Bo‘lajak shifokorlar uchun malaka oshirish: nega Turkiya?
Tibbiyotga qiziqish keskin oshdi
So‘nggi yillarda O‘zbekistonda tibbiyot yo‘nalishini tanlayotgan yoshlar soni misli ko‘rilmagan darajada ko‘paydi. 2019/2020-o‘quv yili boshida sog‘liqni saqlash va ijtimoiy ta’minot yo‘nalishida bakalavriatda 27,1 ming talaba o‘qigan bo‘lsa, 2022/2023-o‘quv yilida bu ko‘rsatkich 60 023 nafarga yetdi. Ya’ni uch yil ichida qariyb ikki barobar o‘sish.
O‘sish shu bilan to‘xtamadi. Ta’lim sifatini ta’minlash milliy agentligi ma’lumotiga ko‘ra, tibbiyot yo‘nalishlarining umumiy talabalar sonidagi ulushi 7 foizdan 9 foizgacha ko‘tarildi. 2026-yil mart holatida mamlakatda 1 million 632 ming 980 nafar talaba tahsil olayotganini hisobga olsak, bu taxminan 147 ming nafar bo‘lajak tibbiyot xodimi degani. Bundan tashqari, tibbiyot OTMlarida 15 656 nafar xorijiy talaba o‘qiydi va bu barcha tibbiyot talabalarining 14,32 foizini tashkil etadi.
Raqobat kuchaymoqda: diplomning o‘zi yetarli emas
Bunday raqobat sharoitida shunchaki diplom olish kifoya qilmaydi. Tibbiyot har kuni yangilanadigan soha: yangi davolash usullari, jarrohlik texnologiyalari va klinik protokollar paydo bo‘lmoqda. Yaxshi shifokor bo‘lish uchun dunyo tibbiyotidagi yangiliklardan xabardor bo‘lish va ilg‘or klinikalarda amaliy tajriba orttirish zarur.
Nega aynan Turkiya?
Birinchidan, til va madaniyat yaqinligi. O‘zbek tilida so‘zlashuvchi uchun turk tilini o‘rganish boshqa tillarga qaraganda ancha oson. Bu esa malaka oshirishning dastlabki oylaridayoq bemorlar bilan muloqot qilish, ma’ruzalarni tushunish va jamoaga moslashish imkonini beradi.
Ikkinchidan, Turkiya bugun dunyoning yetakchi tibbiyot markazlaridan biri. 2025-yilda Turkiyaga davolanish uchun 1 398 580 kishi kelgan, sohadan olingan daromad esa 3,022 milliard dollarni tashkil etgan. Turkiya klinikalari qariyb 180 mamlakatdan bemorlarni qabul qiladi, ular orasida Germaniya va Buyuk Britaniya kabi rivojlangan davlatlar ham bor. Bir xalqaro tadqiqotda Turkiya 2025-yilda jahon tibbiy turizm daromadining 13,5 foizini egallab, eng yirik mamlakat bozori sifatida ko‘rsatilgan.
Uchinchidan, jahon miqyosidagi ilmiy yutuqlar. Eng yorqin misollardan biri Malatyadagi İnönü universiteti Jigar transplantatsiyasi instituti. 2024-yilda Turkiyadagi 48 ta markazda 1 731 ta jigar ko‘chirib o‘tkazish operatsiyasi bajarilgan, shundan 281 tasi aynan shu institutda amalga oshirilib, u Turkiya va Yevropada eng ko‘p jigar transplantatsiyasi qiladigan markazga aylangan. Institut jamoasi dunyoda ilk bor bir vaqtning o‘zida sakkiz juftlik kesishgan jigar transplantatsiyasini bajardi. 25 yil davomida bu yerda 4 400 dan ortiq transplantatsiya qilingan.
Xulosa
Tibbiyot talabalari soni ortib borar ekan, mutaxassislar o‘rtasidagi raqobat ham kuchayadi. Bu raqobatda xalqaro tajribaga ega shifokor doimo bir qadam oldinda bo‘ladi. Til va madaniyatimizga yaqin, tibbiyotda dunyo tan olgan natijalarga erishgan Turkiya bu yo‘lda eng qulay va samarali tanlovlardan biridir.
Keyingi postlarimizda Turkiyada malaka oshirish uchun qanday dasturlar borligi, qanday hujjatlar kerakligi va qayerdan boshlash kerakligi haqida batafsil to‘xtalamiz. Kuzatishda davom eting!

