#Ona-tilim

Magistrlar tashabbusi

🚛21-oktyabr — O‘zbek tiliga davlat tili maqomi berilgan kun munosabati bilan Filologiya fakulteti o‘zbek tili va adabiyoti yo‘nalishi magistrantlari tomonidan bayramona tadbir tashkil etildi. Magistrantlar fakultetdagi barcha ustoz va talabalarni bayram bilan samimiy tabriklab, qiziqarli o‘yinlar va kreativ chellenjlar o‘tkazishdi. Tadbir ishtirokchilarga ko‘tarinki kayfiyat ulashib, ona tilimizga bo‘lgan hurmat va ehtiromni yanada mustahkamladilar.

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website

#Ona_tilim

🚛Oʻzbek tili bayrami munosabati bilan oʻzbek tili va adabiyoti kafedrasi tomonidan tarix fakulteti 1-bosqich talabalaridan ommaviy diktant yozish tadbiri o'tkazildi.

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website

#Ona_tilim

“ONA TILIM — MILLIY G‘URURIM, MA’NAVIYATIM VA KELAJAGIM”

🏛 Joriy yilning 21-oktabr kuni FarDU huzuridagi pedagog kadrlarni qayta tayyorlash va ularning malakasini oshirish mintaqaviy markazida oliy ta’lim muassasalari professor-o‘qituvchilari uchun “Ona tilim — milliy g‘ururim, ma’naviyatim va kelajagim” shiori ostida ma’naviy-ma’rifiy davra suhbati o‘tkazildi.
🎓 Tadbirda Davlat siyosati va boshqaruvi akademiyasi Farg‘ona hududiy filiali katta o‘qituvchisi Q. Uzaqov hamda FarDU Filologiya fakulteti Tilshunoslik kafedrasi o‘qituvchisi, filologiya fanlari bo‘yicha falsafa doktori (PhD) A. Vosiljonov ishtirok etdilar.
📖 Davra suhbatida o‘zbek tilining davlat tili sifatidagi maqomi, milliy o‘zlik va ma’naviy qadriyatlarni asrashdagi ahamiyati, shuningdek, uning ilm-fan, ta’lim va davlat boshqaruvidagi nufuzini oshirish masalalari yuzasidan fikr almashildi.

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website

#ona_tilim

🔷Farg‘ona davlat universitetida 21-oktyabr – O‘zbek tili bayrami kuniga bag‘ishlangan adabiy-ma’rifiy tadbir bo‘lib o‘tdi

Filologiya fakulteti faollar zalida “O‘zbek tili – milliy o‘zligimiz va mustaqil davlatchiligimiz timsoli!” deb nomlangan tantanali ma’rifiy tadbir tashkil etildi.

Tadbirda universitet rahbariyati, professor-o‘qituvchilar, viloyat hokimligi vakillari hamda talaba-yoshlar keng ishtirok etdilar.

Anjuman O‘zbekiston Respublikasining davlat tiliga bo‘lgan e’tiborini aks ettiruvchi videorolik namoyishi bilan boshlandi.

Tadbirda Farg‘ona viloyat hokimining Davlat tili masalalari bo‘yicha maslahatchisi Sohibjamol Tongotarova so‘zga chiqib, hududda davlat tilini rivojlantirish va uning qo‘llanish doirasini kengaytirish borasida amalga oshirilayotgan ishlar xususida fikr yuritdi.

Ma’rifiy tadbir davomida tilshunos olimlar va professor-o‘qituvchilar – Filologiya fakulteti Tilshunoslik kafedrasi professori Alijon Mamajonov hamda mazkur kafedra dotsenti Dhanrajlar o‘z ma’ruzalarida ona tilimizning ilmiy-nazariy asoslari, uning jozibasi va xalqaro miqyosdagi ahamiyati haqida qiziqarli ma’lumotlarni taqdim etishdi.

Tadbirning badiiy qismi yig‘ilganlarga o‘zgacha bayramona kayfiyat ulashdi.

Pedagogika-psixologiya va san’atshunoslik fakulteti talabalari tomonidan Alisher Navoiy g‘azallari asosida tayyorlangan “O‘rmadim” va “Guluzorim” ashula hamda mumtoz kuylar ijro etildi.
Shuningdek, 2-bosqich talabasi Marjona To‘ychiyeva va Oynoza Abdullayeva boshchiligida Furqat g‘azali bilan boyitilgan “Surating” qo‘shig‘i barcha ishtirokchilar tomonidan ko‘tarinki ruhda kuylandi.

✅FarDU rasmiy sahifalari

👍Telegram | 📷Instagram |📹YouTube | 📒Facebook |🐦Twitter | 🔷Website