✍
በሰላሙ ጊዜ የምታደርገው ዒባዳ: በመከራው ጊዜ የመዳኛ ዋስትናህ ነው!!

  ከመልካም ስራ ምንም ሳታሳንስ ዛሬ መስራት የምትችለውን ሁሉ ዛሬውኑ ስራ።

📖{فَلَوْلَا أَنَّهُ كَانَ مِنَ الْمُسَبِّحِينَ}
   {እርሱ ለጌታው ከሚያጠሩት ባይሆን ኖሮ፤}
{لَلَبِثَ فِي بَطْنِهِ إِلَىٰ يَوْمِ يُبْعَثُونَ}
  {እስከሚቀሰቀሱበት ቀን ድረስ በሆዱ ውስጥ በቆየ ነበር፡፡}




https://t.me/hamdquante/11281

✍
  አስበኸዋል???…………
   ምንም ዓይነት የወጪ ብርም ይሁን መጠለያ ሳይኖርህ: መስጂድ ውስጥ ተጠግተህ እየኖርክ: ከጊዜያት በኋላ
  በርካታ የረሱልﷺ ሐዲስ ያስተላለፈ ሰው የሚል ማዕረግ ሲሰጥህ??!!

   መዲና ውስጥ በረሱልﷺ መስጂድ ጥግ ላይ "ሱፋ" በመባል የምትታወቅ ቦታ ነበረች። ምንም ዓይነት ማረፊያና የቀን ወጪ የሌላቸው ደሀ ሰሓባዎች ተጠልለው የሚያርፉባት ቦታ ናት። ረሱልﷺ ለእነዚህ ምስኪና ሰሓባዎች እጅግ በጣም ያዝኑላቸው፣ ይራሩላቸውም  ነበር። ሌሎች ሰሓቦችም ለእነዚህ እንዲንከባከቡ፣ እንዲመግቧቸውም ያነሳሷቸው ነበር።

   ከእነዚህ አሳዛኝና ምስኪን ጀመዐዎች ውስጥ የረሱልﷺ የዘወትር ባልደረባና የንግግራቸው ሰብሳቢ ታላቁ ሰሓብይ አቡ ሁረይራ ይገኝበታል።

  አቡ ሁረይራ ረሀብና ድካሙ በጣም ሲፀናበት አንዳንድ ጊዜ በሚንበሩና በዓኢሻ ጎጆ መሃል ራሱን ስቶ ወድቆ ይወራጭ ነበር። አንዳንድ ከሌላ ቦታ የመጡ የማያውቁት ሰዎች ሲያዩት ዕብድ መስሏቸው ይረግጡታል ሁላ: እሱ ላይ ግን ረሀብ እንጂ ዕብደት አልነበረበትም።

   ይህ ሁሉ እየሆነም ግን ኑሮ ከብዶኛል ብሎ ረሱልﷺ ከመጎዳኘትም ይሁን ሐዲሳቸው ከመሰብሰብ አንድም ቀን አልተቋረጠም።

  እነዚህ ጥቂት የነበሩ የችግር ጊዜዎች ካለፉ በኋላ ግን ይኸው ትውልድ አልፎ ትውልድ ሲተካ: አቡ ሑረይራ ሰብስቦ ያስተላለፈው የረሱልﷺ ሐዲስ የሙስሊሞች መመሪያ ሆኖ ቀጥሏል።ከዚህ የበለጠ ስኬት አለ ወይ???


ምንም እንኳ በዚህ ልክ ባይሆንም……………
   አንዳንድ ጊዜ አንተም ላይ ለሰዎች የማይታያቸው መከራ እየተፈራረቀ፤ ምቾት ፊቷን አዙራብህ፤ ዱንያ ኮረብታ ሊሆንብህ ይችላል። ለጥቂት ጊዜያት ታግሰህ ፀንተህ የምታስቀጥለው ተልዕኮ ምን አልባትም ሌሎች መድረስ ያልቻሉበት ስኬት የምታገኝበት መንገድ ሊሆን ይችላል።

  ይህም ቀን ያልፋልና  ታገስ!! ፅና!!



https://t.me/hamdquante

✍
    አሕነፍ ኢብኑ ቀይስ ይባላል………

የበኑ ተሚም ጎሳ መሪያቸው ነበር። በቅፅል ስሙ "የዐረቦች ታጋሽ" በሚል ይታወቃል። ከዕለታት በአንዱ ቀን አንድ ገጠሬ ይመጣና ለአሕነፍ ፊቱን 🫲በጥፊ ይቦርሽለታል።

