​Каналимизда янги мавзу!

Рақамли этикет: Интернетда ўзини қандай тутиш норасмий қоидалари

Барчамиз Интернетда мулоқот қиламиз, лекин кўпинча буни тўғри ёки нотўғри бажараётганимиз ҳақида ўйламаймиз. XXI аср Интернет ва технологиялар асри экан демак бошқа юмушлар қаторида тўғри онлайн мулоқот қилишни ҳам ўрганишимиз зарур.

Одатий кундалик ҳаётимизда суҳбатдан олдин саломлашган, каттага ҳам кичикка ҳам ҳурмат билан мурожаат қиладиган инсонларни қадрлаймиз ва улар билан ҳар доим самимий бўлишга ҳаракат қиламиз.

Рақамли этикет (одоб-ахлоқ) ҳам суҳбатдошингизни ҳурмат қилиш ва ортиқча ноқулайлик туғдирмаслик учун мулоқот қилишга ёрдам беради.

Рақамли этикетнинг (одоб-ахлоқ) умумий қабул қилинган қоидалари мавжуд эмас. Интернет тармоғидаги энг катта гуруҳлар қоидалари ва ўқувчиларимиз орасида ўтказиб бориладиган сўровномалар натижасидан келиб чиқиб ушбу маълумотлар бериб борилади.

Маълумотларни #рақамлиэтикет хештеги орқали топиш мумкин.

Онлайн суҳбатдош билан умумий тил топишиш учун керак бўладиган маслаҳатлар:

- Ҳатто тез-тез ёзишиб турадиган суҳбатдошингизга ҳам, куннинг биринчи хабарини салом билан бошлашни унутманг.

- Хабарга тезроқ жавоб ёзаман деб, суҳбатдошингизни исмини нотўғри ёки чалкаштириб ёзгандан кўра, исмини ёзмасдан жавоб ёзган маъқулроқ.

- Биринчи марта ёзаётган суҳбатдошингизга, хабарда кулгичлардан (смайлик)фойдаланманг.

- Ижтимоий тармоқ ёки мессенжерларда сиз танимаган одамларга "сенсираб" мурожаат қилманг.

- Аниқ мавзулардаги оммавий мулоқот чатларига ҳазил (приколлар) жўнатманг.

- Маълум бир касб эгалари ёки одамларга мурожаат қилганда, улар учун ёзишмалар қўнғироқлардан кўра қулайроқ эканлигини ёдда тутинг.

- Шошилинч жавоб олиш керак бўлмаган саволингизни қўнғироқ қилиш ёки хабар жўнатиш орқали сўрамоқчи бўлсангиз, унда иккинчисини танлаган яхшироқ.

- Иш юзасидан бериладиган саволларни, ишдан ташқари вақтда ижтимоий тармоқлар орқали ёзмасликка ҳаракат қилинг.

- Мессенжерларда (Telegram) фикрингизни тўлиқ тугатганингиздан кейингина хабарларингизни юборишга ҳаракат қилинг. Бир неча тугалланмаган хабарлар кетма-кетлиги суҳбатдошингиз вақтини унумсиз сарфлашига сабаб бўлади.

- Ижтимоий тармоқлар ёки мессенжердаги шахсий хабарда суҳбатдошингиздан бирор нарса сўрамоқчи ёки таклиф қилмоқчи бўлсангиз, саломингизга жавоб беришини кутмасдан, мақсадга ўтганингиз маъқул.

- Агарда хабар жўнатишнинг бошқа имкониятлари бўлса ёки сизни танимаган одамга биринчи марта ёзаётган бўлсангиз, ҳеч қачон овозли хабарларни юборманг.

- Огоҳлантирмасдан, бировга ижтимоий тармоқ ва мессенжерлар орқали қўнғироқ қилманг.

#рақамлиэтикет
Каналга уланиш👇👇👇
https://t.me/gsmgurus_FAQ

​Смартфонингиздан техникани бошқариш учун пульт иловалари

Ушбу имкониятдан фойдаланиш учун смартфон техник характеристикасида "ик порт" (IrDA, инфракрасный порт) ёки уланмоқчи бўлан қурилмангизда Wi-Fi (масалан Smart телевизор) қўллаб қувватланиши керак.

