﴿ فَإِذَا قَضَيْتُمُ الصَّلَاةَ فَاذْكُرُوا اللَّهَ قِيَامًا وَقُعُودًا وَعَلَى جُنُوبِكُمْ فَإِذَا اطْمَأْنَنْتُمْ فَأَقِيمُوا الصَّلَاةَ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا ﴾💚

حي على الصلاة حي على الصلاة💚

جزاه الله خير قال:
الصلاة ليها واظب قبل عمرك يفوت
وممكن يا أخوي في أي لحظة تموت

فقُم وأقِيم الصلاة وصلي صلاة مودع لعلها آخر صلاة تصليها..!
وأقيمُوا الصلاة أي وأدّوا الصلاة تامة بأركانها وواجباتها وسننها، في أوقاتها المشروعة.

وما تنسى الأذكار بعد الصلاة💚

#قوم_امشي_صلِّ💚

‏"وارفع يديك إلى السّماءِ ففوقها
ربٌ إذا ناديته ما ضيّـعك"💚

#قوم_امشي_صلِّ💚

بسمِ اللهِ نبتدئ وبِهِ نستعين..

مجلس "وصايا للشباب"
مع الشيخ حاطب محمد حفِظهُ الله💚.

رابط المجلس:
https://t.me/Gom9li?livestream

نافذة التعليقات⤵️💚:

#قوم_امشي_صلِّ💚

صباحك بالخير💚
عزيزي المسلم كتير بنفوت أذكار الصباح وصلاة الفجر وصلاة الضحى وكتييير من العبادات ودا بجي من وسوسة وغش الشيطان💚
لئن غلبني الشيطان بالأمس، لأقصمنّ ظهره اليوم بتوبتي وحسن عبادتي- سفيان الثوري💚
تعال نعمل تحدي الليلة ونحاول نعملو بشكل يومي وشوف الفرق💚
بسم الله أذكارك، ثم وردك،
وتزود من الحسنات بالأعمال الصغيرة والكبيرة وصلاة الفجر وما تنسي صلاة الضحى 💚.

#قوم_امشي_صل 💚

أتندس الصلاة..

صليتو الظهر ولا لسه؟👀
أي رفيق صلّى يتفاعل مع الرسالة بـ "🫡"

"اللَّهُم اجعل قلبنا مطمئنًا بذكرك، ولساننا رطبًا بحمدك، وأعمالنا مقبولة عندك 🤲🏻"

#قوم_امشي_صلِّ💚

"الصدقة تُطفئ الخطيئة كما يُطفئ الماءُ النار" 💚
دا حديث ببين ليك كيف الصدقة شي عظيم عند الله، كلنا عارفين الصدقات كيف أجرها عظيم لكن بنتحجج إنو ما عندنا قروش، لكن أرح نوريكم معلومه أنا يادوب ركزت معاها إنو الصدقة ما إلا تشيل قروشك و تديها لي محتاج.
السقيا يا صديق السقيا دي فيها أجر عظيم، و صدقه ممكن تعملها صدقه جارية تجيب ليك زير و كرسي من بيتك تخرم الكرسي و تخت الزير تحت شجره و كل يوم تملاه إنت متخيل كم زول حيشرب و يرتوي و ممكن بالنهار كدا تشيل الجك حقك و تشوف ليك كم نفر في الشارع تديهم يشربوا ما حتشيل معاك زمن - و خصوصا لو جنمبك عمال أو كدا-و تزكر قول الرسول صلى الله عليه وسلم "في كل كبدٍ رطبةٍ أجرٌ".💚

#قوم_امشي_صلِّ💚

بالله قول لي كيف مايكون الصباح البيبدا بي صلاة الفجر وبركة الذكر ما صباح الخير؟💚

ماتنسى تحمد ربك انو احياك بعد ما اماتك ومد في انفاسك وايامك يوم جديد أَذن ليك فيهو بذكره وشكره وحسن عبادته،
غيرك في قبره يُسأل عن عمله وعمره، وإنت؟
ربنا كتب ليك تعيش علشان تتوب وتصلح عملك💚

أسأل الله تعالى أن يجعل صباحك طاعة ونهارك بركة ومساءك مغفرة ورحمة💚

#قوم_امشي_صلِّ💚

قال رسول الله ﷺ: "إذا استيقظ أحدُكم من منامِه فتوضَّأَ فلْيَسْتَنْثِرْ ثلاثَ مراتٍ، فإنَّ الشيطانَ يبِيتُ على خياشيمِه"
والمقصود بالاستنثار هنا؛ استنشاق الماء بالأنف ثُمَّ نفخه وإخراجه.

