✍
መጥቶ ስለ አንዱ ክፋት ሲነግርህ……
🤲አላህ ለእሱም ለእኛም ያስተካክለን🤲 በለው። ከዚህ ሌላ አትጨምር።



https://t.me/hamdquante

☝️
የአላህ አላህነቱን ተመልከት!!

  አላህ በተከበረው ቃሉ ስለ ደጋግ ባሮቹ፣ ስለ ወዳጆቹ፣ ስለ ምርጦቹ ሲናገር አንድም ቦታ ላይ "ከስህተት የተጠበቁ ፍጹም ናቸው" ብሎ አይገልፃቸውም። {አላህ ባዘዛቸው ነገር አያምፁትም፤ የታዘዙትን ይሰራሉ} ብሎ ፍጹማዊነት የሰጣቸው ለመላኢካዎች ብቻ ነው። ከሰው ልጆች ሆነው ደጋግ ስለሆኑ ባሮቹ ሲናገር ግን {ከስህተታቸው ምህረት የሚጠይቁ፤ በስህተታቸው ላይ የማይዘወትሩ} እያለ በዚህ ተመሳሳይ ገለፃ ይገልፃቸዋል።

አላህ………
   ከአንተ ፍጹማዊነትን አይሻም፤ ልትሆን ስለማትችል።

አላህ………
   ከአንተ የሚፈልገው ከወንጀልህ ተመልሰህ ምህረት እንድትጠይቀው ነው!!


ተመልከት……………
    እያንዳንዱ ሀገር ላይ ተደንግገው የተቀመጡ ህገመንግስታዊ ስርዓቶች ብትመለከት፧ የሆነ ወንጀል ይጠቀስና የዝያ ወንጀል ፈፃሚ ቅጣቱ ቀጥሎ ይጠቀሳል። ሁሌም አንድ ወንጀለኛ ከተያዘ ቀጥሎ የሚጠብቀው [ህጋዊም ይሁን ህገ_ወጥ: ፍትሓዊም ይሁን ኢ_ፍትሐዊ] ቅጣት ነው።

   እያንዳንዱ ቁርኣን ውስጥ እና ሐዲስ ውስጥ የተጠቀሱ የወንጀል ዓይነቶች ብታይ ብትመለከት ግን; ከትልቁ ኩፍርና ሽርክ ጀምሮ ለእያንዳንዱ አላህ ለሚታመፅበት ወንጀል የምህረት በር ተከፍቶለታል። የትኛውንም አላህን የሚያስቆጣ ወንጀል የፈፀመ አካል ወደ አላህ ከተመለሰና ምህረት ከጠየቀ አላህ ይምረዋል።

ቀጣዩን አንቀፅ ተመልከት፦
📖{قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ}
  {እናንተ በነፍሶቻችሁ ላይ ድንበር ያለፋችሁ ባሮቼ ሆይ! ከአላህ እዝነት ተስፋ አትቁረጡ፡፡ አላህ ኃጢኣቶችን ሁሉ ይምራልና፡፡ እነሆ እርሱ መሓሪው አዛኙ ነውና በላቸው፡፡}
    [አል_ዙምር:⁵³]

   አላህ በዚህ በተከበረ አንቀጽ ላይ እየተናገረ ያለው ስለ ሰጋጆች ወይም ስለ ጿሚዎች ወይም ስለ ደጋጎች አይደለም። አንድ… ሁለት… ሦሥት… ምናምን ሳይሆን በወንጀል ተጨማልቀው ወንጀላቸው ከመተለቁና ከመብዛቱ "ነፍሳቸው ላይ ድንበር እስከማለፍ" ስላደረሳቸው አካሎች ነው።

ሆኖም…………
   "እናንተ ሙጅሪሞች፣ አመፀኞች፣ ጥጋበኞች" ወይም በመሳሰሉ ቃላቶች ሳይሆን;
   የትኛውም ሙእሚን ቢጠራበት ሊያስደስተውና ሊኮራበት በሚችል ውብ ጥሪ {ባሮቼ ሆይ!!} እያለ ይጠራቸዋል።
 
ምክንያቱም………
  እሱ አላህ ነው!! እሱ አዛኝ ነው!!


ሌላው የሚገርመው…………
   አላህ ሲቀጣህ በፍትሕ ነው፤ ሲምርህ ደግሞ በችሮታው ነው!!

   አንድ ባሪያ ከሰራው ወንጀል ምህረት ሳይጠይቅ አላህን ቢገናኝና አላህም በዚህ ወንጀሉ ሊቀጣው ቢፈልግ;
  የሚሰጠው ቅጣት ከወንጀሉ ተመሳሳይና ተመጣጣኝ የሆነ ነው!!

