#Milliy_reja

🟡 💚💚💚

❗️Bolalar saratoni: Tashxislarning 95 foizi 14 kun ichida qo‘yiladi
 

✅ Onkologik va gematologik kasalliklarga chalingan bolalar va o‘smirlarga tibbiy yordam ko‘rsatish bo‘yicha 2025–2035-yillarga mo‘ljallangan Milliy rejaning ikkinchi strategik yo‘nalishi — saratonning barcha turlari uchun diagnostika tizimini takomillashtirishga qaratilgan.

 
❓ Xo‘sh, bu yo‘nalish qanday chora-tadbirlarni o‘z ichiga oladi?
 
🔎 Bolalar saratonini, odatda, ommaviy skrining orqali aniqlash imkoniyati cheklangan. Shu sababli o‘z vaqtida va aniq tashxis qo‘yish yashovchanlikni oshirishning eng muhim omillaridan biri.

📌 Milliy rejaga ko‘ra, saratonga shubha qilingan har bir bola uchun “yashil yo‘lak” tamoyili joriy etiladi. U bemorning yashash joyidan qat’i nazar, dastlabki alomatlar aniqlangan paytdan boshlab zarur tekshiruv va ixtisoslashtirilgan yordamga o‘z vaqtida yetib borishini ta’minlashga xizmat qiladi.

⬇️ Buning uchun:
 
➡️ bemorlarni mutaxassislarga yo‘naltirishning standart protokollari joriy etiladi;
 
➡️ birlamchi bo‘g‘in shifokorlari bolalar saratonini erta aniqlash bo‘yicha muntazam o‘qitiladi;
 
➡️ hududlarda laboratoriya diagnostikasi modernizatsiya qilinadi, morfologik diagnostika bo‘yicha referens-markazlar yo‘lga qo‘yiladi;
 
➡️ hududiy va respublika markazlari o‘rtasida teletibbiyot maslahatlari kengaytiriladi;
 
➡️ MRT, MSKT, PET-KT va boshqa zamonaviy nur diagnostikasi imkoniyatlari bosqichma-bosqich rivojlantiriladi.
 
📊 2030-yilga borib, tashxislarning 95 foizini bemorning sog‘liqni saqlash tizimiga birinchi murojaatidan keyin 14 kun ichida qo‘yish maqsad qilingan.
 
📊 Shuningdek, birlamchi bo‘g‘in shifokorlarining 98 foizi bolalar saratonini erta tashxislash bo‘yicha xabardor bo‘lishi, birlamchi tashxislarning referens-laboratoriyadagi tasdiqlovchi diagnostika bilan muvofiqligi 95 foizga yetkazilishi ko‘zda tutilgan.
 
‼️Asosiy maqsad bola qayerda yashashidan qat’i nazar, unga tezkor, aniq va bir xil standartdagi diagnostika imkoniyatini yaratishdan iborat.

🚑  SSV Matbuot xizmati.

🌐 Web-site 🔵Telegram 👥 Fb 📷 Instagram

​ДИҚҚАТ ЭЪЛОН
❗️Тиббиёт ходимлари диққатига: Уй-жой субсидияси учун илк танлов 9 октябрь куни ўтказилади

Ҳукумат қарори билан давлат тиббиёт муассасаларида камида 15 йил иш стажига эга тиббиёт ва фармацевтика ходимлари учун уй-жой дастлабки бадалининг 25 фоизини қоплаб бериш тартибига доир тегишли низом тасдиқланган эди.

📌 Унга кўра, номзодлар ипотека кредити асосида бирламчи уй-жой бозоридан уй ёки квартира сотиб олиш учун ариза топшириши, ҳар чорак сўнгида тегишли талабларга жавоб берган аризалар танлов учун алоҳида реестрга киритилиши ва якунда улар орасидан 125 нафар ғолиб автоматик тасодифий танлов орқали саралаб олиниши белгиланган.

📊 Соғлиқни сақлаш вазирлигининг хабарига кўра, ушбу амалиёт жорий этилгач, 2026 йилнинг учинчи чораги якунлари бўйича жами 4 728 та ариза келиб тушди. Улардан 1 657 таси белгиланган талабларга мувофиқ деб топилиб, танловга киритилди. Энди 125 нафар ғолиб айнан шу 1 657 та аризачи орасидан танланади.

📆 Бу бўйича илк танлов 2026 йилнинг 9 октябрь куни соат 10:00 да ўтказилади. Унда учинчи чорак якунлари бўйича танловга қўйилган аризалар орасидан ғолиблар аниқланади.

🎥 Танлов www.ins-subsidiya.imv.uz сайти орқали ўтказилади. Жараён Соғлиқни сақлаш вазирлигининг Фейсбук, Инстаграм ва Телеграм тармоқларидаги расмий саҳифаларида жонли эфирда намойиш этилади.

