“Oltin to‘p”ning besh karra sohibi Krishtianu Ronaldu Portugaliya terma jamoasidagi faoliyatiga nuqta qo‘ydi. “7-raqamli libosni topshiradigan kunim keldi. Ushbu libosni kiyish va uni himoya qilish men uchun sharaf hamda ulkan mas’uliyat bo‘ldi”, — dedi 41 yoshli futbolchi.

https://www.gazeta.uz/oz/2026/11/05/ronaldo/

Telegram | Instagram | YouTube

Toshkentdagi “Yoshlik” stadionida futbol faxriylari o‘rtasida uchinchi chempionat bo‘lib o‘tdi. “Kapitalbank” tashkil etgan turnirda o‘rtacha yoshi 72 yoshni tashkil etuvchi to‘rtta jamoa qatnashdi. Final bahsida Toshkent jamoasi g‘alaba qozondi (reklama).

https://www.gazeta.uz/oz/2026/11/05/kapitalbank/

Shavkat Mirziyoyev eskirgan ko‘prik o‘rniga Olot tumanida yangisini qurish uchun o‘z zaxirasidan 25 mlrd so‘m ajratishni topshirdi. U Turkmaniston bilan aloqani yaxshilashi kerak. Tomonlar, shuningdek, COVID-19 pandemiyasi davrida joriy etilgan yuk tirkamalarini qayta ulash tartibini bekor qilishni muhokama qilmoqda.

https://www.gazeta.uz/oz/2026/11/05/olot-bridge/

Telegram | Instagram | YouTube

Markaziy bank pul-kredit sharoitlarini yumshatish uchun mumkin bo‘lgan imkoniyatni taxminan 2 foiz bandga baholamoqda. MB raisi o‘rinbosari Nodirbek Achilovga ko‘ra, real foiz stavkasi qariyb 7 foizni, uning neytral darajasi 5 foizni tashkil etadi. Biroq regulyator inflyatsiyaning yanada sekinlashishini kutmoqda.

https://www.gazeta.uz/oz/2026/11/05/main-rate-inflation/

Telegram | Instagram | YouTube

Dollar kursi oshdi

Markaziy bank 6-noyabrdagi xorijiy valyutalarning soʻmga nisbatan rasmiy kursini eʼlon qildi.

Unga koʻra, 1 AQSh dollari 38,11 soʻmga qimmatlab, 11 973,48 soʻm etib belgilandi. Yevro va rubl ham oshdi.

Telegram | Instagram | YouTube

“Yangi alifbo bosqichma-bosqich joriy etiladi”. Qonun qabul qilindi, endi nima bo‘ladi?

Uzoq yillardan beri O‘zbekistonda muhokama qilib kelingan alifboni o‘zgartirish masalasiga shu yil 21-oktabrda uzil-kesil nuqta qo‘yildi. Lotin yozuviga asoslangan o‘zbek alifbosining yangi shakli tasdiqlanib, bunga oid qonun prezident imzosidan o‘tdi.

Hujjat 2027-yil 22-apreldan – olti oydan keyin kuchga kiradi. Xo‘sh, ungacha nimalar qilinadi? Aholi yangi alifboda yozishga qanday moslashtiriladi? Buning taxminiy xarajatlari bormi? Kirill, hozirgi va yangi o‘zbek alifbolaridan foydalanishda chalkashliklar yuzaga kelmaydimi?

Gazeta shu kabi savollarga javob olish uchun Fanlar akademiyasining O‘zbek tili, adabiyoti va folklori instituti vakillari, tilshunoslar Yorqin Odilov hamda Zohida Muqimova bilan suhbatlashdi.

