ChatGPT chiqqanidan buyon talabalar dasturlash bo’yicha “ekspert” bo’lib olishgan.

Universitetda kodni o’zingniz yozganmisiz yoki ChatGPTga yozdirganmisiz, tekshirish uchun - professor istalgan funksiyani o’chirib, qayta yozib berishni so’rayapti.

Bugun menda ham shunaqa vaziyat bo’ldi. Funksiyani chiroyli qilib, ishonch bilan yozib berdim.

Kodimni ChatGPTga yozdirgandim

Shifoxonada

Doktor: o’zingizni qanday his qilyapsiz?
Men: yaxshi rahmat, o’zizchi?

O’zbekmizda…

Tanishing, bu qush - kanareyka.
Ko'p insonlar hayotini saqlab qolgan.

1800-yillarda, ko'mir konidagi hidsiz bo'lgan uglerod oksidi oqibatida ko'p insonlar vafot etgan.

- Aaa, demak kanareyka sezarkanda deb o'ylayapsizmi?

Kanareyka ham sezmaydi, darrov o'lib qolarkan - lekin insonlarga nisbatan tezroq. Bu esa odamlar kondan chiqib olishiga imkon bergan.

Rasmdagi qafas ustida kislorod balonini ko'rishingiz mumkin. Bu xushdan ketgan kanareykani hayotga qaytarish uchun ishlatilgan.

Asrlar o'tib, hozirgacha "kanareyka testi" g'oyasi saqlanib qolgan - ayniqsa dasturlashda.

Muhim servislar ishlab turganini, ya'ni "tirikligini" tekshirish uchun "canary test"lar yoziladi va har zamon yuritib turiladi.

Nihoyatda go'zal.

Toshkentga qatnaydigan avtobus

Ayam yil davomida pul yig'ib, bizni bir haftaga Toshkentga aylantirgani oborardi.

Avtobusda borardik. 12 soatlik yo'l - ter hidi, aynigan ovqat va har doim kimdur yo'l bo'yi qusib kelardi.

Qanchalik yomon eshitilmasin, shu avtobus Toshkentga borardi, azim Toshkentga. Hammasiga rozi edim.

Qissadan xissa shuki, hammamizni hayotimizda shu avtobus bor - har xil ko'rinishda. Yaxshiroq hayot uchun, bu qiyinchiliklarga rozi bo'lishimiz kerak.

Vaqti kelib manzilga yetamiz.

jprq foydalanuvchilari kofe yuborishyapti

Dasturchilarga yordami tegayotganidan xursandman, yaqin kunlarda qayday ishlashi haqida bo’lishaman.

Oldik ☕️

Konsta Varshavada!

26-aprel, Polshaning istiqlol san'at saroyida konsert borakan.

Bilet oldim, ko'rishguncha 👋

Biletlar: evently.pl/events/2196-konsta-warszawa

Buvim:
- baland joylarda ishlagin (duo qilib)

Men, bir necha yil o’tib:
- baland deganda aniq bo’lish kerak, baland so’zini ko’p ma’nosi bor…

Kasal bo'lmang.
Ayniqsa musofir yurtlarda.

G'amxo'rlik qiladigan hech kim yo'qligi, tez yordam chaqirish juda qiyinigi, dori sotib olish uchun dorini shifokor tayinlagan bo'lishi kerakligi, shifokor xuzuriga haftalab navbat borligi... ehh juda qiyin.

3 yilda o'rganganlarim:

1. shamollamang:
- Issiqda sovuq ichmang
- Sovuq dushda chiniqing
- Sovuqda issiq kiyinib yuring

2. ovqatlaning:
- vaqtida
- meyorida
- shakarni kamaytiring

3. harakatlaning:
- yuring, yuguring
- jismoniy mash qiling

4. siqilmang:
- g'amgin kinolar ko'rmang
- hammasi yaxshi bo'ladi
- o'tgan ishga salovat

Ilgari ham shu kabi maslahatlarni ko'p eshitgandim. O'zim kasal bo'lib, keyin tushundim

Inclusion | Bag’ri Kenglik

Amazondagi yangi jamoaga qo’shilib oldim, qizig’i jamoada hamma polyak (10-15 kishi).

Bitta men polyak tilini bilmaganligim uchun, hamma majlislar ingliz tilida bo’ladigan bo’ldi.

Hayit bilan tabriklaganliklarini aytmasa ham bo’ladi. Menejerim, menejerimning menejeri va uning menejeri - hamma tabrikladi.

Xursandman.

Toshkeniston

10 yoshimda Toshkentga ko'chganmiz, eng "bag'ri keng" shaharga.

Noto'g'ri tushunmang, eng bag'ri keng insonlar ham Toshkentda. 14 yil ilgari "propiska" shu qadar qiyin masala ediki, hatto odamlar propiska uchun oila qurishardi. Propiskasizlar "ovlanib", kata jarimaga tortilardi - ayniqsa har yili Dekabr oyida.

Qonuniy yashashni xohlardik - vaqtinchalik propiskaga topshirardik. Oylab kutardik, chiqmasdi. Bir kishini maslahatiga ko'ra bir kuni "uchastkavoy"ga aroq oborib berdik, darrov tezlashib ketgandi.

Oxirigi marta, 2017-yilda vaqtincha propiskaga kirish uchun qo'limda nomer bilan 3 tarafdan rasmga olishgandi - jinoyatchidek. Viloyatdan kelganlar hali jinoyat sodir qilishga ulgurmagan jinoyatchi sifatida ko'rilardi. O'qish ham, ishlash ham qiyin edi.

Yetmaganiga ko'chalarda "shu vatan hammamizniki" deb yozib qo'yardi.

Million Dollarlik Imkoniyat

San Fransiskodan bir inson aloqaga chiqib, Jprq haqida 1-2 yordam so’radi. Sun’iy intellekt dasturlarini treyning - “o’rgatish” uchun yangicha usulni sinab ko’rayotganligini va bunda jprq dan foydalanayotganini aydi.

Jprq serverini ichki tizimiga integratsiya qilishda biroz yordam berib yubordim - kofe evaziga albatta.

Kecha qayta aloqaga chiqib, startapi 10-20 million dollar atrofida baholanayotganligi va birichi investitsiya uchun 500 ming dollar qo’lga kiritganini ayti.

Jamoaga “co-founder” bo’lib qo’shilishimni so’rayapti. Hozircha bir qarorga kelmadim, lekin katta ehtimollik bilan rad javobini beraman. Lekin bunaqa imkoniyatlar chiqib turishi hursand qiladi, albatta.

Bollar, biz ish qidirmaymiz - biz ish yaratamiz!

Rasmga izoh bering

Berlindagilar, hoy deb yuboringlar - ko’rishamiz :)

Amazon ofisida Jahongir akani ko’rib qoldim