Android TV Remote
Ушбу илова сизга Android TV базасидаги ҳар қандай телевизор ва приставкаларни бошқариш имкониятини беради. Интерфейс асосий навигация элементларини, D-Pad, сенсорли панелни ва экрандаги клавиатура ёрдамида ёзиш имкониятини беради. Алоҳида тугма овозли сўровлар учун микрофонни фаоллаштиради, бу қурилма пульти ушбу функцияга эга бўлмаганда жуда қулай.

Керак бўлади: Wi-Fi ёки Bluetooth.

SURE Universal Remote
Ушбу универсал пульт деярли ҳар қандай қурилмалар учун мос келади: телевизорлар, приставкалар, медиа плеерлар, проекторлар, кондиционерлар ва ҳатто ақлли чангютгичлар. Бундан ташқари, илова сизга телефонингиздан Smart TV га расм ва видеоларни узатиш имконини беради. Apple TV, Chromecast ва Android TV ларни қўллаб-қувватлаш ҳам мавжуд.

Керак бўлади: ИК-узатгич ёки Wi-Fi.

Mi Remote
Ушбу илова Xiaomi томонидан ишлаб чиқилган, аммо бошқа маркали смартфонлар учун ҳам мос келади. У ўзининг аналогларидан энг содда созлаш ва рус тилини қўллаб-қувватлаши билан ажралиб туради, бу сизга барча функцияларни тезда тушунишга имкон беради.

Керак бўлади: ИК-узатгич ёки Wi-Fi.

ZaZa Remote
Ҳар қандай қурилмалар учун созланган пультларни тезда алмаштириш имкониятига эга бўлган жуда оддий илова. Бундан ташқари, турли қурилмалар учун ZaZa Remote турли хил бошқарув усулларини таклиф қилади. Агар телевизор учун бу фақат стандарт тугмалар бўлса, масалан, сплит-кондиционерлар учун бу ҳароратни айлана созлаш кабилар бўлиши мумкин.

Керак бўлади: ИК-узатгич.

Unified Remote
Ушбу илова ёрдамида смартфонингизни компютер бошқарув панелига айлантиришингиз мумкин. Бу сизга мусиқа плееридаги қўшиқларни масофадан туриб алмаштириш, видеолар ўқитилишини бошқариш, презентация слайдларини кўриб чиқиш, браузерда сўровларни киритиш ва ҳатто файллар билан ишлашга имкон беради. Windows, Mac ва Linux учун қўллаб-қувватланади.

Керак бўлади: Wi-Fi ёки Bluetooth.

Шунингдек, Яндекс Алиса овозли ёрдамчиси орқали замонавий ва ақлли (smart) қурилмалар овоз билан ҳам бошқарилиши мумкин.

#APK

Каналга уланиш👇👇👇
https://t.me/gsmgurus_FAQ

​Электрон тўлов тизимлари ҳақида

Рақамли иқтисодиётнинг асосий йўналишлари сифатида, электрон тўлов тизимлари ва банк хизматларининг оммалашиши кутилган жараён. Замон билан ҳамнафас ва фойдали хизматларни тақдим қилаётган компания маҳсулотлари ҳар доим бошқалардан ажралиб туради.

Ушбу турдаги кўплаб иловалар мавжуд, лекин тавсия қиладиганларим менинг назаримдаги энг яхшилари.
Яна бир ҳолат, ушбу хизмат ва иловаларга қараб рақобат бор жойда ривожланиш бўлиши мумкинлиги исботини топасиз. Чунки хизматлар асосан хусусий сектордаги компаниялар томонидан ишлаб чиқилган.

Apelsin иловаси бошқа шу турдаги иловалар каби оддий пул ўтказмалари, валюта айирбошлаш, онлайн жамғарма, картани уйингизга буюртма бериш ва тўловлардан (200 дан ортиқ) ташқари:

- махсус сканер, пул ўтказмаларида карта рақамини аниқлайди, қўлда ёзиш шарт эмас
- Ҳар хил карталар (UZCARD, HUMO, VISA ) ўртасида пул ўтказмаларидаги комиссиянинг йўқлиги ёки нисбатат камлиги
- Чет элдан юборилган пул ўтказмаларини (Western Union, Contact ва ҳ.к.з) банкка бормасдан тўғридан-тўғри картингизга қабул қилиш имконияти
- Банк картасини илованинг ўзидан қулфлаш ёки қулфдан ечиш
- Карта харажатларини (кирим-чиқим) бепул назорат қилиш
- Кешбэк, тўловларни амалга оширганда унинг бир қисми картангизга қайтарилиши

Payme иловасидан кўпчиликнинг хабари бор, лекин кундан-кунга имкониятлари кенгайиб бормоқда.
Payme ҳам биринчилардан бўлиб HUMO карталарини қўллаб-қувватлашни бошлаган, лекин комиссия нархи бошқаларга нисбатан юқори.

