💥 ACHCHIQ HAQIQAT!

✅ Farzandining hayotiga qiziqmagan ota-ona, uning tarbiyasini ustozga yuklashga haqli emas.

Uyida farzandi bilan gaplashmagan, dardini eshitmagan, kim bilan do‘stlashayotganini bilmagan, bo‘sh vaqtini qanday o‘tkazayotganiga qaramagan ota-ona maktabga kelib:

“Ustoz, bolamni tarbiyalang!” — deydi.

Lekin bir narsani tushunish kerak:

Ustoz sehrgar emas!

✈️ 16–17 yil davomida oilada shakllangan odatni, xarakterini, muomala madaniyatini, mas’uliyatini bir hafta yoki bir oyda o‘zgartirib bo‘lmaydi.

Ustoz 1 necha soat dars beradi.
Ota-ona esa farzandi bilan yillar davomida bir uyda yashaydi.

📚 Ustoz bolaning kamchiligini tuzatishga harakat qiladi, lekin bola har kuni uyiga qaytadi. Agar uyda yana o‘sha befarqlik, nazoratsizlik va e’tiborsizlik davom etsa, ustozning bir soatlik mehnatini oiladagi bir necha kunlik muhit bosib ketishi mumkin.

Farzand tarbiyasini ustozga topshirib qo‘yish — ota-onalik mas’uliyatidan qochishdir.

✅ Bolaga kiyim olib berish — tarbiya emas.
Qornini to‘ydirish — tarbiya emas.
Maktabiga pul berish — tarbiya emas.

Farzandning ko‘ziga qarab, uni tinglash, dardini bilish, xatosini vaqtida ko‘rsatish, yaxshi ishini qadrlash, kimlar bilan yurayotganini bilish — mana shu ham tarbiya.

📚 Ota-ona farzandiga vaqt ajratmasa, begona odamdan tarbiya talab qilishdan oldin o‘zidan hisob so‘rashi kerak.

Ustoz — ota-onaning o‘rnini bosmaydi.
Ota-ona ham ustozning o‘rnini bosmaydi.

🔥 Farzand tarbiyasi — mas’uliyatni bir-biriga tashlab qo‘yadigan yuk emas. Bu ota-ona va ustoz birgalikda ko‘taradigan vazifa.

Bugun farzandingizga vaqt ajrating.

✅ Chunki ertaga uning tarbiyasidagi kamchilik uchun “ustoz qarab qo‘ymabdi” deyish juda oson. Ammo “men ota-ona sifatida qayerda xato qildim?” deb o‘zimizga savol berish ancha og‘ir.

AZIZ VA MUHTARAM USTOZLAR!

💥 Ba’zan bir insonning hayotini o‘zgartirish uchun katta boylik yoki katta imkoniyat kerak emas…
Buning uchun bir ustozning ishonchi, sabri va bir og‘izgina “Sen uddalaysan!” degan so‘zi kifoya.

Ustoz — dars beruvchi inson emas, ustoz — insonning kelajagini bunyod etuvchi qalb egasi.

📚 Sizlar har kuni yuzlab o‘quvchilarning xatolarini to‘g‘rilaysiz, bilmaganini o‘rgatasiz, yiqilganida qo‘lidan tutasiz. Ba’zan charchaysiz, ba’zan mehnatingiz darhol ko‘rinmaydi… Ammo yillar o‘tib, shogirdingiz katta natijaga erishganida, uning ko‘zidagi quvonch sizning barcha mashaqqatlaringizga arziydi.


Bugun sizlarga shunchaki “Bayramingiz muborak!” Demoqchi emasman!

Bugun sizlarga Chin yurakdan “Rahmat…” demoqchiman🥰🌺🌹

-👨🏻‍🎓👩🏻‍🎓 Minglab ota-onalarning farzandlariga bilim berganingiz uchun.
- Ularning qalbiga ishonch solganingiz uchun.
- O‘z vaqtingizni, kuchingizni va mehringizni ayamaganingiz uchun.

Siz bergan bilim — bir umrga berilgan eng qimmat sovg‘adir.

✅ 1-OKTABR — USTOZ VA KUNI MUBORAK BO‘LSIN!

Hurmat bilan,
Sodiqov Murodjon Soliyevich

OTA-ONALAR, BIR OZ O‘YLAB KO‘RAYLIK…⚖️

📚 Farzandini yaxshi universitetda o‘qishini, katta yutuqlarga erishishini, kelajakda obro‘li inson bo‘lishini istamaydigan ota-ona bo‘lmasa kerak.

Lekin bir narsani tushunmayman…

✅ Farzandingizni o‘quv markaziga katta umidlar bilan olib kelasiz. Ustoziga ishonib topshirasiz.
Ammo to‘y chiqsa — dars qoladi, mehmon kelsa — dars qoladi,
biror maraka bo‘lsa — dars qoladi, ozgina shamollasa ham, ba’zan darsdan olib qolinadi.

Keyin esa imtihon vaqti keladi…

Natija kutilgandek bo‘lmasa, birinchi bo‘lib kimdan hisob so‘raymiz?

USTOZDAN!

«Nega farzandim o‘qishga kira olmadi?»
«Nega sertifikat ololmadi?»
«Nega boshqalarning bolasi natija qilyapti-yu, mening bolam yo‘q?»

Aziz ota-onalar, bir savol: farzandingizning dars qoldirgan kunlarini ham hisoblab ko‘rdingizmi?

📚 Ustoz darsga kelib, farzandingiz uchun tayyorlanadi. Mavzuni tushuntiradi, topshiriq beradi, natija uchun harakat qiladi. Ammo o‘quvchi darsda bo‘lmasa, ustozning mehnatini kim davom ettiradi?

Eng achinarlisi, bugun farzandining darsini arzimas sabablar bilan qoldirayotgan ota-ona ertaga uning natijasi uchun eng ko‘p kuyinishi mumkin.

To‘y bir kunlik.
Mehmon bir kunlik.
Maraka bir kunlik.

Ammo yo‘qotilgan bilimni tiklash uchun ba’zan haftalar, hatto oylar kerak bo‘ladi.

Albatta, bola kasal bo‘lsa, sog‘lig‘i birinchi o‘rinda. Lekin har bir mayda sababni darsdan qolishga bahona qilish ham to‘g‘ri emas.

✈️ Aziz ota-onalar! Farzandingizning kelajagi faqat ustozning qo‘lida emas. Sizning bugungi qarorlaringiz ham uning ertangi natijasiga ta’sir qiladi.

👨🏻‍🎓Ustoz ta’lim beradi.
Ota-ona sharoit yaratadi.
O‘quvchi esa mehnat qiladi.

Shu uchlik birlashgandagina haqiqiy natija paydo bo‘ladi.

Farzandingizdan katta natija kutishdan oldin, unga katta natijaga erishish uchun kerakli sharoitni yaratib beryapmizmi, deb o‘zimizdan so‘raylik.

Chunki ertaga farzandingizning muvaffaqiyati bilan faxrlanishni istasangiz, bugun uning ta’limiga befarq bo‘lmang!

Ustozning vazifasi bilim berish. Ammo farzandining bilim olishiga sharoit yaratish — ota-onaning ham burchi.

Sodiqov Murodjon Soliyevich🇺🇿