#Mirziyoyev #taqdimot #IT #talim

Raqamli taʼlim orqali yoshlar uchun imkoniyatlar kengaytiriladi

Prezident Shavkat Mirziyoyev raqamli taʼlim ekotizimini rivojlantirish yuzasidan taqdimot bilan tanishdi.

Taqdimotda 2030-yilgacha raqamli iqtisodiyotning yangi yo‘nalishlarida yana 500 mingta ish o‘rni yaratish, 5,5 million nafar yoshni an’anaviy va masofaviy shakllarda o‘qitishga qaratilgan yondashuvlar koʻrib chiqildi.

Asosiy yo‘nalishlar:
✅sun’iy intellekt, robototexnika, dasturlash va kompyuter o‘yinlarini yaratish bo‘yicha ta’limni kengaytirish;
✅oliy ta’lim tashkilotlarida zamonaviy texnologiyalar bo‘yicha kadrlar tayyorlash va talabalarning amaliy loyihalardagi ishtirokini oshirish;
✅onlayn ta’lim platformalari va qisqa muddatli raqamli kurslarni rivojlantirish;
✅“Raqamli yoshlar” platformasi orqali yoshlarning bilim va ko‘nikmalarini mehnat bozori bilan bog‘lash;
✅chekka hududlarda raqamli ta’lim markazlarini tashkil etish va ularni zamonaviy uskunalar bilan jihozlash.

Shuningdek, raqamli ta’limga xalqaro texnologik kompaniyalarni jalb qilish va grantlar hajmini oshirish vazifalari belgilandi.

Prezident ta’lim sifati, yoshlarning amaliy ko‘nikmalari va ularning ish bilan ta’minlanishini raqamli ta’lim samaradorligining muhim mezonlari sifatida qayd etdi.

Facebook | Instagram | YouTube|Telegram