Matn: https://www.gazeta.uz/oz/2026/11/05/alifbo-suhbat/

Video: https://youtu.be/PaeslKoHCFA?si=XZ0ugt2owgZghLqP

Dilshoda Shomirzayeva, Ma’murjon Obrahmatov, Behzod Habibullayev

Telegram | Instagram | YouTube

Yandex Go ekspress yetkazib berish xizmatlari — “Do‘konlar” va Lavka`ni rivojlantirishga e’tibor qaratadi. Foydalanuvchilar yetkazib berish muddati uzoqroq bo‘lgan tovarlarga buyurtma berishi mumkin bo‘lgan Market vitrinasi 10-noyabr kuni o‘z faoliyatini yakunlaydi.

https://www.gazeta.uz/oz/2026/11/05/market-yandex-go/

Telegram | Instagram | YouTube

Toshkentda zaharlanish alomatlari bilan shifoxonaga yotqizilgan qozog‘istonlik bolalar shifoxonadan chiqarilib, vatanlariga jo‘nab ketdi. Ular futbol turnirida ishtirok etish uchun oktabr oyi oxirida O‘zbekistonga kelgan edi.

https://www.gazeta.uz/oz/2026/11/05/discharge/

Telegram | Instagram | YouTube

O‘zbekistonda iste’mol savatidagi pozitsiyalarning qariyb 75 foizi bo‘yicha narx o‘sishi sekinlashgan, dedi MB raisi o‘rinbosari Nodirbek Achilov. Uning so‘zlariga ko‘ra, inflyatsiya tezlashayotgan tovar va xizmatlar ulushi 2025-yil iyunidagi 45 dan 25 foizgacha qisqargan. Narxlarga raqobat va import ham ta’sir qiladi.

https://www.gazeta.uz/oz/2026/11/05/inflation/

Telegram | Instagram | YouTube

Toshkentda yer qazish ishlari uchun arizalarni onlayn topshirish mumkin. YHTEM bu orqali jarayonlarni rejalashtirish va kelishishni yaxshilashni ko‘zlamoqda. Faollar esa kommunikatsiyalar ta’miridan so‘ng buzilgan yo‘l qoplamasini tiklashni ham nazorat qilish muhimligini ta’kidlamoqda.

https://www.gazeta.uz/oz/2026/11/05/control/

Telegram | Instagram | YouTube

O‘zgidromet yog‘ingarchilik tufayli 6−7 va 9−11-noyabr kunlari Toshkent viloyati hamda O‘zbekistonning yana sakkizta hududidagi tog‘oldi va tog‘li joylarda sel kelishi va suv toshqinlari kuzatilishidan ogohlantirdi.

https://www.gazeta.uz/oz/2026/11/05/sel/

Telegram | Instagram | YouTube

O‘zbekistonda 2030-yilgacha muhim metallar bo‘yicha ishlab chiqarish hajmini 2,7 milliard dollardan oshirish va uran qazib olishni ikki baravarga ko‘paytirib, 15 ming tonnaga yetkazish ko‘zda tutilmoqda. Shuningdek, volframni chuqur qayta ishlash bo‘yicha 1,1 milliard dollarlik loyihalar amalga oshiriladi.

https://www.gazeta.uz/oz/2026/11/05/uran/

Telegram | Instagram | YouTube

MO davlatlari rahbarlari 5−6-noyabr kunlari Ostonada SI sohasidagi xavfsizlik va undan terrorchilik maqsadlarida foydalanishga qarshi kurashish masalalarini muhokama qiladi.

Gazeta Aqaba jarayoni qanday tuzilgani, 10 yilda uning kun tartibi qanday o‘zgargani va O‘zbekistonning undagi o‘rnini tushuntiradi.

https://www.gazeta.uz/oz/2026/11/05/aqaba-process/

Telegram | Instagram | YouTube

Prezident qarori bilan 2027-yildan davlat tibbiyot muassasalarida tibbiy va yordamchi xizmatlarni xususiy sektordan autsorsing asosida xarid qilishning yangi tartibi joriy etiladi. 2030-yilga qadar bunday xizmatlar hajmi 30 foizgacha yetkazilib, kamida 5 ta yirik muassasa professional boshqaruvga beriladi.

