خِتام برنامج صُنّاع المحتوى 🏆💙

بعد شهرٍ كامل من التعلم والاستفادة من فيض الخبرات في مجال صناعة المحتوى، واكتشاف إبداعاتٍ لا متناهية بين سواعد قمم، وسط بيئةٍ شغوفة بالتميز.. يسعدنا أن نُعلن عن ختام "برنامج صُنّاع المحتوى"💙.

شملت رحلتنا:
✔️ كتابة المحتوى وصياغة الأفكار.
✔️ أساسيات التصوير والإخراج.
✔️ المونتاج وتحرير الفيديوهات.
✔️ النشر والمتابعة وإدارة المحتوى.

شكرًا لكل الشغوفين من سواعد قمم، والمشاركين من خارج قمم، الذين شاركونا هذه الرحلة الإبداعية✨.

ويسعدنا حضوركم للحفل الختامي لتتويج هذا البرنامج، والذي سيتضمن فعاليات مميزة واستضافة خاصة لسواعِد وإدارة قمم🔥.

📌 اليوم: الخميس
📅 التاريخ: 29 أكتوبر
📍 المكان: قناة منصة قمم على التليجرام.

رابط المنصة : https://t.me/gimam22

⏰ الزمن: 8:00 مساء، توقيت السودان

حضوركم يُكتمل به الأثر، وتُتوج به رحلة الإبداع.. بانتظاركم.

•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨

#الشهادة_السودانية #دعم_الإبداع #دعم_الطلاب #السودان #تعليم #قمم

عارف ميولك واهتماماتك!
ولا مجرد حياة بتعيشها وخلاص؟

تخصصك الجامعي ما هو خيار بتاخدو و خلاص، بل بالعكس القرار ده ممكن يكون من أهم القرارات الح تتخذها في حياتك.

ولكن هل عندك المعرفة الكافية
بكل التخصصات عشان تتخذ القرار الصح؟

كتير بتشوف شخص ناجح في مجال، وتفكر أنك لازم تدخل المجال دة، سواء إنت قبلوك في الجامعة أو لسة طالب ثانوي، وحتى لو طالب جامعة مفكر أنك تغيِّر تخصصك، لازم تعرف تعيش التخصص قبل تدخله؛ لكن كيف ووين ومتين و...

دقيقة دقيقة... معقول قمم بتجهز في الـ.... 😲
تتوقعوا شنو 😌👌!!؟

أكتبوا في التعليقات توقعاتكم يمكن تكون أول زول يتوقعها صح🔥.
•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨.

#الشهادة_السودانية #دعم_الإبداع #دعم_الطلاب #السودان #تعليم #قمم

دروس كتيرة، مصادر متفرقة، وأسئلة محتاجة إجابة✨

عمرك حسّيت إنك محتاج مُساعدة في دراستك، أو ضيّعت زمن طويل بتفتّش عن حاجة كان ممكن تلقاها في دقائق؟!

مرات المشكلة ما بتكون في إنك ما بتجتهد كفاية، ولا إنك ما عندك رغبة تنجح؛ المشكلة ببساطة إنك ما لاقي الحاجة البتسهّل عليك الطريق!

في أوقات كتيرة بتكون محتاج فيها زول يوجّهك للطريق الصح، أو يشاركك معلومة تختصر عليك ساعات من التعب.

لكن تخيّل لو كل الحاجات دي بقت أقرب ليك مما تتخيّل! ✨

هنا بتظهر قيمة مجتمع قِمم💙.

قِمم ما بس مساحة بتجمع الطلاب الطموحين، بل مجتمع هدفه يسهّل عليك رحلتك الدراسية، ويقرّب ليك الموارد والمساعدة البتحتاجها عشان تستفيد من وقتك وتستثمر مجهودك بصورة أفضل.

أهم الأشياء البتختصر ليك هو الفهرس بدل ما تتوه بين المصادر، تلقى طريق أوضح للوصول للمحتوى البتحتاجه، وتوفّر زمنك للحاجة الأهم: التعلُّم.

أكيد في رحلتك ما كل سؤال لازم تواجهو براك، وما كل عقبة مفروض توقفك؛ وجود مجتمع بتلقى فيه المساعدة والتوجيه والدعم ممكن يفرق معاك أكتر مما تتخيّل.

