❓
ምኑ እንደሚያስደስታችሁ አይገባኝም!!

ብዙ ጊዜ ለዳዕዋ የመጡ መሻኢኾች እዚህ ስላለው ዳዕዋ ሲናገሩ;
   "ብዙ ሀገራት ዞረናል: ዓለም ላይ እንደዚህ ያለ ጠንካራና ሰፊ ዳዕዋ ዐይተን አናውቅም" ይላሉ። እነርሱ ሌላ ቦታ ያላዩትን እዚህ በማየታቸው የተሰማቸው ደስታ ነው የሚገልፁት። እናንተ ግን ይህንን ስትሰሙ ምኑ እንደሚያስደስታችሁ አይገባኝም።


ምክንያቱም፦
   "የዚህ ሀገር ዳዕዋ" ሲባል የዚህ ሀገር ሰለፍዮችን ነው የሚፈለግበት። "የዚህ ሀገር ሰለፍዮች" ሲባል እኔና አንተ ነን የምንፈለግበት። እኔና አንተ ምን ዓይነቶች እንደሆንን እኔና አንተው እናውቃለን።


የሆነው ሆኖ……………
   እኔ ደስ ሊለኝ የሚችለው "ዓለም ላይ እዚህ ካለው የሚሻሉ እጅግ በጣም ጠንካራ የሆኑ ብዙ ዳዕዋዎች አሉ" ቢባል ነበር።

ምክንያቱም፦
   የእኛው እንዳለ ሆኖ ሌሎች ሀገሮች ላይ እዚህ ካለው የተሻሉ ብዙ ዳዕዋዎች መኖራቸው ቢነገረኝ እንደ አንድ ሰለፍይ እደሰታለሁ።

   በዓለም ላይ በሙስሊም ሀገሮች ጨምሮ ያሉ ዳዕዋዎች ከእኛው ያነሱ ከሆኑ ግን ይህ እጅግ በጣም የሚያሳዝንና ልብ የሚሰብር እንጂ የሚያስደስት ዜና አይመስለኝም።


ወይስ እኔ ያልተረዳሁት ነገር አለ??????




https://t.me/hamdquante/11198

💎
ሷሊሕ የሆነ ሰውና አመፀኛ የሆነ ሰው በፍጹም ሊጎዳኙ አይችሉም!!

   ሷሊሕ የሆነው ከአቋሙ ዝቅ ብሎ
ወይም
አመፅ ላይ የነበረው ተውበት አድርጎ ተሻሸሎ ከሆነ እንጂ የሁለቱ ልብ ተስማምቶ አንድ ላይ ሊቀጥሉ አይችሉም።
     /ሸይኽ ሙሐመድ አል_አንሲ/


🫵ሁሌም ጓደኛህን ተመልከት;
    ወደድክም ጠላህም በእሱ ትመዘናለህ!!




https://t.me/hamdquante/11199

🎙
ሸይኹ ፉርቃን ላይ ካወሱት……………

   በሆነ ሀገር አንዷ የፍርድ ቤት ዳኛ ተደርጋ ተሾመች። ከዕለታት በአንዱ ቀን ሁለት ተሟጋቾች ተካሰው ከፊቷ ይቆማሉ። በህጉ መሠረት ከሳሽ ተከሳሽ አድርሶብኛል የሚለውን በደል መዘርዘር ይጀምራል።

  "እንዲህ አደረገኝ፣ እንዲህ ሰራኝ፣ እንዲህ ምናምን፣ እንዲህ ምናምን" እያለ ሲዘረዝር;
   ዳኛዋ አልቻለችም ተንሰቅስቃ ማልቀስ ጀመረች። የቅርብ ዘመድዋ የሞተባት ይመስል ስቅ…… ስቅ……… እያለች ማልቀስ


አስበኸዋል??………
   ችሎት ላይ ከሳሽ ብሶቱን ሲዘረዝር ዳኛዋ ገና የተከሳሹ ምላሽ ሳትሰማ ስታለቅስ???

  ወድያው የሀገሩ መንግስት ከቦታዋ አስነሳትና ለቦታው የሚመጥን ጠንካራ ሰው ቀየረባት።

✔️ሴቶች ሴትነታችሁ የሚመጥን ቦታ ላይ ሁኑ!! ነው መልእክቱ።





https://t.me/hamdquante/11201

✔️
ኢማን በልብ ነው ሆኖም……………

ኢማን በልብ ነው፧ ሆኖም ባህሪህ ኢማንህ ይገለፃል!!

ኢማን በልብ ነው፧ ሆኖም አለባበስህ ኢማንህ ይገልፀል!!

