🦵
እናንተ ሰፈር ምን አልባትም ጫማ ሲሸጥ ይሆናል የምታውቀው;

  እዚህ ግን እግር ይሸጣል፤ እግር ይለካል፤ እግር ይሰፋል፤ እግር ይቀየራል።
  የተሸከምከውን የዓፊያ ፀጋ ክብደት የምታውቀው: እሱን አጥተው ስቃይ ላይ የወደቁትን ስትመለከት ነው።


ሁሌም……………
   ሙሉ ዓፊያ ለሰጠህ ጌታህ ሳትታክት አመስግን!!


     «አንድ ሰው ከኢማን በኋላ ከዓፊያ የበለፀ ጠጋ አልተሰጠውም።»






https://t.me/hamdquante

✍
   ኢማም ሐሰኑል በስሪ ተጠየቀ…………

  አንድ ሰው ወንጀል ይሰራል: ከዝያም ተውበት ያደርጋል። አሁንም ወንጀል ይሰራል: አሁንም ተውበት ያደርጋል። አሁንም ወንጀል ይሰራል: አሁንም ተውበት ያደርጋል። እስከመች ነው እንዲህ ሚዘለቀው??? ሲሉት;

   ይህ ነገር የሙእሚን ባህሪ መሆኑን እንጂ ሌላ አላውቅም አላቸው!!


አሁንም ወንጀል ሰርተሃል ኣ??? አሁንም ተውበት አርግ!!



https://t.me/hamdquante

✍
   ኢማም ኢብኑል ቀይም የሰሓባዎች ጥንቃቄ አስመልክቶ ሲናገር፦

   ሰዎች ነበሩ: ልባቸው በኢማንና በእውነት የተሞላ፤ ከመሆኑም ጋ ለንፍቅና ያላቸው ፍርሓት ብርቱ፣ ስለ ንፍቅና የነበራቸው ሀሳብ ከባድ ነበር።

   ከእነሱ ውጪ ያሉ በርካታ ሰዎች ግን: ኢማናቸው ጉሮሮኣቸው እንኳ የማያልፍ ሆኖ ሳለ; የጅብሪልና የሚካዒል ኢማን ያላቸው ዓይነት ይሞግታሉ።





https://t.me/hamdquante

✍
ሙናፊቆች ማለት፦
    ከሰዎች ሁሉ ተክለቁመናቸው ያማረ፤ ንግግራቸው የለሰለሰ፤ ገለፃቸው የረቀቀ;
   ልቦቻቸው የቆሸሸና አቅማቸው የደከመ ናቸው።

እነርሱ ማለት፦
   ምንም ፍሬ የሌለውና ተደግፎ እንደቆመ ግንድ ናቸው። ከማሳው ላይ ተነቅሎ ሰው ገፍቶ እንዳይጥለው አጥር ተደግፎ እንደቆመ ግንድ ናቸው።
           /ኢማም ኢብኑል ቀይም/




https://t.me/hamdquante

✍
አላህ ከራሕመቱ ከለጋስነቱ…………

  ብዙ ትላልቅ ምንዳ የሚገኝባቸው ዒባዳዎች መንገዳቸው ገር ቀላል ያደርገዋል።

ምክንያቱም፦
   አላህ ከአንተ የሚፈልገው ንፁህ ልብ ይዘህ የተቻለህ ጥረት በማድረግ ለእሱ ባርነት ማሳየት እንጂ;
   የአንተ መድከምና መቸጋገር ብቻው ለአላህ ሐጃው አይደለም።


ምሳሌ ተመልከት……………
    ከሱና ሰላቶች ሁሉ ትልቅ ምንዳ ያለው፤ ከዚህም አልፎ ከፊል ዑለማዎች ከፊል ሰዎች ላይ ግዴታ ነው እስከማለት የደረሱት ትልቁ ሱና ሰላት ዊትር (የለይል ሰላት) ነው።
  የለይል ሰላት ቱሩፋቶቹና በላጭነቱ ብቻ ይዘርዘር ቢባል ራሱን የቻለ ትልቅ ኪታብ የሚያስፈልገው ትልቅ አጀንዳ ነው።

ይህ ሆኖ ሳለ……………
    ከሱና ሰላቶች ሁሉ ቲንሽ በመስገድ የሚያብቃቃው ይህንኑ የለይል ሰላት ነው!!

