👆
ይጠብቁን!!

🔜 ⬇️ 🔜 ⬇️ 🔜 ⬇️ 🔜 ⬇️ 🔜



.

📖
ቁርኣን የምንቀራው ለምንዳው ብቻ ነው ወይስ ለስራ???
    በእኛና በሰለፎች መሃል ያለው ሰፊ ልዩነት………

ሰሓቦች ቁርኣን ይቀሩ የነበሩት ለስራ እንጂ ለበረካ ብቻ አልነበረም፤
  እኛ ግን ቁርኣን የምንቀራው ለበረካ እንጂ ልንሰራበት አይደለም!!


ይህ በጣም አሳዛኝና ማስተዋል የሚሻ ጉዳይ ነው;
   የረሱልﷺ ባልደረቦች ስራቸው አላህ ይውደድላቸውና ለእነርሱ ቁርኣን ማለት የሕይወታቸው ኮምፓስ ነበር። ቁርኣን ወደ ቀኝ ካሳያቸው በግራ የሚሄድ የለም፤ ቁርኣን ወደ ፊት ካሳያቸው ከመሃላቸው ወደ ኋላ የሚል አንድም አታገኝም።

ምክንያቱም፦
   ቁርኣን የሚቀሩትም ይሁን የሚያደምጡት ሊሰሩበት!! ልብ በል ሊሰሩበት እንጂ በረካውን ብቻ ፈልገው አልነበረም።


   ቁርኣን በመቅራት ከሚያገኙት አጅር የበለጠ እነርሱ ያሳስባቸው የነበረው;
   የቀሩት ቁርኣን ላይ ባለው ትዕዛዝ መስራት አለመስራታቸው ነበር።


ምክንያቱም፦
   የቀሩበት ምንዳ የሚፅፍላቸው የሚከፍላቸው አላህ ነው። እነርሱ የሚጨነቁት በቁርኣኑ ትዕዛዝ መስራት ላይ ነበር።

ለዚህም እኮ ነው………
   "አንደኛችን ዐስር አንቀፅ ከቀራ በእነርሱ እስከሚሰራ ድረስ ሌላ ለመቅራት አይሄድም ነበር" ያሉት።


ገብቶሃል???……………
   እነሱ የሚያሳስባቸው ትልቁ ነገር ቁርኣኑ መሐፈዙ መሸምደዱ ሳይሆን;
       በቁርኣኑ መስራት ነበር!!


እኛስ??? እኛስ??? እኔና አንተስ???
  ቁርኣን የምንቀራው ለስራ ነው?? ወይስ ለበረካ ብቻ??


   አላህ ካገራልህ በየቀኑ: ካልሆንም አለፍ አለፍ እያልክ በተመቸህ ሰዓት ብዙ ጊዜ ቁርኣን ከፍተህ ብዙ ገፅ ትቀራለህ። እንዲሁም በመኪናህ፣ በስልክህ ወይም በሌላ ነገር ቁርኣን ከፍተህ ብዙ ጊዜ ታዳምጣለህ። ማሻ አላህ ይህ የተወደደና መበረታታት ያለበት ተግባር ነው። ግን…… ግን…… ይህንን ያህል ጊዜ ስትቀራ ወይም ስታዳምጥ ንያህ ምንድን ነው???
  በቀራኸው ባደምጥከው ቁርኣን ለመስራት ነው???
ወይስ
  በምትቀራውና በምትሰማው ልክ አጅርና በረካ እንድታገኝ??? ችግሩ ያለው እዚህ ጋ ነው።


   ቁርኣን የወረደበት ትልቁና ዋነኛው አላማ በቁርኣን ትዕዛዝ እንድንሰራ እንጂ የቀራነው ሓርፍ በዐስር እየተባዛ ምንዳ እንዲሰጠን አይደለም። አዎን! ቁርኣን የወረደበት ትልቁና ዋነኛው ግብ በቁርኣን ለመስራት በቁርኣን ለመተዳደር ነው!! አንድ ሰው ቁርኣን በማንበቡም ይሁን በመሸምደዱ የሚያገኛቸው አጅሮች እና ሌሎች ከቁርኣን ጋ የተያያዙ ዒባዳዎች የሚቀመጡት ከዝያ በኋላ ነው። ዋነኛው ግብ በቁርኣን ለመስራት ነውና።

