Bugun yurtimizda yoş avlodning bilim olişi, öz iqtidor va salohiyatini namoyon etişi, xalqaro maydonda munosib örin egallaşi uçun yaratilayotgan keng imkoniyatlarni körib, har birimizda faxr va minnatdorlik tuyğusi uyğonadi.

Prezidentimiz Şavkat Mirziyoyev rahnamoligida ta’lim sohasida amalga oşirilayotgan islohotlar va iqtidorli yoşlarni qöllab-quvvatlaşga qaratilayotgan yuksak e’tibor tufayli yurtimizda yoş avlodning sifatli ta’lim olişi, öz qobiliyatini namoyon etişi va mustaqil fikrlaydigan yetuk şaxslar bölib kamol topişi uçun keng imkoniyatlar yaratilmoqda. Buning yaqqol ifodasi sifatida, 2019-yilda dastlab 16 ta ta’lim muassasasi bilan faoliyat boşlagan Ixtisoslaştirilgan ta’lim muassasalari agentligi tizimi 2026-yilga kelib 250 tadan ortiq ta’lim muassasasini qamrab oldi. Bu esa mamlakatimizda iqtidorli yoşlarni aniqlaş, ularning salohiyatini rivojlantiriş va kelajakda yurtimiz taraqqiyotiga munosib hissa qöşişi uçun mustahkam zamin yaratilayotganidan dalolat beradi.

2026-yil 27–28-oktabr kunlari Toşkent şahrida ilk bor taşkil etilgan Silk Road University Fair — xalqaro ta’lim forumi va körgazmasi ham ana şunday ezgu maqsadlarga xizmat qilayotgan muhim taşabbuslardan biridir.

Mazkur forum yoşlarga dunyoning yetakçi oliy ta’lim muassasalari, xalqaro ta’lim dasturlari va yangi akademik imkoniyatlar bilan tanişiş, kelajakdagi ta’lim yönalişlarini belgilaş hamda öz oldiga yanada yuksak maqsadlar qöyiş imkonini bermoqda. Şu bilan birga, maktablar va xalqaro universitetlar örtasidagi hamkorlikni mustahkamlaşga ham katta hissa qöşmoqda.

Mening nazarimda, ta’lim — bu şunçaki bilim oliş jarayoni emas, balki insonning özini anglaşi, dunyoqaraşini kengaytirişi va jamiyatdagi öz örnini topişiga xizmat qiladigan buyuk qadriyatdir. Insonga berilgan eng katta imkoniyat — bu uning salohiyatiga işonç bildirilişi va özini namoyon etişi uçun şaroit yaratilişidir. Çunki har bir iqtidorli yoşning ortida katta orzular, izlanişlar va kelajakka daxldor maqsadlar mujassam.

Bugun mamlakatimizda yoşlar uçun yaratilayotgan şaroitlar nafaqat ta’lim oliş, balki olgan bilimlarini Vatanimiz ravnaqi yölida safarbar etiş mas’uliyatini ham yuklaydi. Zero, yoşlarga kiritilgan sarmoya — bu ertangi kunga, ilm-fan taraqqiyotiga va mamlakatning yorqin kelajagiga kiritilgan sarmoyadir.

Şu ma’noda, yoşlarga bildirilayotgan yuksak e’tibor, işonç va ğamxörlik uçun Prezidentimiz Şavkat Mirziyoyevga samimiy minnatdorligimni bildiraman. Bunday imkoniyatlardan unumli foydalaniş, xalqaro tajribani özlaştiriş va kelajakda yurtimiz taraqqiyotiga munosib hissa qöşadigan yoşlarni tarbiyalaş eng muhim maqsadimizdir.

Işonamanki, bugun ilmga intilayotgan, öz ustida tinimsiz işlayotgan har bir yoş ertaga Özbekistonning taraqqiyotiga hissa qöşadigan yetuk mutaxassis, yuksak salohiyatli inson bölib kamol topadi. Zero, yoşlarga işonç bildirilgan jamiyatning kelajagi porloq, ilmni qadrlagan millatning istiqboli esa buyukdir.