  አሕነፍ በተረጋጋ ስሜት "ምነው? ችግር አለ እንዴ?" ሲል ጠየቀው;
ገጠሬው: "የሆኑ ሰዎች የተወሰነ ብር ሰብስበው ሰጥተውኝ የበኑ ተሚም መሪ በጥፊ እንድመታ አዘውኝ ነው።" አለው
አሕነፍ: "ተሸውደሃል! የበኑ ተሚም መሪያቸው እኔ ሳልሆን ሓሪስ ኢብኑ ቁዳማ ነው" አለው።
  [ሓሪስ ኢብኑ ቁዳማ ማለት፦ በጣም ችኩል እና ቁጡ ሰው ነው።]

  ገጠሬው ወደ ሓሪስ ኢብኑ ቁዳማ በመሄድ የአምስቱም ጣቶቹ አሻራ በሚያሳይ መልኩ የሞቀ ጥፊ ፊቱ ላይ አኖረለት።

  ሓሪስ ለማሰብ እንኳ ጊዜ አልነበረውም;
🗡ሰይፉን ሳብ አደረገና የገጠሬው እጅ ጎምዶ አሳጠረለት።
   👌አሕነፍ ኢብኑ ቀይስ የፈለገው ይህንኑ ነበር!!




https://t.me/hamdquante

✍
አንዳንድ ኢማሞች ግን…………

ዛሬ ጁሙዐ በሰገድኩበት መስጂድ የሆነው…………
   ከኹጥባ በፊት "የዛሬው ኹጥባችን የሚሆነው……" ብሎ ከ50 ደቂቃ እስከ 1ሰዓት የሚረዝም ረዥዥዥም ሙሓደራ።

ከዝያስ?? አትሉም…………
   ከዝያማ ጀምዐው በዚህ ድክምምም አደረገውና የመጀመሪያው ኹጥባ 4ደቂቃ  ሁለተኛው ኹጥባ 3ደቂቃ

ኧረ ይደብራል!!





https://t.me/hamdquante

👌
    ለየት ባለ መልኩ………

  ወፋፍራም ሰዎች በደንብ አብዝታችሁ ዓፊያ መለመን ይኖርባችኋል!!

  የሆነ አደጋ ሲደርስባቸው ወይም ሲጎዱ ቀላል ነው እንዴ የሚሰቃዩት??!!
   ቤተሰባቸው የሚያየው ስቃይስ??!!

ወላሂ ለፌዝ አይደለም👇
   በተቻላችሁ ያህል ላለመወፈር ተጠንቀቁ!!




https://t.me/hamdquante

☕️
Wow የጉራንስ ሴቶች!!

በሐጃ ወደ አጠና ተራ አካባቢ ውዬ ዕርሜን ብዬ የተውኩት የመንገድ ላይ ☕️ቡና ብጠጣ;

👌ቦሌ ከምንጠጣው የስቲም ቡና በዐስር እጥፍ የተሻለ። ኧጅ የትረፍ!!


🫵"እንትን ተጨምሮበት ስለሆነ ነው" የሚል ይቦለካል።




https://t.me/hamdquante

✍
    ለሰደቃ ሲጠየቅ መቶ ሺህዎች ሚሊየኖች የሚሰጥ ሰው ለምን አይሆንም;
   ስልኩን የሰካበት ቻርጀር ነቅሎ እንዲሰጥህ ስትጠይቀው ደስስስ አይለውም።

የሚተዛዘኑ ባልና ሚስት ሆነው እንኳ………
"እንካ የኔን ሰካው" ስትለው ወይም "እንኪ የእኔን ሰኪው" ሲላት ፊታቸው ላይ ቅሬታ ይታያል።


  በዚህ ዘመን አንድ ሰው ምን ያህል ቸር እንደሆነ ማወቅ ከፈለክ;
   ስልኩ ቻርጅ ላይ ሰክቶት ሳለ ነቅሎ የአንተው እንዲሰካልህ ጠይቀው።

ድረድግ!!




https://t.me/hamdquante

✍
ሁሉም ሰው ማለት ይቻላል…………

   ታክሲ ውስጥ ሲገባ: ወይም ከጓደኞቹጋ በተቀማመጠበት;
   ስለ ትላልቅ ጉዳዮች የሚያወራበት ስልክ ሲደወልለት ደስስስ የሚለው ለምንድን ነው???




https://t.me/hamdquante

✍
  በጣም ብዙ ዕቅዶች አታቅድ። ምክንያቱም
      ሕይወት ለአንተ ብዙ ዕቅዶች አሏት!!