ኢማን በልብ ነው፧ ሆኖም አነጋገርህ ኢማንህ ይገልፀል!!

ኢማን በልብ ነው፧ ሆኖም የስልክህ ጥሪ ኢማንህ ይገልፃል!!

ኢማን በልብ ነው፧ ሆኖም የስልክህ wallpaper ኢማንህ ይገልፃል!!

ኢማን በልብ ነው፧ ሆኖም የፕሮፋይል ስቶሪህ ኢማንህ ይገልፃል!!


👎ኢማን በልብ ነው ሲባል;
   እንደ አደራ ዕቃ ልብ ውስጥ ተቀምጦ ውጫዊ አካሎች የፈለጉትን ቢሰሩ እሱ የማይነቃነቅ ቁስ ነው ማለት አይደለም።

✔️ኢማን በልብ ነው ማለት፦
   መሠረቱ፣ ማረፊያው፣ መርጊያው፣ መቆጣጠሪያው ልብ ውስጥ ነው ማለት ነው።


   ውጫዊ አካሎች የሚያደርጉት እያንዳንዱ እንቅስቃሴ ውስጥ ባለው ትዕዛዝ ነው። ልብህ ውስጥ ያለው ኢማን ከሆነ ገፅታ በኢማን ይመሰክራል።
 

👎ስራህ፣ ንግግርህ፣ ሙሉ ባህሪህ ተበላሽቶ "ልቤ ንፁህ ነው: ኢማን በልብ ነው" ብትል ከነፍስህ ሌላ ማንንም አታሞኝም!!




https://t.me/hamdquante/11203

💎
ስለ ዱንያ እና አኼራ ምንነት ከማንም በበለጠ ጠንቅቀው የሚያውቁት ነብያቶች ናቸው።

  የትኛውም ነብይ አጀሉ በደረሰ ጊዜ መለከል መውት መጥቶ ሩሑን ከጀሰዱ ከመለየቱ በፊት "ዱንያ ላይ ከመቆየትና ወደ አኼራ ከመሻገር" የቱ እንደሚመርጥ እንዲያስመርጠው ከጌታው ይታዘዛል።

   ከዱንያ መጠቃቀሚያ እና ከአኼራ የቱ እንደሚመርጥ ምርጫ ቀርቦለት ዱንያን የመረጠ አንድም ነብይ የለም!!


✔️ዐዋቂዎች ሁሉ በተስማሙበት…………
   ዱንያ ላይ የመቆየት ዋነኛው ግብ ለአኼራ ለመሰነቅ ነው!!




https://t.me/hamdquante/11207

📍
ተውበት የዕድሜ ልክ ስራ ነው‼️

በሕይወት እስካለህ ድረስ ሁሌም ተውበት ታደርጋለህ። አንዴ ቶብተህ አብቅቷል የሚባል ነገር የለም። ዛሬ ካጠፋህ ዛሬ ተውበት ታደርጋለህ፤ ነገ ብታጠፋ ነገም ተውበት ታደርጋለህ!!
በዚሁ መልኩ ይቀጥላል!!
/ከሸይኽ ሙሓደራ/




https://t.me/hamdquante/11208

✏️
መሻኢኾች የሚመጡት ለጉብኝት ሳይሆን ለለውጥ ነው‼️


📍የሙእሚን ልብ እንደ ለም መሬት ነው። ለም መሬት ዝናብ ባገኘ ጊዜ ቡቃያውን እንደሚያበቅለው ሁሉ፤ የሙእሚን ልብ ተዝኪራ ባገኘ ጊዜ ኢማኑ ጨምሮ ያብባል።


⛔️የምንሰማው ምክር እንዲሁ የተጠናቀረ ዜና አይደለም። ከሰራህበት የምትጠቀምበት: ከተውከው የምትጠየቅበት የጌታህ መልእክት ነው።


🌐መሻኢኾች ዘይረው ሲሄዱ በዒልማቸው ተገርመን: አኽላቃቸው አድንቀን: በእርጋታቸው ተማርከን ብቻ የምናሳልፈው ከሆነ መምጣታቸው መምከራቸው እኛ ላይ ተጠያቂነት የሚያበዛ መዘዝ ብቻ ነው የሚሆንብን።


🟢የማር ወለላ ጠብ ከሚልበት አንደበታቸው በሚወጣው ምክር ተጠቅመን፧ እንደ መልካም አባትነት በሚያሳዩን አቅጣጫ ተጉዘን፧ ኢማናችንና ዒባዳችን ላይ ለውጥ የምናሳይ ከሆነ ተልዕኮው ከማሳካት በተጨማሪ የእነርሱ ውለታም ከመመለስ ነው!!