في قِمم، بنؤمن إنو كل طالب عنده القدرة يحقق أهدافه، لكن أحيانًا كل البحتاجو هو فرصة أفضل، ومعلومة في وقتها، وبيئة بتساعده يواصل ويصل 💙✨.

💬 خلّونا نعرف منكم: لو عندك فرصة تضيف ميزة واحدة تسهّل رحلتك الدراسية، حتختار شنو؟ وليه؟🫣🤍

•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨


#الشهادة_السودانية #دعم_الإبداع #دعم_الطلاب #السودان #تعليم #قمم #مجتمع_قمم

الليلة الختامية لبرنامج صُنَّاع المحتوى✨🎉

لا يفوتكم ختام الرحلة لجيل مبدع في صناعة المحتوى مع منصة قمم التعليمية.

📌 الليلة الساعة 8:00 م بتوقيت السودان.
على قناة منصة قمم على التليجرام.

رابط قناة التلجرام في التعليقات👇:

حضوركم يُكتمل به الأثر، وتُتوج به رحلة الإبداع.. بانتظاركم.

•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨.

#الشهادة_السودانية #دعم_الإبداع #دعم_الطلاب #السودان #تعليم #قمم #مجتمع_قمم

{ أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَءِلـٰه مَعَ اللَّهِ قَلِيلًا مَا تَذَكَّرُونَ }
[سُورَةُ النَّمْلِ: ٦٢]

في وسط ضيقك وكُربتك، وعندما تُسد كل الأبواب وتُقفلت الطرقات، ويضيقُ صدرُكَ ولم يعد لديك حيلة، وتُفكر كيف سأخرج من هذا الموقف، لا أحد من الذين أعرفهم يمكنه أن يساعدني؟

ولكن هنالك ربٌ وهاب، مجيبٌ للدعوات، سميعٌ عليم، يعلم ما تمر به، وإذا رفعت يديك بالدعاء وتشكوا ما بك من ضيق، فبابه مفتوح، ويمكنك أن تلجأ إليه دائمََا، فسبحانه هو.

•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨

#الشهادة_السودانية #دعم_الإبداع #دعم_الطلاب #السودان #تعليم #قمم

لو إنت برلوم... يبقى لازم تعرف الأسرار دي🫣💙

شاءت الأقدار إنك تدخل التخصص الفلاني لحكمة يعلمها ربنا سبحانه وتعالى، أكيد حيكون دار حوار بينك وبين نفسك:

_هل التخصص دا مناسب لي وحأقدر اتأقلم معاه؟
_طبيعة المواد فيه، سهلة ولا صعبة؟
_طيب وبعد أتخرج، شنو المجالات اللي ممكن أتفرع فيها؟
_وأهم شيء... هل فرصه الوظيفية متوفرة؟
وأسئلة كثيرة دخلتك في دوامة ما قدرت تطلع منها!.

لكن العصفورة وصلت لينا حوارك دا؛ وقررنا نساعدك تلقى جواب لكل الأسئلة الشاغلة بالك👀✨.

"برنامج تخصصي"💙🔥.
البرنامج اللي حنتكلم فيه عن كل تخصص بالتفصيل بمشاركة شخصيات متميزة تفوقت في مجالاتها، وصنعت لنفسها اسمًا وأثرًا في مختلف التخصصات.

وعشان تقدر تبدع وتصنع مستقبل مشرق بإذن الله تابع "برنامج تخصصي" وما تنسى تشير لزملائك في الدفعة🔥.

•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨

#الشهادة_السودانية #دعم_الإبداع #دعم_الطلاب #السودان #تخصصي_قمم #تعليم #قمم

طلاب بيستمتعو بالدراسة؟! كيف!!🤯

القعدة للقراية والمراجعة تقيلة، وبتخليك تزهج سريع بتكون بتعد الدقائق اللي تخلص فيها، وعشان تهرب بتقرر تنوم بعد العشاء مباشرة، وتوعد ناس البيت يوميًا إنك حتصحى قبل الأذان عشان قراية الصباح أفضل ليك🤓.

أكبر خطأ وقعنا فيه إننا فتشنا الحل قبل ما نفهم المشكلة أصلًا، وهي كيف نخلي القراية ممتعة؟

الحقيقة إنو كتير من الطلبة المتفوقين كان بيستمتعو بالمذاكرة، وفكرة يلقو معلومات جديدة كأنهم بكتشفو في جوانب جديدة في الحياة بالنسبة ليهم كل صفحة فرصة لمعلومة جديدة، كل مسألة هي تحدي جديد لمقدرتهم.

