O‘zbekistonda oktabrda yillik inflyatsiya 6,5 foizgacha tezlashdi. Bir oyda narxlar 0,6 foizga oshdi, o‘sishning uchdan ikki qismi oziq-ovqatlar hissasiga to‘g‘ri keldi. Tuxum 5,2, benzin 1 foizga qimmatladi, propan esa bir yilda qariyb 45 foizga oshdi. Toshkentda metro va avtobuslarda yo‘l haqi 26,1 foizga o‘sdi.

https://www.gazeta.uz/oz/2026/11/06/inflation/

Telegram | Instagram | YouTube

Yunusobod tumanida qalbaki avtoraqam va miltillovchi mayoqchalar o‘rnatilgan avtomobilni boshqargan 17 yoshli o‘smir hamda soxta raqamlarni yetkazib bergan Qirg‘iziston fuqarosiga nisbatan sud hukmi o‘qildi. Aybdorlarga jarima jazolari tayinlanib, chet ellik shaxs mamlakatdan chiqarib yuboriladigan bo‘ldi.

https://www.gazeta.uz/oz/2026/11/06/avtoraqam/

Telegram | Instagram | YouTube

Raqamli texnologiyalarning rivojlanishi taraqqiyot uchun keng imkoniyatlar ochish bilan birga, mutlaqo yangi zaifliklarni ham shakllantirmoqda, dedi Shavkat Mirziyoyev SHHT plyus xavfsizlik bo‘yicha birinchi muloqoti ishtirokchilariga yo‘llagan murojaatida. U mamlakatlarni o‘zaro ishonch va amaliy hamkorlikka chaqirdi.

https://www.gazeta.uz/oz/2026/11/06/sco-plus/

Telegram | Instagram | YouTube

Raqobat qo‘mitasi 2026-yilning 9 oyida qurilishga oid 1700 dan ortiq shikoyatni ko‘rib chiqib, iste’molchilar foydasiga 14,5 mlrd so‘m qayta hisob-kitob qildi. 132 ta tashkilot shartnomasida iste’molchilar huquqlarini cheklovchi, jumladan, mablag‘ni qaytarish, kafolat va qurilish muddatlariga oid shartlar aniqlandi.

https://www.gazeta.uz/oz/2026/11/06/qurilish-tashkilotlari/

Telegram | Instagram | YouTube

O‘zbekistonda har bir tuman va shaharda yiliga 208 nafar fuqaroga “Jamiyatdagi faol fuqaro” maqomini berish ko‘zda tutilmoqda. Maqomga ega bo‘lganlarga kontrakt to‘lovi, davlat xizmatlari va avtokredit bo‘yicha imtiyozlar taqdim etilib, xonadoniga maxsus belgi o‘rnatiladi.

https://www.gazeta.uz/oz/2026/11/06/faol-fuqaro/

Telegram | Instagram | YouTube

Shavkat Mirziyoyev Ostonadagi Aqaba jarayoni uchrashuvida “Inson manfaatlari yo‘lida raqamli taraqqiyot” tashabbusini ilgari surdi. Shuningdek, davlat rahbari Toshkentda BMT Aksilterror boshqarmasi mintaqaviy ofisini ochish va “Raqamli davrda jaholatga qarshi ma’rifat” dasturini yo‘lga qo‘yishni taklif etdi.

https://www.gazeta.uz/oz/2026/11/06/aqaba/

Telegram | Instagram | YouTube

Insonlarning radikallashuvi bir zumda sodir bo‘lmaydi, bu murakkab ijtimoiy jarayon, dedi O‘zbekiston DXX raisi general-polkovnik Bahodir Qurbonov. Unga qarshi huquqiy, ma’naviy va raqamli madaniyatni oshirish, tanqidiy fikrlash va murosasizlik g‘oyalariga qarshi immunitetni rivojlantirish orqali kurashish kerak.

