“Наманганда юз берган фожиа ҳақида менга хабар беришди. Бўлган воқеани эшитиб, ғазабим ичимга сиғмай кетди”, – деб ёзди Президент Администрацияси раҳбари Саида Мирзиёева.

У мазкур жиноят юзасидан тегишли идораларга барча зарур топшириқлар берилганини, айбдор қонун доирасидаги энг оғир жазога тортилишини таъкидлади. Шунингдек, бепарволиги оқибатида фожиага йўл қўйган, норасида болани асрай олмаган масъулларнинг ҳам жавобгарлиги қатъий кўриб чиқилиши қайд этилди.

Болалар хавфсизлигига дахлдор бундай ҳолатларда қатъий муносабат ва адолат талаб қилиниши табиий. Саида Мирзиёеванинг жиноятга ҳуқуқий баҳо бериш билан бирга, масъулиятсизлик ва бепарволик муаммоларига ҳам алоҳида урғу бергани муҳим. Зеро, фожиа содир бўлганидан кейин жиноятчини жазолаш билан чекланмай, унинг олдини олиш имкониятлари нега қўлдан бой берилганини ҳам чуқур таҳлил қилиш зарур.

Болага озор бериш, унинг ожизлигидан ғаразли мақсадда фойдаланиш нафақат халқимизнинг меҳр-оқибат, ор-номус ва инсонпарварлик тамойилларига, балки инсонийликка мутлақо зиддир. Халқимизда “Боланинг бегонаси бўлмайди”, деган гап бежиз айтилмаган. Бу ҳикмат ҳар бир боланинг тақдирига дахлдорликни ҳис қилишга, ўзганинг фарзандига ҳам ўз боласидек меҳр ва эътибор кўрсатишга ундайди. Аждодлардан мерос бўлиб келаётган ушбу юксак қадриятлар қуруқ сўзларда эмас, кундалик муносабатларимизда, қабул қилаётган қарорларимиз ва амалий ҳаракатларимизда ўз ифодасини топиши шарт.

Тарбия масалалари тобора мураккаблашиб бораётган бугунги даврда жамият болаларнинг қандай муҳитда улғаяётганига ҳар қачонгидан ҳам сергак қараши лозим. Оиладаги соғлом муҳит, таълим муассасаларидаги эътибор, маҳалладаги ҳушёрлик ва масъул идораларнинг ўз вақтидаги тезкор чоралари – болалар ҳимоясининг асосий бўғинларидир. Бола руҳиятидаги қўрқув, шикоят ёки унинг хулқидаги кескин ўзгаришларга бефарқ қарамаслик, уни вақтида тинглаш ва тушуниш жуда муҳим. Зеро, фарзандларимизнинг ҳаёти, шаъни ва хавфсизлигини асраш ҳар биримизнинг энг катта инсоний бурчимиздир.

@fikrat

Aziz ustozlar va murabbiylar!

FIKRAT jamoasi nomidan barchangizni ushbu qutlug‘ bayram bilan chin qalbdan tabriklaymiz!

Bugun Fikrat tahliliy dasturida biz bilan birga fikr almashib, bilim va tajribasi bilan tomoshabinlarimizga manfaat yetkazib kelayotgan barcha ekspertlarimizga ham samimiy minnatdorligimizni bildiramiz.

Sizlarga mustahkam sog‘lik, oilaviy xotirjamlik va shogirdlaringiz yutuqlaridan faxrlanib yashash baxtini tilaymiz!

Siz bor ekansiz — ilm bor, tafakkur bor, kelajak bor!

Bayramingiz muborak bo‘lsin, aziz ustozlar!

Hurmat bilan,
FIKRAT jamoasi