Қашқадарёда хусусий завод рухсатномасиз Зармас конидан кўмир қазиб, 500 тонна маҳсулотни 350 млн сўмга сотишга уринган. Конга йўл қуришда 33 туп дарахт ва 3000 га яқин бута илдизи билан қўпорилган. Табиатга зарар 480 млн сўмдан ошган.

https://www.gazeta.uz/uz/2026/11/10/trees/

Telegram | Instagram | YouTube

Ўзбекистон Қозоғистон ва Хитой билан мунтазам авиақатновлар сонини ошириш бўйича келишувга эришди. Натижада Тошкентдан Олмаота ва Остонага қатновлар ҳафтасига 60 тагача етказилади, Хитой билан авиақатновлар сони эса ҳафтасига 114 тага оширилиши мумкин.

https://www.gazeta.uz/uz/2026/11/10/aviaqatnovlar/

Telegram | Instagram | YouTube

Бухоро вилояти Ғиждувон туманида яйловдан қум-шағал аралашмаси ноқонуний қазиб олиниши оқибатида табиатга 8,9 млрд сўм зарар етказилди. Ҳуқуқбузарлик дрон ёрдамида ўтказилган назорат-рейд тадбири давомида аниқланган. Тўпланган ҳужжатлар прокуратурага юборилди.

https://www.gazeta.uz/uz/2026/11/10/harm-to-nature/

Telegram | Instagram | YouTube

Сурхондарё вилояти Ангор туманида жиноят иши доирасида ашёвий далил деб топилган 277 дона сохта ҳайдовчилик гувоҳномаси Мажбурий ижро бюроси томонидан махсус қозонхонада ёқиш йўли билан йўқ қилинди. Ушбу жиноят иши бўйича 11 кишига нисбатан суд ҳукми чиқарилган.

https://www.gazeta.uz/uz/2026/11/10/driving-license/

Telegram | Instagram | YouTube

Ўзбекистонда маҳаллий маҳсулот етарли бўлган даврда импорт божларини ошириб, тақчиллик юзага келганда пасайтириш таклиф қилинмоқда. Бизнес фермерларни ҳимоя қилиш миллионлаб истеъмолчилар учун озиқ-овқат қимматлашига олиб келишидан огоҳлантирди. ИССВ божларнинг нархларга таъсирини баҳолашга рози.

https://www.gazeta.uz/uz/2026/11/10/duties/

Telegram | Instagram | YouTube

БМТнинг COP31 анжуманида «Марказий Осиёнинг иқлимий барқарор ландшафтлари» (CLiCA) дастури ишга туширилди. Лойиҳа доирасида Ўзбекистоннинг 4 та вилоятидаги 15 та туманга 103,7 миллион евро инвестиция жалб этилиб, 141 минг гектардан ортиқ ер қайта тикланади.

https://www.gazeta.uz/uz/2026/11/10/clica/

Telegram | Instagram | YouTube

Қўқон шаҳридаги меҳмонхонада 13 ёшли қизга нисбатан жинсий зўравонлик содир этилди. Ҳолат юзасидан жиноят иши қўзғатилиб, гумонланувчи қамоққа олинди. Жабрланувчига психологик ва юридик ёрдам кўрсатилмоқда.

https://www.gazeta.uz/uz/2026/11/10/girl/

Telegram | Instagram | YouTube

Nvidia бош директори Женсен Ҳуанг Хитой фойдасига жосуслик қилишда гумонланаётган аёл билан ишқий муносабатда бўлганини тан олди. Компания директорлар кенгаши ҳолат бўйича суриштирув бошлаган. Трамп Ҳуангнинг сўзларига тўлиқ ишонишини билдириб, уни ҳимоя қилди.

https://www.gazeta.uz/uz/2026/11/10/nvidia/

Telegram | Instagram | YouTube

Қирғизистон президенти Садир Жапаров мамлакатнинг Андижон шаҳрида Бош консулхонасини ташкил этиш ҳақидаги фармонни имзолади. Консуллик округи Андижон, Фарғона ва Наманган вилоятларини қамраб олади.

https://www.gazeta.uz/uz/2026/11/10/kyrgyzstan/

Telegram | Instagram | YouTube

Қонунчилик палатаси улушли қуриш тўғрисидаги қонунни қабул қилди. Ҳужжатда эскроу-ҳисобварақлардан фойдаланиш, шартномаларни нотариал расмийлаштириш ва молиялаштиришнинг 70/30 нисбати белгиланмоқда. Шунингдек, ноқонуний пул йиғиш учун жавобгарлик киритилмоқда.

https://www.gazeta.uz/uz/2026/11/10/shared-equity-construction/

Telegram | Instagram | YouTube

Шаҳарсозликка оид қонун лойиҳасидан ноқонуний қурилишнинг ҳар бир квадрат метрига 2,2 млн сўмгача молиявий санкциялар чиқариб ташланди. «Миллий тикланиш» фракцияси ҳужжат қонунбузарлик олдини олиш механизмидан айрилганини билдириб, қарши чиқди. Эътирозларга қарамай, депутатлар қонунни қабул қилди.

https://www.gazeta.uz/uz/2026/11/10/fines/

Telegram | Instagram | YouTube

“Samolyotni qo‘ndirganda, bemorni yo‘qotardik”. Samoda koreys yo‘lovchini qutqargan shifokor bilan suhbat

11-oktabr kuni o‘zbekistonlik shifokor Hasan Kamilov Toshkentdan Seulga uchayotgan samolyotda ahvoli keskin yomonlashgan koreyalik ayolning hayotini saqlab qoldi.