40 dollar, bir oy makaron va bitta Zurna: hayotimning eng mazali hisob-kitobi
Yana Turkiyaga ish safari bilan keldim. Samolyotdan tushdim, mehmonxonaga joylashdim va… to‘g‘ri Zurna Dürüm oldiga. Ba’zilar kelganida Ayasofyaga boradi, men esa Zurnaga. Har kimning o‘z ziyoratgohi bor 😄
Nega deysizmi? Buning ortida bir hikoya bor.
2017-yil. Grant sohibi bo‘ldim!
Turkiya granti yutdim. Barcha xarajatlar qoplanadi, ustiga oylik stipendiya ham beriladi. Eshitib, o‘zimni deyarli millioner his qildim.
Haqiqat esa biroz boshqacha edi: o‘qishni endi bitirganman, oyligim yo‘lkira va kvartira ijarasiga zo‘rg‘a yetadi, oilaviy sharoit ham maqtanadigan darajada emas.
Shunday bo‘lsa ham, uchadigan kunimgacha bor-yo‘g‘i 200 dollar yig‘dim. Ketar kunim yaqin do‘stim kelib, yana 50 dollar qo‘limga tutqazdi. Jami 250 dollar! Bir lahza o‘zimni Rokfeller deb his qildim.
Lekin Toshkentdan qarzdor bo‘lib ketish menga to‘g‘ri kelmasdi. Qarzlarni birma-bir uzib chiqdim va… 210 dollar xayr deb ketdi. Rokfellerdan qolgani: roppa-rosa 40 dollar 😅
Xullas, cho‘ntakda 40 dollar, yuragimda katta orzular bilan Turkiyaga uchdim.
Rejam mukammal edi: “Borishim bilan stipendiya tushadi, keyin yayrayman.”
Ammo chuchvarani xom sanagan ekanman. Stipendiya “keldim-keldim” deb bir oy yo‘l yurdi.
Makaron va non diyetasi
Bir oy davomida yotoqxonada asosan makaron va non bilan kun o‘tkazdim. Italiyaliklar ko‘rsa, faxrlanardi. 40 dollarga esa qo‘l tekkizmadim, uni xuddi oltin zaxirasidek qo‘riqladim.
Omadimga, kampusda avtobus va ikki mahal ovqat bepul edi. Kampusdan chiqishga hojat yo‘q, chiqsang esa pul ketadi. Shu sababli shaharni bir oy faqat derazadan va xayolimda ko‘rdim.
Nihoyat, shaharga chiqdik!
Roppa-rosa bir oydan keyin kursdoshlar bilan shaharga tushdik. Bir oy yig‘ilgan sabr va ochlik bir kunda o‘z ishini qildi, 40 dollarimiz ko‘z ochib yumguncha erib ketdi.
Ertasi kuni cho‘ntakda qolgan oxirgi pullarni sanab chiqdim va hayotimdagi eng muhim qarorlardan birini qabul qildim: hammasiga Zurna olaman!
Birinchi tishlam… Bir oy makaron yegan odam uchun bu shunchaki dürüm emas edi. Bu tantana edi, mukofot edi, hayotning shirin ekaniga dalil edi. Hech bir restoranda, hech bir ziyofatda o‘sha ta’mni qayta topolmadim.
Mazza qilib yeb bo‘lgach, bir narsani angladim: avtobusga pul qolmagan ekan. Xullas, qornim to‘q, cho‘ntagim bo‘m-bo‘sh holda kampusgacha piyoda qaytdim. Lekin ishoning, hayotimdagi eng baxtli piyoda sayr shu bo‘lgan.
Bugun
Endi Turkiyaga har kelganimda Zurna yeyman. Cho‘ntakda pul bor, avtobusga ham, taksiga ham yetadi. Lekin har tishlamda o‘sha 40 dollarlik yigit, makaron to‘la qozon va kampusgacha bo‘lgan uzun yo‘l esimga tushadi.
Bu safar shu sevgini siz bilan ham bo‘lishay dedim. Sizning ham shunday “bir tishlam xotira”ngiz bormi? Izohlarda yozing 👇

