Andijonda o‘tkazilgan “National AI Hackathon” finalida “Deklarant” jamoasi g‘olib bo‘ldi

🖥 Andijon shahrida “National AI Hackathon” tanlovining final bosqichi bo‘lib o‘tdi. Tanlov sun’iy intellekt asosida innovatsion yechimlar yaratish va istiqbolli startaplarni qo‘llab-quvvatlashga qaratilgan.
🏆Mazkur tadbirning tadbirkorlik yo‘nalishida Biznes va tadbirkorlik oliy maktabining Andijon viloyati hududiy filiali vakillari hamda tinlovchilaridan iborat “Deklarant” jamoasi 1-o‘rinni qo‘lga kiritdi.

Jamoa tarkibidan loyiha rahbari X. Ergashev, full-stack dasturchi М. Qodirov, soha mutaxassisi М. Ashiraliyev hamda mahsulot sotuvini tashkil etish menejeri S. Jononmirzayev o‘rin oldi.
“DeklarantUZ” startap loyihasi bojxona chegara postlaridagi tirbandliklarni kamaytirish, tadbirkorlar vaqtini tejash va bojxona jarayonlari shaffofligini oshirishga qaratilgan innovatsion yechim sifatida hakamlar hay’ati tomonidan yuqori baholandi.

🥇 Birinchi o‘rinni egallagan jamoalar respublika bosqichida ishtirok etish huquqini qo‘lga kiritdi.

🇷🇺 RU
🇬🇧 ENG

#GSBE #GraduateSchool #AIHackathon #Startup #Entrepreneurship

🔝 Web-site |🔝Facebook | 🔝 Instagram | 🔝 Youtube

🇺🇿 Biznes va tadbirkorlik oliy maktabi donorlikni rivojlantirishdagi hissasi uchun taqdirlandi

Toshkent shahar “Qon preparatlari” ilmiy-ishlab chiqarish korxonasi Biznes va tadbirkorlik oliy maktabiga aholi o‘rtasida beg‘araz donorlik harakatini rivojlantirish, donorlik punktlarini tashkil etish hamda qon va uning komponentlarini ixtiyoriy topshirishni targ‘ib qilish bo‘yicha faol ishlari uchun minnatdorchilik bildirdi.
😍 Ijtimoiy ahamiyatga ega tashabbuslarni qo‘llab-quvvatlash, donorlik harakatini rivojlantirish va sog‘liqni saqlash tizimi bilan hamkorlikni mustahkamlashdagi hissasi e’tirofi sifatida Oliy biznes maktabiga “Qon xizmatining faxriy do‘sti” nomli sertifikat topshirildi.
👉 Batafsil

🇷🇺 RU
🇬🇧 ENG

#GSBE #GraduateSchool #BloodDonation

🔝 Web-site |🔝Facebook | 🔝 Instagram | 🔝 Youtube

🇺🇿🇪🇸GBSB Global Business School vakilining tashrifi

🇺🇿 Biznes va tadbirkorlik oliy maktabida Ispaniyaning GBSB Global Business School biznesni rivojlantirish departamenti rahbari S. Nikitin bilan uchrashuv bo‘lib o‘tdi.
Ikki tomonlama hamkorlikning istiqbolli yo‘nalishlarini muhokama qilishda Oliy maktab direktorining o‘rinbosari Mirkomil Adilov, shuningdek, tegishli bo‘linmalar rahbarlari va ekspertlari ishtirok etdilar.

S. Nikitin tomonidan GBSB Global Business Schoolning xalqaro faoliyati, uning innovatsion yondashuvlari va akademik salohiyati haqida taqdimot qilindi. Taqdimot davomida universitetning global ta’lim maydonidagi o‘rni, xalqaro hamkorlikka ochiqligi hamda talabalar uchun yaratilayotgan imkoniyatlar yoritib berildi.
Uchrashuv davomida boshqaruvda sun’iy intellektdan foydalanish (AI in Management), ESG va boshqa dolzarb yo‘nalishlar bo‘yicha qo‘shma qisqa muddatli ta’lim dasturlarini amalga oshirish istiqbollariga alohida e’tibor qaratildi.
Tadbir yakunida tomonlar hamkorlik aloqalarini rivojlantirishga bo‘lgan o‘zaro qiziqishni tasdiqlab, o‘zaro manfaatli ta’lim loyihalarini amalga oshirish bo‘yicha hamkorlikni davom ettirishga tayyor ekanliklarini bildirdilar.

Ma’lumot uchun: GBSB Global Barselona, Madrid va Maltada joylashgan o‘quv kampuslari bilan biznes, menejment, tadbirkorlik va raqamli transformatsiya sohalarida keng ko‘lamli ta’lim dasturlarini amalga oshiradi. Biznes maktabi ACBSP, ASIC, shuningdek, MQF sertifikati kabi bir qator xalqaro akkreditatsiyalarga ega. QS 2026 reytingiga ko‘ra, GBSB Yevropaning kunduzgi MBA dasturlarini amalga oshiruvchi biznes maktablari orasida 54-o‘rinni egallaydi. QS ma’lumotlariga ko‘ra, maktab 5 yulduzli biznes maktabi sifatida tan olingan.

🇷🇺 RU
🇬🇧 ENG

#GSBE #GraduateSchool #Study #GBSBGlobalBusinessSchool

🔝 Web-site |🔝Facebook | 🔝 Instagram | 🔝 Youtube