Қулайликлари:
- Адашиб қилинган аксарият тўловларни маълум вақт ичида бекор қилиш
- Карта рақами ўрнига махсус ном (username) танлаб, ундан пул ўтказмаларида фойдаланиш
- WebMoney, QIWI Wallet ва Яндекс.Деньги электрон ҳамёнларини тўлдириш (бошқа хизматга нисбатан комиссия юқори)
- "Сақланган тўловлар" бўлимидан коммунал хизматлардан баланс ва қарзингизни кўриб бориш
- Баъзи онлайн хизматларга обунани тўлаш имконияти, масалан Yandex.Plus

Изоҳда ўз фикр-мулоҳазаларингизни ёзиб қолдиринг. "Открыть комментарии" тугмаси орқали.

#APK #электронтўлов

Каналга уланиш👇👇👇
https://t.me/gsmgurus_FAQ

Ўзбекистон Интернет-тезлиги бўйича дунё рейтингида яна кўтарилди

«Ookla» компанияси Speedtest.net сервиси 2020 йил апрел ойи натижаларига кўра янги маълумотларни эълон қилди. Speedtest Global Index симли алоқа Интернет тезлиги жахон рейтинги бўйича Ўзбекистон Интернет аниқланган тезлиги натижаларига кўра яна бир позицияга кўтарилди.

Интернет тезлиги бўйича рейтингида Ўзбекистон ҳозирги кунда 94-поғонани эгаллаб яна 1 позицияга кўтарилди. Бир йил давомида 37 поғона кўтарилди. Яъни 131-ўриндан 94-поғонага кўтарилди. Умуман охирги йил натижаларига кўра Ўзбекистонда аниқланган интернет тезлиги карийб 2,3 баровар ўсган: 11,62 Мбит/c. 2019 йил март ҳолатига кўра 25,88 Мбит/c. гача (Юклаш) 2020 йил апрел ҳолатига нисбатан.

2020 йил апрел ҳолатига кўра Республикамиз аниқланган Интернет тезлиги бўйича бир қатор давлатлардан олдинда: Туркия (97-ўрин) ,Грузия (95-ўрин), Озарбайжон (114-ўрин), Тожикистон (99-ўрин), ва Туркманистон (174-ўрин).

http://mitc.uz/uz/news/view/1388

​Oppo, Vivo, OnePlus ва Realme бу смартфонларни нима бирлаштиради ва уларнинг фарқи.

Хитой смартфон ишлаб чиқарувчи компаниялардан Huawei ва Xiaomi ҳақида кўпчилигимиз биламиз. Huawei кўп йиллик (1987 й.) тажрибага эга ва ўз инновациялари билан ном қозонган бўлса, Xiaomi 2010 йилда ташкил топган ва Android смартфонларга iOS (iPhone) кўринишидаги прошивкалар билан машҳур бўлган.

Ўзим кузатиб бораётган яна бир Хитой смартфон ишлаб чиқарувчи компаниялардан бири, 2000 йиллар бошларида DVD-плеер, телевизорлари билан машҳур бўлган BBK Electronics (1995 й.) компанияси.
Бугунги кунда, смартфонлар бозорида ўз ўрни ва инновацияларига эга бўлган Oppo, Vivo, OnePlus ва Realme брендлари (маркалари) айнан BBK Electronics компаниясига тегишли.

Ушбу маркаларнинг пайдо бўлиши ҳақида қисқача:

Oppo - Компания 2004 йилда ташкил этилган. Аммо у маиший электроника ишлаб чиқаришни фақат 2008 йилда бошлаган.

Vivo - 2009 йилда ташкил топган, ўзининг биринчи смартфонини фақат 2012 йилда тақдим этган. Қисқа муддатда дунёдаги энг йирик телефон ишлаб чиқарувчилардан бирига айланди.

OnePlus - компания 2013 йилда ташкил топган ва биринчи смартфон бир йилдан кейин, яъни 2014 йилда намойиш этилган.

Realme - 2018 йилда ташкил топган энг ёш компания ва Хитой, Ҳиндистон бозорларида улкан ютуқларга эришган.

