Эроннинг “қўрқинчли” ракеталари ва тезкор катерлари урушда иш бердими?

Урушдан олдин Эроннинг ҳарбий салоҳияти ҳақида сўз кетганда, асосий эътибор унинг кенг кўламли ракета арсенали ҳамда тезкор катерлар флотилиясига қаратиларди. Ушбу қуроллар тизимида баллистик ва қанотли ракеталар АҚШнинг Яқин Шарқдаги ҳарбий базалари ҳамда Исроил ҳудудига зарба беришнинг бош воситаси, катерлар эса Форс кўрфази ва Ҳўрмуз бўғозида кучли денгиз коалициясига қарши асимметрик қаршилик кўрсатиш ричаги сифатида баҳоланган. 2026 йил 28 февралда АҚШ ва Исроилнинг Эрон ҳудудига берган зарбалари билан бошланган тўқнашув ушбу воситаларнинг реал жанговар имкониятларини амалда синовдан ўтказди. Мавжуд маълумотлар Эрон қуроллари рақибга сезиларли моддий ва ҳарбий талофат етказа олганини, бироқ кенг қамровли ҳарбий ҳаракатларни тўхтатиш вазифасига келганда натижалар мураккаброқ манзарани ҳосил қилганини кўрсатмоқда.

Ҳарбий соҳада қуролнинг самарадорлиги ундан кўзланган бош мақсадга қараб баҳоланади. Агар асосий вазифа рақибни ҳужумдан бутунлай тийиб туриш бўлган бўлса, урушнинг бошланиши бу таҳдидларнинг ўзи ҳужумнинг олдини олиш учун кифоя қилмаганини англатади. Агар мақсад ҳужум уюштирган кучларга жиддий талофат етказиш, уларнинг ресурсларини муттасил сарфлатиш ва ҳарбий кампания харажатларини максимал даражада ошириш бўлса, натижалар анча салмоқлидир. The Washington Post ўтказган текширувларга кўра, тўқнашувлар давомида АҚШнинг минтақадаги 15 та ҳарбий объектида камида 228 та турли иншоот ва жанговар техника бирлиги шикастланган ёки йўқ қилинган...

Мақолани тўлиқ ўқиш: https://fikratonline.uz/eronning-qorqinchli-raketalari-va-tezkor-katerlari-urushda-ish-berdimi/

@fikrat

Россия-Украина уруши: “Қимматга тушаётган ғалаба умиди”

Россия раҳбарияти Украинадаги ҳарбий ҳаракатларда ўз мақсадларига эришишга ишонч билдиришда давом этаётган бир пайтда, ҳокимият доираларида иқтисодиётга тушаётган юк борасида мулоҳазалар билдирилмоқда, фронтдаги силжишлар эса кутилган тезкор ва ҳал қилувчи натижаларни тақдим этмаяпти. Бу ҳолат Москва учун муҳим стратегик саволни кўндаланг қўймоқда: урушни узоқ вақт давом эттириш ресурсининг мавжудлиги уни кўзланган сиёсий шартлар асосида якунлаш кафолатини бермайди.

2026 йил сентябрь ойи бошидаги очиқ маълумотлар ва кузатувлар Россия бошқарув тизимининг айрим бўғинларида муайян хавотирлар шаклланаётганини кўрсатмоқда. Ушбу эҳтиёткор қарашларнинг энг кўзга кўринган ифодаси иқтисодий соҳада намоён бўлди. Хусусан, Россия Президентининг махсус вакили Борис Титов ўз чиқишида иқтисодиётни тўлиқ ҳарбий эҳтиёжларга бўйсундириш фақат чекланган муддат давомида самара бериши мумкинлигини, шу боис ҳарбий ва фуқаролик тармоқлари ўртасидаги мувозанатни сақлаб қолиш ўта муҳимлигини таъкидлади. Халқаро таҳлилчилар мазкур баёнотга Кремль атрофидаги доираларда иқтисодий босимнинг кучайиб бораётгани ҳақидаги очиқ мулоҳаза сифатида баҳо берди. Армия таъминоти билан миллий иқтисодиётнинг узоқ муддатли барқарорлиги ҳар доим ҳам бир-бирига тўлиқ ҳамоҳанг бўлавермайди. Мудофаа саноатининг фаоллашуви фронтдаги имкониятларни кенгайтирса-да, молиявий маблағлар, меҳнат ресурслари ва инвестицияларнинг ушбу соҳага жамланиши фуқаролик тармоқларининг ривожланиш суръатларини секинлаштиради...

Мақолани тўлиқ ўқиш: https://fikratonline.uz/rossiya-ukraina-urushi-qimmatga-tushayotgan-galaba-umidi/

@fikrat