   ይህንን የሚያረጋግጡ የቁርኣን እና የሐዲስ መረጃዎች በጣም በርካታ ናቸው። ጉዳዩ ሙስሊሞች ዘንድ የተረሳ ቢሆንም በቃዒዳ ደረጃ ግን የተረጋገጠ በመሆኑና፧ እኛም በዳሰሳው የፈለግነው መጠቆም ማስታቀስ ብቻ ስለሆነ ላለማስፋት በሚል አልዘረዘርንም።


ተመልከት…………
   ሰሓባዎች "ዐስር አንቀጾች ከቀራን በኋላ በእነርሱ ሳንሰራ ሌላ ወደ መቅራት አንሄድም ነበር" ሲሉ ምን ማለት ነው???…………

  እነርሱ ቁርኣን ሲቀሩ ትልቁ ፍላጎታቸው በቀሩት ሐርፍ ልክ ለሚያገኙት አጅር ቢሆን…… ዐስር አንቀጽ ቀርተው ለምን የሚቆሙ ይመስልሃል???

   የእነርሱ ትልቁ ፍላጎት ቁርኣን ቀርተው አጅር ማግኘት ወይም በረካው ማግኘት ላይ ሳይሆን፧ ቁርኣኑን ቀርተው በዝያ ትዕዛዝ ላይ መስራት ነበር ነው!!


እኛ ግን……………
   የሆነ ሰዓት መስጂድ ውስጥ ቁጭ ብለን ብዙ ገፅ ቀርተን እንነሳለን። ከመስጂዱ በራፍ ጋ አንዱ አስቁሞን "አሁን በቀራኸው ውስጥ ምን ምን ይዘሃል??" ቢለን መቅራታችን እንጂ፧ በቀራነው ውስጥ ምን ትዕዛዝ ምን ክልከላ እንደነበረበት ማስታወስ አንችልም። ወይም በመኪናችን አልያም በስልካችን ረጅም ሰዓት ቁርኣን ከፍተን አድምጠን ይሆናል፧ ከዘጋነው በኋላ ቆም ብለን ብናስብ ይህ ሁሉ ስንሰማ ምን የሚል ትዕዛዝ ምን የሚል ክልከላ እንዳለፈብን ማስታወስ አንችልም።


ምክንያቱም…………
  እኛ ቁርኣን የምንቀራው ወይም የምንሰማው፧ የመቅራት አጅር ፈልገን እንጂ……… ቁርኣኑ ውስጥ ባለው ትዕዛዝ ለመስራት ነይተን አይደለም።

  ቁርኣን የወረደበት ትልቁ አላማ ግን ቀርተን አጅር ለማግኘት ሳይሆን፧ ቀርተን በቀራነው ለመስራት ነበር።


  እኛ የምንቀራው ልንሰራበት ሳይሆን ለምንዳው ብቻ እንደሆነ ማወቅ ከፈለክ ሌላ ምሳሌ ልስጥህ;
  ቁርኣን ከፍተን ስንቀራ {ለምእመናኖች ዐይኖቻቸው እንዲሰብሩ………} የሚለው አንቀጽ እናነባለን። ወድያው ከመስጂድ እንደወጣን ግን ያለ ምንም ሐፍረት ዐይናችን ይቅለበለባል።

ምክንያቱም፦
   ቅድም የቀራነው ቀርተን አጅር ለማግኘት እንጂ ቀርተን ለመስራት ስላልነበረ ምንም ተፅእኖ አልፈጠረብንም። በርካታ ምሳሌ መጥቀስ ይቻላል።


ዛሬ ላይ……………
   በየክፍለሀገሩ፣ በየክፍለከተማው፣ በየመድረሳው የቁርኣን ሒፍዝ ማዕከል በብዛትና በስፋት ተከፍቷል። በየጊዜው "የቁርኣን ሐፊዞች" ተብለው የሚመረቁ ደረሳዎች ቁጥር ስፍር የላቸውም። ማሻ አላህ!! ይህ እጅግ በጣም የሚያስደስትና ሊበረታታ የሚገባው ተግባር ነው።

ግን…… ግን፧………
    እነዚህ ሑፋዞች እውነትም የቁርኣን ሰዎች ናቸው ወይ????? ትልቁ ጥያቄ እዚህ ጋ ነው!!

