عزيزي المصلي سمعت قبل كده بالأيام البيض ؟ 🤔
وهل جالك سؤال في دماغك يعني شنو الأيام البيض ،
وليه سميت كده ؟!

الأيام البيض هم ٣ أيام من كل شهر هجري
بالظبط يوم ١٣ و١٤ و١٥ وسميت بالبيض لإكتمال القمر بدراً وشدة بياضه فيها..
ولو خطر ليك سؤال تاني، طيب أجرها شنو لو صمتها ؟!
أجرها كصيام دهر كاامل إذا استمر المرء عليها 💚

ورونا في التعليقات الأيام البيض لشهر ذو القعدة حتكون أيام شنو ؟👀

#قوم_امشي_صلِّ💚

ما تيسَّر من سورة الأحزاب —
الشيخ بدر التركي 💚

{مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا * لِّيَجْزِيَ اللَّهُ الصَّادِقِينَ بِصِدْقِهِمْ وَيُعَذِّبَ الْمُنَافِقِينَ إِن شَاءَ أَوْ يَتُوبَ عَلَيْهِمْ ۚ إِنَّ اللَّهَ كَانَ غَفُورًا رَّحِيمًا}

#قوم_امشي_صلِّ💚

تحدي ٢🤩


قال عليه الصلاة والسلام: "أحب الكلام إلى الله أربع: سبحان الله، والحمد لله، ولا إله إلا الله، والله أكبر".
تخيل يا رفيق لو يومك ما بيخلو من الكلام البيحبه ربنا!💚
عايزين لسان رطب بذكر الله عشان ننعم بقلب مطمئن وأجر عظيم بإذن الله 💚

يلا يا رفيق سجل اشتراكك في التحدي بي (سبحان الله ) وبشرنا نهاية اليوم بالتمام💚

#قليل_دائم💚
#قوم_امشي_صلِّ💚

لينا فترة عزيزي المصلي بنتكلم عن النوافل قبل وبعد الصلوات، والليلة جينا بنافلة فضلها يحرم جسدك من النار ..
قادر تتخيل كمية العظمة والجمال 🥹💚

ورد في الحديث الشريف عن أم حبيبة رضي الله عنها
أن النبي ﷺ قال:
"مَن حافظَ على أربعِ ركَعاتٍ قبلَ الظُّهرِ وأربعٍ بعدَها حرَّمَهُ اللَّهُ على النَّارِ"

وكيفية صلاتها؛ ركعتين نسلم ركعتين نسلم
بعدها نصلي الظهر أربعة ونعيد نفس الطريقة في الأربع البعدها

ورونا منو الكان عارف أنو بتصلي ركعتين ركعتين ما الأربع ركعات مجتمعة؟ 👀
وبرضو ورونا السنن التانية الممكن نتكلم ليكم عنها ونخلى الفائدة تعم ونتشارك كلنا الأجر بإذن الله 😌💚

#قوم_امشي_صلِّ💚

إني لأدري حال قلبك؛ تحاول إصلاحه ويحاول جرفك نحو الهاوية، أدري خطواتك المترنحة وروحك المتعبة، لكنه حالنا كلنا فلا تتوقف فإن تحبو خير لك من التوقف.

هات البشرى، تغلبت على قلبك اليوم وأنجزت التحدي؟!
سجل تمامك بي (سبحان الله )💚

#قليل_دائم💚
#قوم_امشي_صلِّ💚

المُؤنسات الغاليات🌸💚
تعالوا نجلس مع رسول الله صلى الله عليه وسلم ومع صحابته الكِرام ونسمع من حديث رسولنا الكريم.