   የትኛውም ሱና የሆነ ሰላት ለመስገድ ቲንሹ ቁጥር ሁለት ረከዐ ነው፤ የለይል ሰላት ከሆነ ግን አንድ ረከዐ ብቻ በመስገድ መብቃቃት ይቻላል!!

  ትልቅ ምንዳ ያለው የዊትር ሰላት: ቲንሹ ቁጥር (1ረከዐ) በመስገድ ይገኛል!! ለጨመረ አላህ ይጨምርለታል!!


ሁለተኛው ምሳሌ…………
   እንደ ጥቅል ከሱና ሰላቶች ሁሉ በላጩ የለይል ሰላት ሲሆን; ከፈርድ ሰላት በፊትና በኋላ ከሚሰገዱ ሱና ሰላቶች ሁሉ በላጩ ከፈጅር በፊት የሚሰገደው 2ረከዐ ነው።

  ይህም በተመሣሣይ መልኩ ረዋቲብ ከሆኑ የሱና ሰላቶች ሁሉ ረሱልﷺ አሳጥረው ይሰግዱት እንደነበር የተጠቀሰው ሰላት ነው!!




https://t.me/hamdquante

✍
  ድሮ ድሮ ስሙ ሐራም ነበር፤ ከዝያ ነውር ተብሎ ተቀየረለት፤ ከጊዜ በኋላ ስህተት መባል ተጀመረ፤ ይህንን ሁሉ አለፈና መብት ተብሎ ተሰየመ።

   በዚህም አላበቃም እድገትና ስልጣኔ ተባለ፤ ከዝያም ስራው ያውጣው ተባለ፤ ከዝያም ፉጡሮች ለፈጣሪያቸው መተው የሚል ተጀመረ፤ ከዝያም ሁሉም ሰው እኮ ይሰራዋል ተባለ፤ ከዝያም ምን አንተ ስንት ነገር እየሰራህ ይህን ታካብዳለህ እንዴ? ተባለ፤ በመጨረሻም ምን አልባትም ሌላ ነገር ከመስራት ይህ ይሻላል ተባለ።


  በዚህ መልኩ ነው ብዙ ከባባድ የሆኑ ወንጀሎች ዛሬ ላይ ማህበረሰቡ ዘንድ ተለምደው እንደ ተራ ነገር ኖርማል ተደርገው ለመታየት የበቁት።

  ሁሉም ሰው ቢሰራውም: ዐስር ዓይነት ስሞች ቢቀያየሩለትም: ሐራም ሐራም ነው!!




https://t.me/hamdquante

✍
ምን አልባትም……………
  የሰው ዐይን አግኝቶህ: ወይም ሐሲድ አይቶህ ላይሆን ይችላል።

የሙሲባህ ምክንያት፦
   አላህ ማመስገን እያለብህ በተዘናጋኸው ፀጋ ሰበብ ቢሆንስ???



https://t.me/hamdquante/11271

✍
የዕውቀት ሙሲባው => ኩራት
የዒባዳ ሙሲባው => ሪያ ነው
/ሸይኹል ኢስላም/



https://t.me/hamdquante

📖{إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَٰنُ وُدًّا}
  {እነዚያ ያመኑና መልካም ሥራዎችን የሠሩ አል_ረሕማን ለእነሱ ውዴታን ያደርግላቸዋል፡፡}


ኢብኑ ዐባስ ይህንን ሲፈስር፦
  "አላህ ይወዳቸውና ባሮቹም ዘንድ ያስወድዳቸዋል" ይላል።



https://t.me/hamdquante

🕋
ስለ ዑምራ አፈፃፀም ብዙ ሰምታችሁ ይሆናል።


ለዑምራ ከመወጣቱ በፊት ስለሚደረጉ አዳቦች ኢንሻ አላህ ዛሬ እናያለን!!


👇 👇 👇 👇 👇

https://t.me/hamdquante

🕋
   አንድ ሰው ዑምራ ለማድረግ ከመውጣቱ በፊትና ከወጣ በኋላ ሊተገብራቸው የሚገቡ ስርዓቶች!!


