📚 “Ifodali o‘qish” tanlovi saralash bosqichi muvaffaqiyatli yakunlandi!

Ingliz tilini o‘qitish metodikasi N1 kafedrasi tomonidan tashkil etilgan “Ifodali o‘qish” tanlovining saralash bosqichi yuqori saviyada va tartibli ravishda o‘tkazildi. Mazkur tanlov talabalarning og‘zaki nutq madaniyatini rivojlantirish, ifodali o‘qish ko‘nikmalarini mustahkamlash hamda ularning ijodiy va kommunikativ kompetensiyalarini oshirishga qaratilgan.
Tanlovni tashkil etishda Ingliz tilini o‘qitish metodikasi N1 kafedrasi mudiri Ochilova Vazira Rustamovna rahbarligida kafedra professor-o‘qituvchilari — Turaxonova Badia, Zakirova Nigora, Boltayeva Durdona, Kuchkarova Maftuna, Mardonova Mohinbonu hamda Juraboyeva Gulmira faol ishtirok etdilar. Ular tomonidan tanlovning mazmuni, baholash mezonlari va tashkiliy jarayonlari puxta ishlab chiqildi.
Tanlov jarayonida Ingliz tili birinchi fakulteti dekani Ergasheva Guli Ismailovna ham bevosita ishtirok etib, ishtirokchilarning chiqishlarini kuzatib ularga o‘z tavsiyalarini berdilar. Dekan tomonidan tanlov ishtirokchilari samimiy tabriklanib, ularning kelgusi o‘qish va kasbiy faoliyatlarida muvaffaqiyatlar tilandi.
Saralash bosqichida ishtirokchilar o‘zlarining ifodali o‘qish mahorati, talaffuz aniqligi, intonatsiya va sahnaviy chiqishlari orqali baholandi. Shuningdek, ularning mahoratiga qarab nominatsiyalar bo'yicha taqdirlandilar. Tanlov yuqori darajada qiziqarli va raqobat muhitida bo'lib o‘tdi.

📍O‘zDJTU 2-son talabalar turar joyida

“Biz ommaviy madaniyatga qarshimiz” mavzusida Ingliz tili 1-fakulteti Umumiy tilshunoslik kafedrasi professor-o‘qituvchilari Yusupbayeva Muxayyo G‘ayrat qizi va Sharipova Dilnoza To‘lqin qizi tomonidan mazmunli uchrashuv va davra suhbatlari o‘tkazildi.

💬 Tadbir davomida yoshlarni milliy qadriyatlarimizga hurmat ruhida tarbiyalash, ommaviy madaniyatning salbiy ta’sirlariga qarshi mafkuraviy immunitetni shakllantirish, global axborot oqimida to‘g‘ri yo‘l tanlash kabi dolzarb masalalar keng muhokama qilindi.

📚 Suhbat jarayonida ommaviy madaniyat tushunchasi, uning ijobiy va salbiy jihatlari, yoshlar ongiga ta’siri, shuningdek, milliy o‘zlikni asrash va rivojlantirish yo‘llari haqida atroflicha fikr almashildi.

🗣 Talabalar o‘zlarini qiziqtirgan savollar bilan murojaat qilib, faol ishtirok etdilar hamda mavzu yuzasidan o‘z fikr-mulohazalarini bildirdilar.

✨ Tadbir yakunida yoshlarni ma’naviy barkamol etib tarbiyalashda bunday uchrashuvlarning ahamiyati alohida ta’kidlandi.

❗️ Aleksandr Faynberg tanlovida ishtirok etganlarni natijalari e'lon qilindi, hamda sertifikatlar bilan taqdirlanishdi☺️

Tanlovga kelib tushgan ko‘plab ijodiy ishlar orasidan eng mahoratli, nutqi ravon va she’rni qalban his qilib ijro etgan ishtirokchilarni saralab olish hakamlar hay’ati uchun oson bo‘lmadi. Yakuniy natijalarga ko‘ra, quyidagi ishtirokchilar g‘olib deb topildi:

✅ G‘oliblarimiz quyidagilar:
• 1-o‘rin:Karimova Mehribon
• 2-o‘rin:To'xtaraliyeva Dilnoza
• 3-o‘rin:Eshmuratova Aysuliw

Barcha g‘oliblarimizni ushbu muvaffaqiyat bilan muborakbod etamiz! Hamda ishtirokchilarga o‘z minnatdorchiligimizni bildiramiz.

SAHNA ORQALI TARBIYA VA SABOQ

Ingliz tili 1-fakulteti 2510-guruh talabalari Adabiyotshunoslik fanidan o‘z iste’dodlarini namoyon etib, Said Ahmad qalamiga mansub “Kelinlar qo‘zg‘oloni” dramatik asaridan sahna ko‘rinishini taqdim etdilar.

🎭 Rollarda:
Olib boruvchi — Eshmurzayeva Odina
Qaynona Farmonbibi — Norboyeva Jasmina
Nigora kelin — Ilasheva Shabbona
Sotti kelin — Ubaydullayeva Saodat
Lutfi kelin — Turabekova Ruxshona
Bashorat kelin — Odiljonova Rayyona
Muhayyo kelin — Botirboyeva Maftuna
Mehri kelin — Sobirova Zumrad

✨ Mazkur sahna orqali talabalar nafaqat aktyorlik mahoratini, balki asarning chuqur mazmunini ham yoritib bera oldilar.

💡 Parcha yakunida esa muhim xulosa qilindi: oila mustahkamligi faqat qattiqqo‘llik bilan emas, balki o‘zaro tushunish, hurmat, qo‘llab-quvvatlash va bir-birini boricha qabul qilish orqali barpo etiladi.
👏 Talabalarimizga ijodiy yondashuv va a’lo darajadagi chiqishlari uchun tashakkur!

🎭 SAHNADA YANGI TALQIN — “TEMIR XOTIN” SPEKTAKLI

O‘zbekiston davlat jahon tillari universiteti, 1-Ingliz fakulteti 2509-guruh talabalari tomonidan Temir xotin spektakli sahnalashtirildi.

📖 Muallif: Sharof Boshbekov
🎭 Janri: Komediya (ichki mazmunida tragediya unsurlari mavjud)
🕰 Yaratilgan davr: XX asr 80-yillari
👩‍🏫 O‘qituvchi: Rasulmuxamedova D.Z

🌟 Faol ishtirokchilar:
Qo‘shqor — M. Guljahon
Qumri — A. Yulduz
Olimtoy — I. Munisa
Alomatxon — R. Fotima
Qo‘shni Saltanat — H. Marjona
Turobjon — N. Chinnigul, H. Shirin
Suvon — A. Musharraf
Boshlovchi — A. Mubina

✨ Ushbu sahna asari orqali talabalar nafaqat kulgi, balki jamiyatdagi muhim muammolarni ham yoritib berishga muvaffaq bo‘ldilar. Asar mazmunida insoniy munosabatlar, oilaviy qadriyatlar va hayot haqiqatlari chuqur aks etgan.
👏 Talabalarimizning ijodiy yondashuvi va sahnadagi mahorati tahsinga loyiq!