O’rtachasi O’ldiradi

Toshkent havosi iflosligi bo’yicha butun dunyoda 1-o’rinni oldi va shu havodan nafas olayotgan inson sifatida bundan xursandman.

Ya’ni 2- yo 3-o’rinmasligidan xursandman. Faqat bizdami inflatsiya, ana Venezuelaga qarang degandaqa gaplar endi bo’lmaydi.

Eng yomoni bo’lish, o’rtacha yomon bo’lishdan yaxshiroq. E’tiborni jalb qiladi va bu bizni harakatga keltiradi.

O’rtacha sekin o’lganimizdan, qisqa qiynalib tirik qolganimiz yaxshi - eng yomoni bo’lib.

Qalbdagi g’ubor, Toshkentdagi chang PM2.5 dan yomonroq.

Hayotda toza havo kerakdek,
Hayolda toza o’ylovlar kerak.

Afsuski zulmatda, ichi qoralikda yashayotganlar o’zlarini qanday qiynayotganligini bilmaydilar.

Ko’nglingiz keng bo’lsa, chang havoda ham yengil nafas olasiz. Aksi bo’lsa, Shvetsariyada ham ichingiz siqiladi.

Qalbni faqat Egasi tuzata oladi.

Undan so’rang,
Unga qayting.

2021-yil
Polshadagi eng qiyin universitetlardan birida o'qishni boshladim.

2022-yil
Amazonda to'liq stavkada ishlashni boshladim, o'qishga parallel.

2023-yil
42uz startupimni qurishni boshladim, ishim va o'qishimga parallel.

2024-yil
Butun yil kuchli anxiety (g'ashlik) bilan o'tdi.

G'ashlik - huddi ichimda bir musht qattiq qisayotgandek. Universtetni bitirdim, Amazondan ishdan ketdim, 42uz ham rivojlandi.

Ammo baribir o'sha musht qo'yib yubormadi. Avvaliga bu shunchaki hissiyotku deb ko'z yumdim.

Keyin tanamda ta'sir o'tkaza boshladi - ovqat hazm bo'lmay, ovozim bo'g'ilishni boshladi.

Ko'p doktorlar ko'rigiga bordim, yordam bermadi. Ishdan ta'tilga chiqib sayohat qildim, yordam bermadi. Uylanishing kerak degan gaplar, vaziyatni battar qilardi.

Uydagilarni Tailandga sayohatga olib borishga to'lov qildim. Mehmonxona tasdiqlamagani uchun sayohat bekor bo'ldi. Ayam, dadamga umra safariga tur oldik, o'zim esa ishga. Dadam bora olmaydigan bo'lib qolib, o'rinlariga men bordim.

2025-yil
Madinadagi 3-kun boyagi musht qo'yib yubordi. Bo'yim 2-3 smga o'sibdi, tanam sog'lomlashdi.

Qalbim taskin topdi.

Allohning zikri ila qalblar orom olur (13:28).
Alhamdulillah.

Hamma narsada yutish uchun bir narsada yutish kifoya.

10 yoshimda Toshkentga ko’chdik va yangi maktabda o’qishni boshladim. Birinchi haftani o’zida birinchi 2 baho oldim - rus tilidan.

Chorak baholarimda ham 4 lar bor edi. Bitiruv imtihonida jismoniy tarbiyadan zo’rg’a 3 oldim.

Shunday bo’lsada maktabni “qizil attestat” bilan bitirdim. Chunki direktor xurmatini qozongandim - olimpiada orqali. Bu maktab edi holos.

Bu dunyo va oxiratda yutish uchun bir Zot bilan munosabatingizni to’g’irlash kifoya.

3:160

Muskul g’urraday gapda — og’ritib turmasangiz qaytib ketadi.

Miyya ham muskulday gapda…

yana bir yil, yana bir devfest

So’zlar eskiradi

Bir vaqtlar ko’chadagi simyog’och rostan yog’ochdan yasalgan.

Bugun temir va betondan yasaladi, ammo hech kim endi “simbeton” demaydi.

Bir vaqtlar odamlar to’yib ovqatlanishmagan, faqat bayram va bazmlarda to’yib ovqatlangan — uni to’y deb atashgan.

Bugun odamlar har kuni to’yib ovqatlanadi. Ammo hech kim to’ylarimizni “bo’k” deb atamaydi.

Yana qancha so’zlarimiz eskirgan ekan-a.

20 yoshgacha 20 urinish

Ushbu maqolada dasturlashgacha bo'lgan yo'lda pul topish haqidagi hikoyalarim bilan bo'lishdim.

Maqola: azimjon.com/20-try-til-20

Muzlagan ko’lga tushish osonroq…

Ammo ba’zi ishlar qilinishi kerak, qiyin bo’lsada.

U mahrga kutubxona so’radi

2025-yil sizga nima o'rgatdi?

Boshlab beraman:
- Men hech narsani bilmasligimni. Ayniqsa nima men uchun xayrli ekanini, nima xayrli emasligini. Yaratganga istixora qilib, ko'ngil taskin topishini o'rgandim.

Sizchi?

Baxtli insonlar

20 yil avval, Shahrisabzga mehmonga bordik - momo yurt.

Eng samimiy, ko’ngli ochiq, mehmondo’st insonlarni uchratdim.

Bog’larida olma, olcha, nok. Polizlarida ro’zg’orda nima kerak bo’lsa unib turibdi. Sut, qatiq-qaymoq o’zidan, mahsi-kovushlar uzoq bo’lsa qo’shnikidan.