1ኛ, የተሟላ ተውበት ማድረግ!!
    የሚጓዘው ረዥምና አስቸጋሪ መንገድ እንደመሆኑ ከወጣ በኋላ የሚሆነው የሚገጥመው አይታወቅምና ከሚያውቃቸውም ይሁን ከረሳቸው ወንጀሎች ሁሉ ተውበት አርጎ መጥራት አለበት። እንዲሁም የጌታውን ጥሪ ተቀብሎ ጌታውን በቅዱስ ስፍራ ሊገናኝ ነውና የሚሄደው ለተቀደሰው ግንኙነት ንፁህ ልብ ማዘጋጀት ይኖርበታል።

2ኛ, ወስያ መፃፍ!!
   ማን ላይ ምን እንዳለውም ይሁን እሱ ላይ ለማን ምን እንዳለው ግልፅ በሆነ መልኩ ዘርዝሮ መፃፍ ወይም ለቤተሰቦቹ ማሳወቅ ይኖርበታል።

3ኛ, የወጪ ማስቀመጥ!!
    ለቤተሰቦቹም ይሁን ሌላ በእሱ የሚተዳደሩ ሰዎች ካሉ እስከሚመለስበት ቀን ድረስ የሚበቃቸው የሆነ የወጪ ማስቀመጥ ወይም አስቤዛ ማዘጋጀት አለበት።

4ኛ, ስለ ዑምራ አፈፃፀም በቂ የሆነ ግንዛቤ መያዝ!!
    በተቻለው ያህል ወደ ዑምራ ከመውጣቱ በፊት መማርና ማጥናት አለበት። የሚረሳ ወይም የሚምታታበት ከሆነ በዚህ ዙሪያ የተፃፈ ማስታወሻ ወይም ኪታብ መያዝ ወይም ከሚመራው ሰው ጋ አብሮ መንቀሳቀስ አለበት።

5ኛ, ወጪው ከሐላል ብቻ ማድረግ!!
   ለዑምራ የሚያወጣው የትኛውም ዓይነት ወጪ ከሐላል ብቻ የተገኘ: ከየትኛውም ዓይነት አጠራጣሪ ከስብ የፀዳ መሆን አለበት።

6ኛ, ደጋግ ባልደረቦች መምረጥ!!
  ለብቻ ከመጓዝም ይሁን ዝንጉ ጓደኞች ከመያዝ ተጠንቅቆ በዒባዳ የሚያበረታቱት፤ በመልካም የሚደግፉትና፤ ከስህተት የሚመልሱት ሸጋ ባልደረቦች መርጦ መያዝ ይኖርበታል።

7ኛ, ተሰናብቶ መውጣት!!
   ለቤተሰቦቹና ለቅርብ ባልደረቦቹ ተሰናብቶ፤ ለአላህ አደራ ሰጥቷቸው መውጣቱ ይወደድለታል።

8ኛ, አዝካርን ማብዛት!!
   ጉዞው ላይ ወደ ከፍታ ሲወጣ አላህን ማላቅ፤ ዝቅታ ሲወርድ አላህን ማጥራት፤ በሚያርፍ ጊዜ ከፉጡራን ክፋት በአላህ መጠበቅ እና የመሣሠሉ አዝካሮች ማብዛት ይኖርበታል።

9ኛ, ሐሙስ ቀን መውጣት!!
   ከተቻለና ከተመቻቸ ጉዞው ሐሙስ ቀን ማድረጉ የተረሳ ሱና ነው።

10ኛ, መልካም ስነ_ምግባር መላበስ!!
   ከባልደረቦቹም ጋ ይሁን ከየትኛውም ከሚገናኘው አካል ጋ የፈገግታ ፊት፣ የለሰለሰ አነጋገርና ትሁት ባህሪ ሊኖረው ይገባል። ጭቅጭቅ፣ ድርቀት፣ ግትርነትና ንፉግነት ሊጠነቀቅ ይገባዋል።

11ኛ, ሴት ተጓዥ ከሆነች ያለ መሕረም መጓዝ አይበቃላትም!!

12ኛ, አምስቱም አውቃት ሰላቶች ተጠባብቆ በጀምዐ መስገድ!!

13ኛ, በተለይ ቤተሰቦቹ አብረውት ካልሆኑ በፍጥነት ተቻኩሎ መመለስ ይኖርበታል!!

14ኛ, ወደ ቤቱ ሲመለስ ምን አልባት አሳውቆ ከሆነ እንጂ በምሽት ድንገት መግባት የለበትም!!

15ኛ, ወደ ሰፈሩ ሲመለስ ቤት ከመግባቱ በፊት ለቤቱ ቅርብ ባለው መስጂድ 2ረከዐ ሰላት ሰግዶ መግባት ይወደድለታል። ይህ የተረሳ ትልቅ ሱና ነው!!