Assalomu alaykum, aziz o‘quvchilar! 🌿
Bu yil boshida uzoq tanaffusdan so‘ng yangi guruh ochgan edim. Afsuski, sog‘lig‘imdagi jiddiy muammo sabab darslarni to‘xtatishga majbur bo‘ldim.
Har kimning o‘ziga energiya beradigan mashg‘uloti bo‘ladi, men uchun esa bu dars berish. Shu vaqt ichida darslarni va sizlarni juda sog‘indim. Endi dissertatsiya bilan bog‘liq ishlar ham nihoyasiga yetdi.
Va men yana offline darslarga qaytishga qaror qildim! 🎉
✨ Darslarimda sizni nimalar kutmoqda: 📘 Yangi nashrdan chiqqan o‘z kitobimiz asosida darslar
🗣 Haftada 3 kun dars + alohida konuşma darsi
👩‍🏫 Yordamchi ustoz
⚡️ A’lo kayfiyat va energiyaga to‘la darslar
✅ Kafolatlangan natija
🏆 Ko‘p yillik tajriba
📅 Darslar noyabrdan boshlanadi
🗓 Dushanba – Chorshanba – Juma 🕘 09:00–10:30 🕥 10:30–12:00 🕓 16:00–17:30 🕕 18:00–19:30
🗓 Seshanba – Payshanba – Shanba 🕘 09:00–10:30 🕥 10:30–12:00 🕓 16:00–17:30
⚠️ Guruhlarim doim tez to‘lib qoladi va ko‘pchilik yozila olmay qoladi. Qolib ketmaslik uchun joyingizni hoziroq band qiling!
👀 Meni birinchi marta ko‘rayotganlar quyidagi darslarimdan tanishib chiqishlari mumkin:
🎥 [https://t.me/gulomjonsobirov/1836]
📍 Manzil: [Novza metrosi] 📩 Yozilish uchun: [+998555197878]
@HilalEdu

Aytgancha meni guruhimga yozilish uchun Ğulomjon Ustoz guruhi deyishni unutmanglar )