في دورة شرح الأربعين النووية 💳
مع الأستاذة: نجلاء محمد أحمد
"حفظها الله "🌸

نستقي من هدي النبي، وسمته و سنته ونقتفي أثره لنكون ممن اتبعه حقًا ثم فاز بعدها بشربة هنيّة لا يظمأ بعدها أبدا من حوضه الشريف🌷

وذلك عبر مجالس قوم امشِي صلِّ للنساء على
التلجرام وهذا الرابط الرسمي :
https://t.me/+0nzY4TRUkvwxNTBk

- وعليكِ الدخول على مجموعه الواتس اب وسيتم تغيير الرابط بمجرد إكتمال العدد بإذن الله

- سيتم حفظ حديث واحد في الاسبوع وسرده مع الرفيقة🌷

رابط مجموعه الواتس المباشر :
https://chat.whatsapp.com/DNUMFgeHRafBWdYMZHBj1v?mode=gi_t

نتمنى لكُن رحلة طيّبة مُباركة مُنيرة مع احاديث الحبيب المصطفى صلى الله عليه وسلم 🌸

العِلمُ قالَ اللَهُ قالَ رَسولُهُ..
قالَ الصَحابَةُ لَيسَ خُلفٌ فيهِ...

#بودكاستات_المجالس💚
#مجالس_قوم_امشي_صلِّ_للنساء🌸💚

”الكون يهتف والملائكة تشهد
والمؤمنون بحُبِّ أحمد غروا
صلَّ عليك الله يا خير الورى
ما مرَّ في النطق المبين محمَّد“

اللهم صلِّ وسلم على نبينا محمد ﷺ.

#قوم_امشي_صلِّ💚

كونوا على الموعد..
لنجدد الإيمان ونطمئن بالقران 💚


بشرى لقلوبكم آل صلِّ..
نلتقي بكم في مجلس تلاوة بعنوان:
(حلقة إطمئنان) 🕊️💚
بصوت فضيلة الشيخ:
مجتبى محمد جزاه الله عنَّا خيراً

📅 موعدنا: الجُمعة القادمة |
١٤ ذو القعدة ١٤٤٧ هـ الموافق ١ مايو ٢٠٢٦ م
⏰ الساعة: ٨:٣٠ مساءًا بتوقيت الخرطوم — ٩:٣٠ مساءًا بتوقيت القاهرة ومكة المكرمة أحبِّ البقاع💚
📍 المكان: هنا في رحاب قناتكم قوم امشِي صلِّ على التيليجرام

"حيّ على الفلاح.. وحيّ على كلام الله"💚

#قوم_امشي_صلِّ💚

يوم الجُمعة يوم العطايا والمنح،
ففيه ساعة لا يدعوا العبد فيها ربَّه دعوةً إلَّا واستُجيب له 💚

| تذكير ساعة الإستجابة يا رفاق .

#قوم_امشي_صلِّ💚

"أغْرِق فُؤداكَ بالآياتِ إنَّ بِها
طِبُّ لكُلِّ فؤادٍ صَار يحَتضرُ!"

بسم الله نبدأ وبِهِ نستعين..

"تلاوة إطمئنان"
مع الشيخ مجتبى محمد حفِظهُ الله💚.

رابط المجلس:
https://t.me/Gom9li?livestream

نافذة التعليقات⤵️💚

#قوم_امشي_صلِّ💚

يا كرام، بفضل الله ومنّته انقضت حلقة التلاوة لهذا اليوم ، نفعكم الله بما سمعتم ، وجعل القرآن ربيع قلوبكم ونور صدوركم 💚

بحول الله وقوته نلتقيكم
في حلقات أخرى ✨

سبحانك اللهم وبحمدك، نشهد أن لا إله إلا أنت، نستغفرك ونتوب إليك.

#قوم_امشي_صل

حلقة إطمئنان✨

🎙الشيخ :
مجتبى محمد - حفظه الله -
#قوم_امشي_صل

ما تيسَّر من سورة المؤمنون —

{وَالَّذِينَ هُمْ عَلَىٰ صَلَوَاتِهِمْ يُحَافِظُونَ * أُولَٰئِكَ هُمُ الْوَارِثُونَ * الَّذِينَ يَرِثُونَ الْفِرْدَوْسَ هُمْ فِيهَا خَالِدُونَ}

#قوم_امشي_صلِّ💚

يا صاحبي…👀
انتهت الامتحانات، ورفعت الأقلام، وسكن الضجيج بعد تعبٍ طويل والحمد لله..