  አስተውለህ ከሆነ በሕይወትህ ውስጥ የሆኑት ነገሮች;
   አብዛኞቹ ከዕቅድህ ውጪ የሆኑ ናቸው።



🤝https://t.me/hamdquante

✍
   አስተውላችሁ ይሆን??…………

  አንዳንድ ጊዜ ምን አልባትም መስጂዶች ሲገነቡ ለጊዜያዊነት ተብለው የሚዘጋጁ ቦታዎች ሊሆኑ ይችላሉ። ወይም ከከተማ የራቁ ቦታዎች ይሆንና በዘመናዊነት ያልተገነቡ መስጂዶች ሊሆኑ ይችላሉ።

የሆነው ሆኖ……………
   በእነዚህ የዘመናዊነት ጌጥ ባላገኙ መስጂዶች ውስጥ ሲሰገድ የሚገኘው ሰኪናና ሑሹዕ የተለየ ነው!!



https://t.me/hamdquante

🫵
   አንዳንዶቹ ሰው ላለማስቀየም የሚሄዱበት ርቀት የሚገርም ነው!!

  ጓደኛሞች ናቸው። አብረው ጉዞ ወጥተዋል። ከመሃል ለአንዱ
"ሂድ ስጋ ገዝተህ ና" አሉት።
"እኔ ግዢ አልችልም" አለ።

  ሌላኛው ተልኮ ሄዶ ገዝቶ መጣ። ስጋው ከመጣ በኋላ "ግዢ አልችልም" ላለው;
  "አሁን እሳት አቀጣጥልና ይጠበስ" አሉት።
  "ኧረ እኔ እሳት ማንደድ አልችልም" አለ።

እሳቱን አነደዱትና;
  "በል እሺ ጠባብሰህ አቀራርበው" አሉት።
  "ውይ ይበላሽብኛል: ምንም ጠብሼ አላውቅም" አላቸው።

ጠባበሰው አዘገጃጅተው ካቀረቡት በኋላ;
  "ና እንብላ" ሲሉት…………
  "አሁንም እምቢ ካልኩማ ልትቀየሙኝ ነው" አለና መብላት ጀመረ።





https://t.me/hamdquante

✍
በሐይማኖታዊም ይሁን በፍልስፍና ሚዛን ገለልተኛ የሚባል ነገር የለም!!

ከሐቅ ጋ ያልሆነ ሰው ከባጢል ጋ መሆኑ አይቀሬ ነው!!


📖{فَذَٰلِكُمُ اللَّهُ رَبُّكُمُ الْحَقُّ ۖ فَمَاذَا بَعْدَ الْحَقِّ إِلَّا الضَّلَالُ}
  {እርሱ እውነተኛ ጌታችሁ አላህ ነው፡፡ ከእውነት በኋላ ጥመት እንጂ ሌላ ምን አለ?}



https://t.me/hamdquante/11296

✍
ከዛሬ 1145 ዓመታት ወደ ኋላ መልሼ ግሩም ክስተት ላስቃኛችሁ???



☕️እየጠጣችሁ ጠብቁኝ👇👇👇


.

✍
   ጉዞ ወደ ጧኢፍ…………
አሳዛኝ ፈተና ቢመስልም: በድንቅ ጥበብና ተኣምር የታጀበው ተኣምራዊው የነብዩﷺ ጉዞ!!