Hasan Kamilov Samarqand shahridagi xususiy klinika rahbari, otorinolaringolog, Toshkent davlat tibbiyot universiteti izlanuvchisi hisoblanadi. O‘sha kuni u Janubiy Koreyaning Chungbuk universitetida malaka oshirish uchun safar qilgan edi.

Gazeta muxbiri Samarqandda bo‘lib, Hasan Kamilov bilan suhbatlashdi, o‘sha kungi samolyotdagi voqea haqida undan batafsil so‘zlab berishini so‘radi.

Video: https://youtu.be/X90vtMw0CiI

Muallif: Otabek Turdiyev

@gazetauzmaxsus

Ўзбекистонда амалда бўлган 33 мингдан ортиқ стандартнинг қарийб ярми эскирган ёки халқаро талабларга жавоб бермайди. Депутатлар бу мамлакатнинг ЖСТга кириши йўлида жиддий тўсиқлар яратаётганини айтди. Қонунчилик палатаси Техник жиҳатдан тартибга солиш агентлиги раҳбарига парламент сўрови юборди.

https://www.gazeta.uz/uz/2026/11/10/standards/

Telegram | Instagram | YouTube

АҚШдан Ўзбекистонга 2014 йилдан бери қидирувда бўлган эркак қайтарилди. У мамлакатдан ноқонуний чиқиб кетишда айбланмоқда. 48 ёшли фуқаро Жиззах прокуратурасига топширилди.

https://www.gazeta.uz/uz/2026/11/10/usa/

Telegram | Instagram | YouTube

Болгариядаги иккита йирик автоҳалокат оқибатида 11 киши ҳалок бўлди, яна 48 киши жароҳатланди. Оммавий ЙТҲда 86 та автомобиль тўқнашди. Дастлабки маълумотларга кўра, ҳодисага тўсатдан тушган қалин туман сабаб бўлган.

https://www.gazeta.uz/uz/2026/11/10/bulgary/

Telegram | Instagram | YouTube

Илғор технологиялар марказида «1000 геном» лойиҳаси бошланди. Олимлар миллий маълумотлар базаси яратиш ва касалликлар хавфини аниқроқ баҳолаш учун турли ҳудудлар аҳолисидан қон намуналари йиғмоқда. Gazeta тадқиқот қандай ўтказилаётгани, натижалар тиббиётга қандай фойда бериши ҳақида ҳикоя қилади.

https://www.gazeta.uz/uz/2026/11/10/1000-genomes-of-uzbekistan/

Telegram | Instagram | YouTube

Тавалло тахаллуси билан ижод қилган «Равнақ ул-ислом»нинг муаллифи бундан 89 йил аввал — 10 ноябрда қатағон қурбони бўлган. Gazeta «Мағзава» имзоси остида «Муштум» журналида, шунингдек, «Тараққий», «Шуҳрат» каби нашрларда шеър ва мақолалари чоп этилган Тўлаган Хўжамёровни хотирлаб, тест тайёрлади.

https://www.gazeta.uz/uz/2026/11/10/tavallo/

Telegram | Instagram | YouTube

Ўзбекистон президенти ва биринчи хоним СOP31 саммитида иштирок этиш учун Анталияга етиб борди, уларни аэропортда Туркий давлатлар ташкилоти Оқсоқоллар кенгаши раиси Бинали Йилдирим ва Туркиянинг расмий шахслари кутиб олди. Президент БМТнинг Иқлим ўзгариши бўйича COP31 конференциясида маъруза қилади.

https://www.gazeta.uz/uz/2026/11/10/antaliya/

Telegram | Instagram | YouTube

МБ раисининг ўринбосари Нодирбек Ачилов шакар билан боғлиқ катта инфляция хавфларини кўрмаётганини, 2027 йилда озиқ-овқат нархлари ўсиши секинлашишини кутаётганини айтди. У 300 минг тонна шакар импорти квотаси нархларга таъсири ва бу МБ билан муҳокама қилинган-қилинмаганига аниқлик киритмади.

https://www.gazeta.uz/uz/2026/11/10/sugar/

Telegram | Instagram | YouTube

Тошкент аэропортида янги, шунингдек, илгари Ўзбекистон операторлари тармоқларида ишлатилмаган телефон ва қурилмаларни божхона расмийлаштирувидан ўтказиш тўхтатилди. Улар далолатнома асосида вақтинча олиб қолинади ва жараён қайта тиклангач, эгаларига қайтарилади, дейди Божхона қўмитаси. Тафсилотлар.

https://www.gazeta.uz/uz/2026/11/11/uzimei/

Telegram | Instagram | YouTube