      🖊በአቡ ሙስሊም
👇
👉https://t.me/hamdquante

✍
ኩራተኛ ምሳሌው………

የተራራ ጫፍ ላይ እንደቆመ ሰው ነው;
ሁሉም ሰዎች ቲንሽ መስለው ይታዩታል: እሱም ለሁሉም ሰዎች ቲንሽ ሆኖ ይታያቸዋል!!




https://t.me/hamdquante

✍
በሰላሙ ጊዜ የምታደርገው ዒባዳ: በመከራው ጊዜ የመዳኛ ዋስትናህ ነው!!

  ከመልካም ስራ ምንም ሳታሳንስ ዛሬ መስራት የምትችለውን ሁሉ ዛሬውኑ ስራ።

📖{فَلَوْلَا أَنَّهُ كَانَ مِنَ الْمُسَبِّحِينَ}
   {እርሱ ለጌታው ከሚያጠሩት ባይሆን ኖሮ፤}
{لَلَبِثَ فِي بَطْنِهِ إِلَىٰ يَوْمِ يُبْعَثُونَ}
  {እስከሚቀሰቀሱበት ቀን ድረስ በሆዱ ውስጥ በቆየ ነበር፡፡}




https://t.me/hamdquante/11281

✍
  አስበኸዋል???…………
   ምንም ዓይነት የወጪ ብርም ይሁን መጠለያ ሳይኖርህ: መስጂድ ውስጥ ተጠግተህ እየኖርክ: ከጊዜያት በኋላ
  በርካታ የረሱልﷺ ሐዲስ ያስተላለፈ ሰው የሚል ማዕረግ ሲሰጥህ??!!

   መዲና ውስጥ በረሱልﷺ መስጂድ ጥግ ላይ "ሱፋ" በመባል የምትታወቅ ቦታ ነበረች። ምንም ዓይነት ማረፊያና የቀን ወጪ የሌላቸው ደሀ ሰሓባዎች ተጠልለው የሚያርፉባት ቦታ ናት። ረሱልﷺ ለእነዚህ ምስኪና ሰሓባዎች እጅግ በጣም ያዝኑላቸው፣ ይራሩላቸውም  ነበር። ሌሎች ሰሓቦችም ለእነዚህ እንዲንከባከቡ፣ እንዲመግቧቸውም ያነሳሷቸው ነበር።

   ከእነዚህ አሳዛኝና ምስኪን ጀመዐዎች ውስጥ የረሱልﷺ የዘወትር ባልደረባና የንግግራቸው ሰብሳቢ ታላቁ ሰሓብይ አቡ ሁረይራ ይገኝበታል።

  አቡ ሁረይራ ረሀብና ድካሙ በጣም ሲፀናበት አንዳንድ ጊዜ በሚንበሩና በዓኢሻ ጎጆ መሃል ራሱን ስቶ ወድቆ ይወራጭ ነበር። አንዳንድ ከሌላ ቦታ የመጡ የማያውቁት ሰዎች ሲያዩት ዕብድ መስሏቸው ይረግጡታል ሁላ: እሱ ላይ ግን ረሀብ እንጂ ዕብደት አልነበረበትም።

   ይህ ሁሉ እየሆነም ግን ኑሮ ከብዶኛል ብሎ ረሱልﷺ ከመጎዳኘትም ይሁን ሐዲሳቸው ከመሰብሰብ አንድም ቀን አልተቋረጠም።

  እነዚህ ጥቂት የነበሩ የችግር ጊዜዎች ካለፉ በኋላ ግን ይኸው ትውልድ አልፎ ትውልድ ሲተካ: አቡ ሑረይራ ሰብስቦ ያስተላለፈው የረሱልﷺ ሐዲስ የሙስሊሞች መመሪያ ሆኖ ቀጥሏል።ከዚህ የበለጠ ስኬት አለ ወይ???


ምንም እንኳ በዚህ ልክ ባይሆንም……………
   አንዳንድ ጊዜ አንተም ላይ ለሰዎች የማይታያቸው መከራ እየተፈራረቀ፤ ምቾት ፊቷን አዙራብህ፤ ዱንያ ኮረብታ ሊሆንብህ ይችላል። ለጥቂት ጊዜያት ታግሰህ ፀንተህ የምታስቀጥለው ተልዕኮ ምን አልባትም ሌሎች መድረስ ያልቻሉበት ስኬት የምታገኝበት መንገድ ሊሆን ይችላል።

  ይህም ቀን ያልፋልና  ታገስ!! ፅና!!



https://t.me/hamdquante