  "ሐፊዝ ነው"  ትባላለህ። ስትቀርበው ስትሰማውም ቁርኣኑ ሸምድዶ ያነበንበዋል። ግን……… ስነምግባሩ፣ አዋዋሉ፣ አለባበሱ፣ አነጋገሩ፣ ጓደኞቹ፣ ስራው፣ ከሁሉም በፊት ዐቂዳው ብትመለከተው ከቁርኣን ጋ ጭራሽኑ የማይተዋወቅ ነው የሚመስለው።

ለምን???
   ቁርኣኑ ቀርቶታል ሐፍዞታል እንጂ አልሰራበትም። ዋናውን ረስቶ ዋና ባልሆነው ላይ ተጠምዷል።

   አንድ ሙስሊም ቁርኣን ሲሐፍዝ ከምንም በላይ ያስደስታል። ተጅዊዱ አስተካክሎ ሲቀራ ከምንም በላይ ይማርካል። ግን ደግሞ ባትችልና ቁርኣንን ሙሉው ባትሐፍዘው አላህ "ለምን አልሓፈዝክም?" ብሎ አይጠይቅህም፤ ተጅዊዱ ኢትቃን ባታደርግ እንድትችል ትማራለህ ትጥራለህ እንጂ "ተጅዊዱን ሙሉ ለሙሉ እስካላስተካከልክ ድረስ ምንዳ የለህም" አትባልም። ግን ሀቢቢ ሐፈዝከውም አልሐፈዝከውም፤ በተጅዊድ ቀራኸውም ተንተባትበህ ቀራኸው በቁርኣኑ ከሰራህበት አንተ ነህ የቁርኣን ሰው!! ሐፍዘኸው በተጅዊድ ቀርተኸው ስራው ላይ የማትገኝ ከሆነ ግን ሁሌም ወንጀለኛና ተጠያቂ ነህ።


በነገራችሁ ላይ…………
  «ለአላህ ቤተሰቦች አሉት፤ የአላህ ቤተሰቦች የቁርኣን ሰዎች ናቸው» የተባሉት: ቁርኣንን ሸምድደው የሐፈዙ ወይም ቁርኣንን በተጅዊድ ለቀሩ ሰዎች ሳይሆን;
  በቁርኣን ትዕዛዝ ለቆሙ ሰዎች ነው!!


ሌላው በጣም የሚያሳዝነው…………
   ቁርኣን በተመለከተ ብዙ ሙሓደራዎች፣ ብዙ ኹጥባዎች፣ ብዙ ነሲሀዎች ይደረጋሉ። ሁሉንም ብትመለከቱ አብዛኛው ትኩረትና ግፊት የሚያደርጉት ቁርኣንን በመቅራትና በመሐፈዝ ዙርያ እንጂ በቁርኣን በመስራት ዙርያ የሚገባውን ያህል ትኩረት ሲሰጡት አይታይም። ይህንን ተጨባጭ አስተውሎ የተመለከተ ይህንን ኡማ ያለበት አሳዛኝና አስፈሪ የሆነ የቁርኣን ቸልተኝነት ይገነዘባል። ምን አልባትም አሁን ላለንበት መበታተን፣ መዳከም እና መዋረድ ትልቁ ሰበብ ይህንኑ ሊሆን ይችላል።




🖊ሐምዱ ቋንጤ
https://t.me/hamdquante/11173

✏️
     ይህንን እንኳ በተረዳን........

➡️የዱንያ ቆይታ ከሕይወት ሁሉ አጭሩ ዘመን ነው፤

➡️የቀብር ቆይታ ከዱንያው የረዘመ ጊዜ ነው፤

➡️የቂያማ ቀን ቆይታ ከዱንያውም ከቀብሩም የረዘመ ነው፤

➡️የአኼራ ቆይታ ዘላለማዊ እና ከሁሉም የረዘመ ነው!!


🛫የእኛ ሀሳብና ጭንቀት ግን ከሁሉም ላጠረው ለዱንያ ሕይወት ሆነ!!
     



https://t.me/hamdquante/11174

💥
ንጉሶቹ የሚወረወሩበት ጫካ💥
    ልብ ላለው ልብ የሚነካ ታሪክ‼️


  አንዲት ተኣምረኛ ሀገር አለች። በዚች ሀገር ውስጥ ከሚደረጉ አስገራሚ ነገሮች አንዱ፦
  በሀገሪቷ ላይ የሚነግሰው የትኛውም ንጉስ መንገስና መምራት የሚችለው እስከ ተገደበለት ጊዜ ድረስ ብቻ ነው። ልክ ያንን ጊዜው ሲጨርስ በሀገሪቷ መተዳደሪያ ደንብ መሰረት ወደ ለንጉሶች መጣያ የተዘጋጀ ጫካ ይወሰድና ይጣላል።