  የኡሑድ ዘመቻ ነብዩﷺ በአካል ተገኝተው ከተሳተፉባቸው ዘመቻዎች ሁሉ ከባድ የሆነ ችግር የገጠማቸው፤ ብዙ ስቃይ ያሳለፉበትና ሙስሊሞች ላይ አሳማሚና አሳዛኝ ክስተት የታየበት ከባድ ውጊያ ነበር። በዚህ ጦርነት ረሱልﷺ ጭንቅላታቸው ተፈንክቷል፣ ደማቸው ፈሷል፣ ብዙ ባልደረቦቻቸው ተሰውተውበታል፣ ለረሱልﷺ የዐይንና ጆሮ ያህል ቅርብና ተወዳጅ የነበረው ሐምዛ ተገድሎበታል። ይህ ሁሉ ስለተከሰተበት ሰሓቦች ዘንድ በረሱልﷺ የዳዕዋ ጉዞ ላይ ከኡሑድ ዘመቻ ቀን የበለጠ ከባድ ክስተት ያለፈበት ቀን ያለ መስሎ አይታያቸውም ነበር። በመሆኑም……………

  ኡአሙል ሙእሚኒን ዓኢሻ ረዲየላሁ ተዓላ ዐንሀ
«የአላህ መልእክተኛ ሆይ! እንደው ከኡሑድ ዘመቻ ቀን በበለጠ አስቸጋሪ ቀን አልፎቦት ያውቃልን??» ብላ ጠየቀቻቸው። እሳቸውም;
   «አዎን!! የውሙል ዐቀባ ወደ ጧኢፍ የተጓዝኩበት ቀን» ብለው የሆነውን ዘረዘሩላት።


ወደ ጧኢፍ የተደረገው ጉዞ ምን ይመስል ነበር???

  ወደ ጧኢፍ የተደረገው ጉዞ እንዲሁ ተራ የደርሶ መልስ ወይም የጉብኝት ጉዞ አልነበረም። ይልቁንስ አላህ መልእክተኛውን በከባድ ፈተና ፈትኖ፣ ከተራራ በላይ የፀናው እምነታቸው በማሳየት፣ ከብረት የጠነከረው ሰብራቸው በመግለፅ፣ ጥልቅ የሆነው አዘኔታቸው በማጉላት፣ በየትኛውም የመከራ ጊዜ መሸሸጊያው ወደ አላህ ብቻ መሆኑን በተግባር ያሳየበት ታሪካዊ ጉዞ ነበር።

   ጊዜው መካ ለእስላማዊ ዳዕዋ አልለሰልስ ብላ፤ የገዛ ልጇና ወዳጇ በሆኑት በነብዩﷺ ላይ ፊት ነስታ፤ የረሱልና የዳዕዋቸው የጀርባ አጥንት በነበረችዋ በኸድጃ ሞት የረሱል ልብ የተሰበረበት፤ የረሱል ጠበቃና መከታ በነበረው በቁረይሾች ንጉስ በአቡ ጧሊብ ሞት የረሱል ሀዘን በበረታበት አስቸጋሪው ወቅት ላይ ነበር።
  በዚህም የቁረይሽ ቂሎች ከምንጊዜውም በላይ ረሱልﷺ ላይ የሚያደርሱት ስቃይ በርትቶ መካ ለሌሎች ሰፍታ ስታበቃ በረሱልﷺ ላይ ግን ጠበበችባቸው። ሀዘናቸው ላይ የጠላት ስቃይ ተጨምሮ ማረፊያ አጡ።

  በዚህም ጊዜ ረሱልﷺ አጋዥ ፍለጋ፣ አስጠጊ ፍለጋ፣ ረዳት ፍለጋ ፊታቸው ወደ ጧኢፍ አቀጣጩ። በነብይነት ከተላኩ ዐስረኛው ዓመት በሸዋል ወር: ከእሳቸው ጋ ኻዲማቸው ዘይድ ቢን ሓሪሳ አስከትለው ጉዞ ወደ ጧኢፍ……………

  ጧኢፍ እንደደረሱ ቀጥታ ህዝቡን ሰብስበው ከመጥራት ይልቅ ዲፕሎማሲያዊ በሆነ መንገድ መጠቀም ፈልገው ቅድሚያ የጧኢፍ መሪዎችን ማግኘት ፈለጉ። እነርሱም ዐብዱ ያለይል፣ መስዑድ እና ሑበይብ ነበሩ። ሦሥቱንም አግኝተው አናገሯቸው። እስልምና እንዲቀበሉ፤ እስልምና እንዲረዱና ህዝቦቻቸውም ወደ እስልምና አንዲያመላክቱ ጠየቋቸው። የሦሥቱም ምላሽ ግን ተመሣሣይ በሆነ መልኩ ማላገጥና ማፌዝ የተሞላበት ይበልጥ ቅስም የሚሰብር ነበር። "እንደው አላህ ሌላ ሰው አጥቶ ነው አንተን የላከው??¡¡ አንተ የአላህ ነብይ ከሆንክ እኔ አንተን የማናገር ክብር የለኝም፤ አላህ ላይ የምትቀጥፍ ውሸታም ከሆንክ ደግሞ ከአንተ ጋ የማባክነው ጊዜ የለኝምና ሂድልኝ" ብለው አሾፉባቸው።

