⚠️ ខ្ញុំបានដាស់តឿនជាច្រើនដងហើយ អំពីហានិភ័យនៃការឆបោក និងការលួចគណនី Telegram!

សូមបងប្អូនមានការប្រុងប្រយ័ត្នខ្ពស់ ជាពិសេសរាល់ការផ្ទេរប្រាក់ ឬទូទាត់ប្រាក់តាមរយៈការទាក់ទងគ្នាលើ Telegram។ មុននឹងផ្ទេរប្រាក់ សូមពិនិត្យ និងផ្ទៀងផ្ទាត់អត្តសញ្ញាណអ្នកទទួលឱ្យបានច្បាស់លាស់ ទោះបីជាគណនីនោះជារបស់មនុស្សដែលយើងស្គាល់ក៏ដោយ។

ជាពិសេស បងប្អូនដែលរកស៊ី និងមានប្រតិបត្តិការផ្ទេរប្រាក់ញឹកញាប់ ខ្ញុំសូមណែនាំឱ្យមានមធ្យោបាយទំនាក់ទំនងផ្សេងទៀត ក្រៅពី Telegram សម្រាប់ផ្ទៀងផ្ទាត់ប្រតិបត្តិការហិរញ្ញវត្ថុសំខាន់ៗ។

បច្ចុប្បន្ន ការលួចគណនី Telegram អាចកើតឡើងតាមរយៈមេរោគលើកុំព្យូទ័រ ការលួច Session និងតំណភ្ជាប់បោកប្រាស់។ នៅពេលជនខិលខូចគ្រប់គ្រងគណនីបាន ពួកគេអាចក្លែងខ្លួនជាម្ចាស់គណនី ដើម្បីស្នើសុំឱ្យមិត្តភក្តិ ឬដៃគូអាជីវកម្មផ្ទេរប្រាក់។

សូមចងចាំថា៖ គណនី Telegram ដែលអ្នកស្គាល់ មិនមានន័យថាអ្នកកំពុងនិយាយជាមួយម្ចាស់គណនីពិតប្រាកដនោះទេ។

មុនផ្ទេរប្រាក់ ជាពិសេសទឹកប្រាក់ច្រើន សូមទូរស័ព្ទផ្ទៀងផ្ទាត់តាមលេខដែលធ្លាប់ស្គាល់ ឬជួបផ្ទាល់ជាមុនសិន ឬតាមមធ្យោបាយផ្សេងៗ ។

ការប្រុងប្រយ័ត្នបន្តិច អាចជួយការពារប្រាក់ដែលបងប្អូនខិតខំរកបានរាប់ឆ្នាំ។ 🙏

#Telegram #CyberSecurity #ScamAlert #Cambodia