   ጫካው የሚገኘው ከሀገሪቷ ራቅ ያለ ቦታ በመሆኑ የሀገሪቷ ህዝቦች ስለ ጫካው ብዙም ጠንቅቀው አያውቁም። ብቻ ግን የንጉሱ ጊዜ ሲያበቃ ለዚህ ተግባር የተመደቡ ሰዎች ወስደው ጥለዉት ይመለሳሉ።


   ንጉሱ ከዝያ በኋላ ተመልሶ አይመጣም። በምን ሁኔታ እንደ ሚኖር፤ በምን ሁኔታ እንደ ሚሞት የሚታወቅ ነገር የለም።

  ንጉሱም ምንም እንኳ በንግስናው ዘመን የፈለገውን ማድረግ የመቻል መብት ቢኖረውም ጫካውን የሚያየው ግን ተወስዶ በሚጣልበት ቀን ነው።


  ነገሩ በዚህ መልኩ እየሄደ ሳለ በሀገሪቷ ላይ ተራው ይደርሰውና አንድ ንጉስ ይነግሳል።
  ይህ ንጉስ በጣም ብልህና በሳል ስለ ነበር በስልጣን ዘመኑ እንደ ፈለገ ተመቻችቶ በመጨረሻም በማያውቀው ጫካ መጣል አልፈለገም።
     "ታድያ ምን አደረገ❓"

   ከዕለታት አንድ ቀን አገልጋዮቹን በማስከተል ንጉሶች የሚጣሉበት ጫካ ምን ዓይነት እንደ ሆነ እንየው ብሏቸው ይሄዳሉ። [በንግስና ዘመኑ የፈለገውን ማድረግ ስለ ሚፈቀድለት]

ወደ ጫካው ሄደው ሲያዩ; ጫካው፦
  በአስፈሪ አራዊቶች የተሞላ፤ እሾሃማ እና የሚያቆስሉ ዛፎች የበዙበት፤ አየሩ በመጥፎ ጠረን የተበከለ እና
  በአጠቃላይ በጣም የሚያስፈራ ጫካ ሆኖ አገኙት።


   በዚህ ጊዜ ይህ አስተዋዩ ንጉስ ነገ ወደዚህ ጫካ ከመጣሉ በፊት የቤት ስራውን መስራት ጀመረ።
በስልጣኑ ከሚያገኘው ገቢ አብዛኛውን ወደዚህ ጫካ ወጪ በማድረግ
ጫካው እንዲመነጠር፤
   አስፈሪ አውሬዎቹ እንዲታደኑ፤
     እሾሃማ ዛፎች እንዲወገዱ፤
       ማራኪና ጥሩ ማዕዛ ያላቸው ተክሎች እንዲተከሉ በማድረግ ያ አስፈሪ የነበረው ጫካ ከፒያሳው ኮሪደር በበለጠ ወደ ሚያምር ውብ መናፈሻነት ቀየረው።


  የማይደርስ የለምና የንግስና ማብቂያ ቀኑ ደርሶ ወደ ጫካው ሲጣልም እንደ ቀደምት ነገስታቶች ስቃይና እንግልት ሳይሆን ውብና ማራኪ የሆነ ሕይወት መኖር ጀመረ።



እዚህ ጋ ቆም በልና ታሪኩን በምናብህ ቃኘው!!

እስከ አሁን ታሪኳን የነገርኩህ ሀገር፦ የምስራቅ አውሮፓዋ *  ሀገር አይደለችም።
እስከ አሁን ታሪኩን የነገርኩህ ንጉስ፦ ከላይ የተጠቀሰቿ ሀገር ንጉስም አይደለም።


🌐ሀገሪቷ………
    ያለንባት ዱንያ ናት።

🔄ንጉሶቹ……
     እኔና አንተ ነን።

ንግስናው……
   የዱንያ ሕይወት ነው።

💎ንግስናችን (ሕይወታችን) ሲያልቅ የምንጣልበት ጫካ………
    ቀብራችን ነው።


▶️ንጉሶቹ ወስደው የሚጥሉት………
     ቀባሪዎች ናቸው።

🔥ጫካው ውስጥ ያሉ አስፈሪዎች………
  የቀብር ውስጥ ቅጣቶች ናቸው።


⏸ንጉሱ ጫካውን ያስዋበበት በጀት ………
  መልካም ስራው ነው።


❓ጥያቄው በዱንያ ሕይወታችን (ንግስናችን) ዘመን፦
➡️አስፈሪው ቀብራችን እየገነባንና እያስዋብን ነን??
ወይንስ…………
➡️በአስፈሪው ቀብር ተወስደን እስከ ምንጣል ቸላ ብለነዋል??