  ነብዩﷺ እነዚህ ሰዎች እንደማይቀበሏቸው ካረጋገጡ በኋላ ትተው ተነሱ። ሌላ የፈሩት ነገር ግን ነበር =>ወደዚህ መምጣታቸውና እዚህም ተቀባይ ማጣታቸው ቁረይሾች ከሰሙ ይበልጥ ሊያሾፉባቸውና ሊያዋርዷቸው ነው። ስለሆነም ለእነዚህ ሦሥት ሰዎች «እንግዲያውስ የፈለኩትን ካልሰጣችሁኝ በአንድ ነገር አደራ ልበላችሁ: እናንተጋ መምጣቴንና ምን እንደመለሳችሁኝ ለማንም እንዳትናገሩ አደራ።» አሏቸው።
   ረሱልﷺየነበሩበት ሁኔታ አስቡት እስኪ!!


  የሰቂፍ መኳንንቶች ግን ረሱልﷺ ላይ አሹፈው መመለሱ ብቻ አላብቃቃቸውም። ወደ መንደር ተመልሰው የሰፈሩ ህፃናቶች፣ አገልጋዮች፣ ዕብዶችና ቂላቂሎች በአጠቃላይ ሰብስበው ረሱልﷺ ላይ እንዲጫወቱ ከኋላቸው ላኩባቸው። እነዚህም ቂላቂሎች ረሱልን ከኋላ ኋላ እየተከተሉ ይጮሁባቸዋል፤ ያፌዙባቸዋል፤ ድንጋይ እየወረወሩ እግራቸው እስኪደማና ጫማቸው በደማቸው እስኪርስ ድረስ አሰቃዯቸው። ይህ ሁሉ ሲሆን አብሯቸው የነበረው ዘይድ በእጁ በጀርባው ረሱልﷺን እየከለለ እሳቸው ላይ የሚወረወሩ ድንጋይና እንጨቶች እሱ ይመልስላቸዋል። በዚህ መልኩ እያባረሩና እያሰቃዩ ሲከተሏቸው ዑትባና ሸይባ ለተባሉ ወንድማማቾች የጋራ ማሳ የነበረበት ጋ ደረሱ። ዑትባና ሸይባ ማለት ቀንደኛ የረሱልና የኢስላም ጠላቶች ነበሩ።

   ረሱልﷺ እና ባልደረባቸው ወደ ማሳው ከገቡ በኋላ ድካማቸውና ህመማቸው ለማሳረፍ ወደ አንዲት ዛፍ ተጠግተው ከጥላው ስር አረፉ። በዚህም ጊዜ ነብዩﷺ በሙሉ ልባቸው ወደ አላህ ተቀጣጭተው ያ……… ሁሉም ሙስሊሞች ባነበቡትና በሰሙት ጊዜ እንባ የሚተናነቃቸው የሆነው አስለቃሽ ዱዐ አደረጉ፦

«اللهمّ إليك أشكو ضعف قوتي، وقلة حيلتي، وهواني على الناس، يا أرحم الراحمين، أنت رب المستضعفين وأنت ربي، إلى من تكلني؟ إلى بعيد يتجهمني؟! أم إلى عدو ملّكته أمري؟! إن لم يكن بك عليّ غضب فلا أبالي، ولكن عافيتك أوسع لي. أعوذ بنور وجهك الذي أشرقت له الظلمات، وصلح عليه أمر الدنيا والاخرة من أن تنزل بي غضبك، أو يحل عليّ سخطك. لك العتبى حتى ترضى، ولا حول ولا قوة إلا بالله»
  «አላህ ሆይ! የዐቅሜን ማነስ፤ የጉልበቴን መድከምና በሰዎች ዘንድ መዋረዴን ወዳንተ አመለክታለሁ፤
የአዛኞች ሁሉ አዛኝ የሆንከው ጌታ ሆይ! የደካሞች ጌታ አንተ ነህ፤ የእኔም ጌታ አንተ ነህ!!
ወደ ማን ትተወኛለህ??
  ፊቱን ወደሚያጨልምብኝ የሩቅ ሰው?? ወይስ ጉዳዬን በእጁ ወዳደረከው ጠላት??
ሆኖም ግን ጌታዬ;
  በእኔ ላይ የአንተ ቁጣ ከሌለብኝ: ሌላው ምንም አያስጨንቀኝም!! ……………»

