Sunnat to'y

Qishlog'imizdagi bolalarda velosiped sotib olish uchun yagona imkoniyat bo'lardi - sunnat to'y.

Aksiga olib menikida yetarlicha pul tushmagan, 6 yosh edim. Bozorga borib, velosiped o'rniga dendy sotib olganmiz.

Mario o'ynayverib, boshqargichini buzib qo'yardim. Keyin ichini ochib, o'zim tuzatishga harakat qilardim. Ko'pincha ishlardi.

O'ylab qoldim, o'sha payt velosiped olganimda bugun dasturchi bo'lmasmidim deb. Hammasi yaxshilikka ekan. Velosipedsiz ham ajoyib bolalik bo'lgan.

Birinchi Biznes

Hovlimizda katta tog’ olcha daraxti bo’lardi. Taxminan yilning ayni shu paytlarida ko’p-ko’p meva solardi. Butun mahallani boqardi.

Bir kuni tomdan prujinali tarozi topib oldim, chamasi 9 yosh edim. Do’stim bilan 1 chelak olcha terdik. Lekin olchani kimga ham sotardik?

Hammaning hovlisida meva daraxtlari bor, lekin domda yashaydiganlarda yo’q deb o'yladik.

O’sha ko’p qavatli uylar oldiga bordik.
“Olcha keldi, olcha” - deb xaridor chaqira boshladim.

⁃ “Sen ham chaqirsangchi” dedim do’stimga.
⁃ “Uyalaman. Sinfdoshlarimiz shu yerda yashaydiku, ular nima deb o’ylaydi” dedi do’stim - chaqirmadi.

Ayollar gaplashib o’tirgan joyga bordik. Bir ayol olchaga qiziqib qoldi - kompot qilaman dedi. Unga qiziqib boshqalar ham oldi. Pulladik.

9 yashar bola qo’liga pul tushsa nima ham qilardi?
To’g’ri kompyuter xonaga ketti do’stim.
Xafiza opaning magazinidan shakar olib, uyga qaytdim. Rahmatli momam bilan birga nonushta qilish uchun edi.

Eng shirin shakar o’sha bo’lgan men uchun.

"Yutkazsam ham bellashaman" yohud tishimni qanday sindirganim haqida

8 yosh edim. Endi sut tishlarim tushib, yangi tishlar chiqqandi. Amakimning o'g'li bilan yog'ochdan "chayka" yasagandik. G'ildiraklari podshivnikdan edi. Oddiy mexanika - ustiga kimdir o'tiradi, kimdir esa orqadan itaradi. Tekis yo'lda tez yurardi jonivor.

Bir kuni qo'shnimizning o'g'li yangi olgan velosipedini "tiringlatib" atrofimizda aylanaverdi. Negadir yoqmadi. Shunda men:

- "Hey palonchi, poyga o'ynisanmi?" dedim.

Atrofdagilar "chayka"da yutkazishim aniqligini aytaverardi. Menga esa qizig'i yo'q edi. Do'stimni o'tirgizib, poygaga shaylandik.

Poyga boshlandi. Kuchim boricha, atrofga qaramasdan itarishni boshladim.

Birdan yo'ldan tosh chiqib qoldi. Chayka g'ildiragi toshga urilib mutlaq to'xtadi va men otilib ketdim. To'g'ri yuzim bilan asfaltga ishqalandim. Tishim sinib, qimirlab qoldi. Burnim ham shu payt jarohat olgan bo'lsa kerak.

Uyga borib, ayamdan yaxshigina gap eshitamanmi deb tursam, tezda stomotologga oborib, tishimni mustahkamlash uchun ukol qildirdilar. Kuchi 10 yilga yetadi degandi.

15 yil bo'ldi. Hali ham mustahkam.

“Insecurity” - o’zini boricha qabul qila olmaslik

Bu voqeadan keyin bir qancha vaqt ko’chada yuzimni qo’llarim bilan yopib yurdim. Singan tish bilan tabassum ham qilgim kelmasdi. Nima deganlari esimda yo’q, ayamning gaplari tufayli o’zim haqimda yaxshi his qilib, nuqsonlarimni boricha qabul qilganman.

Ulg’ayib bunday vaziyatlarni yanayam ko’proq ko’ryapman. Ayniqsa, yigitlarda soch to’kilishi, ayollarda esa pardoz masalasi.

Bir do’stimning uyiga borgandim. Borsam, berilib sochiga piyoz surtayotgan ekan. Sochi to’kilayotganidan xafaligi va fikri hayoli shunda ekanligini aytdi. Ko’pchiligimizga tanish vaziyat, shaxsan menga ham.

Ko’nglini ko’tarish uchun - Elon Musk’dek muvaffaqqiyatli bo’lsak, soch o’zi qaytib o’sib chiqadi deb hazillashdim.

“Insecurity”ni tuzatishning yo’li bitta - gaplashish. Yaqingiz bilan sizni qiynaydigan mavzuda ochiq, dildan suhbat qilish ko’p narsaga oydinlik kiritadi.

Hech kim mukammal emas, hammada kamchilik bor.

Ularni boricha qabul qilaylik.

Bir bekatda -0°C haroratni ko'rib qolgandim.

O'ylantirib qo'ydi, keyin texnik suhbat uchun so'raydigan savollar to'plamimga qo'shib qo'ydim.

Savol: -0 qayerdan keldi?

Tahminiy javob:
Xotirada haroratni saqlash uchun "float" - o'nli kasrdan foydalanilgan. Ekranga kasr qismi chiqarilmaganligi uchun ko'rinmay qolgan. Masalan, -0.5 bo'lgan bo'lishi mumkin.