🔴የመሻኢኾች ዝያራና ዳዕዋ አላህ አግርቶልን ስለበዛልን ተላመድነው እንጂ……… ወላሂ እጅግ በጣም ትልቅ የሆነ: እንክብካቤና ጥበቃ የሚያስፈልገው ፀጋ ነው!!


💱ብዙ ሰዎች አካላቸው ታመው ህክምና ፍለጋ ስንት ሀገራት እያቆራረጡ እያየን;
  የአካላችን ሁሉ ንጉስ የሆነው ልባችን ሊያክሙንና የሁልጊዜ ምኞታችን የሆነውን ጀነት መንገዱ በይበልጥ ሊጠቁሙን ብዙ ሀገራት አቋርጠው በሚመጡ ዑለማዎች መጠቀም የማንችልና በቸልታ የምናሳልፍ ከሆንን፧ ምን አልባትም በዚህ ሰበብ ሌሎች ፀጋዎችንም እንዳናጣ የሚያሰጋ ትልቅ ገፍላ ነው።

    🤲አላህ ይወፍቀን🤲



🖊ሐምዱ ቋንጤ ከፉርቃን ሰማይ ስር!!
🔵🔵🔵👇👇👇🔵🔵🔵

https://t.me/hamdquante/11209

🕋 ✅ልዩ የዑምራ ፓኬጅ🎁✅

🎙11ኛውን ዙር የሚመራው ኡስታዝ                

           💥  surprise. ነው🎉

ከተወዳጁ የለምለም ትራቭል✈️

ሁለት ጁመአዎችን በሁለቱ ሐረሞች
       ልብህ በተውባ፣
        ገላህ በዘምዘም፣
  🚨ሩሕህም በሐረመይን ተረጋግቶ፤
ከዱንያ ጭንቀቶች ለጥቂት ቀናት ተላቀህ፣የዱንያና የአኺራ ሐጃህን ለሰሚው እና ለአዛኙ ጌታህ የምታቀርብበት ውብ አጋጣሚ

የረሱልﷺ ማረፊያ የሆነችው መዲነቱል ሙነወራ ጨምሮ

➡️🎓የተለያዩ ታሪካዊ ቦታዎች ዝያራ
➡️✈የደርሶ መልስ የአየር ትኬት
➡️ 🎓የባስ ትራንስፖርት
➡️💳አመታዊ የዑምራ ቪዛ
➡️🎓 የሆቴል ክፍያ
➡️🎁አጠቃላይ የዑምራ ጉዞውን ያካተተ ልዩ ፓኬጅ ተዘጋጅቷል

ጥቅምት2⃣6⃣ እስከ ህዳር 0⃣6⃣

November 0⃣5⃣–Nov1⃣5⃣

ኢንሻአላህ ያማረ ቆይታ ይኖረናል

🫱ይህንን ዕድል ሳያስመልጡ አሁኑኑ ይደውሉ! ፈጥነው ይመዝገቡ📝

🫱0911674580
🫱0911904297
🫱 0922448888

አድራሻ📍ቤተል ሚና ሞል 2ኛ ፎቅ ላይ እንገኛለን።

✅Telegram:
https://t.me/Yelemlem_travel

✏️
ወንጀል ስትሰራ ከምታገኘው የእርካታ ጥፍጥና;

ወንጀሉ ከሰራኸው በኋላ የሚሰማህ የቁጭት ህመም በእጥፍ ይበልጣል‼️




https://t.me/hamdquante/11213

📖{وَلَوْلَا أَن ثَبَّتْنَاكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلًا}
{(እኛ) ባናፀናህ ኖሮ ወደነሱ ጥቂትን (ዝንባሌ) ልትዘነበል በእርግጥ በተቃረብክ ነበር፡፡}


ትልቁ የቁርኣን ሙፈሲር ቀታዳ እንዲህ ይላል፦

    ይህንን አንቀጽ ከወረደ በኋላ ነብዩﷺ «🤲አላህ ሆይ ለዐይን ቅጽበት ያህል እንኳ ወደራሴ አታስጠጋኝ» እያሉ ዱዐ ያደርጉ ነበር።




https://t.me/hamdquante/11214

✍️
ከሰዎች ሁሉ ክፉው ማን ነው? ሲሉት;