لكن الغريب إنو الهدوء أحيانًا ما بكون راحة،
بكون مساحة للعقل يرجع يفتح الملفات القديمة:
هل قصّرت؟
هل كان ممكن أعمل أكتر من كدا؟
ويبدأ القلق واللوم والخوف..
لكن قبل ما تقسو على نفسك، اسمعني كويس:🫵

السعي ما كان يومًا بس في الجلوس قدّام الكتب…
السعي كان في كل لحظة صبرت فيها و كافحت و تعبت.
الخوف على المستقبل كان سعي…
القلق التعبك كان سعي…
البكاء من الضغط كان سعي…

وحتى محاولتك إنك تكمل وما تنهار، دي ذاتها سعي💚

يتبع...

#ليطمئن_قلبي١
#قوم_أمشي_صلِّ💚

خارطة الطريق..
كيف نطهر هذا القلب المتعب؟

لو رجعت للذنب تاني، ماتفضل واقف مكانك بتجلد ذاتك وبس، قوم اتنفض واعمل الخطوات دي عشان ترجع تنور من جوه:

١. اغتسل بدموع "الاضطرار"
أول حاجة تعملها، اتوضأ وصلي ركعتين "صلاة التوبة". خلي سجودك طويل، ابكي، قولي له: "يا رب، أنا ضعيف وأنت القوي، م عندي غيرك يلم شعث قلبي".
• القاعدة: الذنب بيظلم القلب، والإستغفار هو "النور" اللي بيمسح الضلمة دي فوراً 💚

٢. سدّ الثغرات (تغيير البيئة)
ماتقدر تبطل تشرب سم وأنت لسه قاعد في بيت الكيماويات. لو الذنب مرتبط بـ (موبايل، شخص، وقت فراغ، مكان معين).. اقطع الخيط ده فوراً.
• نصيحة السلف: "مَن لم يهجر أرض المعصية، يوشك أن يقع فيها مراراً."

٣. سياسة "الحسنات الماحية"
أول ما تعمل ذنب، "انتقم" من الشيطان بعمل صالح كبير. تصدق، ساعد أحد، اقرأ ورد قرآن زيادة.
• قال تعالى: (إِنَّ الْحَسَنَاتِ يُذْهِبْنَ السَّيِّئَاتِ). خلي الذنب يكون سبب في إنك تقرب من ربنا أكتر من الأول 💚

٥. تعلّق بـ "يا مقلب القلوب"
خلي لسانك دايماً شغال: "اللهم يا مقلب القلوب ثبت قلبي على دينك". طهر قلبك بالرفقة الصالحة، وبالسماع للي بيذكرك بجمال ربنا مش بس بعقابه.

ختاماً..
يا غالي، ربنا بيحب التوابين (اللي كل ما يغلطوا يرجعوا)،
مش "المعصومين" (لأننا مش ملائكة).
المهم إنك توجع ذنبك بالتوبة، وما تخلي ذنبك يوجع إيمانك باليأس.
لو وقعت ألف مرة..
ارجع في المرة الألف وواحد، فبابُه لا يُغلق أبداً 💚.

#قوم_امشي_صلِّ💚

تحدي ٣🤩


متذكر عمك الما بتتصل ليه إلا في الأعياد؟
وخالتك الما عارف أولادها وصلوا كم وحالهم كيف؟
وغيرهم كتيير يا رفيق من الأهل الما متواصلين معاهم.

تحدي الليلة مختلف، بسيط لكن أثره عظيم وأجره كبير بإذن الله، اتفقد زول من أهلك، سلم عليه واتطمن على حاله.

سجل اشتراكك للتحدي بي (بإذن الله )
وبشرنا بالتمام نهاية اليوم💚

#قليل_دائم💚
#قوم_امشي_صلِّ💚

من رحمة ربنا و حكمته إنو أحيانًا يبتليك في أحب الأشياء ليك…
عشان تتقرب ليهُ أكتر💚

فالمؤمن مُصاب ومبتلى،
وربنا قال: {وبشّر الصابرين}
عشان كدا… خليك عارف يا رفيق إنو حتُفرج، ولو بعد حين.💚

بس أحسن الظن بالله،
وكتر من الصدقة، والذكر، والدعاء...
وأبشر بالفرج القرييب💚

#قوم_امشي_صلِّ💚