UNIVERSITETIMIZ SPORTI UCHUN YANA BIR YUTUQ

🏓 Joriy yilning 16-21 aprel kunlari Oʻzbekiston stol tennisi federatsiyasi sport zalida sportning stol tennisi turi boʻyicha yoshlar oʻrtasida OʻZBEKISTON CHEMPIONATI boʻlib oʻtdi.

Ushbu musobaqada respublikamizning turli hududlaridan professional yosh sportchilar stol tennisining yakkalik hamda aralash juftlik bahslarida gʻoliblik uchun kuch sinashdi.

🔥 Yakunda Ingliz tili 1-fakulteti 1-kurs 2528-guruh talabasi Sirojiddinova Maftuna Nodirbek qizi aralash juftlik bahsida bronza medaliga egalik qilgan holda shohsupaga koʻtarildi.

Eslatib oʻtamiz, shu kunlarda universitetimiz stol tennisi terma jamoasi jamoamiz murabbiyi Muxamedjanov Shovkat Muxrumovich qoʻl ostida "TALABALAR LIGASI" sport musobaqalarining Respublika final bosqichiga tayyorgarlikni davom ettirishmoqda.

© Sport - sogʻlik garovidir!

🎶 RAQS, LAPAR VA QO‘SHIQ KUYLASH TANLOVI BO‘LIB O‘TDI 💃

O‘zDJTU Ingliz tili 1-fakulteti Ingliz tilini o‘qitish metodikasi N1 kafedrasi mudiri V.R. Ochilova hamda iqtidorli talaba Erkinboyeva Aziza Ruslonovna tashabbusi bilan ijodiy tanlov doirasida raqs, lapar va qo‘shiq kuylash yo‘nalishlari bo‘yicha bellashuv bo‘lib o‘tdi 🎤✨

📌 Tanlov davomida ishtirokchilar o‘zlarining sahna mahorati, ijodiy yondashuvi va iste’dodlarini namoyon etib, tomoshabinlarga ko‘tarinki kayfiyat ulashdilar hamda milliy san’atimiz jozibasini yana bir bor yorqin ifoda etdilar 🎶

🏆 Tanlov yakunida ishtirokchilar o‘z mahoratlarini namoyon etib, hakamlar hay’ati jumladan, o'qituvchilarimiz Zakirova Nigora, Kuchkarova Maftuna va Turaxonova Badia tomonidan munosib baholandi. Eng yaxshi deb topilgan ishtirokchilar aniqlanib, maxsus sertifikatlar hamda esdalik sovg‘alari bilan taqdirlandilar 🎁

✨ Keyingi tanlovlarimizda barcha ishtirokchilarga omad tilaymiz!

Ingliz tili birinchi fakulteti tyutori D.D. Xurramova tashabbusi bilan talabalar bo‘sh vaqtini mazmunli tashkil etish, ularning ma’naviy-ma’rifiy saviyasini yuksaltirish hamda kitobxonlik madaniyatini rivojlantirish maqsadida 1-bosqich talabalari ishtirokida “Bolalar kutubxonasi”ga tashrif uyushtirildi.

Mazkur tashrif davomida talabalar kutubxona faoliyati, undagi mavjud adabiyotlar fondi, zamonaviy xizmat ko‘rsatish tizimi hamda yosh kitobxonlar uchun yaratilgan qulay shart-sharoitlar bilan yaqindan tanishdilar. Shuningdek, ular bolalar adabiyotining o‘ziga xos jihatlari, kitoblarning tarbiyaviy ahamiyati hamda mutolaaning inson kamolotidagi o‘rni haqida batafsil ma’lumotlarga ega bo‘ldilar.

Tashrif jarayonida talabalar kutubxona xodimlari bilan muloqot olib borib, o‘zlarini qiziqtirgan savollarga javob oldilar, turli badiiy va ilmiy-ommabop asarlar bilan tanishib chiqdilar. Bu esa ularning mustaqil fikrlash ko‘nikmalarini rivojlantirish, kitobga bo‘lgan qiziqishini yanada oshirishga xizmat qildi.

Mazkur tadbir talabalarning bo‘sh vaqtini samarali tashkil etish, ularni kitobxonlikka keng jalb qilish, ma’naviy dunyosini boyitish hamda kelgusida o‘z kasbiy faoliyatida zarur bo‘ladigan bilim va ko‘nikmalarni mustahkamlashda muhim ahamiyat kasb etdi.

📌 “Muvaffaqiyat sari yo‘l” nomli ma’rifiy uchrashuv

2026-yil 23-aprel kuni O‘zbekiston davlat jahon tillari universiteti 1-ingliz fakultetida talaba-qizlar uchun muhim va mazmunli tadbir tashkil etildi.

Mazkur tadbir universitet xotin-qizlar qo‘mitasi raisi F. Ashurova, Ingliz tili 1-fakulteti xotin-qizlar masalalari bo‘yicha dekan maslahatchisi M. Alimardonova hamda “O‘zbekiston tarixi” kafedrasi professori, t.f.d. D. Babajanova hamkorligida o‘tkazildi.

Tadbirda Toshkent davlat yuridik universiteti professori, yuridik fanlari doktori F. Muxitdinova o‘zining mazmunli ma’ruzasi bilan ishtirok etdi.

Uchrashuv davomida talaba-qizlarga kasbiy rivojlanish, yuridik sohada erishilgan yutuqlar hamda kelajakdagi imkoniyatlar haqida batafsil ma’lumotlar berildi. Ma’ruzalar ishtirokchilarda katta qiziqish uyg‘otdi va ularga kuchli motivatsiya bag‘ishladi.

✨ Bunday tadbirlar yoshlarning kelajak kasbini ongli tanlashida muhim ahamiyat kasb etadi hamda ularni yuksak maqsadlar sari ruhlantiradi.