Жаңа Зеландияның 16 әкімшілік аймағы:

1. Нортленд (Northland)
2. Окленд (Auckland)
3. Вайкато (Waikato)
4. Бэй оф Пленти (Bay of Plenty)
5. Гисборн (Gisborne)
6. Хоукс Бэй (Hawke's Bay)
7. Таранаки (Taranaki)
8. Манавату-Вангануи (Manawatu-Wanganui)
9. Веллингтон (Wellington)
10. Тасман (Tasman)
11. Нельсон (Nelson)
12. Марлборо (Marlborough)
13. Уэст Коуст (West Coast)
14. Кантебери (Canterbury)
15. Отаго (Otago)
16. Саутленд (Southland)

Түркияның Балыкесир провинциясында магнитудасы 4,5 балдық жер сілкінісі болды

Балықесир провинциясының Сындыргы ауданында жергілікті уақытпен 11:58-де магнитудасы 4,5 балдық жер сілкінісі болды.

Түркияның Төтенше жағдайлар және апаттар басқармасының (AFAD) мәліметінше, дүмпу ошағы 7,14 шақырым тереңдікте орналасқан.

Жапонияда жер сілкінісінен кейін цунами дабылы жарияланды

Жапонияның солтүстік-шығыс жағалауында магнитудасы 6,7 жер сілкінісі тіркелді. Жапония метеорологиялық агенттігінің хабарлауынша, дүмпу Ивате аймағында магнитудасы 6,9-ға дейін жетіп, кей аймақтарда цунами толқынын тудырған.

Қазіргі уақытта жарақат алғандар немесе материалдық залал туралы ақпарат жоқ.

🌨️ 10 қарашаға арналған ауа райы болжамы

«Қазгидромет» мәліметінше, Қазақстанның басым бөлігінде жауын-шашын болады. Солтүстік, шығыс және орталық өңірлерде көктайғақ пен боран күтіледі. Кей жерлерде тұман түсіп, жел күшеюі мүмкін.

▪️ Астана: қар, боран, көктайғақ.
Температура: түнде −3…−5 °C, күндіз −3…−5 °C.

▪️ Алматы: Ауа райы құбылмалы, жауын-шашынсыз.
Температура: түнде 0…+2 °C, күндіз +7…+9 °C.

▪️ Шымкент: Ауа райы құбылмалы, жаңбыр.
Температура: түнде +1…+3 °C, күндіз +12…+14 °C.

Альп тауларындағы мұздықтардың соңғы 1 және 1,5 ғасыр ішінде жылдам әрі қарқынды жойылып бара жатқаны көрсетілген видеоанимация.

Еуропада жаз айларында жиі болып жатқан қорқынышты қуаңшылықтардың бар екенін осы бір ғана бейнетаспа да «айтып» тұр.

🌧️ 11 қарашаға арналған ауа райы болжамы

«Қазгидромет» мәліметінше, сейсенбі күні Қазақстанның басым бөлігінде қар және жаңбыр жауады. Елдің 15 өңірінде дауылды ескерту жарияланды. Жалпы республика аумағында желдің күшеюі, тұман және көктайғақ күтіледі.

▪️ Астана: Ауа райы құбылмалы, қар, көктайғақ, боран. Температура: түнде −1…−3 °C, күндіз 0…+2 °C.

▪️ Алматы: Бұлтты, жауын-шашынсыз, тұман. Температура: түнде +1…+3 °C, күндіз +8…+10 °C.

▪️ Шымкент: Бұлтты, жауын-шашынсыз. Температура: түнде 0…+2 °C, күндіз +13…+15 °C.

Африка құрлығының өз аумағы түгелдей немесе басым бөлігі аралдарда орналасқан мемлекеттер:

Тұтастай аралда орналасқан мемлекеттер:

1. Мадагаскар — Үлкен арал, Африканың шығысында орналасқан.

2. Маврикий — Үнді мұхитындағы арал мемлекет.

3. Сейшель аралдары (Сейшелдер) — Африканың шығыс жағалауында, көптеген шағын аралдардан тұрады.

4. Комор аралдары — Африка мен Мадагаскар аралығында орналасқан архипелаг мемлекет.