دي وصية النبي ﷺ اوصانا بيها رحمة بأمته وحرصا عليها، وعشان الشيطان مايبيت على أنفه وعشان مايصعب عليه القيام لصلاة الفجر💚

#سنة_مهجورة
#قوم_أمشي_صلّ💚

هل تعلم انو نشر الاحاديث الصحيحه والفوائد الشرعيه هو جهاد في سبيل الله بالكلمه والحجه ، وفي نفس الوقت صدقه جاريه ينفع الله بها من يشاء، وهو وسيله لحمايه الامه من الضلال واستمرار ارتباطها بمصدر عزتها ورشدها؟

الرسول صلى الله عليه وسلم قال:"بلغوا عني ولو اية" رواه البخاري
وربنا سبحانه وتعالى قال : "وتعاونوا على البر والتقوى"
فاهنا احنا بنمتثل لي الاوامر ونطيع الله ورسوله صل الله عليه وسلم، اذا نشرنا الاحاديث الصحيحه
وبنحئ سنه النبي صلى الله عليه وسلم وبنحارب البدع، وكمان بنحافظ على هويه الامه الاسلاميه وتراثها .
وتصحيح المفاهيم والممارسات الخاطئه، واخيرا الأجر العظيم والفضل الكبير وغيرها من الفوائد
السلف رضي الله عنهم كانو بترحلو من بلد لي بلد عشان يتاكدو من الحديث وصحتو ويرجعو يبلغو عنه.
عشان كدا لابد ننتبه لي انو نتثبت من صحه الأحاديث (لانو لو نشرنا حديث ضعيف أو موضوع كدا كذب على النبي صلى الله عليه وسلم وعقابها مقعد في النار)
ونكون مخلصين لله تعالى وقصدنا نصره الدين بي اقل القليل، ولازم نوضح بطريقه مهذبه ونبتعد عن التعصب أو التساهل

"اللهم اجعلنا ممن ينشرون العلم النافع، ويعملون به، وارزقنا
الإخلاص في القول والعمل"💚

#قوم_امشي_صلِّ💚

الليلة يا صحبي ما عايز أشجعك على انك تصلي الصبح حاضر و بس، أنا جاييك بي عرض مغري جداا 💚

قال تعالى: "وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا" {الإسراء: 78}.
مشهودا يعني تشهده ملائكة الليل و ملائكة النهار، يا سلام يا صحبي حنضيع الوقت دا في النوم؟

يلا صلي صبحك حاضر و لينعم قلبك بذكر الله و حلاوة تلاوة كتابه و لتشهد عليك الملائكة.💚

#الصلاة_خير_من_النوم💚
#قوم_امشي_صلِّ💚

ياربي!
كيف شعور سيدنا موسى لما قال ليه ربنا:
"قَد أوتِيتَ سُؤلكَ يَا مُوسَى..")!

اتخيل معي حجم الفرحة الكان فيها..
ربنا بيرزقنا جميعا؛ لكن الفرق بينك وبين زول تاني..إلحاحك!

أيوة ربنا بيحب العبد المُلح في دعائه في الصلاة..عشان كده ربنا أدانا فريضة الصلاة علشان يقرّبنا منّو💚.

ويلا #قوم_امشي_صلِّ💚

واتقرّب من ربّك.

الحِلم | التخلّق بأخلاق القرآن

الحِلم ما ضعف…
الحِلم قوّة بتخلي قلبك كبير، وبتمنع لسانك من الرد وقت الغضب، وتخلي تصرّفك موزون وقت الناس تنتظرك تنفعل.