    🤲ረሕማከ ረበና🤲
https://t.me/hamdquante/11175

🇾🇪
   አላህ የድል ምሽት ያድርግላቸው🤲


   የየመን ጦር ምሽቱን ወደ ዋና ከተማዋ ሰንዐ ጠቅልሎ እየገባ እንደሆነ ተነግሯል።

  🤲የሱና ሪጃሎች አላህ የበላይነት ያጎናፅፋቸው



⬇️⬇️⬇️

https://t.me/hamdquante/11177

✏️
አላህ በጥበቡ አንዳንድ ፍጥረቶቹ ከባድና ትልቅ አቅም ይሰጣቸውና ለሌሎቹ ቀላል የሆነ ነገር ለእነርሱ ከባድ ያደርግባቸዋል።

ለምሳሌ ያእጁጅና ማእጁጅ ተመልከት፦
   እነርሱን የሚጋፈጥ ዐቅም ያለው ማንም እስከማይኖር ድረስ አላህ ጉልበትና አመፅ ሰጣቸው። ሆኖም ግን;
  ሌሎች ሰዎች በቀላሉ ሊያደርጉት የሚችሉትን ተራራ መውጣት እነርሱ ማድረግ አይችሉም።


  ምድር ላይ አመፅና ብልሽት ባሰራጩ ጊዜ ዙል_ቀርነይን የተባለው መልካም ንጉስ ይመላለሱበት የነበረው መንገድ ብረት አቅልጦ ዘጋባቸው።
    
{فَمَا اسْطَاعُوا أَن يَظْهَرُوهُ وَمَا اسْتَطَاعُوا لَهُ نَقْبًا}
  {(ግድቡን) ሊወጡት አልቻሉም: ቆርቁረው ማለፍም አልቻሉም።}

በመጨረሻም…………
   ቂያማ ሲቃረብና ለመውጣት አላህ ሲፈቅድላቸው ግድቡ ላይ ተወጣጥተው ሳይሆን; ቆርቁረው በስተውት ወደዚች ምድር ይዘልቃሉ። በዚህ ጊዜ ምድር ላይ ሙእሚኖች ይዞ ሲኖር ለነበረው ነብዩ ዒሳ አላህ መልእክት ያስተላልፍለታል።

«إنِّي قدْ أَخْرَجْتُ عِبَادًا لِي، لا يَدَانِ لأَحَدٍ بقِتَالِهِمْ، فَحَرِّزْ عِبَادِي إلى الطُّورِ»
  «ማንም ሊዋጋቸው የማይችላቸው የሆኑ ባሮቼ አስነስቻለሁ፤ ምእመናን ባሮቼን ይዘህ ወደ ጡር ተራራ ሽሽ።» ይለዋል።


ሁለቱም ቦታ ተመልከት…………

ጅምር ላይ;
   ተራራ መውጣት ስለማችሉ ዙል_ቀርነይን ብረት አቅልጦ የተራራ ግድብ ሰራባቸው።

ከዝያም;
   ወደላይ ወጥተው ማለፍ ስለማይችሉ መውጫ ቀናቸው እስኪደርስ ሲቆረቁሩት ይቆዩና አላህ በፈቀደላቸው ጊዜ ተወጣጥተው ሳይሆን አፍርሰው ያልፉታል።

በመጨረሻም;
  ወደ ተራራ የመውጣት ችሎታ ስለሌላቸው አላህ ለነብዩ ዒሳ ሙእሚኖች ይዘህ ወደ ተራራው ሽሽ ይለዋል።

     /ኡስታዝ አቡ ዩሱፍ ሐቢብ/



⬇️⬇️⬇️

https://t.me/hamdquante/11178

🔝
አቡ በክር………

🟢እንደ ቢላል አልተገረፈም አልተሰቃየም; ግን ከእሱ ይበልጣል!!

🟢እንደ ዑመር ሰማእት አልተደረገም; ግን ከእሱ ይበልጣል!!

🟢እንደ አቡ_ዘር ድህነት አልቀመሰም; ግን ከእሱ ይበልጣል!!

🟢እንደ ኻሊድ_ኢብኑ ወሊድ ጦር ሜዳ ላይ ፈረሰኞች አልተሽቀዳደመም; ግን ከእሱ ይበልጣል!!