Юқорида кўрсатилган брендлар битта компанияга қарашли бўлса ҳам, улар бир-биридан фарқланади:

Oppo - янги технологияларга асосланган смартфонлар ишлаб чиқаришга қаратилган.
Vivo - кенг доирадаги фойдаланувчилар учун смартфонлар ишлаб чиқаради.
OnePlus - "аслар" учун, яъни смартфонни ипидан-игнасигача шошилмасдан созлашга ўрганганлар учун смартфонлар ишлаб чиқаришга қаратилган.
Realme - Xiaomi бренди каби яхши техник характеристикага эга смартфонларни иложи борича арзонроқ чиқаришга қаратилган.

#маълумот

Каналга уланиш👇👇👇
https://t.me/gsmgurus_FAQ

​Android учун YouTube иловасининг баъзилар билмайдиган фойдали имкониятлари

- Видеони ўтказиш
Видео роликни вақт панелидаги чизиқни бармоғингизни суриш орқали олдинга ёки орқага ўтказиш ҳар доим ҳам қулай эмас. Экраннинг ўнг томонига икки марта босиш видеони ўн секунд олдинга ва чап томонига босиш эса орқага тез ўтказиш имконини беради . Бу айниқса узун видеоларнинг қизиқтирмаган жойларини тез ўтказишда қулай.
Ўтказиш вақтини (5 дан 60 секундгача) ҳам созлаш мумкин. Бу учун, илованинг ўнг томон тепа қисмидаги аккаунтингиз белгиси танлаб, "Созламалар" (Настройки) → "Умумий" (Общие) → "Икки марта босиб суриш" (Перемотка двойным нажатием) бўлимидан керакли вақтни кўрсатинг.

- Автоижрони ўчириш
Битта видео тугагандан сўнг, YouTube қисқа танаффусдан сўнг кейинги видеони автоматик ўқиб кетади. Сиз истамаган видеони автоматик ўқитиш орқали YouTube сизни тармоқда кўпроқ ушлаб туришга ҳаракат қилади. Ушбу имкониятни ўчириб қўйиш, илова ойнасининг ўрта қисмида жойлашган "Автоижро" (Автовоспроизведение) тугмачасини танлаш орқали амалга оширилади.


- "Кейинроқ томоша қилиш" (Смотреть позже) рўйхатида видеоларни саралаш
Илова ойнасининг пастки қисмидаги "Библиотека" бўлимига ўтиб → "Кейинроқ томоша қилиш" ва "Саралаш" тугмасини босинг. Юкланган, жойланган сана асосида ёки энг машҳур каби усуллар ёрдамида саралаб, қайси видео роликларни кўришни бошлашни танлашингиз мумкин.

- Билдиришномаларни бошқариш
Баъзида YouTube ўзининг билдиришномалари билан жуда жонга тегади: кунлик янгиланишлар, тавсия этилган видеолар, обуналардаги фаоллик ва ҳ.к.з. Албатта билдиришномаларни созлаш мумкин. Бу учун, илованинг ўнг томон тепа қисмидаги аккаунтингиз белгиси танлаб, "Созламалар" (Настройки) → "Билдиришномалар" бўлимига киринг ва кераксизларини ўчириб қўйишингиз ёки "жимжитлик вақти" ни (Тихие часы) ўрнатишингиз мумкин.

Агар YouTube илованинг стандарт имкониятлари сизга етарли бўлмаса, унинг модификациялари ҳам мавжуд - YouTube Vanced ёки NewPipe (гуруҳимизда). Қўшимча имкониятлари фон режимида видео ва мусиқа ўқиши, исталган видеоларни юклаб олиш кабилар.

#маълумот #YouTube

Каналга уланиш👇👇👇
https://t.me/gsmgurus_FAQ

​Telegram учун фойдали ботлар:

@GmailBot - Агар сиз Gmail (Google почта) фаол фойдаланувчиси бўлсангиз, ушбу ботни ўрнатиб янги хатлар ҳақида хабарлар оласиз ва уларга Telegram дан чиқмасдан жавоб беришингиз мумкин. Маълумотлар хавфсизлиги ҳақида ташвишланадиганлар учун - бу Google нинг расмий боти, шунинг учун тасдиқ белгисига эга.


@OCRthis_bot - Бот расмлардаги матнни танийди. Унга расм юборинг, шунда у оддий матн ёки ва Word ҳужжат кўринишида жавоб юборади.
Баъзан бот матнни ўқиши учун озроқ вақт талаб этади, бироз кутинг.