📖{وَالَّذِينَ كَسَبُوا السَّيِّئَاتِ جَزَاءُ سَيِّئَةٍ بِمِثْلِهَا}
   {ለእነዚያም ኃጢአቶችን ለሠሩት የኃጢኣቲቱ ቅጣት በብጤዋ አለችላቸው፡፡}
    [ዩኑስ:²⁷]


  ከሰራው ስህተት ወደ አላህ ተመልሶ፤ አላህን የሚያስወደድ ስራ ሰርቶ አላህን ለተገናኘ ባሪያ ግን አላህ ሲመነዳው በስራው እኩኩል ሳይሆን አጥፍ ድርብ አርጎ በብዙ አብዝቶና አሳምሮ ነው።

📖{مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّائَةُ حَبَّةٍ ۗ وَاللَّهُ يُضَاعِفُ لِمَن يَشَاءُ ۗ وَاللَّهُ وَاسِعٌ عَلِيمٌ}
  {የእነዚያ ገንዘቦቻቸውን በአላህ መንገድ የሚለግሱ ሰዎች (የልግስናው) ምሳሌ በየዘለላው ሁሉ መቶ ፍሬ ያለባቸውን ሰባት ዘለላዎች እንደ አበቀለች አንዲት ፍሬ ብጤ ነው፡፡ አላህም ለሚሻው ሰው (ከዚህ በላይ) ያነባብራል፡፡ አላህም ችሮታው ሰፊ ዐዋቂ ነው፡፡}
     [አል_በቀራ:²⁶¹]
   አንዲት መልካም ስራ እስከ ሰባት መቶ ትባዛለች። አላህ ለፈለገው ከዚህም በላይ ይጨምርለታል።


ሌላ ቦታ ላይ ደግሞ ሁለቱም በአንዲት አንቀጽ ይገልፃቸዋል፦
📖{مَن جَاءَ بِالْحَسَنَةِ فَلَهُ عَشْرُ أَمْثَالِهَا ۖ وَمَن جَاءَ بِالسَّيِّئَةِ فَلَا يُجْزَىٰ إِلَّا مِثْلَهَا وَهُمْ لَا يُظْلَمُونَ}
  {በመልካም ሥራ የመጣ ሰው ለእርሱ ዐሥር ብጤዎችዋ አሉት፡፡ በክፉ ሥራም የመጣ ሰው ብጤዋን እንጅ አይመነዳም፡፡ እነርሱም አይበደሉም፡፡}
   [አንዓም:¹⁶⁰]


እንዲሁም…………
   አንድ ባሪያ ለብዙ ጊዜያት ወንጀል ላይ የቆየ ሆኖ በስተመጨረሻም ወደ አላህ መመለስ ቢፈልግ… "አላህ ሊምርህ ከፈለክ፧ ወንጀል ላይ በቆየኸው ልክ ተውበት ላይ መቆየት አለብህ" አይባልም። ዐስር፣ ሀያ፣ ሀያ አምስት ዓመታት በወንጀል የኖረ ሰው ወደ አላህ ተመልሶ ምህረት እንዲደረግለት ከፈለግ፧ ያንን ሁሉ ዓመት የሰራው ወንጀል በአንዲት ቀን, በአንዲት ሰዓት, ሳይባል በአንዲት ቅፅበት አላህ ሁሉንም ይምረዋል።

ምክንያቱም፦
   አላህ ከአንተ የሚፈልገው ወደ እሱ የተዘነበለ ንፁህ ልብ ብቻ ነው!!


   አንተ ብቻ ወደ አላህ ተመለስ…… ሁሉም ነገር ወደ አንተ ይመለሳል!!





https://t.me/hamdquante

✍
    ቀብሩ ስንት ሰዓት ነው?? ብለው ይቀብሩሃል!!
ከዝያማ………

ከቀብር ውጭ ያለው:
  ከፊሉ ያለቅሳል, ከፊሉ ይተክዛል, ከፊሉ ሟቹን ረስቶ በራሱ ሀጃ ገብቷል።
ከቀብር ውስጥ ያለው:
  ከፊሉ "ጌታዬ አላህ, ነብዬ ሙሐመድ, ዲኔ ኢስላም" ብሎ ሲመልስ: ከፊሉ "ሀ…ሀ አላውቅም" እያለ እንደ አህያ ያናፋል።


ከቀብር ውጭ ያለው:
  ከፊሉ "በዚህ ጋ ቀብሩ አልሞላም አፈር ጨምሩ" ይላል, ከፊሉ "ብሎኬቱን አስተካክላችሁ አስገቡ" ይላል፤ የሆነ... ሟቹ ፈልቅቆ እንዳይወጣ የፈሩ ይመስል ተጣድፈው አፈር ያሸክሙታል።
ከቀብር ውስጥ ያለው:
  ከፊሉ "ጌታዬ ሆይ! ቂያማን አቁማት" ብሎ ይቻኮላል, ከፊሉ ደግሞ "ጌታዬ ሆይ መልሰኝና መልካም ስራ ልስራ" ብሎ ይፀፀታል።


