробарга кўпайган. Бу ўсишнинг асосий омиллари сифатида аҳолининг юқори табиий ўсиши, соғлиқни сақлаш тизими ривожланиши натижасида ўртача умр кўриш давомийлигининг ортиши, шунингдек, мамлакатнинг барқарор демографик ривожланиши кўрсатилади.

Мақолани тўлиқ ўқиш: https://fikratonline.uz/ozbekiston-aholisi-39-milliondan-oshdi-100-yilda-10-barobar/

@fikrat

Murojaat uchun: @nurbekgofurov

Бугунги кунда ҳам Ироқ нефти экспортидан тушадиган маблағлар аввал Нью-Йорк Федерал захира банкидаги Ироқ Марказий банки ҳисобварағига келиб тушади. Шундан сўнг маблағларнинг бир қисми электрон ўтказмалар орқали Ироқ давлат харажатлари учун йўналтирилса, мамлакат ичидаги нақд долларга бўлган эҳтиёжни қондириш учун АҚШ томонидан юк самолётларида Бағдодга доллар банкнотлари етказиб берилади, бу кўрсаткич айрим йилларда ҳатто 13 миллиард долларгача етган. Ироқ бюджети Жаҳон банки маълумотларига кўра ҳозир ҳам 90 фоизга айнан нефть ҳисобига шаклланишини инобатга олсак, мазкур миллиардлар устидан амалий назорат ўрнатилиши Вашингтонга улкан сиёсий босим дастагини тақдим этади. Бу ҳолат илк бор 2020 йилда, Ироқ парламенти АҚШ қўшинларини мамлакатдан чиқариш ҳақида қарор қабул қилганида яққол кўринди; ўшанда Вашингтон Бағдоднинг Нью-Йоркдаги маблағларидан фойдаланиш ҳуқуқини чеклаб қўйиши мумкинлиги ҳақида қатъий огоҳлантирган эди.

Ушбу молиявий механизмнинг кучи яқинда, яъни 2026 йил апрель ойида яна бир бор амалда намоён бўлди. АҚШ маъмурияти Ироқдаги Эронга яқин қуролли гуруҳлар томонидан Америка объектларига уюштирилган ҳужумларга жавобан босим воситаси сифатида Бағдодга юборилаётган 500 миллион долларлик нақд банкнотлар партиясини вақтинча тўхтатиб, хавфсизлик соҳасидаги айрим ҳамкорлик дастурларини музлатиб қўйди, ушбу чеклов даврида фақатгина электрон доллар ўтказмаларига рухсат берилди. Шунга қарамай, Бағдод расмийлари тизимнинг халқаро инвесторлар ишончини сақлаш, доллар ликвидлигини таъминлаш, миллий валюта барқарорлигини қўллаб-қувватлаш ва ташқи кредиторлардан ҳимояланиш каби афзалликларини тан олганлари сабабли ушбу молиявий занжирдан чиқишга шошилмаяптилар.

Мақолани тўлиқ ўқиш: https://fikratonline.uz/nega-iroqning-neft-pullari-hali-ham-aqshda-saqlanadi/

@fikrat

Вьетнам уруши тарихида “Мариголд” операцияси (Operation Marigold) АҚШ қуролли кучлари иштирокидаги ушбу узоқ йиллик можарони тинч йўл билан ҳал этишга қаратилган илк йирик ва муҳим қадам бўлган эди. Агар 1965 йилда ҳар икки томон фақат ҳарбий ғалабага интилган бўлса, 1966 йил бошига келиб Вашингтонда урушни тўхтатиш имкониятлари ҳақида дастлабки баёнотлар янграй бошлади. Ўша йилнинг ёзида старт олган ушбу яширин дипломатик жараённинг асл ташаббускори СССР бўлиб, мулоқотлар Вьетнамдаги Халқаро кузатув ва назорат комиссиясининг польшалик вакили, дипломат Януш Левандовский воситачилигида ташкил этилди. 1966 йил 24 июлда АҚШнинг Сайгондаги элчихонаси орқали Вашингтонга Вьетнам Демократик Республикаси (ВДР) раҳбариятининг дастлабки шартлари етказилди. Ханой етакчилари музокара бошлаш учун аввалгидек “тўрт банд”нинг сўзсиз бажарилишини эмас, балки фақат иккита принципиал талабни – ҳарбий ҳаракатлар эскалациясини ва Шимолий Вьетнамни бомбардимон қилишни тўхтатишни сўрадилар, қолган масалаларни эса музокаралар столида муҳокама қилишга тайёр эканликларини билдирдилар.

Мақолани тўлиқ ўқиш: https://fikratonline.uz/marigold-aqshda-vetnamdan-yuzni-yoqotmasdan-chiqish-imkoni-bor-edi/

@fikrat