✍
ሀምሳ ቢወለድ ሀምሳ ነው ጉዱ
እንደ አነስ ያለ  ይበቃል አንዱ‼️


  የበድር ዘመቻ ረሱልﷺ በአካል ተገኝተው የተሳተፉበት የመጀመሪያው ዘመቻቸው ነበር። በእሳቸው የነብይነት ዘመን የመጀመሪያው ዘመቻ ከመሆኑ በተጨማሪ ምንም ዓይነት ቅድመ ዝግጅትም ይሁን ስልጠና ሳይደረግለት በድንገት የታወጀ የጦር ዘመቻ ነበር።

   እንደምታውቁት ሙስሊሞች ለበድር ዘመቻ ሲወጡ ውጊያ አስበው ሳይሆን ያልታጠቁ ነጋዴዎች የሚነዱት የጠላት ሸቀጥ ለመማረክ ብቻ ነበር። ስለሆነም ለሙስሊም ዘማቾች ሰፊ ጥሪ ሳይደረግ፤ ሩቅ የነበሩት እስኪመጡ ሳይጠበቅ፤ ሌላው ይቅርና እዛው ተገኝተው ግን መጓጓዣቸው ሌላ ቦታ የነበረ ሰሓባዎች "መጓጓዣችን ሄደን እናምጣ" ሲሉ «አይሆንም!! እዚህ ያለ ሰው እዚሁ ያለ መጓጓዣ ብቻ ይዞ ይውጣ።» በሚል የረሱልﷺ ድንገተኛ ትዕዛዝ የተደረገ ዘመቻ ነበር። በመሆኑም ብዙ ከረሱልﷺ ጋ አንዲትም ጉዞ ወይም ዘመቻ እንዲያመልጣቸው የማይፈልጉ ሰሓቦች: በጊዜው እዛ ቦታ ላይ ባለመገኘታቸው ዘመቻው አምልጧቸዋል። ከእነርሱም ውስጥ ስሙ ጎልቶ የሚጠቀሰው;

   አነስ ኢብኑ ነድር የአነስ ኢብኑ ማሊክ አጎት ነው!!

  ረሱልﷺ በቅጡ ካልታጠቁና ጥቂት ባልደረቦቻቸው ጋ፤ በድር ላይ ጠብቀውት ከሄዱ ሌላ ገጥሟቸው፤ በእጥፍ እጥፍ የሚበልጣቸውና እስከ አፍንጫው ከታጠቀ ብርቱ የቁረይሽ ሰራዊት ተዋግተው፤አላህ ያልተገመተና ያልተጠበቀ ድል አጎናፅፎ ወደ መዲና ሲመልሳቸው; አነስ ኢብኑ ነድር በቀጥታ ወደ ረሱልﷺ በመምጣት በድር ላይ ያለመሳተፉ ቁጭት በመግለፅ በቀጣይ ዘመቻ ከተገኘ ግን ተኣምር እንደሚሰራ በአላህ ስም ቃል ገባላቸው።

  "يا رسول الله غبتُ عن أول قتال قاتلت المشركين، لئن الله أشهدني قتال المشركين ليرينَّ الله ما أصنع"
  "የአላህ መልእክተኛ ሆይ! ለመጀመሪያ ጊዜ ሙሽሪኮችን የተዋጉበት ዘመቻ አምልጦኛል፧ አላህ ከሙሽሪኮች በሌላ ዘመቻ ካገናኘኝ ምን እንደምሰራ አላህ ያያል" አላቸው።

  በዚህ መልኩ በቀጣይ የሚደረገው ሌላ ዘመቻ በጉጉት ሲጠባበቅ የቆየው አነስ ትልቁ የኡሑድ ዘመቻ ጦርነት ለመካፈል አላህ ወፈቀው። የኡሑድ ቀን ሙስሊሞች ላይ የደረሰውን ከደረሰ በኋላ ሸይጧን ያናፈሰው "ረሱልﷺ ሙተዋል" የሚለው የውሸት ዜና ሁሉም ጋ ተዳርሶ ነበር። ይህንን አስከፊ መርዶ የሰሙ የሙስሊም ወታደሮች የሚይዙት የሚጨብጡት አጥተው ተደነባብረዋል። በዚህ ጊዜ ነበር የዚህ የትልቅ ሰሓብይ ጀግንነት ጎልቶ የወጣው።