ከቀብር ውጭ ያለው:
  ከፊሉ የተበተነበት አቧራ ያራግፋል, ከፊሉ ከብርድ ወይም ከፀሀይ ራሱን ከመከላከል ይለብሳል ይጠለላል, ዱዓን ከማስረዘም እንኳ ይዳከማል።
ከቀብር ውስጥ ያለው:
  በሁለት ሜትር ጉድጓድ ተጥሎ, በብጣሽ አቡጀዴ ተጠቅልሎ, የመልካም ስራው ብስራት ወይም የክፉ ስራው ስቃይ ይጠባበቃል።


ከቀብር ውጭ ያለው:
  ቲንሽ እንደ ተጓዘ ሁሉም ወደየስራው, ወደየማረፍያው, ወደየመመገብያው ይበታተናል። አካባቢው በጭርታ እና በፀጥታ ይዋጣል።
ከቀብር ውስጥ ያለው:
  ከፊሉ "ያ የጀነት መቀመጫህ ነው" ተብሎ ይበሰርና ዐይኑ ማየት እስከሚችልበት ድረስ ቀብሩ ይሰፋለታል።
  ከፊሉ የጀሀነም ማረፊያው ገብቶ እስኪቀቀል ያቺ ድሮ የጠበበችዋ ቀብር ተጣባ ስጋው በአጥንቱ ተበሳስቶ ይሰቃያል።


ከቀብር ውጭ ያለው:
  ከፊሉ ከከፊሉ የስንብት ሰላምታ ይለዋወጥና ወደ ሰላማዊ ቤቱ በሰላማዊ መኪናው በፍጥነት ይጓዛል
ከቀብር ውስጥ ያለው:
  የቀበሩት ባልደረቦቹ ትተውት ሲመለሱ የጫማቸው ኮቴ እየሰማ የሚያደርጉለት ዱዐ እና የሚለምኑለት ምህረት እየጠበቀ ይቁለጨለጫል።


በዘላለማዊው ደስታ እንጠቃቀም ይሆን
ወይስ
      🔥በዘላለማዊው ስቃይ መታመም???




📖{لِمِثْلِ هَذَا فَلْيَعْمَلِ الْعَامِلُونَ}
{ለዚህ ዐይነቱ ሠሪዎች ይሥሩ።}




✍አቡ ሙSሊM ሐምዱ ቋንጤ!!
👇  👇  👇  👇  👇  👇  👇
  https://t.me/hamdquante

🕋
   ወደ ሐረም ጉዞ
      የለምለምን ይዞ

አላህ መርጦልናል ከሚቃት የለምለም
ከትራቭሎችም  የሚደርሳት የለም!!


የትውልዱ ተስፋ  የሙዕተሚር ደስታ
በየለምለም አለ  ማይገኝ ሌላ ቦታ!!


ትሁት ኻዳሚዎች  በቤተሰብ ፍቅር
አሉ በየለምለም  ያየ ሰው ይመስክር!!


የለምለም ትለምልልም  ፓኬጇም ይቀጥል
ባሁኑ ያልሄድ  ለቀጣይ ይደውል!!




🖊አቡ ሙስሊም!!
https://t.me/hamdquante

🕌
    የአላህን ኒዕማ ማወቅ እና ስራን ለአላህ ማጥራት!!

በሚል ርዕስ
  በኡስታዝ አቡ ሙሰየብ ሐምዛ

   ለየለምለም የጥቅምቱ ፓኬጅ ሙዕተሚሮች የተደረገ ነሲሀ!!


ከጅዳ ኤርፖርት ወደ መዲነቱል ሙነወራ
🚌ባስ ውስጥ የተደረገ ነሲሀ ነው።




https://t.me/hamdquante

🕌
    ጌታህ ይፈጥራል የፈለገውን ይመርጣል!!

በሚል ርዕስ
  በኡስታዝ አቡ ሙሐመድ ኢስማዒል

   ለየለምለም የጥቅምቱ ፓኬጅ ሙዕተሚሮች የተደረገ ነሲሀ!!


ከጅዳ ኤርፖርት ወደ መዲነቱል ሙነወራ
🚌ባስ ውስጥ የተደረገ ነሲሀ ነው።




https://t.me/hamdquante

🕌
የመዲና ብልጫ እና ቱሩፋት!!

በሚል ርዕስ
  በኡስታዝ አቡ ሙሰየብ ሐምዛ

   ለየለምለም የጥቅምቱ ፓኬጅ ሙዕተሚሮች የተደረገ ነሲሀ!!


ከጅዳ ኤርፖርት ወደ መዲነቱል ሙነወራ
  🚌ባስ ውስጥ የተደረገ ነሲሀ ነው።




https://t.me/hamdquante