Расмий саҳифаларимиз:
Telegram | Facebook|vebsahifa| Instagram | You Tube

Shavkat Mirziyoyev Markaziy Osiyo va Ozarbayjon davlat rahbarlarining sakkizinchi Maslahat uchrashuvida ishtirok etdi

Davlatimiz rahbari o‘z nutqida quyidagi takliflarni ilgari surdi:

➖ 2027-yilda Xivada Markaziy Osiyo va Ozarbayjon biznes forumini o‘tkazish hamda qo‘shma investitsiya loyihalarini qo‘llab-quvvatlash platformasini tashkil etish;

➖ Infratuzilmaviy rivojlanish bo‘yicha kengashni tuzishni tezlashtirish va uning birinchi yig‘ilishini O‘zbekistonda o‘tkazish;

➖ kam uglerodli energetika salohiyati bo‘yicha qo‘shma konsepsiyani tayyorlash;

➖ suv resurslaridan foydalanish masalalari bo‘yicha Afg‘oniston bilan muloqotga alohida e’tibor qaratish;

➖ “Markaziy Osiyo toza havosi” xalqaro konsorsiumi faoliyatini sanoat zonalari, agroklasterlari va transport bog‘lamalarini ekologik jihatdan modernizatsiya qilish bo‘yicha pilot dasturidan boshlash;

➖ Markaziy Osiyoning muhim minerallar zaxiralarining yagona raqamli xaritasini yaratish;

➖ mamlakatlar imkoniyatlarini birlashtirib, Umumiy hisoblash infratuzilmasini yaratishni boshlash.


👉 @xushnudbek 👈

Расмий саҳифаларимиз: Обуна бўлинг | Подпишитесь
Telegram || Instagram

​​#Саломатлик
🩺 Кузда ҳаво совиши қон босимига қандай таъсир қилади?

Ҳавонинг кескин совиб кетиши айрим одамларда қон босимининг одатдагидан юқорилашига олиб келиши мумкин. Бу айниқса гипертонияси бор, инфаркт ёки инсультни бошдан кечирган, юрак етишмовчилиги, қандли диабет ёки буйрак фаолияти билан боғлиқ муаммолари бўлган инсонлар учун муҳим.

Кардиологнинг тушунтиришича, ҳарорат пасайганда организм иссиқликни сақлаб қолишга ҳаракат қилади. Шу сабабли периферик қон томирлар торайиб, симпатик асаб тизими фаоллашади. Натижада совуқ ҳавода артериал қон босими ёз фаслига қараганда юқорироқ бўлиши мумкин.

🌡 Ҳароратнинг кескин ўзгариши янада муҳим
Илиқ об-ҳаводан бирданига совуққа ўтиш организмга қўшимча юклама беради. Айрим беморларда бундай ўзгаришлар қон босимининг барқарор равишда юқорилашига олиб келиши ва даволашни қайта кўриб чиқиш заруратини туғдириши мумкин. Шунинг учун «организм совуққа ўрганиб кетади, босим ҳам ўз-ўзидан меъёрлашади» деб кутиб ўтириш тўғри эмас.

📈 Битта ўлчовга қараб хулоса қилманг
Қон босими сутка давомида табиий равишда ўзгариб туради. Шу сабабли бир марта юқори кўрсаткич чиқиши ҳали муаммо борлигини англатмайди.

Агар совуқ тушиши билан қон босимингиз одатдагидан фарқ қила бошласа:
➖ бир неча кун давомида қон босимини мунтазам ўлчанг;
➖ кўрсаткичларни ёзиб боринг;
➖ натижаларни шифокорга кўрсатинг;
➖ дори дозасини ўзингизча оширманг ва янги дори қўшманг.

❤️ Совуқ мавсумда тузни камайтириш, вазнни назорат қилиш, чекишдан воз кечиш ва алкоголни чеклаш ҳам муҳим.

📌 Энг муҳими: қон босимининг барқарор ўзгаришига эътибор беринг. Агар босим бир неча кун давомида одатдагидан юқори бўлса, буни фақат «об-ҳаво таъсири» деб қабул қилмасдан, шифокор билан маслаҳатлашинг.

Расмий саҳифаларимиз:
Telegram | Facebook|vebsahifa| Instagram | You Tube

Тиббиёт ва фармацевтика ходимларининг фарзандларига контракт суммасининг 30 фоизигача қисмини субсидия орқали қоплаб бериш бошланди

Давлат тиббиёт муассасаларида камида 15 йил ишлаган тиббиёт ва фармацевтика ходимларининг фарзандлари учун контракт тўловининг бир қисмини қоплаш бошланди. Аризаси тасдиқланган ходимлар фарзандлари ўқиётган олийгоҳларга субсидия маблағлари ўтказилмоқда.

Мазкур имтиёз Вазирлар Маҳкамасининг 2026 йил 12 июндаги 310-сон қарорида белгиланган.

Унга кўра, тегишли тоифадаги ходимларнинг республика олий таълим ташкилотлари бакалавриат босқичида таҳсил олаётган фарзандлари учун йиллик тўлов-контракт суммасининг 30 фоизи қоплаб берилади.