Kitobimizning birinchi öquvchilari bölasizlar

Yanvarda imtihonga kirasizlar böladimi😀
Kamida B2 olishimiz kerak

+998555197878

https://t.me/turktiliibot

Turkiyada malaka oshirish: dasturlar, narxlar va to‘g‘ri shahar tanlash
Oldingi postimizda nega aynan Turkiyada malaka oshirish foydali ekani haqida gaplashgan edik. Bugun esa eng ko‘p beriladigan savollarga javob beramiz: qanday dasturlar bor, qancha vaqt davom etadi, qayerda yashaysiz va qaysi shaharni tanlash kerak?
Dasturlar muddati: 2, 3 va 4 haftalik
Turkiyada deyarli barcha tibbiyot yo‘nalishlari bo‘yicha qisqa muddatli malaka oshirish dasturlari mavjud: jarrohlik, kardiologiya, ginekologiya, pediatriya, stomatologiya, nevrologiya va boshqalar. Dasturlar odatda 2, 3 yoki 4 haftalik bo‘ladi. Bu esa ishdan yoki o‘qishdan uzoq vaqt ajralmasdan, qisqa muddatda jiddiy tajriba orttirish imkonini beradi.
Bepul va pullik dasturlar: farqi nimada?
Ko‘pchilik bilmaydigan muhim jihat: malaka oshirishning bepul dasturlari ham bor. Bunday dasturlarda ta’lim uchun to‘lov olinmaydi, siz faqat yashash, ovqatlanish va yo‘l xarajatlari uchun pul sarflaysiz. Bepul dasturlarda ishtirokchi asosan kuzatuvchi sifatida qatnashadi: operatsiyalar, ko‘riklar va klinik jarayonlarni yaqindan kuzatib, tajribali mutaxassislarning ish uslubini o‘rganadi.
Pullik dasturlar esa ko‘proq amaliy tajribaga yo‘naltirilgan va asosan yangi usullarni o‘zlashtirmoqchi bo‘lgan shifokorlar uchun mo‘ljallangan. Ularning asosiy farqi shundaki, ishtirokchi shunchaki kuzatib turmaydi, balki tanlangan yo‘nalishdagi operatsiyalarda bevosita ishtirok etadi. Agar maqsadingiz ma’lum bir usulni qo‘l bilan o‘rganish bo‘lsa, pullik dastur ko‘proq natija beradi. Agar sohani tanishish va tajriba ko‘rish uchun borayotgan bo‘lsangiz, bepul dastur ham yetarli.
Qayerda yashash mumkin?
Yashash joyini moddiy imkoniyatingizdan kelib chiqib tanlaysiz. Tejamkor variant universitet yotoqxonasi: arzon, odatda shifoxonaga yaqin va talabalar muhitida bo‘lasiz. Qulaylikni afzal ko‘rganlar uchun mehmonxonada yashash imkoniyati ham bor.
Shahar tanlash: katta shahar har doim ham yaxshi emas
Turkiyaning istalgan viloyatida malaka oshirish mumkin. Lekin bir jihatni hisobga olish kerak: Istanbul, Anqara, Antalya kabi katta va mashhur shaharlarda yashash, ovqatlanish va transport xarajatlari ancha yuqori.
Tabiiy savol tug‘iladi: kichik shaharda o‘qish sifati pastroq emasmi? Aslo unday emas. Kichik viloyatlarning markaziy shifoxonalari butun hududdan kelgan bemorlarga xizmat ko‘rsatadi, shuning uchun bu yerda bemorlar oqimi katta va klinik holatlar xilma-xil. Shifokorlar ham sizga ko‘proq vaqt ajrata oladi, chunki katta shaharlardagi kabi ishtirokchilar ko‘p emas. Natijada ko‘proq narsa ko‘rasiz va ko‘proq o‘rganasiz.
Buning yaqqol misoli Malatya: Anadoludagi bu shaharda joylashgan İnönü universiteti jigar transplantatsiyasi bo‘yicha Yevropada birinchi o‘rinda turadi. Demak, dunyo darajasidagi tajriba faqat poytaxtlarda emas.
Xulosa
Turkiyada malaka oshirish o‘ylaganingizdan ancha qulay va arzon bo‘lishi mumkin. To‘g‘ri dastur va to‘g‘ri shahar tanlansa, katta xarajatlarsiz jahon darajasidagi tajribaga ega bo‘lish mumkin.
Keyingi postlarimizda aniq dasturlar, hujjat topshirish tartibi va tayyorgarlik bosqichlari haqida batafsil gaplashamiz.

📚 Bugun Hacettepe universiteti TÖMER direktori, hurmatli Prof. Dr. Mustafa Durmuş ustozning huzurlarida bóldim.
🤝 Uçraşuv davomida Hilal Edu bilan hamkorlikni yangi bosqiçga olib çiqiş borasida kelişib oldik.
📖 Şuningdek, yangi kitobimizni taqdim etdik. Ustoz uni mamnuniyat bilan qabul qildilar va turk tilini óqitiş yónalişida olib borayotgan işlarimizdan mamnun ekanliklarini bildirdilar.
Hilal Edu yangi marralar sari! 🚀
#HilalEdu #TÖMER #Hacettepe #TurkTili

🏛 Bugun YTB (Yurtdışı Türkler ve Akraba Topluluklar Başkanlığı) ofisiga taşrif buyurdim.
🤝 Uçraşuv davomida hurmatli Servet Turan janoblari bilan Ózbekistondagi Türkiye Bursları bitiruvçilari bilan boǵliq bir neçta muhim loyihalarni muhokama qildik. Bitiruvçilar orasidagi aloqalarni mustahkamlaş va ularning bilim hamda tajribasidan yurtimiz rivoji yólida unumli foydalaniş masalalari ham kun tartibida bóldi.
📖 Şuningdek, turk tilini órganayotganlar uçun ham foydali bólgan loyihalar yuzasidan kelişib oldik. Bu taşabbuslar til órganuvçilarga yangi imkoniyatlar eşigini oçadi, deb işonamiz.
Nasib bólsa, bu loyihalarni birgalikda amalga oşiramiz va natijalari haqida sizlarni albatta xabardor qilib boramiz. 🇺🇿🤝🇹🇷
Hilal Edu yangi marralar sari! 🚀
#HilalEdu #YTB #TürkiyeBursları #TurkTili