2 xil dasturchilar bor:
- Windows ishlatadiganlar
- Dasturlashga jiddiy kirishganlar

"Datababase admistration" darsida Microsoft SQL Serverini ishlatyapmiz.

Butun darsda hammani sichqonchani chiqqillatishini eshitib o'tiraman.

Chiq, chiq, chiq ...
Kod yozamizmi o'zi?

Har kuni men:
youtu.be/ko9XGXDZDfM

Taqdir Hazili

Digital Nomads - Ko'chmanchi nomardlarmi?

Yevropada oyliklar yaxshi, lekin soliqlar...
Soliq odatda yillik daromad uchun hisoblanib, qiymati bo'yicha kategoriyalarga bo'linadi.

Masalan, Polshada 26 yoshgacha bo'lganlar uchun (yillik):
- 20 ming usd gacha 0%
- 25 ming usdgacha 12%
- Uyog'iga 32% 🙀

Pulni qaysi davlatda ishlab topgan bo'lsangiz, soliqni o'sha davlatga to'laysiz. O'ylab qoldim, har 3-6 oyda davlat o'zgartirib turilsa kamroq soliq to'lanadi-da?!

Shunday, hatto bu ishni qiladigan insonlar bor ekan. Ularni "digital nomad" - raqamli ko'chmanchilar deb atashadi.

Nomad bo'lishning ko'p taraflama yutuq va kamchiliklari bor ekan, qiziqtirib qo'ydi.

Ko'chamizmi?

Qilmagan ishingizni natijasini so’ramang

Litseyda bir kursdoshim bo’lardi. Nimadir qilishdan oldin juda ko’p o’ylanardi.

Bir kuni mendan:
- “Agar har kuni matematikadan 50ta misol yechib, 50ta so’z yodlasam - Moliyaga grantga kiramanmi?“ deb so’radi.

Bunaqa savollaridan rosa charchagandim, shunda:
- “Agar kecha boshlaganingda shu ishlarni, aniq kirarding” deb javob berdim.

Hali ham o’sha gap - ko’p o’ylanmang, qilavering. Natija o’zi keladi.

Facebook vs Amazon
youtube.com/shorts/SHqGYNM2U84

Och bo'ling!

Ilmga och bo'ling
Tajribaga och bo'ling
Sarguzashtga och bo'ling

To'q insondan yaroqsizrog'i yo'q

Dasturlashni o'rganishni boshlaganimga 7 yil, Amazonda ishlayotganimga esa 7 oy to'libdi.

Shu munosabat bilan instagramda kichik savol/javob shaklidagi live stream tashkillashtirmoqchiman:

Havola: instagram.com/azimjon__pulatov
Bugun, Toshkent vaqti bilan soat 17:30da

Live stream tugadi, yozib olindi
Havola: instagram.com/p/Cq23uE2v0ao

ChatGPT chiqqanidan buyon talabalar dasturlash bo’yicha “ekspert” bo’lib olishgan.

Universitetda kodni o’zingniz yozganmisiz yoki ChatGPTga yozdirganmisiz, tekshirish uchun - professor istalgan funksiyani o’chirib, qayta yozib berishni so’rayapti.

Bugun menda ham shunaqa vaziyat bo’ldi. Funksiyani chiroyli qilib, ishonch bilan yozib berdim.

Kodimni ChatGPTga yozdirgandim

Shifoxonada

Doktor: o’zingizni qanday his qilyapsiz?
Men: yaxshi rahmat, o’zizchi?

O’zbekmizda…

Tanishing, bu qush - kanareyka.
Ko'p insonlar hayotini saqlab qolgan.

1800-yillarda, ko'mir konidagi hidsiz bo'lgan uglerod oksidi oqibatida ko'p insonlar vafot etgan.

- Aaa, demak kanareyka sezarkanda deb o'ylayapsizmi?

Kanareyka ham sezmaydi, darrov o'lib qolarkan - lekin insonlarga nisbatan tezroq. Bu esa odamlar kondan chiqib olishiga imkon bergan.

Rasmdagi qafas ustida kislorod balonini ko'rishingiz mumkin. Bu xushdan ketgan kanareykani hayotga qaytarish uchun ishlatilgan.

Asrlar o'tib, hozirgacha "kanareyka testi" g'oyasi saqlanib qolgan - ayniqsa dasturlashda.

Muhim servislar ishlab turganini, ya'ni "tirikligini" tekshirish uchun "canary test"lar yoziladi va har zamon yuritib turiladi.

Nihoyatda go'zal.

Toshkentga qatnaydigan avtobus

Ayam yil davomida pul yig'ib, bizni bir haftaga Toshkentga aylantirgani oborardi.

Avtobusda borardik. 12 soatlik yo'l - ter hidi, aynigan ovqat va har doim kimdur yo'l bo'yi qusib kelardi.

Qanchalik yomon eshitilmasin, shu avtobus Toshkentga borardi, azim Toshkentga. Hammasiga rozi edim.

Qissadan xissa shuki, hammamizni hayotimizda shu avtobus bor - har xil ko'rinishda. Yaxshiroq hayot uchun, bu qiyinchiliklarga rozi bo'lishimiz kerak.

Vaqti kelib manzilga yetamiz.

jprq foydalanuvchilari kofe yuborishyapti

Dasturchilarga yordami tegayotganidan xursandman, yaqin kunlarda qayday ishlashi haqida bo’lishaman.

Oldik ☕️

Konsta Varshavada!

26-aprel, Polshaning istiqlol san'at saroyida konsert borakan.

Bilet oldim, ko'rishguncha 👋

Biletlar: evently.pl/events/2196-konsta-warszawa

Buvim:
- baland joylarda ishlagin (duo qilib)

Men, bir necha yil o’tib:
- baland deganda aniq bo’lish kerak, baland so’zini ko’p ma’nosi bor…