የዚህ ትልቅ ዱዐ ቁንጮ ሀሳቡ;
  ረሱልﷺ ይህንን ሁሉ ስቃይ የደረሰባቸው አላህ ተቆጥቶባቸው እንዳይሆን መስጋታቸው ነበር። አላህ ካልተቆጣባቸው ግን የትኛውም ዓይነት ሙሲባ ቀላል መሆኑ ነው።

   ዑትባ እና ሸይባ ረሱልﷺ በዚህ ሁኔታ ላይ ሆነው ሲያዯቸው የዝምድና አንጀታቸው አልቻለም፤ ራሩላቸው። የሁለቱም አገልጋይ የነበረ ነይኑዋ ከምትባል የዒራቅ ግዛት የመጣ ዑዳስ የሚባል ነሷራ ባሪያ ነበራቸው። ጠርተውት "ለዛኛው ሰውዬ የተወሰነ ዒነብ ወስደህ ስጠው" አሉት። ባሪያው በአለቃዎቹ ትዕዛዝ መሠረት የተወሰነ ዒነብ ይዞ ለረሱልﷺ አቀረበላቸው።

   ረሱልﷺ ከዒነቡ ለመብላት «ቢስሚላህ» ብለው እጃቸውን ዘረጉ። በዚህ ጊዜ ይህ ባሪያ ክው ብሎ ደንግጦ ወደ ረሱልﷺ ፊት በአግራሞት እየተመለከተ;
  "እዚህ ሀገር እኮ እቺን ቃል የሚጠቀም አንድም ሰው የለም" አላቸው።
ረሱልﷺ «ዑዳስ ሆይ! ሀገርህ የት ነው? ሐይማኖትህስ ምንድን ነው?» አሉት።
ዑዳስ "ከነይኑዋ ግዛት ነኝ: ሐይማኖቴም ነሷራ ነው" አላቸው።
ረሱልﷺ «የሷሊሑ ሰው የዩኑስ ኢብኑ መታ ሀገር?» አሉ።
ዑዳስ ይበልጥ በመገረም "ዩኑስ ኢብኑ መታ እንዴት አወቅከው?" አላቸው።
ረሱልﷺ «እሱማ ወንድሜ ነው። ነብይ ነበር፤ እኔም ነብይ ነኝ» አሉት።
ዑዳስ በዚህ ጊዜ ራሱን መቆጣጠር አልቻለም። ረሱልﷺ ላይ ተደፍቶ አንዴ ግንባራቸው አንዴ እጃቸው እየሳመ ማልቀስ ጀመረ።


  ረሱልﷺ በዚህ መልኩ ቅስማቸው ተሰብሮ: ልባቸው ተጣቦ: ጭንቀታቸው ጨምሮ ወደ መካ መመለስ ጀመሩ። ይህንን ሁሉ ልብ አድሚ ክስተት ገጥሟቸው ሲመለሱ መንገድ ላይ አላህ  ያዘነው ልባቸው የሚያረጋጋ: የተረበሸው መንፈሳቸው የሚያድስ ተኣምር አደረገላቸው።


  ኡሙል ሙእሚኒነ ዓኢሻ ለረሱልﷺ«እንደው እርሶ ላይ ከኡሑድ ዘመቻ ቀን የበለጠ ከባድ ቀን አልፎቦት ያውቃልን?» ብላ ስትጠይቃቸው ይህንን አወሱላት………