   ያልተጠበቀ የጠላት ምት ደርሶባቸው የነብያቸው መሞት የሰሙ ሙስሊሞች ግራ በተጋባና በተደናገጠ ስሜት ሆነው ከፊሉ ነፍሱን ለማትረፍ ሲያፈገፍግ ከፊሉ እዛው ጦርሜዳው መሃል ላይ ሆኖ ምን ማድረግ እንዳለበት ጠፍቶታል።

  ይህንን አሳዛኝ ክስተት የተመለከተው አነስ ኢብኑ ነድር ወደ ሰማይ ቀና አለና……

"اللهم إني أعتذر إليك مما صنع هؤلاء - يعني أصحابه - وأبرأ إليك مما صنع هؤلاء - يعني المشركين"
  ወደ ሙስሊሞች እያመላከተ "አላህ ሆይ! እነዚህ ከሰሩት ነገር ከአንተ ይቅርታ እጠይቃለሁ" ወደ ሙሽሪኮች እያመላከተ "አላህ ሆይ! እነዚህ ከሰሩት ነገር ወዳንተ እጠራለሁ"  እያለ
   ከማፈግፈግ ይልቅ ሰይፉን አንግቶ በጀግንነት መንፈስ ወደ ፊት እየተራመደ ወደ ጠላት ግንባር ገሰገሰ።

   በዚህ ጊዜ [በአላህ ፍቃድ ሌላ ጊዜ ታሪኩን በሰፊው የምንዳስስለት ትልቁ ሰሓብይ] ሳዕድ ኢብኑ ሙዐዝ ያገኘውና "አነስ ሆይ! ወዴት ነህ?" አለው:
አነስ "እናንተስ ወዴት እየተመለሳችሁ ነው?" አለው።
  "ነብዩﷺ እኮ ተገድለዋል" አሉት።
አነስ በወኔና በጀግንነት "እሳቸው ከተገደሉማ ለየትኛው ሕይወት ነው የምትኖሩት??!! ሂዱና ነብያችሁ በሞቱበት ነገር ላይ ሙቱ!!" አላቸው።

  "እኔ እንደሆነ ከኡሑድ ተራራ ስር የጀነት ሽታ እየሸተተኝ ነው: ዞር በሉልኝ።" አላቸውና ጉዞውን ቀጠለ።

  ወደ ጠላት ጦር ጥሶ በመግባት ይህንን እየገደለ: ያንን እየቆረጠ: ከዚህም ከዝያም ሲፋየት ቆየና በመጨረሻም ለጌታውን የገባው ቃል በጀግንነት ሞልቶ፤ ወደ ሸተተችው ጀነት ተሸጋገረ ተሰዋ!!


   ውጊያው አብቅቶ የሸሒዶች ጀናዛ ሲሰባሰብ የእሱ ጀናዛ ማን እንደሆነ እንኳ ለይቶ ማወቅ አልተቻለም። ሰማኒያ ምናምን ቦታው በሰይፍ፣ በጦርና በቀስት ተወግቶ ሙሉ ሰውነቱ ማንነቱ እስኪያጣ ድረስ ተጫወቱበት። በስተመጨረሻም እህቱ መጥታ ስታገለባብጠው የእጆቹ ጣቶች ላይ የነበረው ምልክት አይታ እሱ መሆኑን አረጋገጠች።

አነስ ኢብኑ ነድር…………
   "ከኡሑድ ተራራ ስር የጀነት ሽታ ይሸተኛል" ያለበትን ገለፃ ከፊል የሐዲስ ሹራሖች ሲያብራሩት; "አነስ ይህንን ያለው ለጀነት ያለው ጉጉት ለመግለፅ ፈልጎ ብቻ ሳይሆን: በእውነትም የጀነት ሽታ አግኝቶ ነው። ይህ አላህ ለእሱ ሊያደርግለት የከበደ ነገር አይደለም።" ብለው ለአነስ አላህ ያደረገለት ከራማ ነው ብለው ይጠቅሳሉ።