https://www.gazeta.uz/oz/2026/11/06/security/

Telegram | Instagram | YouTube

O‘zbekistonda go‘sht muammosini hal qilish uchun 16 ming fermer xo‘jaligida 30−40 bosh qoramolga mo‘ljallangan chorva komplekslari qurish, shuningdek, yuz minglab nasldor chorva mollarini olib kelish rejalashtirilmoqda. “Yaylovlarimizda o‘t bo‘lsa, go‘sht ham bo‘ladi”, — deydi Qishloq xo‘jaligi vaziri Ibrohim Abdurahmonov

https://www.gazeta.uz/oz/2026/11/06/meat/

Telegram | Instagram | YouTube

O‘zbekistonda hukumat sut mahsulotlari, meva va makaron kabi to‘qqiz guruhdagi oziq-ovqat mahsulotlari uchun nol darajali import bojlarini uzaytirmaslikni taklif qildi. Prezident huzuridagi kengash a’zolari narxlar oshishi mumkinligi va iqtisodiy asoslar yetarli emasligidan ogohlantirdi.

https://www.gazeta.uz/oz/2026/11/06/customs-duties/

Telegram | Instagram | YouTube

Dollar kursi yana oshdi

Markaziy bank 7-noyabrdagi xorijiy valyutalarning soʻmga nisbatan rasmiy kursini eʼlon qildi.

Unga koʻra, 1 AQSh dollari 13,68 soʻmga qimmatlab, 11 987,16 soʻm etib belgilandi. Yevro kursi oshdi, rubl biroz tushdi.

Telegram | Instagram | YouTube

To‘qqizta kinopremyera, Ulug‘bek Rahmatullayev, Cheb Mami konsertlari, “Sohibjamol va maxluq” spektakli, “Savitskiy kundaliklari” ko‘rgazmasi, Art Bazaar ko‘rgazma-yarmarkasi, astronomiya kunlari, sirkda “Charli va dengiz mushukchalari” shousi, ko‘plab ko‘rgazmalar, spektakllar va boshqa tadbirlar.

https://www.gazeta.uz/oz/2026/11/06/weekend/

Telegram | Instagram | YouTube

Noyabr boshlaridagi issiqdan so‘ng O‘zbekistonga sovuq antitsiklon kirib kelishi kutilyapti. Amaldagi qoidaga ko‘ra, mamlakatda isitish mavsumi sutkalik harorat ketma-ket besh kun +8 darajadan past bo‘lganda boshlanadi.

Iqlimshunos Erkin Abdulahatovga ko‘ra, Toshkentda 11-noyabrdan isitish mavsumini boshlash kerak.

https://www.gazeta.uz/oz/2026/11/06/heating-season/

Telegram | Instagram | YouTube

Qirg‘iziston Rossiya armiyasiga aldov yo‘li bilan borib qolgan o‘z fuqarosini vataniga qaytarish chaqirig‘i bilan Rossiya TIVga nota yubordi. Shuningdek, mamlakat Rossiya rasmiylaridan yollash ishlariga aloqador aybdorlarni aniqlash va ularni javobgarlikka tortishni talab qilmoqda.

https://www.gazeta.uz/oz/2026/11/06/kyrgyzstan/

Telegram | Instagram | YouTube

Sarkor biznesga yigirmaga yaqin telekommunikatsiya va raqamli xizmatlarni taklif etadi: internetdan tortib ma’lumotlarni saqlash markazi va aqlli ovozli agentlargacha. Kompaniya Toshkent shahri, Toshkent viloyati va Samarqandda faoliyat yuritadi va kengayishni rejalashtirmoqda (reklama).

https://www.gazeta.uz/oz/2026/11/06/sarkor/

O‘zbekiston katta tranzit salohiyatiga ega, ammo uni ro‘yobga chiqarishga temiryo‘l va zamonaviy omborlar yetishmasligi, kredit qimmatligi va sohani boshqarishdagi muammolar to‘sqinlik qilmoqda. Strategik rivojlanish va islohotlar agentligi asosiy to‘siqlarni o‘rganib, islohotlarning 7 ta yo‘nalishini taklif qildi.