ولأنو في قمم ما بس بنبهك للمشكلة ونوجد معاك حلها، نحن كمان عايزين نضمن استمراريتك، وتفوقك ودا كلو حيكون عبر تحديات ومتابعات دورية وتحفيز جماعي في مجتمعنا مجتمع قمم.

ابدأ التغيير وانضم لمجتمع قمم💙📩.

شاركنا طريقة مذاكرة استعملتها وخلت وقت المذاكرة ممتع أكتر🎉.

•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨

#الشهادة_السودانية #دعم_الإبداع #دعم_الطلاب #السودان #تعليم #قمم #مجتمع_قمم

🎙ختام برنامج صناعة المتناظر

الجدال اتغيّر وبقى فن،
والأفكار اتّرتبت،
والحُجّة بقت أقوى،
والثقة بقت أعلى🗣️.

رحلة مليانة بالورش، والنقاشات، والحوارات المثمرة.

اتبادلت فيها وجهات النظر، واتغيّرت العقليات واتبنت بشكل أقوى وأعمق.

ومن أهم الحاجات الاتعلموها في البرنامج:

ما لازم قناعتك تكون دائمََا صحيحة، تتعلم تتقبل أراء الآخرين ، وتتناقش بكل احترام حتى لو اختلفتوا، لأنه في النهاية
"اختلاف الرأي لا يفسد للود قضية🤝"

وفي ختام هذه الرحلة المثمرة،
نشكر كل من كان في هذه الرحلة وشارك فيها، وكان جزءََا منها، ونقدم لهم كل التهاني💙.

ويسعدنا دعوتكم جميعََا لحضور الحفل الختامي لبرنامج صناعة المتناظر.
والذي سيتضمن فعاليات وفقرات مميزة جدََا.

🗓️ التاريخ: 11/نوفمبر/2026م
📌 المكان: نادي الفكر والثقافة
⏰ الزمن: 8 مساءً بتوقيت السودان

•°•°•°•°•°•°•°•°•°•°•°•°•°•°•°•°

في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨

#الشهادة_السودانية #دعم_الإبداع #دعم_الطلاب #السودان #تعليم #قمم #صناعة_المتناظر

برنامج تخصصي | لأن اختيار التخصص بداية الطريق، ومعرفة تفاصيله تصنع الفرق✨

كل تخصص جامعي وراه تفاصيل كتيرة، وتجارب مختلفة، وفرص ممكن ما تكون واضحة ليك من البداية.

من طبيعة الدراسة والمواد الأكاديمية، إلى المسارات المهنية ومجالات العمل بعد التخرج؛ أسئلة كتيرة بتحتاج إجابات من أشخاص خاضو التجربة، وعرفو تفاصيل التخصص عن قرب.

ومن هنا جاءت فكرة «برنامج تخصصي» 👀💙

مساحة حوارية بنستضيف فيها شخصيات متميزة في مختلف التخصصات، شاركت تجاربها، وحققت إنجازات في مجالاتها؛ عشان تنقل ليك المعرفة من واقع التجربة، وتساعدك تشوف تخصصك بصورة أوضح، وتتعرف على الفرص والتحديات المرتبطة بيه.

🔥 والمرّة دي حنكون معاكم في بث مباشر!

كونو جزء من الحوار، جهّزو أسئلتكم، واستفيدو من فرصة النقاش المباشر مع ضيوفنا.

📅 التاريخ: ابتداءً من الأحد، الموافق 8/11/2026
⏰ الزمان: 8:00 مساءً بتوقيت السودان.
📍 المكان: قناة قمم على التليجرام.

خليك قريب، ممكن معلومة واحدة تكون سبب في تغيير نظرتك لمستقبلك! 💙

•°•°•°•°•°•°•°•°•°•°•°•°•°•°•°•°
في قمم بنحاول نكون أمل ولينا أثر في التعليم في السودان، خليك أنت كمان أمل وانشر قمم✨

#الشهادة_السودانية #دعم_الإبداع #دعم_الطلاب #السودان #تخصصي_قمم #تعليم #قمم