@vkm_bot - сизга Telegram тармоғида исталган мусиқани топиш, тинглаш ва юклаб олишга ёрдам беради!
Ботни ишга туширинг, "setlang" буйруғи орқали керакли тилни танланг ва "song" ёки "artist" буйруғига мос равишда қўшиқ номи ёки ижрочисини қидиринг.
Керакли вариантни танланг, кейин сизга қўшиқни тинглаш ёки юклаб олиш таклиф этилади.


@YTAudio_Bot - Ушбу ботга YouTube даги ҳаволани юбориш орқали видеоларнинг аудио қисмини (mp3) юклаб олиш мумкин . Масалан, online дарс ёки семинарларнинг видеосини кўрмасдан, фақат аудиосини эшитишга қулай.


@voicybot -овозни тушуниш боти бўлиб, барча овозли хабар ва аудио файлларни (.ogg, .flac, .wav, .mp3) матнга айлантиради. Ўзбек тили ҳам мавжуд.
Voicy учта овозни тушуниш тизими билан ишлайди: wit.ai, Yandex SpeechKit ва Google Speech. У одатда wit.ai тизимидан фойдаланади, лекин Google Speech ёки Yandex SpeechKit тизимига /engine буйруғи орқали алмаштиришингиз тизимидан мумкин.


#Telegram #Бот #Телеграм

Каналга уланиш👇👇👇
https://t.me/gsmgurus_FAQ

​Android учун Chrome иловасининг яширин созламалари (браузердан фойдаланишни қулайроқ қилади).

Ушбу созламалардан бирортасини ёқиш учун браузер сатрига тегишли URL ни киритинг ва Default ўрнига Enabled вариантни танланг. Кейин "Relaunch" тугмасини босинг.

Бир қўл билан бошқариш режими
URL: chrome://flags/#enable-chrome-duet
Ёрлиқларни (варақ) алмаштириш, қидирув ва меню тугмаларидан иборат пастки бошқарув панелини қўшади. Браузерни бир қўл билан бошқариш керак бўлганда, фойдали. Меню панели тугмалари ҳар хил вариантларини ҳам танлашингиз мумкин.

Манзил сатрида овозли киритиш
URL: chrome://flags/#omnibox-assistant-voice-search
Chrome бош саҳифасида қидирув ойнасида овозли киритиш белгиси мавжуд, аммо манзил сатрида эмас. Ушбу параметрни ўзгартириш орқали ҳар сафар бошланғич саҳифасини очмасдан овозли қидирувни амалга оширишингиз мумкин.

Қалқиб чиқувчи ёрлиқ (варақ)
URL: chrome://flags/#enable-ephemeral-tab-bottom-sheet
Баъзан бир вақтнинг ўзида иккита ёрлиқни кўриб туришингиз керак бўлади. Ушбу параметрни ёқинг ва керакли ҳаволани босиб туринг, кейин менюдан "Саҳифага разм солиш" (Просмотреть страницу) танланг. Ҳавола қалқиб чиқувчи ойнада очилади, бармоғингизни сарлавҳаси устига босиб очишингиз ва ёпишингиз мумкин.

Доимий ўқиш режими
URL: chrome://flags/#reader-mode-heuristics
Chrome сайтларни "соддалаштирилган шаклда кўрсатиш" (Упрощённый просмотр) тугмасини босиш орқали очиладиган жуда қулай ўқиш режимига эга. Лекин, ушбу тугма тушунарсиз алгоритм билан ишлайди ва сайтларнинг аксариятида пайдо бўлмайди. Агарда сиз ушбу параметрда Always ёки All Articles режимига ўтказсангиз, тугма ҳар доим кўринадиган бўлади.

Барча сайтлар учун тунги режим
URL: chrome://flags/#enable-force-dark
Иловада ўрнатилган тунги режим сайтлар фонини қора ва матнни оқ қилади. Бу эса қоронғида веб-саҳифаларни ўқишни осонлаштиради ва OLED экранли қурилмаларда қувват ҳам тежалади. Оддий режимга қайтариш учун Default вариантини танланг.

"Google Объектив" орқали расмларни қидириш
URL: chrome://flags/#context-menu-search-with-google-lens
Одатта, Chrome расм қидириш натижаларини янги ёрлиқда очади, лекин ушбу созлама орқали уларни "Google Объектив" (Google Lens) иловасига ўтказиш мумкин (агарда у сизда ўрнатилган бўлса). Бу янада фойдали, чунки у нафақат ўхшаш расмларни қидириш, балки матнни таниб олиш ёки таржима қилиш, расмдаги ўсимликлар ва ҳайвонларни топиш ва маҳсулотларни танлашга қодир.

