Marosim O‘zbekiston Respublikasi Davlat madhiyasi yangrashi bilan boshlandi. So‘ng tadbirni Biznes va tadbirkorlik oliy maktabi direktorining o‘rinbosarlari Xolboyev Baxrom Avazbayevich hamda Adilov Mirkomil Miralimovich kirish so‘zi bilan ochib berdilar.

Tadbir davomida rahbariyat va professor-o‘qituvchilar magistratura bosqichining oliy ta’lim tizimidagi o‘rni va ahamiyati haqida so‘z yuritib, ilm yo‘lida mashaqqatli, ammo sharafli bosqichni muvaffaqiyatli yakunlagan 380 nafar bitiruvchini samimiy tabrikladilar. Ularga kelgusi kasbiy faoliyatida yuksak muvaffaqiyatlar, yangi marralar va ulkan zafarlar tiladilar.

Diplomlar bitiruvchilarga Oliy biznes maktabi rahbariyati va tegishli kafedra mudirlari tomonidan topshirildi. Tadbir davomida bitiruvchilarning bilimga chanqoqligi, mas’uliyati va kasbiy salohiyati alohida e’tirof etildi.

Oliy biznes maktabi vakillari bitiruvchilarni muhim bosqichni muvaffaqiyatli yakunlagani bilan tabriklab, ularning kelgusida malakali mutaxassis va yetuk menejer sifatida faoliyat olib borishlariga ishonch bildirdilar hamda ularga yangi imkoniyatlar, yuksak marralar va katta muvaffaqiyatlar tiladilar.

Marosimda:
- MBA Moliya
- MBA Raqamli iqtisodiyot
- MBA Agrobiznes
- MBA Global menejment
- MBA Kichik biznes va tadbirkorlik
- MS Loyiha boshqaruvi
mutaxassisliklari bitiruvchilari ishtirok etdilar.