  አነስ ኢብኑ ነድር ኡሑድ ላይ ከተሰዋ በኋላ ሰሓቦች እቺ አንቀፅ የወረደችው አነስና መሰሎቹን አስመልክታ ነው ብለው ይናገሩ ነበር;
{مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا}
   {ከአማኞቹ ለአላህ በእርሱ ላይ ቃል ኪዳን የገቡበትን በእውነት የፈጸሙ ወንዶች አሉ፡፡ ከእነርሱም ስለቱን የፈጸመ (የተሰዋ) አለ፤ ከእነርሱም (ቃሉን ለመሙላት) የሚጠባበቅ አለ፡፡ (የገቡትን ቃል ኪዳን) መለወጥን አልለወጡም፡፡}
      [አል_አሕዛብ:²³]




https://t.me/hamdquante

🤲
ዱዐእ አል_ኢስቲኻራ‼️


   ይህ እጅግ በጣም ወሳኝ አስፈላጊና ብዥታ ለፈጠሩ ጉዳዮች ሁሉ ፍቱን መድሃኒት የሆነው የዒባዳ ዓይነት: ዛሬ ላይ አላህ ያዘነላቸው ጥቂቶች ካልሆኑ በስተቀር ሁሉም ሙስሊሞች ዘንድ የተተወ ብቻ ሳይሆን ጭራሽ የተረሳ ትልቅ ሱና ዒባዳ ነው።

የዒባዳው ትልቀትና አሳሳቢነት ለማወቅ ቀጣዩን ሐዲስ እንመልከት…………
 
ትልቁ ሰሓብይ ጃቢር ቢን ዐብዱላህ ከአላህ መልእክተኛﷺ እንዲህ ያስተላልፋል፦
📚 "كان يعلم أصحابه الاستخارة كما يعلمهم السورة من القرآن"
  "ለሰሓቦቻቸው ከቁርኣን አንዲት ምዕራፍ በሚያስተምሩት ልክ የኢስቲኻራ ዱዐ ያስተምሯቸው ነበር።"

  እንዲሁ እግረ መንገድ ወይም በሆነ አጋጣሚ ጠቅሰው ማለፍ ሳይሆን: ለቁርኣንን ትኩረት ሰጥተው በሚያስተምሩት ልክ የኢስቲኻራ ዱዐ ያስተምሯቸው ነበር።


🚫ምክንያቱም፦
  ሁሉም የሰው ልጆች ዐቅላቸው ቲንሽና ዕውቃተቸው ጠባብ ነው፤ ሁሉም ጉዳዮቻቸው ላይ የሚበጃቸውና የማይሆናቸው በትክክል ለይተው የመወሰን ዐቅም የላቸውም። ስለሆነም፧ ግልፅ የሆኑ ጉዳዮቻቸው ላይ በራሳቸው ሲወስኑ… ነገሩን ያጠራጠራቸውና የተምታታባቸው ጉዳይ ሲሆን በዚህ ዱዐ መሠረት ወደ ጌታቸው በማስጠጋት አላህ የተሻለውን እንዲመርጥላቸው ያደርጋሉ።

ዱዐኡል ኢስቲኻራ ማለት፦
   አላህ በግልፅ ሸሪዐ ደንግጎ ከወሰናቸው ጉዳዮች ውጪ: አንድ ሰው በዱንያ ሕይወቱ ላይ በሚገጥመው የሕይወት ጉዞ ሁለት ዓይነት ጉዳዮች ገጥመውት የቱን ይዞ የቱን መተው እንዳለበት ግራ ሲገባው ወይም የትኛውን መምረጥ እንዳለበት ግራ ሲገባውና መወሰን ሲያቅተው;
   በዚህ ዱዐ መሠረት ጉዳዩን ወደ ጌታው አስጠግቶ አላህን የሚያስመርጥበት የዒባዳ ዓይነት ነው።