🏛 Bugun TÜRKSOY (Xalqaro Turkiy Madaniyat Taşkiloti) qarorgohiga taşrif buyurdim.
📚 Uşbu taşkilotda ózbekistonlik kitobxonlar orasida katta şuhrat qozongan «MEN» kitobining tarjimoni, hurmatli Dr. Avazxon Umarov akamiz faoliyat yuritadilar. Ular bilan tarjima masalalari, badiiy asarlarni bir tildan ikkinçisiga ógiriş jarayonidagi nozik jihatlar haqida samimiy suhbatlaşdik. Şuningdek, taşkilot tomonidan amalga oşirilayotgan yangi loyihalar bilan yaqindan taniştim.
✍️ Suhbat çoǵida Avazxon aka quvonarli yangilikni ham aytib ótdilar: yaqin orada Ózbekiston xalq şoiri Abdulla Oripovning şeʼrlar tóplami turk tilida çop etiladi. Bu – ózbek adabiyoti durdonalarining turk kitobxonlariga yetib boriși yólidagi yana bir muhim qadamdir.
🤝 TÜRKSOY jamoasi madaniyatimiz va adabiyotimizni qardoş xalqlarga tanitişda ulkan xizmat qilmoqdalar. Ularning işlariga rivoj, yangi ijodiy zafarlar tilayman!
Hilal Edu yangi marralar sari! 🚀
#HilalEdu #TÜRKSOY #AbdullaOripov #Tarjima #TurkTili

Assalomu alaykum, aziz o‘quvchilar! 🌿
Bu yil boshida uzoq tanaffusdan so‘ng yangi guruh ochgan edim. Afsuski, sog‘lig‘imdagi jiddiy muammo sabab darslarni to‘xtatishga majbur bo‘ldim.
Har kimning o‘ziga energiya beradigan mashg‘uloti bo‘ladi, men uchun esa bu dars berish. Shu vaqt ichida darslarni va sizlarni juda sog‘indim. Endi dissertatsiya bilan bog‘liq ishlar ham nihoyasiga yetdi.
Va men yana offline darslarga qaytishga qaror qildim! 🎉
✨ Darslarimda sizni nimalar kutmoqda: 📘 Yangi nashrdan chiqqan o‘z kitobimiz asosida darslar
🗣 Haftada 3 kun dars + alohida konuşma darsi
👩‍🏫 Yordamchi ustoz
⚡️ A’lo kayfiyat va energiyaga to‘la darslar
✅ Kafolatlangan natija
🏆 Ko‘p yillik tajriba
📅 Darslar noyabrdan boshlanadi
🗓 Dushanba – Chorshanba – Juma 🕘 09:00–10:30 🕥 10:30–12:00 🕓 16:00–17:30 🕕 18:00–19:30
🗓 Seshanba – Payshanba – Shanba 🕘 09:00–10:30 🕥 10:30–12:00 🕓 16:00–17:30
⚠️ Guruhlarim doim tez to‘lib qoladi va ko‘pchilik yozila olmay qoladi. Qolib ketmaslik uchun joyingizni hoziroq band qiling!
👀 Meni birinchi marta ko‘rayotganlar quyidagi darslarimdan tanishib chiqishlari mumkin:
🎥 [https://t.me/gulomjonsobirov/1836]
📍 Manzil: [Novza metrosi] 📩 Yozilish uchun: [+998555197878]
@turktiliibot

🇺🇿🇹🇷 Türkçe Öğretim Merkezleri ve Birimleri Yöneticileri Konseyining Anqaradagi Hacettepe universitetida bólib ótayotgan çalıştayida iştirok etyapman.
Konsey Turkiyaning davlat va xususiy universitetlari qoşidagi turk tili markazlarini birlaştiradi. Bu yerga turk tilini óqitiş bóyiça yangi bilim va tajribalarni órganiş uçun keldim.
Hilal Edu nomidan Konseyning Ózbekistondagi birinçi va yagona a'zo taşkiloti sifatida qatnaşyapman. Bu yerda olgan bilimlarimni albatta darslarimizda qóllaymiz.
#HilalEdu #TurkTili #Hacettepe