حاولت أكتب بالفصحى،
لكنني ما عرفت،
الكلام عن الأمومة بده مشاعر توصل من القلب للقلب، بنفس لهجتي اللي بحكي فيها، حابة أوصّل اللي فعلًا بعيشه وبحس فيه،
الوقت هاد من السنة،
خريف، تقلُّب فصول، بداية مدارس،
ويمكن ما عندك مدارس،
يمكن إنت أم لطفل تحت ال٤ سنوات،
يمكن عندك طفل أو أكثر بمدرسة وبنفس هالوقت عندك طفل رضيع،
كلهم بحاجتك،
بحاجة صوتك ونفسك وحسّك وجسدك وقوتك وصبرك، وحنانك وحبّك، حبّك اللي كل ما تحسيه رح يخلص بيرجع يتجدد ويصير أعمق وأكبر وأقوى،

بهاد الوقت، وقت الفايروسات، البرد بالليل، والحم بالنهار، وأجهزة التبريد،
يمكن نفسك تشربي فنجان قهوتك بالجنينة متل زمان، تكتبي خواطرك بهدوء وتفكّر، لكن واقعك بكون مُمتلئ، أطفال مريضين بسبب الجو، إنت كمان مريضة بس ما حدا رح يشوف، مش لإنه ما حدا بحس فيكِ صدقيني، بس لإنك إنت عم تكوني قوية لدرجة ما حدا رح يصدّق تعبك وضعفك، وبالمناسبة إنتِ صح♥️،
إنت قوية، لإنك لازم تكوني هيك،
وإنت ما صرتي قوية هيك بيوم وليلة، إنت عشتي كتير ليالي مع أطفالك مليانة بالمرض والفايروس والبطن الموجوع والذبول والعجز والإتكال الكامل عليكِ، إنت عشان هيك صرتي قوية كتير، بحب أذكرك إنه إنت حالياً مش مظلومة، ولا ضحيّة لظروفك وأمومتك، ولا ضحية لإختيارك الزواج والأمومة بعمر صغير،
إنت عم تعيشي النعمة والهدية بكل أحوالها، ما في نعمة خالية من التعب اللي بدك تبذليه وإنت تعيشيها، لهيك بكل مرة بتحسي بالتعب الشديد ذكري نفسك بأن سبب هالتعب هو نعمة لازم تشكري ربنا عليها، عشان ربنا يقوّيكِ، يعطيك الطاقة، وتشوفي الحلو بهالرحلة، صدقيني الأيام الصعبة هي اللي رح تخليكِ أقوى، وبأوقات الضغط رح تعرفي قد ايش إنت مرأة عظيمة فعالة بالمجتمع من خلال بيتك ورعايتك لأطفالك،
احتسبي كل هاي الأجور ورح تعرفي كم النعم اللي إنت فيها، تبسمك لأطفالك أجر، القيام على شؤونهم، تغذيتهم، تسليتهم، البكاء رحمةً عليهم، تضحيتك بوقتك ونومك كلها أجور مضاعفة وحسنات تُكتب وتُعد لصالحك، كلها نِعم والله وأجور مستحيل كنتي تقدري تحصليها لولا هاي الأوقات، ولولا دورك كأم ♥️
وبالنهاية : الأيام رح تثبتلك بإنه ما في حال بضل والصعب بروح والمُتعة بتصير أكبر منه، والأجر رح يستمر معك ليوم القيامة إن كانو صالحين إن شاء الله ♥️♥️

_ هدى عبويني
_ أم، مُربّية، ♥️
كلام من القلب لكُل ماما .

المنظر المسموح تكراره كل يوم هو القهوة☕ .

"جهاز عصبي مرتاح"

هو الأمر الدنيوي الوحيد الذي يستحق السعي نحوه. ♥️

‏وحدكَ تعلمُ يا الله
‏أنه عندما تأرجحت الطُّرق
‏لم يتأرجح بكَ اليقين ! 💛

انا مؤمنه انُ الأيَام دي هَتبقى مُجرد ذكرى افتَكرها واضحَك واقّول عَدت .

"ستنبت في قلبك معاني لا حصرَ لها، حين تستحضر أنَّ كليمَ الله (سيّدنا موسى)، كانَ يُتأتئ مع الناس."

لا وفق الله من عاملني بنية خائنة وكنت معه من الصادقين 🌿

كَانَ الرَّجل إذا حَفِظ البَقرةَ وآلِ عمْران؛ عَظُمَ في أعينِنا.
أنَس بن مَالك.

إذا كان أعظم نعيمٍ وهو الفردَوس يُنالُ بدعوة، والعذاب في جهنّم يُنجِيكَ اللّٰه منه بدعوة، فما بينهما من رَغائِب الحياةِ ومخاوفِها أهونُ على الكريم المجيب، لا تَستَبعِد كشفَ بلاءٍ استَحكَم، ولا صلاحَ حالٍ استَعصَى، ولا حياةً طيِّبةً أبطأت،
ولا جَمعَ شملٍ تقطّعت دونه السُّبُلُ وطالَ به العهد.
💚

أطول رحلة نفسية يقطعها الإنسان، هي أن يتحرر من محاكمة ذاته بعيون الآخرين، وأن يستعيد حقه في أن يعرّف نفسه بنفسه. ☔️

‏لا تَتكاءَبوا فَتكتئِبوا؛

فإنَّ النَّفسَ إذا تَطَبَّعَت على نَمطٍ وكرَّرَته وتَقَمَّصَت أَعراضَه، طُبِعَت عَليه.

"من قرأ سورة الكهف في يوم الجمعة أضاء له مِن النور ما بين الجُمعتين"🌻