الحِلم إنك تكظم الغيظ…
وما ترد الإساءة بإساءة، بل تختار الصمت أو الرد الجميل.

قال الله تعالى:
{وَإِذَا مَا غَضِبُوا۟ هُمْ يَغْفِرُونَ}
[سورة الشورى: 37]

وقال النبي ﷺ:
"مَن كَظَمَ غَيْظًا، وهو قَادِرٌ علَى أَنْ يُنْفِذَهُ، دَعاهُ اللَّهُ علَى رُءُوسِ الخَلائِقِ يَخَيِّرُهُ مِنَ الحُورِ العِينِ ما شاءَ"
[رواه أبو داود والترمذي، وصحّحه الألباني]

النبي ﷺ كان أرحم الناس وأحلمهم، ما كان يغضب لنفسه، ولو أساء ليه أحد يرد بالحسنى.
واتذكر إن ربنا من أسمائه "الحليم"…
يسترنا رغم ذنوبنا، ويؤخر العقوبة رغم تقصيرنا.

كيف أتخلّق بخُلق الحِلم؟
▪️ وقت الغضب… خذ نفس عميق، وامشي اتوضى.
▪️ ما ترد فورًا على أي استفزاز.
▪️ لما زول يسيء ليك، اسأل نفسك: "شنو أحسن رد برضي ربنا ؟"
▪️ سامح، حتى لو كنتِ قادر تنتقم و تاخذ حقك .

🌿 الحِلم خلق بيرفعك في عيون الخلق، وبقربك من الحليم .

#التخلق_بأخلاق_القرآن
#قوم_امشي_صلِّ💚

أغلبنا محتاج ليها!

أيوة.. الحاجة الوحيدة البتديها ليومك لو قمت صليت الفجر حاضر، عرفتوها صح؟

البركة والسكينة💚

ربنا اصطفى بيها مُصليين الفجر بس وديل ناس ما عاديين! أما الناس العاديين البصلّو الفجر "في أي وقت" ما حيحسّو بيها أبدا!.
لو عايز تبقى "ما عادي" في علاقتك مع ربك؛ صلّ الفجر حاضر💚.

#الصلاة_خير_من_النوم
#قوم_امشي_صلِّ💚.

صلاة الضحَى زاد الأوّابين للآخره ومُستراح العابدين في رحلة الحياة

| سنة الضحى يا آل صلِّ💚

#قوم_امشي_صلِّ💚

السلام على قلبك الطيب..💚
القلب البيحاول ما ينجرف ورا الدنيا، البيجاهد عشان يمشي صاح لكن أتعبته الذنوب.

خطواتك بقت ثقيلة، حاسي بيك يا رفيق و انا زيك كنت بفتش عن الحل، لحدي ما لقيت الحديث دا:

عن أَبي هُرَيْرةٍ  رضي الله عنه قَال: سمِعْتُ رسُول اللَّهِ ﷺ يَقُولُ: أَرأَيْتُمْ لَوْ أَنَّ نَهْرًا بِباب أَحَدِكم يغْتَسِلُ مِنْه كُلَّ يَوْمٍ خَمْس مرَّاتٍ، هلْ يبْقى مِنْ دَرَنِهِ شَيءٌ؟ قالُوا: لا يبْقَى مِنْ درنِهِ شَيْء، قَال: فذلكَ مَثَلُ الصَّلَواتِ الخَمْسِ، يمْحُو اللَّه بهِنَّ الخطَايا"💚

ما يصيبك اليأس؛ ربك رحيم وطول مامصلايتك جنبك إنت عندك فرصة تمحي الفات وتواصل صاح💚

فيا رفيق:
#قوم_امشي_صلِّ💚

أدعي ربنا دائماً إنه يجعلك من أهل الفجر، البقوموا من نومهم عشان يصلوا💚

وقبل تنوم استحضر نية إنك عايز تصلي الفجر حاضر،
وقوم صلِّ الفجر💚

#الصلاة_خير_من_النوم
#قوم_امشي_صلِّ💚