ለምሳሌ፦
  ትዳር ለመያዝ ብሎ ሁለት ወይም ከዝያ በላይ አማራጮች ቢምታቱበት፣ የሆነ ሳንቲም ኖሮት ቤት ከመስራትና ስራ ከመጀመር የቱ ማድረግ እንዳለበት ቢምታታበት፣ ስደት ከመሄድና በሀገሩ ለፍቶ ከመስራት ቢምታታበት፣ እና በመሳሰሉት።


የዱዐው አደራረግ…………
  ለየትኛውም ሰላት በሚደረገው መልኩ የተሟላ ውዱእ ይደረግና ከፈርድ ሰላት ውጪ ለዚሁ ዱዐ ተነይቶ ሁለት ረከዐ ሰላት ይሰገዳል።
   ይህ ሰላት በቀንም ይሁን በምሽት በየትኛውም ጊዜ መስገድ ይቻላል: ሰላት መስገድ የተጠላባቸው ሦሥቱ ወቅቶች (ልክ ፀሀይ ስትወጣ፣ ፀሀይ ከአናት ትይዩ ስትሆንና ልክ ፀሀይ ስትገባ) ከእነዚህ ወቅቶች ውጪ በየትኛው ሰዓት ይሰገዳል።
   ሁለት ረከዐ ሰላት ተሰግዶ ከተሰላመተ በኋላ ከረሱልﷺ የተገኘው የኢስቲኻራ ዱዐ ይደረጋል። ከፊሎች ከማሰላመቱ በፊት ማድረግ ይችላል ቢሉም የተሻለው ግን ሰላቱን ካሰላመተ በኋላ ነው።


ከረሱልﷺ የተገኘው የኢስቲኻራ ዱዐ……………
🤲«اللَّهُمَّ إِنِّي أَسْتَخِيرُكَ بِعِلْمِكَ، وَأَسْتَقْدِرُكَ بِقُدْرَتِكَ، وَأَسْأَلُكَ مِنْ فَضْلِكَ الْعَظِيمِ، فَإِنَّكَ تَقْدِرُ وَلَا أَقْدِرُ، وَتَعْلَمُ وَلَا أَعْلَمُ، وَأَنْتَ عَلَّامُ الْغُيُوبِ.
[እዚህጋ ጉዳዩን (ይህ ትዳር፣ ይህ ስራ፣ ይህ ጉዞ፣፣) እያለ ቀጥታ ይጠቅሰዋል]
اللَّهُمَّ إِنْ كُنْتَ تَعْلَمُ أَنَّ هَذَا الْأَمْرَ خَيْرٌ لِي فِي دِينِي وَمَعَاشِي وَعَاقِبَةِ أَمْرِي، فَاقْدُرْهُ لِي وَيَسِّرْهُ لِي، ثُمَّ بَارِكْ لِي فِيهِ.
وَإِنْ كُنْتَ تَعْلَمُ أَنَّ هَذَا الْأَمْرَ شَرٌّ لِي فِي دِينِي وَمَعَاشِي وَعَاقِبَةِ أَمْرِي، فَاصْرِفْهُ عَنِّي وَاصْرِفْنِي عَنْهُ، وَاقْدُرْ لِيَ الْخَيْرَ حَيْثُ كَانَ، ثُمَّ أَرْضِنِي بِهِ»

ትርጉሙ…………
🤲«አላህ ሆይ! በእውቀትህ አማካኝነት ከአንተ መሪነትን እፈልጋለሁ፤ በኃይልህም አማካኝነት ብርታትን እሻለሁ፤ ከታላቅ ችሮታህም እጠይቅሃለሁ። አንተ ኃይል አለህ: እኔ ግን የለኝም፤ አንተ ዕውቀት አለህ፣ እኔ ግን የለኝም። አንተ የሩቅ ምስጢራትን ዐዋቂ ነህ።
[እዚህጋ ጉዳዩን (ይህ ትዳር፣ ይህ ስራ፣ ይህ ጉዞ፣፣) እያለ ቀጥታ ይጠቅሰዋል]
   አላህ ሆይ! ይህ ጉዳይ ለእኔ በሐይማኖቴ፣ በኑሮዬ እና በነገሬ ሁሉ ውጤቱ መልካም እንደሆነ የምታውቅ ከሆነ: ለእኔ አስወስነው፤ አቅልልኝ። እንዲሁም በውስጡ በረከትን አድርግልኝ።
   ይህ ጉዳይ ለእኔ በሐይማኖቴ፣ በኑሮዬ እና በነገሬ ሁሉ ውጤቱ መጥፎ እንደሆነ የምታውቅ ከሆነ: ከእኔ አርቀው፤ እኔንም ከእሱ አርቀኝ።
  ከዚያም መልካም የሆነውን ነገር የትም ይሁን የት ለእኔ አስወስንልኝ፤ በመጨረሻም በእሱ እንድረካ አድርገኝ።»
         ተጠናቀቀ!!