🟢እንደ ኢብን ኡመ መክቱም ዐይኑ አልታወረም; ግን ከእሱ ይበልጣል!!


💎አንድ ሰው በጥልቅ ኢማኑና በመልካም ስራው ሁሉንም ሰው በልጦ መገኘት እንደሚችል አቡበክር ግልፅ ማሳያ ነው!!



⬇️⬇️⬇️

https://t.me/hamdquante/11183

✏️
  ለአላህ ብሎ መዋደድ ያለው ምንዳ ትልቀቱ ዐይተህ ልትገረም ትችላለህ;

  የሰዎች ሁኔታ ተመልክተህ ለአላህ ብለው የሚዋደዱት በጣም ጥቂቶች እንደሆኑ ስትመለከት ሚስጥሩ ይገባሃል!!   
/ኢማሙ ሸውካኒ/



https://t.me/hamdquante/11184

⌛
ማን ላይ እንደሚያርፍ ሳያስጨንቅህ መልካም ተግባርህ ላይ ቀጥል‼️


🥇የሚገባቸው ሰዎች ዘንድ ካረፈ…… ተገቢዎቹ ናቸው!!

🥈የማይገባቸው ሰዎች ዘንድ  ቢያርፍ…… አንተ ግን መልካም ለመስራት የተገባህ ነህ!!


በፍጹም ውለታህ የሚጠፋ እንዳይመስልህ፦
📖{فَمَن يَعْمَلْ مِثْقَالَ ذَرَّةٍ خَيْرًا يَرَهُ}
  {የብናኝ ያህል መልካም (ስራ) የሰራ: ያገኘዋል።}


🔼አላህ ዘንድ የሚጠፋ የለምና…… ☝️ለአላህ ብለህ ስራ!!





https://t.me/hamdquante/11185

📍
  አንዳንድ ወንዶች ደሞ አሉ………

  ሀያ ምናምን ዐመት እናቱ ቤት ቁጭ ብሎ ሲበላ የወደቀ ሳህን እንኳ ማንሳት አይፈልግም።

ልክ ትዳር ሲመሰርት………
  "በቤት ውስጥ ሚስትን ስራ  ማገዝ ሱና ነው" ይላል።


አዎን ሚስትህን ማገዝ ሱና ነው;

🔴እናትህ ማገዝ ግን ግዴታ እንደነበር ለምን ዘነጋህ⁉️



https://t.me/hamdquante/11187

📖
    በቀኑ ክፍለ_ጊዜ ለአዝካር በላጩና ምርጡ ሰዓት;
    ከፈጅር በኋላ ያለው ወቅት ነው‼️

       /ኢማሙ ነወዊ/



https://t.me/hamdquante/11190

✏️
ዐብዱላህ ቢን ኡረይቂጥ‼️

🛫ረሱልﷺ እና አቡበክር ሲዲቅ ከመካ ቁረይሾች ሸሽተው ወደ መዲና ባደረጉት የስደት ጉዞ ላይ ጠላት ተከታትሎ እንዳይደርስባቸው ስውርና አቋራጭ መንገዶች እየጠቆመ ወደ መዲና እንዲያደርሳቸው የተከራዩት ሙስሊም ያልነበረ ሰው ነው።

ነብዩﷺ ጠላት ከምንጊዜውም በላይ እሳቸውን ለማጥቃት በሚፈልጋቸው አስቸጋሪና ከባድ በሆነው በዚህ ወቅት: የእሳቸው ተከታይ ያልሆነ…… ጭራሽ የጠላቶቻቸው እምነት ተከታይ የሆነ ባዳ ሰው እንዴት በዚህ ልክ አምነው የሕይወታቸው አደራ ሊሰጡት ቻሉ??? ብለህ ብትመረምር ልትደርስ የምትችለው አንድ ውጤት ላይ ነው;
    ክቡር እና ጨዋ ሰው ስለነበረ ብቻ


🔼ጨዋና ክቡር ሰው ሲሆን;
   የእምነትህ ተቃራኒ ቢሆን እንኳ በትልቅ ነገር ላይ አምነህ አደራ ልትጥልበት ትችላለህ!!

🔽ስግብግብና ክብረ_ቢስ ከሆነ ግን;
   የአንድ ሐይማኖት ባለቤት ብትሆኑ እንኳ እሱ ማመንህ አደጋ ላይ ይጥልሃል!!



⬇️⬇️⬇️

https://t.me/hamdquante/11192