https://www.gazeta.uz/oz/2026/11/06/logistics/

Telegram | Instagram | YouTube

Oʻzbekistonning 24 yillik rahbari Sharof Rashidov uy-muzeyidan reportaj

6-noyabr — davlat arbobi va yozuvchi Sharof Rashidov tugʻilgan kun. Bu yil uning tavalludiga 109 yil toʻldi. 1959−1983-yillardagi Oʻzbekiston rahbari tugʻilib oʻsgan Jizzaxda uning xotirasiga bagʻishlanga uy-muzeyi ochilgan.

Bu yer Sharof Rashidovning hayoti, faoliyati, oilasi va qarindoshlari haqida bilib olish mumkin boʻlgan, uning shaxsiy buyumlari hamda hujjatlari namoyish etiladigan Oʻzbekistondagi yagona maskan hisoblanadi. Gazeta tahririyati Oʻzbekiston tarixida muhim oʻrin tutgan siyosatchini xotirlash maqsadida aynan ushbu uy-muzeyida boʻldi.

Sharof Rashidov nima uchun mamlakatning birinchi rahbaridek masʼuliyatli ishni oʻz zimmasiga olgan? Nikita Xrushchyov unga qanday sirli topshiriq bergan? Navoiydagi konning ofisini Moskvada emas, Oʻzbekistonda ochishga Brejnevni qanday koʻndirgan? Uning oʻlimi bilan bogʻliq qanday tafsilotlar bor? Uy-muzeyida Rashidovga tegishli qanday noyob eksponatlar saqlanadi? Reportajimizda shu va boshqa savollarga javob topishingiz mumkin.

📺 Video: https://youtu.be/8JSyDzR6Ib0

📝Matn: https://www.gazeta.uz/oz/2026/11/06/sharof-rashidov/

Telegram | Instagram | YouTube

2027-yil 5-fevraldan O‘zbekistonda gaz quyish shoxobchalari maishiy ballonlarni suyultirilgan gaz bilan to‘ldirgani uchun 1,32 mln so‘mdan 2,2 mln so‘mgacha jarimaga tortiladi.

https://www.gazeta.uz/oz/2026/11/06/gas-cylinder/

Telegram | Instagram | YouTube

Toshkent shahar hokimi isitish mavsumini boshlash to‘g‘risida qaror imzoladi. Issiqlik 9-noyabrdan ijtimoiy soha muassasalari va ko‘p qavatli uylarga bosqichma-bosqich beriladi. Isitish uchun to‘lov amalda ulangan sanadan hisoblanadi.

https://www.gazeta.uz/oz/2026/11/06/heating/

Telegram | Instagram | YouTube

9-noyabr kuni shimoliy hududlarda, 10−12-noyabr kunlari esa mamlakatning qolgan qismida ob-havo keskin o‘zgaradi. Yomg‘ir yog‘adi, ayrim joylarda kuchli bo‘ladi. Tunda harorat 0…+5 darajagacha, shimolda −2…−7 darajagacha, kunduzi +7…+12 darajagacha pasayadi.

https://www.gazeta.uz/oz/2026/11/06/meteo/

Telegram | Instagram | YouTube

Bir necha kunlik jamoatchilik noroziliklaridan so‘ng Toshkent shahri IIBB bloger umr.sham`ning videosi bo‘yicha tekshiruv boshlanganini ma’lum qildi.

Ushbu rolik xonanda Mubinloloni o‘ldirishga chaqiriq sifatida baholanishi mumkin. IIBB tomonidan e’lon qilingan videoda bloger qilgan ishi uchun uzr so‘ragan.

https://www.gazeta.uz/oz/2026/11/07/bloger/

Telegram | Instagram | YouTube