💥ልብ መባል ያለባቸው ነጥቦች…………

🥇ኛ, ኢስቲኻራ የሚደረግበት ጉዳይ ዋጅብም ያልሆነ ሐራምም ያልሆነ ሙባሕ የተፈቀደ ነገር መሆን አለበት። ዒባዳ ልስራ ወይስ አልስራ ተብሎ ወይም ወንጀል ልስራ ወይስ አልስራ ተብሎ የሚደረግ ኢስቲኻራ የለም።

🥈ኛ, ኢስቲኻራ የሚደረገው ጉዳዩን ለአላህ ሰጥቶ የተቻለን ሰበብ ከመያዝ ጋ አላህ የተሻለው እንዲመርጥ ለማድረግ ነው እንጂ; ስውር የሆነ ሚስጥር (የሩቅ ነገር ለማወቅ) የሚደረግ ጥረት አይደለም።

🥉ኛ, ይህ ወሳኙና አሳሳቢው ነው፦
   አንድ ሰው ኢስቲኻራ ካደረገ በኋላ አላህ የመረጠለት የቱን እንደሆነ ለማወቅ ህልም ማየት አይጠበቅበትም፤ ወይም በመንገዱ ያንን ነገር የሚጠቁም ምልክት ማየት አይጠበቅበትም፤ ወይም የሆነ እንደ ወሕይ ወርዶ ሹክ የሚለው ነገርም አይጠባበቅም።
   ኢስቲኻራውን ካደረገ በኋላ ሙሉ ተወኩሉ በአላህ ላይ ያደርግና የተቻለውን ሁሉ ሰበብ በማድረስ አላህ ያገራለት የሆነውን ጉዳይ ላይ ይወስናል። ኢንሻ አላህ የወሰነው በተሻለው ጉዳይ ላይ ይሆንለታል!!


📍ያስተውሉ…………
ما خابَ منِ استخارَ ، و لا ندمَ منِ استشارَ
አላህን ያስመረጠ አይከስርም: ሰዎችን ያማከረ አይፀፀትም!!





https://t.me/hamdquante

🚫
ተጠንቀቅ‼️

  አላህ ከወፈቀህ መድረክ ላይ ከሰዎች ፊት ቆመህ ካልሆነም በሌላ በየትኛውም መንገድ ዕውቀትህና ዐቅምህን ተጠቅመህ ወደ አላህ መንገድ ትጣራ ይሆናል።

   ግዴታህን ለመወጣትና ወደ ጌታህ ለመቅረብ ነይተህ በምታደርገው ዳዕዋ ብዙ ሰዎች ምን አልባትም አንድም ሰው ላይቀበልህ ይችላል። የሚጠበቅብህን ካደረግክ ይህ አያስወቅስህም፤ ከአንተ የተሻሉ ነብያቶች ከአንተ የበለጠ ትግል አድርገው እንኳ ቲንሽ ሰው እንጂ ያልተቀበላቸው አሉ፤ አንድም ሰው ያልተቀበላቸውም አሉ።

ይህ ኪሳራ አይባልም።

ትልቁ ኪሳራ እና ውርደት ማለት……………
    ወደ አላህ የመጣራት መድረክ ላይ ቆመህ በአንተ ብልሹ ስነምግባር መሠረት ወይም በአንተ ስግብግብነት ምክንያት ወደ ዲን ተጠግተው የነበሩ ሰዎች የምታሸሽ ከሆነ ነው።