  «እኔማ ከህዝቦችሽ (ከቁረይሾች) የደረሰብኝ ሁሉ ደርሶብኛል። እነርሱ ላይ ከደረሱብኝ ሁሉ ከባዱ ግን የውሙል ዐቀባ ቀን የተከሰተውን ነው። ወደ ኢብኑ ዐብድ ያለይል ቢን ዐብዱል ኪላል ጥገኝነት ጠየኩኝ: የፈለኩት ነገር ማግኘት አልቻልኩም። በጥልቅ ጭንቀት ውስጥ ሆኜ እየተጓዝኩ ቀርኑ ሰዓለብ የሚባለው ቦታ ስደርስ እንጂ አልነቃሁም ነበር። ራሴን ቀና አድርጌ ሳይ ደመና አጠልላኝ ተመለከትኩኝ።  ሳይ ጅብሪልም እሷ ውስጥ አገኘሁት።
  ሙሐመድ ሆይ አላህ ህዝቦችህ ለአንተ ምን እንዳሉህና ምን እንደመለሱልህ ሰምቷል፤ በእነሱ ላይ በፈለከው ነገር ልታዘው የተራራዎች ሀላፊ የሆነው መላኢካም ወዳንተ ልኮታል አለኝ።
  የተራራዎች ተቆጣጣሪ የሆነው መላኢካም ጠራኝና ሰላምታ አቀረበልኝ። ከዝያም እነሆ በፈለከው ነገር እዘዘኝ: ከፈለክ ሁለቱ ትላልቅ ተራራዎች ላጣብቅባቸው አለኝ።»

ረሱልﷺ ግን
  «ኣኣኣይ እንደውም አላህ ከዝርያዎቻቸው አላህ ላይ ምንም ሳያጋራ በብቸኝነት የሚያመልክ ትውልድ እንዲያወጣ ነው የምፈልገው» አሉ።
  በዚህም የረሱልﷺ ጥልቅ አዘኔታና ይቅርባይነት በግልፅ ታየ። ያንን ሁሉ ያረጓቸው ሰዎች እሳቸው ከፈለጉ የሚጠፉበት ቅጣት መጥቶ እንኳ: እነርሱ ከሰሩት ነውር ይልቅ ከእነርሱ ውስጥ ስለሚወለደው ትውልድ ተጨነቁ።


   ከዚሁ ጉዞ በመመለስ ላይ ሳሉ ዋዲ ነሕላ እሚባል ቦታ ሲደርሱ ሌሊት ነበርና አላህ ያገራላቸው ያህል የለይል ሰላታቸው ሰገዱ። ሰላታቸው ላይ ቆመው ሳሉ ነሲቢዪን ከሚባል ጎሳ የሆኑ ከፊል ጂኒዎች በአጠገባቸው አለፉ። በዚህም ረሱልﷺ ሰላታቸው ላይ ይቀሩት ከነበረው ቁርኣን አደመጡ። ረሱልﷺ ሰግደው ሲጨርሱ ቁርኣኑን ያደመጡ ጂኒዎች እስልምና ተቀብለው ወደ ህዝቦቻቸው በመሄድ ወደ እስልምና መጣራት ጀመሩ። ይህንን ክስተት አላህ በሱረቱል አሕቃፍ ውስጥ ጠቅሶታል።

   ይህ ከአላህ ለነብዩ የተሰጠ የማፅናኛ ስጦታ ይመስላል። ድጋፋቸው ከጅለው የሄዱባቸው ወገኖቻቸው ድጋፍ ካለመስጠት አልፈው አዋርደውና አነውረው ሲመልሷቸው ረሱልﷺ ጭራሽ ባላሰቡት መልኩ ከሰው ልጆች ውጪ የሆኑ የሌላ ዓለም ፍጡራኖች አጋዥና ረዳት አድርጎ የዳዕዋው አጋር አደረገላቸው።


   ጉዞው በዚህ መልኩ ተጠናቆ ወደ መካ ከደረሱ በኋላ ረሱልﷺ ቀጥታ ወደ መካ ለመግባት ፈሩ። የቁረይሾች የተለመደው ጭቆና አለ፤ ከዚህ በፊት የሚከላከልላቸው አጎታቸው ሙቷል፤ አሁን ላይ ወደ ጣኢፍ ሄደው የሆነው ሲሰሙ የበለጠ እልህ ሊይዛቸው ነው። በመሆኑም ቀጥታ ከመግባታቸው በፊት ከለላ ሊሰጣቸው የሚችል ሰው ማፈላለግ ጀመሩ። ወደ ተለያዩ የመካ መኳንንቶች ጋ ቢያስልኩም ለእሳቸው ከለላ ለመስጠት ፍቃደኛ የሚሆን ማግኘት አልቻሉም። በመጨረሻም ወደ ሙጥዒም ኢብኑ ዐዲይ አስላኩ: እሱ ግን ምንም እንኳ ሙሽሪክ ቢሆንም የከለላነት ጥያቄው ተቀብሎ "አብሽር እኔጋ ይምጡ" አለ። ረሱልﷺ ምሽቱን እሱጋ አድረው ጠዋት ላይ ሙጥዒም ረሱልﷺ ከለላ እንደሰጣቸውና ማንም እንዳይዳፈራቸው ለማሳወቅ ከስድስት ወይም ከሰባት ልጆቹጋ ሰይፋቸው ታጥቀው ለነብዩ አጅበው ወደ ካዕባ በመሄድ: ረሱልﷺ ጠዋፍ ሲያደርጉ ሙጥዒምና ልጆቹ ታጥቀው አጀቧቸው።