Очилган саҳифалар тарихини имо-ишоралар билан бошқариш
URL: chrome://flags/#overscroll-history-navigation
"Орқага" ва "Олдинга" тугмачалари каби, очилган саҳифалар журналида олдинга ва орқага имо-ишоралар билан ўтиш имкониятини қўшади. Бармоғингизни ўнгдан чапга ёки чапдан ўнгга суринг.

#маълумот #Chrome

Каналга уланиш👇👇👇
https://t.me/gsmgurus_FAQ

​Ахборот (информация) сизга зарар келтирадими?

Инфомания (ахборотга тобелик) 21-асрнинг энг ёмон касаллиги.

Инфомания - бу телевизор, Интернет, мобил телефон, рақамли алоқа ва бошқалар орқали ахборот истеъмол қилишнинг табиий оқибати. Ушбу истеъмол одамларнинг ҳаёт сифатини сезиларли даражада ўзгартиради.

Ушбу тобеликнинг қандай белгилари бор?
Ахборот сифати инсон учун аҳамиятсиз бўлиб қолади, унинг миқдори унинг учун муҳимдир. Муайян миқдорни олгач, у ўзини қулай ва хавфсиз ҳис қилади. Инсонда ахборотни таҳлил қилиш функцияси аста-секин сустлаша бошлайди.

Ахборотдан фойдаланиш ва истеъмол қилиш бир хил нарса эмас. Бу турли хил жараёнлар, баъзан улар кесишади, лекин кўпинча бир-биридан ажралиб туради. Тадқиқотларга кўра, агар инсон ҳафтасига бир миллион икки юз минг сўзни истеъмол қилса, у ҳолда уни ишлатишга вақт топа олмайди. Аслида, у худди олмахон сингари, маълумот ғилдирагини айлантираётганга ўхшайди. Агар сиз ғилдиракда югураётган бўлсангиз, доимо ҳаракатда бўлиб, мушакларингизни доимий равишда машқ қилдирасиз, аммо сиз ўйламаяпсиз.

Ушбу ахборот ғилдирагида сизда таҳлил вазифаси ишдан чиқади, сиз фақат истеъмол қиласиз. Бу эса ахборот инфарктига олиб келади, унинг моҳияти шундан иборатки, инсон таҳлил функциясини тўлиқ йўқотади. Бу ҳолатда иккита вариант мавжуд: инсон унга нима қилишни айтадиган бошқа инсонларга ёки турли хил усулларда унга яшашга ва қарор қабул қилишга ёрдам берадиган қурилмалар ёки хизматларга қарам бўлади.
Яъни, бошқача қилиб айтганда, инфомания билан боғлиқ вазиятда, инсон онгли равишда қарор қабул қилиш функциясини - шахс сифатида йўқотади.

Ахборот инфарктининг сабаби - ахборотнинг тезлик билан истеъмолидир. Яъни, ахборотни кўрганда, биз уни керак ёки керак эмаслигини ўйламасдан истеъмол қиламиз. Ҳар сафар бирор воқеа юз берганда, биз ушбу воқеага муносабат билдиришдан олдин, ўша воқеага муносабатимизни шакллантиришимиз мумкин. Хатти-ҳаракатларнинг проактив модели шундан иборатки, ташқи томондан кириб келаётган импулс ва сизнинг хатти-ҳаракатларингиз орасидаги вақт оралиғида, содир бўлаётган воқеаларга онгли муносабатни шакллантирасиз. Агар сиз содир бўлган нарсаларга муносабатингизни шакллантирмасдан, дарҳол муносабат билдирсангиз, унда бу реактив муносабат.

Бу, ўз навбатида, шахснинг мақсадлари шакллантирмаганлиги билан боғлиқ. Агар сиз проактив ҳаракат қилсангиз, унда маълумот қабул қилганда, аввал уни мақсадларингизга мос эканлигини таққослайсиз ва у сизга қизиқми ёки кераклигини англаб етасиз. Агарда мос бўлмаса, уни қабул қилмайсиз.

Афсуски, кўп ҳолларда вақтимиз ва эътиборимизни мақсадсиз ва унумсиз сарфлаймиз.

#мулохаза

Каналга уланиш👇👇👇
https://t.me/gsmgurus_FAQ