መጥፎ ጥርጣሬ ስላለው ማንም የማያምንና
መጥፎ ባህሪ ስላለው ማንም የማያምነው ሰው ነው አለ።




https://t.me/hamdquante/11215

📖{خَافِضَةٌ رَّافِعَةٌ}
{ዝቅ አድራጊና ከፍ አድራጊ።}

 ☝️አላህ እውነተኞቹ ወደ አዕላ ኢሊዪን ከፍ ሲያደርጋቸው፤ ከሀዲና ውሸታሞች ወደ አስፈለ ሳፊሊን ዝቅ ያደርጋቸዋል!!
  በዱንያ ቆይታ ላይ ያላቸው ሹመት፣ ያገኙት ማዕረግ፣ ዝናም ይሁን ሀብታቸው አይሸንግልህ።


   አኼራ ላይ ትክክለኛው፣ እውነተኛውና የመጨረሻው ደረጃቸው በመስጠት ታስተካክላቸዋለች።
ያኔ…………


   እውነተኛው ከፍታ የሚገባው ለማን እንደሆነና ለማን እንደማይገባው በእርግጥም ትመለከታለህ!!
   ዱንያ ላይ የነበሩ መመዘኛዎች ከንቱ መሆናቸውም ያኔ ትገነዘባለህ!!


📖{فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ}
  {ከእሳት የተራቀና ጀነትን የገባ በእርግጥም ምኞቱን አሳክቷል: የዱንያ ሕይወት ማታለያና መሸንገያ እንጀ ሌላ አይደለችም።}




https://t.me/hamdquante/11216

❓
ይህንን ሁሉ ለጨዋታ ነውን⁉️


📍በእናታችን ማህፀን ሳለን እኛ ላይ የሚመደብ መላኢካ አለ።
  ከዐብደላህ ኢብኑ መስዑድ ስለ አፈጣጠር በተላለፈው ሐዲስ፦
«……ثم يرسل إليه الملك فينفخ فيه الروح، ويؤمر بأربع كلماتٍ……»
«……ከዝያም ወደሱ መላኢካ ይላክና ሩሕ ይነፋበታል፤ አራት ነገሮች (እንዲፅፍም) ይታዘዛል……»


📍በዱንያ ላይ ስንኖር እኛ ላይ የሚመደቡ መላኢካዎች አሉ።
አላህ እንዳለው፦
{وَإِنَّ عَلَيْكُمْ لَحَافِظِينَ}
{በእናንተ ላይ ተጠባባቂዎች አሉ።}
{كِرَامًا كَاتِبِينَ}
{የተከበሩ ፀሓፊዎች የሆኑ።}


📍አጀላችን ደርሶ ሩሓችን በምትወጣ ጊዜ እኛ ላይ የተመደበ መላኢካ አለ።
አላህ እንዳለው፦
{قُلْ يَتَوَفَّاكُم مَّلَكُ الْمَوْتِ الَّذِي وُكِّلَ بِكُمْ ثُمَّ إِلَىٰ رَبِّكُمْ تُرْجَعُونَ}
  {ያ በእናንተ ላይ የተወከለው መለከል መውት ይገድላችኋል፤ ከዝያም ወደ ጌታችሁ ትመለሳላችሁ በላቸው።}


📍ቀብር ውስጥ ስንገባ እኛ ላይ የተመደቡ መላኢካዎች አሉ፦
ከአቡ ሁረይራ በተላለፈው ሐዲስ ስለ ቀብር ክስተት ሲናገሩ፦
« إِذَا قُبِرَ الْمَيِّتُ …… يُقَالُ لأَحَدِهِمَا الْمُنْكَرُ وَالآخَرُ النَّكِيرُ
  «አንድ ሟች ሲቀበር ሁለት መላኢካዎች ይመጣሉ…… አንዱ ሙንከር ሲባል ለሌላኛው ነኪር ይባላል።»


  አላህ ከጅምራችን እስከ መጨረሻችን ታማኝና ታዛዥ የሆኑ መላኢካዎቹ በእኛ ላይ መድቦ እንዲህ የሚንከባከበን እና የሚቆጣጠረን እንዲሁ ዝም ብሎ ለጨዋታ ሊሆን ይችላልን??
ላ ወላህ! ይህማ ለጨዋታ ሊሆን አይችልም‼️


  ባይሆን ግን አላህ እኛን የፈጠረበት ትልቅ ዐላማ ስላለው ያንን ዐላማ የጠበቀ አስደሳች በሆነ ምንዳ ሊመነዳውና
ላማውን የተቃረነ አሳማሚ በሆነ ቅጣት ሊቀበለው ነው።

ይህ ትልቁ ዐላማ ደግሞ
👇
👉ለአላህ ብቻ ባርነትን ማረጋገጥ ነው‼️




https://t.me/hamdquante/11217