5. Кабо-Верде (Жасыл мүйіс аралдары) — Атлант мұхитының шығысында, Батыс Африкадан алыс орналасқан.

6. Сан-Томе және Принсипи — Гвинея шығанағындағы екі негізгі аралдан тұратын ел.

Жартылай аралдық, бірақ континентпен байланысты аумаққа ие мемлекеттер:

7. Экваторлық Гвинея — елдің бір бөлігі материкте (Рио-Муни), бірақ астанасы Малабо орналасқан Биоко аралында.

Доминикан Республикасында электр желісіндегі апат салдарынан жаппай жарық сөнді — Associated Press

Кариб теңізіндегі 11 миллионнан астам халқы бар арал елінде кең ауқымды электр энергиясының үзілуі орын алды. Ел үкіметінің хабарлауынша, блэкаутқа электр беру жүйесіндегі апат себеп болған.

Алғаш болып Сан-Педро-де-Макорис қаласындағы электр станциясы істен шыққан, бұл бүкіл ел бойынша электр станциялары мен қосалқы станциялардың бірінен кейін бірі өшуіне әкеліп соққан. Апаттың нақты себебі әзірге анықталған жоқ.

Электр қуатының үзілуі салдарынан елдегі қоғамдық көлік, соның ішінде астана Санто-Домингоның метросы мен аспалы жолдары жұмысын тоқтатты. Ауруханалар, банктер және ірі мекемелер генераторлар арқылы энергия алуға көшті, ал көптеген үйлер мен шағын бизнес нысандары жарықсыз қалды.

Елде алдағы күндері 20 градус аяз болады

Алдағы күндері ел аумағында аяз күшейеді. Шығыс Қазақстанда ауа температурасы 20 градусқа дейін төмендеп, қар аралас жаңбыр жауады.

Қазгидромет мәліметінше, оңтүстік өңірлерде де қар түсіп, жел күшейеді.

Солтүстік және орталық аймақтарда күн күрт өзгеріп, бұрқасын соғады, бірақ ауа температурасы қатты түспейді.

Республиканың қалған өңірлерінде ауа райы айтарлықтай құбылмайды, деп хабарлады Қазақстан Ұлттық арнасы.

Екі континентте орналасқан мемлекеттер:

1. Ресей — Еуропа мен Азия

2. Түркия — Еуропа мен Азия

3. Қазақстан — Еуропа мен Азия

4. Әзербайжан — Еуропа мен Азия

5. Грузия — Еуропа мен Азия

6. Мысыр — Африка мен Азия

7. Индонезия — Азия мен Австралия (кейбір аралдары географиялық жағынан Океанияға жатады)

8. Папуа – Жаңа Гвинея — Азия мен Австралия (Океания шекарасында орналасқан)

9. Панама — Солтүстік және Оңтүстік Америка

10. Дания — бұл елдің негізгі бөлігі түгелдей Еуропада орналасқан, ал Гренландия Солтүстік Америкада болғанымен, Гренландия – автономиялық аймақ, сондықтан егер тек негізгі аумақ есептелсе, Дания континентаралық мемлекетке жатпайды.

Негізгі және нақты континентаралық мемлекеттер — бірінші 9 ел.
Данияны кейде қосымша мысал ретінде ғана айтады (Гренландияға байланысты).

Сондықтан дұрыс тізім — 9 мемлекет.

Гренландия китының ұзақ өмір сүру қабілеті адам өмірін ұзартудың кілті болуы мүмкін

Салмағы 80 тоннаға дейін жететін алып Гренландия киты — сүтқоректілер арасындағы ең ұзақ өмір сүретін түр болып саналады: кейбір дараларының жасы 200 жылдан асады. Соған қарамастан, оларда іс жүзінде қатерлі ісік немесе қартаюға тән аурулар кездеспейді.

АҚШ ғалымдарының жаңа зерттеуіне сәйкес, суық орта жануар жасушаларындағы CIRBP ақуызын белсендіреді. Бұл ақуыз ДНҚ-дағы зақымдарды қалпына келтіріп, мутациялардың санын азайтады. Бұған қоса, адам жасушалары мен шыбындарда жүргізілген зертханалық тәжірибелер де бұл геннің өмірді ұзартып, радиацияға төзімділікті арттыратынын көрсетті.