https://www.gazeta.uz/oz/2026/11/05/outsourcing/

Telegram | Instagram | YouTube

“Huquqbuzarliklar profilaktikasi to‘g‘risida”gi qonunning yangi tahriri loyihasida mas’ul organlar va tashkilotlar sonini 14 tadan 21 tagacha oshirish ko‘zda tutilgan. Ularning huquq va majburiyatlari belgilanadi, davlat organlari resurslarini birlashtiruvchi yagona kriminogen ma’lumotlar platformasi yaratiladi.

https://www.gazeta.uz/oz/2026/11/05/crime-prevention/

Telegram | Instagram | YouTube

Paragvay prezidenti Santyago Penya o‘ziga aloqador Ueno Bank kasodga uchrashi ortidan iste’foga chiqdi. Bank faoliyati to‘xtatilib, 3 millionga yaqin mijoz bundan ta’sirlangach, mamlakatda ommaviy noroziliklar va siyosiy inqiroz yuzaga keldi.

https://www.gazeta.uz/oz/2026/11/05/paraguay/

Telegram | Instagram | YouTube

Toshkentda yil oxirigacha Yandex Lavka buyurtmalarini robotlar bilan yetkazish yo‘lga qo‘yilishi mumkin, deb xabar berdi kompaniya Gazeta`ga.

Bunda ilova robot bo‘sh bo‘lganda va masofa 2 km dan oshmaganda shu usulni taklif qiladi. Foydalanuvchi buyurtmani ilovada “Qopqoqni ochish” tugmasini bosib olishi mumkin.

https://www.gazeta.uz/oz/2026/11/06/yandex-lavka/

Telegram | Instagram | YouTube

O‘zbekistonda nikohlar kamayishiga 1993−2004-yillarda tug‘ilish sur’ati pasaygani ta’sir qilmoqda, deydi Oila va xotin-qizlar qo‘mitasi. Ajrimlarning 40 foizi esa ilgari sud qarori bilan ajrashib, endi ijtimoiy yordam yoki mulk masalasida uni FHDYOda rasmiylashtirayotganlar hissasiga to‘g‘ri kelgan.

https://www.gazeta.uz/oz/2026/11/06/comment/

Telegram | Instagram | YouTube

Samarkand Marathon xalqaro xayriya yugurish musobaqasi World Athletics Elite Label maqomiga ega bo‘ldi va MDH mamlakatlarida bunday darajadagi yagona musobaqaga aylandi. 8-noyabrda marafonga 4 karra Olimpiada chempioni Mo Fara start beradi. Masofaga 72 mamlakatdan ishtirokchilar chiqadi.

https://www.gazeta.uz/oz/2026/11/05/elite-label/

Telegram | Instagram | YouTube

Yakkasaroy tumanidagi hovlilarning birida 23 nafar chet el fuqarosi noqonuniy yashab kelgan va firibgarlik bilan shug‘ullanilgan koll markaz aniqlandi. Ularning uch nafari qariyb 330 mln so‘mlik kriptoaktivlarning noqonuniy oldi-sotdisida gumonlanmoqda. 21 ta noutbuk, 80 ta uyali telefon musodara qilindi.

https://www.gazeta.uz/oz/2026/11/06/call-centre/

Telegram | Instagram | YouTube

Toshkentda ikki kishi buyurtma asosida odam o‘g‘irlashda gumonlanib qo‘lga olindi. IIV ma’lumotiga ko‘ra, ular ikki fuqaroni majburan olib ketish bo‘yicha topshiriq olgan. Birinchi fuqaro qarshilik ko‘rsatib qochgan, ikkinchisi esa xizmat safarida bo‘lgani uchun reja amalga oshmagan.

https://www.gazeta.uz/oz/2026/11/06/kidnapping/

Telegram | Instagram | YouTube