🚫ተጠንቀቅ‼️




https://t.me/hamdquante

✍
ምንም ነገር ላይ ከዚህ………… እስከዚህ የሚል ገደብ ልታደርግ ትችላለህ: 🤲ዱዐ ላይ ግን በጭራሽ❌


  ነብዩ ኢብራሂም ዓለይሂ ሰላት ወሰላም: ኢስማዒልና ሀጀርን: ምንም ዓይነት ዛፍ ቅጠል በሌለበት ምድረ_በዳ በረሀ ላይ ካስቀመጣቸው በኋላ ያደረገውን 🤲ዱዐ ተመልከት;

  {… وَارْزُقْهُم مِّنَ الثَّمَرَاتِ…}
  {…ከፍራፍሬዎችም መግባቸው።}

   አላህ የወዳጁን ዱዐ ተቀብሎ በአለትና በተራራ በተከበበችው መካ፧ በየትኛውም አምራች ሀገር የማይገኙ የፍራፍሬ ዓይነቶች እስከዛሬ ድረስ ተሰባስበው ይገኛሉ።


   "እንዴት አርጎ?? በምን መልኩ??" የሚለው ሳያስጨንቅህ: አላህ ሁሉንም ነገር ማድረግ እንደሚችልና ዱዐህን እንደሚቀበልህ አርግጠኛ ሆነህ ጠይቀው። ከእሱ የሚጠበቀው  {ሁን} ማለቱ ብቻ ነው።





https://t.me/hamdquante

   💥የጥቅምት ተዘግቶ💥
     🔄 የታኅሳስ ተከፍቷል!!🔄
 
       🔝🔝🔝🔝🔝

   ለ🥰🥰ኛ ጊዜ በልዩ ሁኔታ ተዘጋጅቶ ምዝገባ ሲደረግ የቆየው የጥቅምት ወር የዑምራ ፓኬጅ ምዝገባው ተጠናቆ።

ለ 🥰🥰ተኛው ዙር የተዘጋጀው ልዩ የዑምራ ፓኬጅ የምዝገባ ደብተሩ ተከፍቷል!!

   የጥቅምት 🥰🥰 ተጓዦቻችን ሁሉም ዓመታዊ ቪዛቸውና የደርሶ መልስ ትኬታቸውን ተቀብለው የበረራ ቀናቸው በመጠባበቅ ላይ ይገኛሉ።


እናንተም…………
    በዚህኛው አስባችሁ ላልተሳካላችሁም ይሁን ለቀጣይ ለነየታችሁ በአጠቃላይ
   ከታኅሳስ🥰እስከ 🥰🥰 

December 1️⃣0️⃣to 2️⃣0️⃣

በሚቆየው ልዩ የዑምራ ፓኬጅ መሳትፍ እንድትችሉ ከአሁኑ መመዝገብ ትችላላችሁ።

ለሁለቱም ሐረሞች ቅርብ የሆኑ ምቹና ዘመናዊ ሆቴሎች በማዘጋጀት በቤተሰባዊ እንክብካቤ ልንኻድማችሁ ተዘጋጅተናል።


የሁል ጊዜ ምርጡና ተመራጭ ትራቭል
=>የለምለም የጉዞ ወኪል!!

🎁ፓኬጁ የሚያካትተው……
⬇️⬇️⬇️⬇️⬇️

💳ዓመታዊ የዑምራ ቪዛ፤
✈ደርሶ መልስ የአየር ትኬት፤
🎓በሁለቱም ሐረሞች የሆቴል ክፍያ፤
🎓ዘመናዊ የባስ ትራንስፖርት፤
🎓በሁለቱም ሐረሞች የተለያዩ ቦታዎች ዝያራ፤



💯የለምለም ትራቭል የጉዞዎ ታማኝ አጋር

➡️ 0911674580
➡️ 0922448888
➡️ 0911904297

📍አድራሻ ቤተል ሚና ሞል 2ኛ ፎቅ ላይ እንገኛለን

🌟 https://t.me/Yelemlem_travel