Гренландия киты судың температурасы нөлге жуық болатын ортада өмір сүреді. Болжам бойынша, оның ағзасы осындай жағдайға бейімделіп, ДНҚ деңгейінде қорғаныс механизмдерін іске қосқан. Ғалымдар CIRBP ақуызының қызмет ету механизмін түсіну адам өмірін ұзарту бағытында жаңа мүмкіндіктер ашуы мүмкін деп есептейді.

Ресей елімізге тағы бірнеше Амур жолбарысын жеткізеді

Келесі жылы Ресей елімізге тағы бірнеше Амур жолбарысын жеткізеді.

Президенттің мемлекеттік сапары аясында осындай келісім жасалды. Құжатқа сәйкес тараптар жануарды жеткізуге бірге дайындалып, оның бейімделуіне күш салады, деп хабарлады 24kz.

🖥 ҰБТ-ның жаңа шекті балдары жарияланды

Ұлттық тестілеу орталығы 2026 жылы тапсыратын талапкерлер үшін ҰБТ-ның шекті балдарын жариялады. Тест форматы өзгермейді — талапкерлер 5 пәннен емтихан тапсырады: 3 міндетті және 2 бейіндік пән.

📚 Міндетті пәндер және шекті балдар:

Математикалық сауаттылық – 10 сұрақ, ең төмен балл: 3

Оқу сауаттылығы – 10 сұрақ, ең төмен балл: 3

Қазақстан тарихы – 20 сұрақ, ең төмен балл: 5

🎓 Бейіндік пәндер:

Екі пәннен барлығы 40 сұрақ беріледі.

Әр пәннен ең көбі 50 балл, ал ең төмені – 5 балл болуы керек.

✅ Яғни, талапкер тесттен өту үшін әр пәннен осы ең төменгі көрсеткіштерді жинауы тиіс.

Қазақстан Ауғанстанға гуманитарлық көмек жіберді

Қасым-Жомарт Тоқаевтың тапсырмасымен және Үкімет қаулысына сәйкес, жойқын жер сілкінісінен зардап шеккен ауған халқына дәрі-дәрмек, медициналық құралдар, төсек-жабдықтар, шатырлар және басқа да қажетті заттар жіберілді.

#геодерек

Батыс желдері ағысының ұзындығы 30 мың км және ені шамамен 1000 км. Ағыс жолында кедергілерге тап болмай, ол жершарын үздіксіз айналып өтеді. Ағыс батыстан шығысқа қарай "аңыраған қырқыншы" (40°-50° о.е.) мен "ашулы елуінші" (50°-60° о.е.) ендіктер арасында жылжиды, олардың неге бұлай аталуы қызық болса, постқа лайк басамыз. Лайктар саны онға жетсе толық мәлімет беремін.

Суртсей аралы — Атлант мұхитындағы ең жас әрі ерекше аралдардың бірі. Ол 1963 жылы 14 қарашада Исландиядан 32 шақырым қашықтықта орналасқан суасты жанартауының атқылауы нәтижесінде пайда болды.

Арал атауы скандинав мифологиясындағы от алыптары — “Сурт” есімінен алынған.

Суртсей — адам араласпаған табиғи зертхана. 1965 жылдан бастап мұнда тек арнайы рұқсатпен бірнеше ғалым ғана кіре алады. Арал туған кезде тіршіліктің еш белгісі болмағанымен, уақыт өте алғашқы мүк пен балдырлар пайда болды, кейін құстар қонып, өсімдіктер тарала бастады. Қазіргі таңда онда ондаған өсімдік пен жәндік түрлері қалыптасқан.

Мұхит толқындары аралды баяу шайып, оның көлемін азайтып келеді: бастапқы 2,7 км²-ден бүгінгі күні шамамен 1,3 км² ғана қалған. 2008 жылы Суртсей ЮНЕСКО-ға енгізіліп, әлемдегі ең маңызды табиғи бақылау нысандарының біріне айналды.