  በእርግጥም ረሱልﷺ ለሙጥዒም ይህንን ውለታው ይጠብቁለት ነበር። የበድር ዘመቻ ቀን እንኳ ከፊል የሙሽሪክ ወታደሮች ከተማረኩ በኋላ ነብዩﷺ
  «ሙጥዒም በሕይወት ቢኖርና በእነርዚህ ምርኮኞች ጉዳይ ቢያናግረኝ: ለእሱ ስል በነፃ አሰናብታቸው ነበር።» ብለዋል።


    የነብዩﷺ ባይተዋርነት፤ አጋዥና ረዳት የማጣት ህመም፤ የብቸኝነት ቁስል፤ የዐላዋቂ ተቀናቃይ ክፋት፤ ከሁሉም በላይ ለአላህ የሆነ ሰው አላህ እንደማይጥለው በግልፅ የታየበት ወደ ጧኢፍ የተደረገው ተኣምራዊው ጉዞ በዚህ ተቋጨ።


    ከዚህ ትልቅና አስገራሚ ከሆነው ጉዞ እያንዳንዳችን ለሕይወታችን ስንቅ የሚሆኑ በርካታ ትምህርቶች የምናገኝበት ሲሆን; በዋነኝነት…………

  በአላህ ላይ ሙሉ ለሙሉ ከመመካትም ጋ የተቻለን ያህል ሰበብ ማስገኘት!!

  አንድ ሰው በየትኛውም ዓይነት ሁኔታ ላይ ቢሆን ከዱዐ መቋረጥ እንደሌለበት!!

   አንድ ሰው የትኛውም ዓይነት ሙሲባ ሲደርስበት ከአላህ ቁጣ እንዳይሆን መፍራት እንዳለበት!!

   ወደ አላህ የሚጣራ የትኛውም ሰው ለሰው ልጆች በአጠቃላይ አዛኝና ሆደ ሰፊ መሆን እንዳለበት!!

   የአላህ ፈረጅና እገዛ ከመከራና ከትዕግስት በኋላ ይመጣል እንጂ: አላህ ወዳጆቹን በፍጹም እንደማይተዋቸው!!

   ወደ አላህ የሚጣራ ሰው ከምንም ነገር በላይ የተሟላ ውብ ስነ_ምግባር ሊኖረውና ትሆን መሆን እንዳለበት!!

  የእስልምና ዳዕዋ በሰው ልጆች ብቻ የተገደበ ሳይሆን አጠቃላይ ፍጥረተ_ዓለሙ ያካተተ መሆኑን እንገነዘባለን!!



https://t.me/hamdquante

✍
    ከፈጅር ሰላት በኋላ ፀሀይ እስከምትወጣ ድረስ ባለው ሰዓት መተኛት ሰለፎች ዘንድ የተጠላ ነበር።

ምክንያቱም፦
   ይህ ወቅት ሲሳይ የሚከፋፈልበት፣ በረከት የሚሰፍንበትና የምርኮ ወቅት ነው!!
       /ኢማም ኢብኑል ቀይም/




https://t.me/hamdquante

✍
ሰዎች ሁለት ዓይነት ናቸው፦ ዲን ፈላጊና ዱንያ ፈላጊ።

🔥ሸይጧን………
ለዲን ፈላጊዎች ወደ ሽርክና ቢድዐ ይገፋፋቸዋል፤
  ለዱንያ ፈላጊዎች አካላዊ ስሜታቸው እንዲከተሉ ይገፋፋቸዋል!!
        /ኢብኑ ተይሚያ/




https://t.me/hamdquante