Ularda hech bir g’am-tashvish ko’rmasdim. Ular men uchun eng baxtli insonlar edi…

Baxtsiz insonlar

Bugunchi, bugun ular qayerda? Nimalar bilan band?

Afsuski o’lat u yerga ham yetib boribdi, o’sha olis yurtlarga. Ota o’gli bilan rossiyaga ishlagani ketibdi.

O’sha katta to’y va mashina dardida…

10 yil umr, og’ir mehnat, oiladan uzoqda bo’lish asli baxtsizlik emasmi?

Ehh, endi nima bo’ladi?

ps. 1 yilda 1ta kurs chiqargandim

2025 Sarhisob

Harakatlar:
- @azim da 3ta video
- @qirikki da 1ta kurs
- @fikrlog da 99ta maqola
- @azim_pulat da 77ta reel
- 3ta podkast, 2ta suhbatlar

Natijalar:
- @fikrlog da 3.3 million o’qishlar
- YouTube da 462 ming ko’rishlar
- Instagram da 5.4 million ko’rishlar
- 42.uz da 9,561 ta yangi o’quvchilar
- 42.uz/arena da 33,362 yuborilgan yechimlar

2026-yilda aksini qiling.

Uxlash oldidan sovub olish uchun issiq dush qabul qiling.

Qiziqarli g’oyalar chiqishi uchun yaxshilab zeriking.

Xursand bo’lish uchun avval hafa qiladigan ishlar qiling.

Tanada yig’ilib qolgan suvni chiqarib tashlash uchun, ko’proq suv iching.

Miyyamiz ortida bizning xabarimizsiz kun-u tun bir dastur ishlab turibdi.

Bu dasturni nomi - homeostasis. Sizga ham, menga ham o’rnatilgan. Muvozanat keltiraman deb oshirib yuboradi.

Bu muammo emas, balki imkoniyat!

Shunchaki aksini qiling.

Muvozanat narxi

Homeostasis haqida biznikilar asrlar oldin bilgan - ular jazirama issiqda issiq choy ichib sovigan.

Qishning chillasida muzlagan ko’lga 1 daqiqadan 3 marta kirib-chiqib, 3 tun go’dakdek shirin uxladim - qancha qiynalgan bo’lsam, keyin shuncha yengil tortdim.

Kimdir tamaki bilan erishadigan “rohat”ga, sport bilan erishsangiz bo’ladi. Ikkisining farqi, birinchi qiynalasizmi yoki rohatlanasizmi?

Homeostasis tufayli rohatdan keyin doim siqilish bo’ladi, ko’pchilik bu siqilishga rozi bo’la olmay yana rohat istab qoladi va bu qaramlik hosil qiladi.

Qiyinchilikdan so’ng osonlik bordir (94:5)

Muvozanat farqi

Sog'lom inson tana harorati ~36.6 *C
Ammo undan issiqroq ham, sovuqroq ham sog'lom insonlar topiladi - ular bir xonada bo'lsa ham.

Huddi shunday insonlar o'rtasida dofamin muvozanatida ham farq bor. Ba'zi insonlarda bu ko'rsatgich farqi katta.

Stimullarsiz dofamin miqdori asta muvozanatga qaytadi. Bu ko'rsatgich aytganimdek hammada har xil.

Bolalarda ancha pastroq. Shuning uchun bo'lsa kerak ular tez zerikadi, bir joyda turolmaydi yoki ko'p hayol suradi. 8-12% 5-17 yosh bolalar hatto e'tiborini jamlashda qattiq qiynalishadi. Aksari ulg'ayib "bosilib" qolishadi.

Ammo hamma ham emas. Ular orasida shunday insonlar (2.5%) borki, ular umrbod "tuzalmaydi".

Uning nomi: ADHD

G’orbek siqildi.

G’orbek g’ordan chiqib, qiynalib kiyik ovladi. Qorni to’yib, yengil tortdi - mazza qildi.

2026-yilda yashayotgan G’orbekning uzoq qarindoshi - Oybek.

Oybek ham siqildi.

Oybek endi g’oridan xonasidan chiqmasdan, “G’alati narsalar” serialini ko’rib, kiyik ovlab yegandek mazza qilyapti.

Ertaga ular yana siqiladi.
Homeostasis baby 🙂‍↔️

Bemowo'dagi Uy (2021-2025)

2021-yil 6 oy qishloqda yashagach, yana shaharga qaytishga qaror qildim.

Ammo endi yolg'iz yashashga o'rganib qolgandim. Avvaliga "endi qurbim yetadi-ku" deb shahardan bir o'zimga ijaraga kvartira olmoqchi bo'ldim.

Oyiga $1,000 to'lash oson bo'lmasdi, ammo yolg'iz yashashdagi samaradorlik uchun arzirdi. Ideal o'rtasini topishga harakat qilib, do'stim bilan bir uy olishga kelishdik.

200dan ortiq e'lonlarga aloqaga chiqdik - "chet elliksan" degan ajratishlar ko'p bo'ldi. Ammo 1tasi rozi bo'ldi. Uyli bo'ldik.

2021-2025 yil, 4 yil muddat 1 uyda yashadim. Facebookka, Amazonga, Googlega, ko'p katta kompaniyalarga shu uydan ishga kirdim.

Faqat men emas, shu uyda yashagan 5ta O'zbekka Google ishga taklif berdi. Ma'lumot uchun butun dunyoda Google'da ~30ta O'zbek injiner ishlardi.

42 jamoasini ham shu uyda o'stirdik - jamoa a'zolari ijara to'lamasdi. Bir uyda yashab, ishlardik.

Biz qurgan birinchi inkubator edi...