مضبطه حسابي انستا بالقصيد لعيونكم
تفضلو❤️❤️❤️❤️

‏أحبه
‏والله انه عندي أغلى من بنـون . . ومـال
‏لكن الحظ ما ساعد ويا دنيا من أنتي له ؟

‏فرشت ضلوع صدري في طريقه والهوى قتّال
‏أبيه يدوس ريضان الحشا . . و تفوح أكاليله

هذا هو قيس يوم ودّوه مكة عشان
يتوب من حبّ ليلى وقف قدام الكعبة
ودعا ربه يزيده لها حبّا وجنونًا

ليتك مثله

‏خذانا هوى اللي يوخذ المسك من دمّه
‏بعد ما نوينا نعتق الصيد بأنواعه

ببتعد عنك و عن باقي علومك
و انت عيش الطيش من ذاتك لذاتك

لا اسأت الظن فيني ما ألومك
كنت أنا الشي النظيف اللي بحياتك

‏أعتقد ان الفزّة اللي تجي اثناء ذكر المحبوب دلالة على تحرك القلب من مكانه
– سعود بن مبارك

أنثري ليل شعرٍ بالنّدى مبلول
أسودٍ ماخذ من قلوب حِسّاده

النسايم لها قصة مع المجدول
لا نفضتيه جت تنساب منقاده

أفقهي سود خصلاته عن المنتول
وينظم الليل لك نجماته قلاده

مثل نظم الجواهر والدّر، واللول
في سلوك الذهب بكفوف نضّاده

أرفلي بالحرير اللي كسا مفتول
عود موزٍ ستير الثوب ما فاده

‏رحم الله شهداء الوطن، وأسكنهم فسيح جناته، وعظّم الله أجر أهاليهم وألهمهم الصبر والسلوان.

‏يا الغزال اللي شمال الصدر دارك
‏وين رايح .. تركض بـ ذيك التلال؟

‏مدهلّك روحي .. وفي قلبي خضارك
‏ومشربك غيمة .. ومرعاك الجمال

‏يستحي برد الهبوب .. يمسّ نارك
‏و أتذرى خلفك الشمس .. بـ ظلال

‏كل حسنٍ بالعذارى من جوارك
‏أنت طينٍ .. من وصوف ومن خيال

‏تلتفت .. والليل يسرق من نهارك
‏ويكتمل .. في عتمة دروبك هلال

‏لو كِشفت لـ لجة النور .. بخمارك
‏ينجلي فيك الضيا .. طهر وجلال

‏غير إن الزين .. كوكب في مدارك
‏يا مليح الطبع .. وش هذا الدلال؟

‏وأسألك .. لا زدت بـ خْطاك وعفارك
‏كيف سهمي يلحقك يا أسرع غزال؟

‏يالله طلبتك مع فجات الاصباح
‏برزقٍ تسوقه كما سوق الهبايب

‏عسى يداعب وجنتك كل ما ضقت
‏صبحٍ نسانيسه تدف الستاير

‏يعجبني إنك بنت كسّابة الصيت
‏و إنه يزين المرتع اللي –– تجينه

‏ويعجبني إني كل ماغنيت لي بيت
‏تدرين بـ إنه فيك ، و ترتوتينه

‏الصباح اللي ماشوفك فيه ماله قيمه
‏لو يصبحني ثلاث ارباع شعب العالم

‏— لذالك ، لذه صباحيّ معك❤️

‏أنت عمرٍ لا سألوني وش تمنى؟ قلت أعيده
‏وأنت فرحة يوم جت لي ماتت أحزاني بعَدها

‏أنت لو للناس دنيا.. ! صرت لي دنيا جديده
‏ما حييت إلا عليها ولا أندفنت إلا فـ لحَدها

‏أنت خيرٍ جابه الله خصني به من عبيده
‏وأنت نعمة قلبي اللي كل ما ينبض حمَدها

‏أنت ضحكه ساندتني رغم الأوقات العنيده
‏مثل ماني بالوجود، وفوق هالدنيا سندها

‏أنت غيمة مرّت بـ قاعٍ، شكت للغيم بيده
‏وأرتوت فيك الصحاري من جفافٍ قد حصَدها

‏أنت حبٌ مع مرور الوقت يتزايد، و أزيده
‏وحدك اللي مكتفي بك، والبشر ينقص عددها

‏الله يديمك لـ قلبي، عمر، وأعوامك مديدة
‏أنت حاجة ما يعيش إنسان لو قلبه فقدها

‏أنفجر لأجلك شعوري لين صارت هالقصيدة
‏كل ما جا لك فضولك عن غلاك أقرأ وعدها

اللهم أرحم محمد البلوي وأغفر له وادخله فسيح جناتك بلا حساب ولا سابق عذاب.

اللهم صلِّ وسلم على نبينا محمد

في خدها الأيسر زهت حبّة الخال