Бунда субсидиянинг энг юқори миқдори базавий ҳисоблаш миқдорининг 15 бараваридан ошмаслиги керак. Яъни контрактнинг 30 фоизи ушбу чегарадан юқори бўлса, тўлов белгиланган лимит доирасида амалга оширилади.
Хабарга кўра, ариза топширган ва мурожаати тасдиқланган ходимларнинг фарзандлари ўқиётган олийгоҳларга маблағлар келиб туша бошлаган.

doridarmon_ak

Tinchlik bo’yicha 2026-yilgi Nobel mukofotiga 🇿🇦janubiy afrikalik yurist Navanethem Pillay sazovor bo’ldi.

U tinchlik va xalqaro huquqni ta’minlash yo’lidagi sa’y-harakatlari uchun taqdirlandi.


👉@xushnudbek👈

❣️ Юртимизда кўкрак бези саратони профилактикасига бағишланган “Пушти октябрь” ойлиги бўлиб ўтмоқда

📈 Жаҳон соғлиқни сақлаш ташкилотининг маълумотларига кўра, ҳар йили дунёда 2,4 миллионга яқин аёлга кўкрак бези саратони ташхиси қўйилмоқда. Ўсиш суръати сақланиб қолса, 2050 йилга бориб, бу кўрсаткич 38 фоизга, ўлим даражаси эса 68 фоизга ошиши мумкин.

🌐 1993 йилдан буён бутун дунёда ўтказиб келинаётган “Пушти октябрь” ойлиги кўкрак бези саратони, унинг профилактикаси ва касалликни эрта аниқлаш имконияти ҳақида аҳоли хабардорлигини ошириш ҳамда ундан даволанаётган аёлларни қўллаб-қувватлашга қаратилган.

❓ Хўш, ушбу акция нимаси билан муҳим?

❓ Ойлик доирасида қандай тадбирлар ўтказилмоқда?

❓ Аёллар нега мунтазам равишда тегишли тиббий текширувлардан ўтиши керак?

📹 ССВ Матбуот хизмати томонидан тайёрланган роликда ушбу саволларга жавоб топасиз.

Telegram | Facebook|vebsahifa| Instagram | You Tube

🩸 Уй шароитида қондаги қанд миқдорини қандай қилиб тез тушириш мумкин?

❓ Қондаги қанд миқдори ошганда нималарга эътиборли бўлиш керак?

Эндокринолог Азиза Юнусова ўз тавсияларини берди.

Telegram | Facebook|vebsahifa| Instagram | You Tube

O‘zbekiston Respublikasi Prezidentining farmoni bilan Turdimov Erkinjon Oqbutayevich O‘zbekiston Respublikasi Bosh vazirining birinchi o‘rinbosari – ta’lim va ilm-fan vaziri lavozimiga tayinlandi va shu munosabat bilan Sirdaryo viloyati hokimi lavozimidan ozod etildi.

Bundan ilgariroq E.Turdimov nomzodi Oliy Majlis Qonunchilik palatasi deputatlari tomonidan ma’qullangan edi.

Shuningdek, tegishli farmon bilan O‘zbekiston Respublikasi Vazirlar Mahkamasi ijro etuvchi tuzilmasida O‘zbekiston Respublikasi Bosh vazirining birinchi o‘rinbosari – ta’lim va ilm-fan vaziri lavozimi kiritildi. Ta’lim, ilm-fan va sog‘liqni saqlash masalalari kotibiyati tashkil qilindi.

Bosh vazirning birinchi o‘rinbosari – ta’lim va ilm-fan vaziri respublika ijro etuvchi hokimiyat organlari – vazirliklar, qo‘mitalar, agentliklar va inspeksiyalar rahbarlari hamda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining ta’lim, ilm-fan va sog‘liqni saqlash sohalarida zimmasiga yuklatilgan vazifa va funksiyalarni amalga oshirish bo‘yicha faoliyatiga vakolati doirasida umumiy rahbarlik qilishi, ularni muvofiqlashtirishi belgilandi.

Ushbu yo‘nalishlar ijrosini nazorat qilish va tashkil qilish O‘zbekiston Respublikasi Prezidenti Administratsiyasi Rahbari S.Sh. Mirziyoyeva zimmasiga yuklandi.
—
Указом Президента Республики Узбекистан Турдимов Эркинжон Окбутаевич назначен на должность первого заместителя Премьер-министра – министра образования и науки Республики Узбекистан и в связи с этим освобожден от должности хокима Сырдарьинской области.

Ранее кандидатура Э.Турдимова была одобрена депутатами Законодательной палаты Олий Мажлиса.

Также, соответствующим указом в исполнительной структуре Кабинета Министров Республики Узбекистан введена должность первого заместителя Премьер-министра – министра образования и науки Республики Узбекистан. Образован Секретариат по вопросам образования, науки и здравоохранения.

Определено, что первый заместитель Премьер-министра – министр образования и науки в пределах своих полномочий осуществляет общее руководство и координацию деятельности руководителей республиканских органов исполнительной власти – министерств, комитетов, агентств и инспекций, а также Председателя Совета Министров Республики Каракалпакстан, хокимов областей и города Ташкента по выполнению возложенных на них задач и функций в сферах образования, науки и здравоохранения.

Контроль и организация исполнения задач по указанным направлениям возложены на Руководителя Администрации Президента Республики Узбекистан С.Ш. Мирзиёеву.

Facebook|Instagram|X